„საჯარო სამართლის იურიდიული პირის – თავდაცვის ინსტიტუციური აღმშენებლობის სკოლის წესდების დამტკიცების შესახებ“ საქართველოს თავდაცვის მინისტრის 2016 წლის 28 ივნისის №42 ბრძანებაში ცვლილების შეტანის თაობაზე

საქართველოს თავდაცვის მინისტრის

2021 წლის 30 ნოემბერი

ქ. თბილისი

1. მე-3 მუხლს დაემატოს შემდეგი შინაარსის:

ა) ,,ა¹“ ქვეპუნქტი:

„ა¹) ეროვნული დონის სასწავლო-საგანმანათლებლო პროგრამების  განხორციელება/მხარდაჭერა;“;

ბ) ,,ბ¹“ ქვეპუნქტი:

„ბ¹) თავდაცვისა და უსაფრთხოების სტრატეგიულ საკითხებთან დაკავშირებული ანალიტიკური საქმიანობის განხორციელება/მხარდაჭერა;“.

2. მე-4 მუხლის მე-2 პუნქტი ჩამოყალიბდეს შემდეგი რედაქციით:

„2. დირექტორს ჰყავს მოადგილეები, რომელთა რაოდენობა განისაზღვრება საშტატო ნუსხით. დირექტორის დროებით არყოფნის შემთხვევაში, მის უფლება-მოვალეობას ახორციელებს მინისტრის ინდივიდუალური ადმინისტრაციულ-სამართლებრივი აქტის საფუძველზე განსაზღვრული დირექტორის ერთ-ერთი მოადგილე.“.

3. მე-4 მუხლს დაემატოს შემდეგი შინაარსის მე-3 პუნქტი:

„3. დირექტორის ერთ-ერთი მოადგილე არის სამხედრო მოსამსახურე, რომელიც ამავდროულად არის თავდაცვისა და უსაფრთხოების სასწავლო-ანალიტიკური ცენტრის უფროსი.“.

4. მე-5 მუხლის პირველი პუნქტის ,,ვ“ ქვეპუნქტი ჩამოყალიბდეს შემდეგი რედაქციით:

„ვ) იღებს გადაწყვეტილებას თანამშრომელთა მიმართ წახალისებისა და დისციპლინური პასუხისმგებლობის ზომების გამოყენების შესახებ, ხოლო სამხედრო მოსამსახურეს დადგენილი წესით წარადგენს წახალისებისა და დისციპლინური პასუხისმგებლობის ზომების გამოყენების მიზნით;“.

5. მე-6 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სკოლის სტრუქტურული ერთეულებია:

ა) პროფესიული და ინსტიტუციური განვითარების დეპარტამენტი;

ბ) ადმინისტრაციული დეპარტამენტი;

გ) ხარისხის უზრუნველყოფის სამსახური;

დ) თავდაცვისა და უსაფრთხოების სასწავლო-ანალიტიკური ცენტრი.“;

ბ) მე-6 პუნქტი ჩამოყალიბდეს შემდეგი რედაქციით:

„6. ადმინისტრაციული დეპარტამენტი ახორციელებს:

ა) სკოლის საფინანსო-ეკონომიკური, სამეურნეო და ბუღალტრული საქმიანობის წარმართვას;

ბ) სკოლის საბიუჯეტო სახსრებისა და საკუთარი შემოსავლების დაგეგმვას;

გ) კანონმდებლობით გათვალისწინებული ფინანსური ანგარიშგების უზრუნველყოფას;

დ) კანონმდებლობით დადგენილი წესით, სახელმწიფო შესყიდვების დაგეგმვას და განხორციელებას;

ე) კანონმდებლობით დადგენილი წესით, ბალანსზე რიცხული ძირითადი საშუალებებისა და სხვა ქონების აღრიცხვას და ინვენტარიზაციას;

ვ) სკოლის სტრუქტურების მატერიალურ-ტექნიკურ უზრუნველყოფას;

ზ) კომპიუტერული ქსელის სისტემების მართვის უზრუნველყოფას;

თ) სკოლის საქმიანობის სამართლებრივ უზრუნველყოფას;

ი) საჯარო ინფორმაციის ხელმისაწვდომობის უზრუნველყოფას;

კ) ადამიანური რესურსების მართვასა და ადმინისტრირებას;

ლ) სკოლის ორგანიზაციული განვითარების მხარდაჭერას.“.

6. მე-6 მუხლს დაემატოს შემდეგი შინაარსის მე-8, მე-9, მე-10 და მე-11 პუნქტები:

„8. თავდაცვისა და უსაფრთხოების სასწავლო-ანალიტიკური ცენტრი შედგება შემდეგი ერთეულებისგან:

ა) ეროვნული და რეგიონალური უსაფრთხოების მიმართულება;

ბ) სტრატეგიული ლიდერობისა და თავდაცვის დაგეგმვის მიმართულება;

გ) თეატრის სტრატეგიისა და კამპანიის დაგეგმვის მიმართულება.

