საქართველოს შინაგან საქმეთა სამინისტროს გენერალური ინსპექციის დებულების დამტკიცების შესახებ

საქართველოს შინაგან საქმეთა სამინისტროს გენერალური ინსპექციის დებულების დამტკიცების შესახებ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:10.0pt; } p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:10.0pt; } p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:10.0pt; } p.MsoPlainText, li.MsoPlainText, div.MsoPlainText {margin:0in; margin-bottom:.0001pt; font-size:10.0pt; } p.abzacixml, li.abzacixml, div.abzacixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.Normal, li.Normal, div.Normal { margin:0in; margin-bottom:.0001pt; font-size:12.0pt; } p.sulcvlilebaxml, li.sulcvlilebaxml, div.sulcvlilebaxml { margin-top:12.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-weight:bold;} p.zogadinacilixml, li.zogadinacilixml, div.zogadinacilixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; line-height:12.0pt; page-break-after:avoid; font-size:11.0pt; font-weight:bold;} p.gansakutrebulinacilixml, li.gansakutrebulinacilixml, div.gansakutrebulinacilixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; page-break-after:avoid; font-size:11.0pt; font-weight:bold;} p.sataurixml, li.sataurixml, div.sataurixml { margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-weight:bold;} p.tarigixml, li.tarigixml, div.tarigixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.satauri2, li.satauri2, div.satauri2 { margin:0in; margin-bottom:.0001pt; text-align:center; font-size:11.0pt; font-weight:bold;} p.danartixml, li.danartixml, div.danartixml { margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:10.0pt; font-weight:bold; font-style:italic;} p.khelmoceraxml, li.khelmoceraxml, div.khelmoceraxml { margin-top:6.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-weight:bold;} p.ckhrilixml, li.ckhrilixml, div.ckhrilixml { margin:0in; margin-bottom:.0001pt; font-size:9.0pt; } p.mimgebixml, li.mimgebixml, div.mimgebixml { margin:0in; margin-bottom:.0001pt; text-align:center; text-indent:14.2pt; font-size:14.0pt; font-weight:bold;} p.saxexml, li.saxexml, div.saxexml { margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-weight:bold;} p.adgilixml, li.adgilixml, div.adgilixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.kodixml, li.kodixml, div.kodixml { margin-top:0in; margin-right:0in; margin-bottom:12.0pt; margin-left:255.1pt; text-align:right; page-break-after:avoid; font-size:10.0pt; } p.tavixml, li.tavixml, div.tavixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-weight:bold;} p.tavisataurixml, li.tavisataurixml, div.tavisataurixml { margin-top:0in; margin-right:0in; margin-bottom:12.0pt; margin-left:0in; text-align:center; font-size:11.0pt; font-weight:bold;} p.muxlixml, li.muxlixml, div.muxlixml { margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-weight:bold;} @page Section1 {size:8.5in 11.0in; margin:1.0in 1.0in 1.0in 1.0in;} div.Section1 {page:Section1;} ol {margin-bottom:0in;} ul {margin-bottom:0in;} სახელმწიფო სარეგისტრაციო კოდი 010.240.030.11.118.005.126 საქართველოს შინაგან საქმეთა მინისტრის ბრძანება №10 2002 წლის 18 იანვარი  ქ. თბილისი საქართველოს  შინაგან საქმეთა სამინისტროს გენერალური ინსპექციის დებულების დამტკიცების  შესახებ „საქართველოს შინაგან საქმეთა სამინისტროს დებულების შესახებ” საქართველოს პრეზიდენტის 1997 წლის 17 ნოემბრის №672 ბრძანებულების შესაბამისად და მის შესასრულებლად, ვბრძანებ: 1. დამტკიცდეს „საქართველოს შინაგან საქმეთა სამინისტროს გენერალური ინსპექციის დებულება“. 2. გენერალურ ინსპექციას სამსახურებრივი შემოწმების ჩატარება დაევალოს შინაგან საქმეთა ორგანოების მუშაკთა მიერ ადამიანის უფლებათა დარღვევის, მათ მიერ ჩადენილი სხვა სახის სამართალდარღვევებისა და საგანგებო შემთხვევების ფაქტებზე, აგრეთვე დებულებით განსაზღვრულ სხვა  საკითხებზე. 3. საქართველოს შინაგან საქმეთა სამინისტროს ყველა ხელმძღვანელ მუშაკს, გარდა მინისტრისა, აეკრძალოს ინსპექციისათვის დავალებებისა და მითითებების მიცემა. 4. აიკრძალოს გენერალური ინსპექციის გამოყენება ისეთ ღონისძიებებში, რომლებიც არ არის უშუალოდ დაკავშირებული მასზე დაკისრებული სამსახურებრივი ამოცანების შესრულებასთან. 5. საქართველოს შინაგან საქმეთა სამინისტროს, აფხაზეთისა და აჭარის ავტონომიური რესპუბლიკების შინაგან საქმეთა სამინისტროების ხელმძღვანელმა მუშაკებმა, შინაგან საქმეთა სამინისტროს დეპარტამენტების თავმჯდომარეებმა, მთავარი სამმართველოების, სამმართველოების, სამსახურების, სამხარეო, საქალაქო და რაიონული დანაყოფების უფროსებმა, დაქვემდებარებულ თანამშრომელთა მხრიდან კანონიერების, ადამიანის უფლებათა დარღვევისა და სისხლის სამართლის დანაშაულის ჩადენის ფაქტებზე დაუყოვნებლივ აცნობონ გენერალურ ინსპექციას. 6. ძალადაკარგულად ჩაითვალოს საქართველოს შინაგან საქმეთა მინისტრის 2001 წლის 24 სექტემბრის №356 ბრძანება „საქართველოს შსს გენერალური ინსპექციის დებულების დამტკიცების შესახებ“. 7. შინაგან საქმეთა სამინისტროს მატერიალურ-ტექნიკური და ფინანსური უზრუნველყოფის დეპარტამენტმა (ვ. დავითაია) უზრუნველყოს დებულების სტამბური წესით დაბეჭდვა. 8. ბრძანება გაეცნოს საქართველოს შინაგან საქმეთა სამინისტროს პირად შემადგენლობას. 