„ბინათმესაკუთრეთა ამხანაგობების განვითარების ხელშემწყობი პროგრამების განსახორციელებლად თანხების განკარგვის, თანადაფინანსებისა და ბინათმესაკუთრეთა ამხანაგობების აღრიცხვის წესისა და ბინათმესაკუთრეთა ამხანაგობების განვითარების ხელშემწყობი პროგრამებით განსაზღვრული ღონისძიებების დამტკიცების შესახებ“ ქალაქ ქუთაისის მუნიციპალიტეტის საკრებულოს 2018 წლის 28 თებერვლის №41 დადგენილებაში ცვლილების შეტანის თაობაზე

№

ღონისძიების დასახელება

ბინათმესაკუთრეთა ამხანაგობის მიერ წარმოსადგენი დოკუმენტაცია/ სახარჯთაღრიცხვო ღირებულების პროცენტული წილი

1.

მრავალბინიანი საცხოვრებელი სახლების მცხოვრებთათვის სხვადასხვა სახეობის მასალის შეძენა-გადაცემა

ბინათმესაკუთრეთა ამხანაგობა ვალდებულია წარმოადგინოს სრულყოფილი საპროექტო – სახარჯთაღრიცხვო დოკუმენტაცია, ხარჯთაღრიცხვით განსაზღვრული ღირებულების პროცენტული ოდენობის დამადასტურებელი საბანკო გარანტიის დედანი: 1-დან 6 სართულის ჩათვლით – 30%, 6 სართულზე ზევით – 50%. საგარანტიო თანხა ბინათმესაკუთრეთა ამხანაგობას უბრუნდება მასალის სრულად და მიზნობრივად გამოყენების ამსახველი დოკუმენტის (ამხანაგობასა და ადმინისტრაციულ ერთეულს შორის გაფორმებული ოქმი) წარმოდგენიდან 7 სამუშაო დღეში.

გადასახური მასალის ღირებულების 100%-იან დაფინანსებას უზრუნველყოფს ქალაქ ქუთაისის მუნიციპალიტეტის მერია.

2.

მრავალბინიანი საცხოვრებელი სახლების მცხოვრებთათვის დაზიანებული სახურავის (ბრტყელი, ქანობიანი) კაპიტალურად შეკეთებისთვის ჩასატარებელი სამუშაოები, რომელიც გულისხმობს ბრტყელი გადახურვის შემთხვევაში, დაზიანებული სახურავის დემონტაჟს, ცემენტის რთული ხსნარით მოსწორებას (მოჭიმვას), ორი ფენა ჰიდროსაიზოლაციო მასალით სახურავის მოწყობას (სახურავის რეაბილიტაციის სამუშაოები არ განხორციელდება ვიდრე ის არ გათავისუფლდება წყლის ავზებიდან და სხვა მოწყობილობებიდან). ქანობიანი სახურავის შემთხვევაში, გადაუდებელი აუცილებლობით გამოწვეული ხის მასალის შეცვლა (სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“, ან სხვა აკრედიტირებული პირის მიერ გაცემული დასკვნის გათვალიწინებით), გადახურვის დემონტაჟი, ახლით მონტაჟი მოთუთიებული თუნუქის საფარით, საჭიროების შემთხვევაში, სავენტილაციო და საბუხრე არხების აგურის წყობის აღდგენა და შემოსვა ფურცლოვანი თუნუქით (ბინათმესაკუთრეთა ამხანაგობას უკანასკნელი 3 წლის განმავლობაში არ უნდა ჰქონდეს ნასარგებლები აღნიშნული პროგრამის ფარგლებში გადასახური მასალით)

სრულყოფილი საპროექტო – სახარჯთაღრიცხვო დოკუმენტაციის დამზადებას უზრუნველყოფს ქალაქ ქუთაისის მუნიციპალიტეტის მერია საკუთარი ხარჯებით.

