„ქალაქ რუსთავის მუნიციპალიტეტის ბიუჯეტით გათვალისწინებული სოციალური უზრუნველყოფის ქვეპროგრამების განხორციელების წესების დამტკიცების შესახებ“ ქალაქ რუსთავის მუნიციპალიტეტის საკრებულოს 2018 წლის 24 დეკემბრის N85 დადგენილებაში ცვლილების შეტანის თაობაზე

1.1 პირველი მუხლის „ა“ პუნქტით დამტკიცებულ „მინიმალური სასურსათო კვების დაფინანსება“ (პროგრამული კოდი 06 02 01) ქვეპროგრამის განხორციელების წესის მე-5 მუხლს დაემატოს შემდეგი რედაქციის მე-6 პუნქტი:

„6. ქვეპროგრამის მე-4 მუხლის მე-2 პუნქტით განსაზღვრული სათათბირო საკონსულტაციო ჯგუფი უფლებამოსილია შეამოწმოს ქვეპროგრამის ფარგლებში მიწოდებული მომსახურების ხარისხი და შესაბამისი დასკვნა/ინფორმაცია მიაწოდოს ქვეპროგრამის განმახორციელებელს.“

1.2 პირველი მუხლის „გ“ ქვეპუნქტით  დამტკიცებულ „შეღავათი სასმელი წყლის გადასახადზე“ (პროგრამული კოდი 06 02 03) ქვეპროგრამის განხორციელების წესის“ მე-3 მუხლის მე-3 პუნქტი ჩამოყალიბდეს შემდეგი რედაქციით:

„3. სასმელი წყლის მიმწოდებელ კომპანიასთან ანგარიშსწორება ხორციელდება:

ა) გაუმრიცხველიანებელი აბონენტებისთვის – საქართველოს ენერგეტიკისა და წყალმომარაგების მარეგულირებელი ეროვნული კომისიის შესაბამისი სამართლებრივი აქტით განსაზღვრული სასმელი წყლის ზღვრული ტარიფის საფუძველზე, სასმელი წყლის მიმწოდებელი კომპანიის მიერ მოწოდებული ტარიფის შესაბამისად სულზე არაუმეტეს სასმელი წყლის მიმწოდებელი კომპანიის მიერ მოწოდებული ტარიფებისა.

ბ) გამრიცხველიანებული აბონენტებისთვის სულზე არაუმეტეს 3.75 (სამი ლარი და სამოცდათხუთმეტი თეთრი) ლარის ოდენობით.“