9. ბრძანება ძალაში შედის ოფიციალურ ბეჭდვით ორგანოში მისი გამოქვეყნებისთანავე. კ. ნარჩემაშვილი საქართველოს შინაგან საქმეთა სამინისტროს გენერალური ინსპექციის                             დებულება თავი I. ზოგადი დებულებანი            მუხლი 1🔗. საქართველოს შინაგან საქმეთა სამინისტროს გენერალური                            ინსპექცია საქართველოს შინაგან საქმეთა სამინისტროს გენერალური ინსპექცია (შემდგომში - გენერალური ინსპექცია) წარმოადგენს საქართველოს შინაგან საქმეთა სამინისტროს დამოუკიდებელ ოპერატიულ სტრუქტურულ დანაყოფს მთავარი სამმართველოს უფლებებით, რომელიც სამინისტროს სისტემაში შიდა კონტროლის გაძლიერების მიზნით  ახორციელებს სამსახურებრივ შემოწმებას შინაგან საქმეთა ორგანოების თანამშრომელთა მიერ ადამიანის უფლებათა დარღვევის, მათ მიერ ჩადენლი სხვა სახის სამართალდარღვევებისა და საგანგებო შემთხვევების ფაქტებზე, განიხილავს შსს თანამშრომელთა მიერ ჩადენილი სამსახურებრივი დისციპლინის დარღვევებს და ატარებს ღონისძიებებს ზემოთ აღნიშნული ფაქტების გამოვლენისა და აღკვეთა-აცილების მიზნით.            მუხლი 2🔗. გენერალური ინსპექციის საერთო ამოცანები გენერალური ინსპექციის საერთო ამოცანებია: ა) შინაგან საქმეთა ორგანოების თანამშრომელთა მიერ მოქალაქეთა კონსტიტუციური უფლებების, პიროვნების თავისუფლების, კანონიერი ინტერესების შელახვის მართლსაწინააღმდეგო ქმედებათა გამოვლენა, აღკვეთა  და პროფილაქტიკა; ბ) შინაგან საქმეთა ორგანოების თანამშრომელთა მიერ კორუფციისა და თანამდებობრივი მდგომარეობის ბოროტად გამოყენების, ინტერესთა შეუთავსებლობის შესახებ მოქმედი ნორმების დარღვევის, ადმინისტრაციული და დისციპლინური გადაცდომის წინააღმდეგ ბრძოლა და მათი თავიდან აცილება; გ) შინაგან საქმეთა ორგანოების თანამშრომელთა უფლებების, მათი პატივისა და ღირსების დაცვა.            მუხლი 3🔗. გენერალური ინსპექციის საქმიანობის პრინციპები გენერალური ინსპექცია თავის საქმიანობას წარმართავს კანონიერების, ჰუმანიზმისა და სოციალური სამართლიანობის პრინციპებიდან გამომდინარე, საკითხების განხილვისას საჯაროობისა მოთხოვნათა დაცვით, სახელმწიფო და სამსახურებრივი საიდუმლოების განუხრელი დაცვის უზრუნველყოფის პირობებში.            მუხლი 4🔗. გენერალური ინსპექციის საქმიანობის სამართლებრივი საფუძვლები 1. გენერალური ინსპექცია თავის საქმიანობაში ხელმძღვანელობს საქართველოს კონსტიტუციით, საქართველოს საერთაშორისო ხელშეკრულებებითა და შეთანხმებებით, საქართველოს კანონით „პოლიციის შესახებ“, საქართველოს პრეზიდენტის ბრძანებულებებითა და განკარგულებებით, შინაგან საქმეთა სამინისტროს დებულებით, შინაგან საქმეთა მინისტრის ბრძანებებითა და სხვა ნორმატიული აქტებით, ასევე წინამდებარე დებულებით. 2. გენერალური ინსპექციის საქმიანობის ორგანიზაციულ საფუძველს წარმოადგენს შინაგან საქმეთა სამინისტროსა და საკუთარი სამუშაო გეგმები.            მუხლი 5🔗. გენერალური ინსპექციის დაკომპლექტება 1. გენერალური ინსპექციის დაკომპლექტება ხდება უმაღლესი იურიდიული განათლების, კვალიფიციური და მაღალი მორალური თვისებების მქონე კადრებით; 2. აფხაზეთისა და აჭარის ავტონომიური რესპუბლიკების შს სამინისტროებში გენერალური ინსპექციების დაკომპლექტება ხდება შს სამინისტროს გენერალური ინსპექციის უფროსთან შეთანხმებით. თავი II. გენერალური ინსპექციის დაქვემდებარება, უფლებები, მოვალეობები და მისი სტრუქტურა             მუხლი 6🔗. გენერალური ინსპექციის დაქვემდებარება 1. გენერალური ინსპექცია ექვემდებარება საქართველოს შინაგან საქმეთა მინისტრს და ანგარიშვალდებულია მხოლოდ მის წინაშე. 