9. ეროვნული და რეგიონალური უსაფრთხოების მიმართულება ახორციელებს:

ა) სტრატეგიული/უმაღლესი დონის სასწავლო-საგანმანათლებლო პროგრამებში ეროვნული, რეგიონალური და საერთაშორისო უსაფრთხოების საკითხების თაობაზე სასწავლო-საგანმანათლებლო კურსების/მოდულების მომზადებას და მათი აღსრულების მხარდაჭერას;

ბ) თემატურ საკითხებში სასწავლო-საგანმანათლებლო პროგრამის კურიკულუმებისა და სილაბუსების შედგენის, განახლების, დახვეწისა და მონიტორინგის უზრუნველყოფას;

გ) სკოლის სხვა საგანმანათლებლო და სასწავლო პროგრამების, სიმულაციური სცენარების და სხვა სწავლების მეთოდების  განხორციელებაში მხარდაჭერას;

დ) ანალიტიკურ-კვლევით პროექტებში მონაწილეობას;

ე) გამოცდილების გაზიარების მიზნით ქვეყნის უსაფრთხოების სექტორის ინსტიტუტებთან და ნატოსა და პარტნიორი ქვეყნების სასწავლო დაწესებულებებთან თანამშრომლობას;

ვ) კომპეტენციის ფარგლებში კანონმდებლობით, ამ წესდებითა და სკოლის სამართლებრივი აქტებით განსაზღვრული სხვა ფუნქციების შესრულებას.

10. სტრატეგიული ლიდერობისა და თავდაცვის დაგეგმვის მიმართულება ახორციელებს:

ა) სტრატეგიული/უმაღლესი დონის სასწავლო-საგანმანათლებლო პროგრამებში სტრატეგიული ლიდერობისა და თავდაცვის დაგეგმვის საკითხების თაობაზე სასწავლო კურსების/მოდულების მომზადებას და მათი აღსრულების მხარდაჭერას;

ბ) თემატურ საკითხებში სასწავლო-საგანმანათლებლო პროგრამის კურიკულუმებისა და სილაბუსების შედგენის, განახლების, დახვეწისა და მონიტორინგის უზრუნველყოფას;

გ) სკოლის სხვა საგანმანათლებლო და სასწავლო პროგრამების, სიმულაციური სცენარებისა და სხვა სწავლების მეთოდების  განხორციელებაში მხარდაჭერას;

დ) ანალიტიკურ-კვლევით პროექტებში მონაწილეობას;

ე) გამოცდილების გაზიარების მიზნით, ქვეყნის უსაფრთხოების სექტორის ინსტიტუტებთან და ნატოსა და პარტნიორი ქვეყნების სასწავლო დაწესებულებებთან თანამშრომლობას;

ვ) კომპეტენციის ფარგლებში კანონმდებლობით, ამ წესდებითა და სკოლის სამართლებრივი აქტებით განსაზღვრული სხვა ფუნქციების შესრულებას.

11. თეატრის სტრატეგიისა და კამპანიის დაგეგმვის მიმართულება ახორციელებს:

ა) სტრატეგიული/უმაღლესი დონის სასწავლო-საგანმანათლებლო პროგრამებში თეატრის სტრატეგიების, კამპანიების და სამხედრო მოქმედებათა საკითხების თაობაზე სასწავლო კურსების/მოდულების მომზადებას და მათი აღსრულების მხარდაჭერას;

ბ) თემატურ საკითხებში სასწავლო-საგანმანათლებლო პროგრამის კურიკულუმებისა და სილაბუსების შედგენის, განახლების, დახვეწისა და მონიტორინგის უზრუნველყოფას;

გ) სკოლის სხვა საგანმანათლებლო და სასწავლო პროგრამების, სიმულაციური სცენარების და სხვა სწავლების მეთოდების  განხორციელებაში მხარდაჭერას;

დ) ანალიტიკურ-კვლევით პროექტებში მონაწილეობას;

ე) გამოცდილების გაზიარების მიზნით ქვეყნის უსაფრთხოების სექტორის ინსტიტუტებთან და ნატოსა და პარტნიორი ქვეყნების სასწავლო დაწესებულებებთან თანამშრომლობას;

ვ) კომპეტენციის ფარგლებში კანონმდებლობით, ამ წესდებითა და სკოლის სამართლებრივი აქტებით განსაზღვრული სხვა ფუნქციების შესრულებას.“.

7. მე-7 მუხლის მე-2 პუნქტი ჩამოყალიბდეს შემდეგი რედაქციით:

,,2. სკოლის თანამშრომელთა შრომის ანაზღაურება შეიძლება მოიცავდეს:

ა) თანამდებობრივ სარგოს;

ბ) წოდებრივ სარგოს;

გ) ფულად ჯილდოს;

დ) კანონმდებლობით გათვალისწინებულ დანამატებს და კომპენსაციებს.“.

8. მე-7 მუხლს დაემატოს შემდეგი შინაარსის მე-3 და მე-4 პუნქტები:

„3. დირექტორის მოადგილეს – თავდაცვისა და უსაფრთხოების სასწავლო-ანალიტიკური ცენტრის  უფროსს, დირექტორის წარდგინებით, თანამდებობაზე ნიშნავს და ათავისუფლებს მინისტრი.

4. სკოლაში დასაქმებული სამხედრო მოსამსახურის სამსახურებრივი ურთიერთობები განისაზღვრება შესაბამისი კანონმდებლობით.“.

ეს ბრძანება ამოქმედდეს 2021 წლის 23 დეკემბრიდან.