“საქართველოს შრომის, ჯანმრთელობისა და სოციალური დაცვის სამინისტროს ცენტრალური აპარატის საჯარო მოხელეთა საკვალიფიკაციო მოთხოვნების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2001 წლის 14 მაისის №195/ნ ბრძანებაში დამატების შეტანის თაობაზე”
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
დოკუმენტის ტექსტი
სახელმწიფო სარეგისტრაციო კოდი 470.230.000.11.119.004.830
საქართველოს შრომის, ჯანმრთელობისა და სოციალური დაცვის მინისტრის
ბრძანება №237/ნ
2001 წლის 22 ივნისი
ქ. თბილისი
“საქართველოს შრომის, ჯანმრთელობისა და სოციალური დაცვის სამინისტროს ცენტრალური აპარატის საჯარო მოხელეთა საკვალიფიკაციო მოთხოვნების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2001 წლის 14 მაისის №195/ნ ბრძანებაში დამატების შეტანის თაობაზე
,,საჯარო სამსახურის შესახებ”საქართველოს 1997 წლის 31 ოქტომბრის კანონის მე-19 და 81-ე მუხლების შესაბამისად, საქართველოს ,,2001 წლის სახელმწიფო ბიუჯეტის შესახებ” საქართველოს კანონის შესაბამისად, საქართველოს შრომის, ჯანმრთელობისა და სოციალური დაცვის სამინისტროს ცენტრალური აპარატის სტრუქტურულ რეორგანიზაციასთან დაკავშირებით, რომელსაც თან სდევს შტატების შემცირება საქართველოს შრომის, ჯანმრთელობისა და სოციალური დაცვის სამინისტროს ცენტრალური აპარატის მოხელეთა ატესტაციის მაღალკვალიფიციურად ჩატარების მიზნით,ვბრძანებ:
1. “საქართველოს შრომის, ჯანმრთელობისა და სოციალური დაცვის სამინისტროს ცენტრალური აპარატის საჯარო მოხელეთა საკვალიფიკაციო მოთხოვნების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2001 წლის 14 მაისის №195/ნ ბრძანებით დამტკიცებულ საქართველოს შრომის, ჯანმრთელობისა და სოციალური დაცვის სამინისტროს ცენტრალური აპარატის საჯარო მოხელეთა საკვალიფიკაციო მოთხოვნების ჩამონათვალს დაემატოს შემდეგი შინაარსის ნაწილი:
“სოციალური უზრუნველყოფის ორგანიზაციის დეპარტამენტი
სოციალური უზრუნველყოფის ორგანიზაციის დეპარტამენტის უფროსი და მოადგილე –უმაღლესი ეკონომიკური განათლება, საქართველოს კონსტიტუციის, “სამხედრო და შინაგან საქმეთა ორგანოების სამსახურებიდან თადარიგში დათხოვნილ პირთა და მათი ოჯახის წევრთა საპენსიო უზრუნველყოფის შესახებ” საქართველოს კანონისა და ყველა იმ შესაბამისი კანონმდებლობის კვალიფიციურ დონეზე ცოდნა. კომპიუტერთან მუშაობის ცოდნა (სამომხმარებლო დონეზე).
სოციალური უზრუნველყოფის ორგანიზაციის დეპარტამენტის სპეციალისტი (მთავარი, წამყვანი, სპეციალისტი) – უმაღლესი განათლება, საქართველოს კონსტიტუციის და იმ კანონმდებლობის ცოდნა, რომელიც საჭიროა მისი სამსახურებრივი მოვალეობის შესასრულებლად”.
2. ეს ბრძანება ამოქმედდეს გამოქვეყნებისთანავე.
ა. ჯორბენაძე