1-დან 5 სართულის ჩათვლით თანადაფინანსება: 90%/10% (90% – ქალაქ ქუთაისის მუნიციპალიტეტის მერია, 10% – ბინათმესაკუთრეთა ამხანაგობა)

5 სართულზე ზევით თანადაფინანსება: 85%/15% (85% – ქალაქ ქუთაისის მუნიციპალიტეტის მერია, 15% – ბინათმესაკუთრეთა ამხანაგობა)

3.

მრავალბინიანი საცხოვრებელი სახლების სადარბაზოების რეაბილიტაცია, რომელიც გულისხმობს: სადარბაზოების შესასვლელებში რკინის, საკეტიანი კარებების მონტაჟს; სადარბაზოში, სადაც ტექნიკურად შესაძლებელია ლიფტამდე მისასვლელი, პანდუსის მოწყობას შეზღუდული შესაძლებლობების მქონე პირთათვის; სადარბაზოს კარებამდე მისასვლელი კიბეებისა და ამორტიზებული ხის კიბეების კონსტრუქციის სრულ, ან ნაწილობრივი რეაბილიტაციას; შესასვლელის გადახურვის კონსტრუქციისა და ბაქანის რეაბილიტაციას; მეტალოპლასტმასის ფანჯრების ჩასმას და სადარბაზოებში არსებული წყალსაწრეტი მილების რეაბილიტაციას

სრულყოფილი საპროექტო – სახარჯთაღრიცხვო დოკუმენტაციის დამზადებას უზრუნველყოფს ქალაქ ქუთაისის მუნიციპალიტეტის მერია საკუთარი ხარჯებით.

თანადაფინანსება: 95%/5% (95% – ქალაქ ქუთაისის მუნიციპალიტეტის მერია, 5% – ბინათმესაკუთრეთა ამხანაგობა)

4.

მრავალბინიანი საცხოვრებელი სახლების სადარბაზოების შიდა რეაბილიტაცია, რომელიც გულისხმობს: სადარბაზოს დაზიანებული კედლებისა და ჭერის შელესვა-შეღებვას; დაზინებული კიბის საფეხურების აღდგენას; მოაჯირების გამაგრება-შეღებვას; კიბის ბაქნების მოჭიქული ფილებით მოპირკეთებას; სადარბაზოს შიდა სენსორული განათების მოწყობას (ინდივიდუალურად, პირად დენის მრიცხველზე დაერთებით); სხვენში ასასვლელი ლუქის, სახურავზე გასასვლელი და სარდაფში ჩასასვლელი კარების შეკეთება-აღდგენას (აუცილებლობის შემთხვევაში ახლის მოწყობას); სადარბაზოს შესასვლელი რკინის კარების მონტაჟს (საკეტით და შვეიცარით); მეტალოპლასტმასის ფანჯრებისა და ვიტრაჟების მოწყობას; სადარბაზოს შიგა წყალსაწრეტი მილების რეაბილიტაციას (ან გარეთ გატანას); სადარბაზოში გამავალი სხვადასხვა საკომუნიკაციო სადენების (ტელეფონი, ტელევიზია, ინტერნეტი და ა.შ.) კანალარხებში მოთავსებას; სადარბაზოს კარებამდე მისასვლელი კიბეებისა და შესასვლელის გადახურვის კონსტრუქციისა და ბაქნის რეაბილიტაციას; სადარბაზოში, სადაც ტექნიკურად შესაძლებელია, ლიფტამდე მისასვლელი პანდუსის მოწყობას შეზღუდული შესაძლებლობების მქონე პირთათვის; სადარბაზოს კეთილმოწყობის სამუშაოები განხორციელდება მხოლოდ იმ ბინათმესაკუთრეთა ამხანაგობებისათვის, რომლებსაც მოწესრიგებული აქვთ საცხოვრებელი სახლის სახურავი

სრულყოფილი საპროექტო-სახარჯთაღრიცხვო დოკუმენტაციის დამზადებას უზრუნველყოფს ქალაქ ქუთაისის მუნიციპალიტეტის მერია საკუთარი ხარჯებით.

თანადაფინანსება: 85%/15% (85% – ქალაქ ქუთაისის მუნიციპალიტეტის მერია, 15% – ბინათმესაკუთრეთა ამხანაგობა)

5.

მრავალბინიანი საცხოვრებელი სახლების ლიფტების რეაბილიტაცია

ბინათმესაკუთრეთა ამხანაგობა ვალდებულია წარმოადგინოს სრულყოფილი საპროექტო – სახარჯთაღრიცხვო დოკუმენტაცია და A ტიპის ინსპექტირების ორგანოს მიერ გაცემული ექსპერტიზის დასკვნა საპროექტო – სახარჯთაღრიცხვო დოკუმენტაციის ვარგისიანობაზე.

თანადაფინანსება: 90%/10% (90% – ქალაქ ქუთაისის მუნიციპალიტეტის მერია, 10% – ბინათმესაკუთრეთა ამხანაგობა)

6.

ავარიული საცხოვრებელი სახლების ხანგრძლივი ექსპლოატაციით გამოწვეული, ავარიული მზიდი კონსტრუქციების (კედლები, სართულშუა და სასხვენო გადახურვის ფილები და სხვა) საპროექტო დოკუმენტაციის მომზადება და შესაბამისად, სარეაბილიტაციო აღდგენითი სამუშაოების განხორციელება

სრულყოფილი საპროექტო – სახარჯთაღრიცხვო დოკუმენტაციის დამზადებას უზრუნველყოფს ქალაქ ქუთაისის მუნიციპალიტეტის მერია საკუთარი ხარჯებით.

თანადაფინანსება: 90%/10% (90% – ქალაქ ქუთაისის მუნიციპალიტეტის მერია, 10% – ბინათმესაკუთრეთა ამხანაგობა)

7.

მრავალბინიანი საცხოვრებელი სახლების დაზიანებული კანალიზაციის სისტემების რეაბილიტაცია

სრულყოფილი საპროექტო – სახარჯთაღრიცხვო დოკუმენტაციის წარმოდგენა – ბინათმესაკუთრეთა ამხანაგობა.

თანადაფინანსება: 90%/10% (90% – ქალაქ ქუთაისის მუნიციპალიტეტის მერია, 10% – ბინათმესაკუთრეთა ამხანაგობა)

8.

მრავალბინიანი საცხოვრებელი სახლების წყალსაწრეტი მილებისა და პარაპეტების რეაბილიტაცია

სრულყოფილი საპროექტო – სახარჯთაღრიცხვო დოკუმენტაციის წარმოდგენა – ბინათმესაკუთრეთა ამხანაგობა.

თანადაფინანსება: 90%/10% (90% – ქალაქ ქუთაისის მუნიციპალიტეტის მერია, 10% – ბინათმესაკუთრეთა ამხანაგობა)

9.

მრავალბინიანი საცხოვრებელი სახლების ეზოების ფურნიტურის მოწყობა (საბავშვო ატრაქციონების, დასასვენებლად განკუთვნილი ფანჩატურის, მარტივი ტიპის სტაციონარული „ტრენაჟორების“ მოწყობა, ძელსკამების შეძენა-მონტაჟი)

ატრაქციონების, ფანჩატურისა და მარტივი ტიპის სტაციონარული „ტრენაჟორების“ სრულყოფილი საპროექტო – სახარჯთაღრიცხვო დოკუმენტაციის წარმოდგენა – ბინათმესაკუთრეთა ამხანაგობა.

თანადაფინანსება: 80%/20% (80% – ქალაქ ქუთაისის მუნიციპალიტეტის მერია, 20% – ბინათმესაკუთრეთა ამხანაგობა)

10.

მრავალბინიანი საცხოვრებელი სახლების სარდაფებში დამდგარი წყლის ამოსატუმბი მოწყობილობების შეძენა-გადაცემა მრავალბინიანი საცხოვრებელი სახლების ამხანაგობებისათვის

100%-იანი დაფინანსება – ქალაქ ქუთაისის მუნიციპალიტეტის მერია.