2. აფხაზეთისა და აჭარის ავტონომიური რესპუბლიკების შინაგან საქმეთა სამინისტროებში არსებული გენერალური ინსპექციის დანაყოფები ემორჩილებიან შესაბამისი ორგანოების ხელმძღვანელებს, ასევე შს სამინისტროს გენერალურ ინსპექციას და ანგარიშვალდებულნი არიან მათ წინაშე.            მუხლი 7🔗. გენერალური ინსპექციის უფლებები 1. გენერალურ ინსპექციას უფლება აქვს: ა) ჩაატაროს სამსახურებრივი შემოწმება ადამიანის უფლებათა დარღვევის ფაქტებზე; ბ) ჩაატაროს სამსახურებრივი შემოწმება შინაგან საქმეთა ორგანოების თანამშრომელთა მიერ მართლსაწინააღმდეგო ქმედობის ჩადენის, მათ მიერ სამსახურებრივი დისციპლინის უხეში დარღვევებისა და სხვა არამართლზომიერი ქმედების, მოქალაქეთა მიმართ ფიზიკური ძალის, სპეციალური საშუალებების, ცეცხლსასროლი იარაღის არაკანონიერად გამოყენების ფაქტებზე;    გ) ჩაატაროს სამსახურებრივი შემოწმება პოლიციის შენობა-ნაგებობებზე, პოლიციის მუშაკებზე თავდასხმის ფაქტებზე, ასევე შს მინისტრის და გენერალური ინსპექციის ხელმძღვანელობის დავალებით სხვა მნიშვნელოვან შემთხვევებზე; დ) სამსახურებრივი შემოწმების ჩატარების პროცესში გენერალური ინსპექციის თანამშრომელი უფლებამოსილია გამოიძახოს შინაგან საქმეთა ორგანოების ნებისმიერი მუშაკი და თანამდებობის პირი, გენერალური ინსპექციის ხელმძღვანელობასთან შეთანხმებით დაუბრკოლებლად შევიდეს საქართველოს შინაგან საქმეთა სამინისტროს სისტემის ნებისმიერ დანაყოფში. 2. სამსახურებრივი შემოწმების სრულყოფილად და ობიექტურად ჩატარების მიზნით, კანონის სრული დაცვით, გენერალური ინსპექციის ხელმძღვანელებს უფლება აქვთ შს სამინისტროს ხელმძღვანელობასთან შეთანხმებით შემოწმებაში ჩააბან შინაგან საქმეთა სამინისტროს ნებისმიერი სხვა სამსახური.            მუხლი 8🔗. გენერალური ინსპექციის მოვალეობები 1. გენერალური ინსპექცია თავისი ამოცანების შესაბამისად მოვალეა: ა) ჩაატაროს გეგმიური და მოულოდნელი შემოწმება შინაგან საქმეთა სამინისტროს პირად შემადგენლობაში კანონიერებისა და დისციპლინის განმტკიცების, არამართლზომიერი ქმედების გამოვლენისა და აღმოფხვრის მიზნით, მონაწილეობა მიიღოს შინაგან საქმეთა ორგანოების საინსპექციო და საკონტროლო შემოწმებებში; ბ) შინაგან საქმეთა ორგანოების თანამშრომელთა მიერ დაშვებული დისციპლინისა და კანონიერების დარღვევების შემთხვევებზე (ერთობლივი ანალიზის საფუძველზე) მოამზადოს შესაბამისი პროფილაქტიკური ხასიათის წერილები სამინისტროს ხელმძღვანელობის (საბჭოს) განსახილველად და დაიყვანოს ისინი შინაგან საქმეთა ორგანოების პირად შემადგენლობამდე; გ) განიხილოს მოქალაქეთა განცხადებები და საჩივრები, ასევე შინაგან საქმეთა ორგანოების თანამშრომელთა პატაკები სამინისტროს სისტემის თანამდებობის პირთა მხრიდან დაშვებულ არამართლზომიერ მოქმედებებზე; დ) შესაბამის სახელმწიფო დაწესებულებებთან და სამსახურებთან ერთად მონაწილეობა მიიღოს შინაგან საქმეთა ორგანოების პირადი შემადგენლობის მიერ სისხლის სამართალის დანაშაულის ჩადენის, კანონიერების დარღვევისა და სხვა არამართლზომიერი ქმედებების გამომწვევი მიზეზებისა და ხელშემწყობი პირობების აღმოფხვრისაკენ მიმართული კომპლექსური ღონისძიებების შემუშავებასა და განხორციელებაში; ე) უზრუნველყოს „ცხელი ხაზის“ და შინაგან საქმეთა სამინისტროს მისაღებში გენერალური ინსპექცის სპეციალური ყუთის ფუნქციონირება; ვ) ჩაატაროს სამსახურებრივი შემოწმება კანონით დადგენილ ვადებში. 2. გენერალური ინსპექციის თანამდებობის პირთა კანონიერი მითითები მათი კომპეტენციის ფარგლებში სავალდებულოა შესასრულებლად შინაგან საქმეთა ორგანოების ყველა მუშაკისათვის. 3. შინაგან საქმეთა ორგანოების მუშაკები და ხელმძღვანელები ვალდებულნი არიან სამსახურებრივ შემოწმებასთან დაკავშირებით შეასრულონ გენერალური ინსპექციის მუშაკთა კანონიერი მოთხოვნები, ასევე აღმოუჩინონ დახმარება სამსახურებრივი შემოწმების პროცესში, კერძოდ, მისცენ განმარტება და ინფორმაცია მათთვის საინტერესო საკითხებზე, საჭიროების შემთხვევაში უზრუნველყონ ტრანსპორტითა და ტექნიკური საშუალებებით. 4. შინაგან საქმეთა ორგანოების მუშაკები, რომლებიც არ შეასრულებენ ამ მუხლის მე-3 პუნქტით გათვალისწინებულ მოთხოვნებს, პასუხს აგებენ დისციპლინური წესით. 5. სამსახურებრივი ფუნქციების განხორციელებისას გენერალურ ინსპექცია თანამშრომლობს და ურთიერთმოქმედებს სხვა ორგანოებთან და დაწესებულებებთან, ხოლო მასობრივი ინფორმაციის საშუალებებთან – შინაგან საქმეთა სამინისტროს პრესსამსახურის მეშვეობით. 6. სამსახურებრივი შემოწმების შედეგებზე დგება შესაბამისი დასკვნა, რომელსაც ამტკიცებს გენერალური ინსპექციის უფროსი, ან დგება სათანადო ცნობა. 7. სამსახურებრივი შემოწმების შედეგები ეცნობება იმ პირს, ვის მიმართაც ჩატარდა შემოწმება, ასევე ინიციატორს. პირებს სურვილის შემთხვევაში შეუძლიათ გაეცნონ გენერალური ინსპექციის მიერ მათ მიმართ ჩატარებულ სამსახურებრივი შემოწმების მასალებს.            მუხლი 9🔗. გენერალური ინსპექციის სტრუქტურა   გენერალური ინსპექცია შედგება შემდეგი სტრუქტურული დანაყოფებისაგან: ა) ოპერატიული რეაგრების სამმართველო; ბ) ადამიანის უფლებათა დაცვის სამსახური; გ) ანალიზის, პროფილაქტიკისა და რეგიონალური კონტროლის სამსახური; დ) აჭარისა და აფხაზეთის ავტონომიური რესპუბლიკების შს სამინისტროების გენერალური ინსპექცია.            მუხლი 10🔗. გენერალური ინსპექციის სტრუქტურული დანაყოფების                           საქმიანობის ძირითადი მიმართულებები 1. ოპერატიული რეაგირების სამმართველო: ა) ახორციელებს შს სამინისტროს სისტემაში მართლსაწინააღდეგო ქმედებათა გამოვლენას, ამ ქმედებათა წინააღმდეგ ბრძოლას და მის პროფილაქტიკას; ბ) საქართველოს პრეზიდენტის 2001 წლის 25 მაისის №208 ბრძანებულებით გათვალისწინებულ მოთხოვნათა შესაბამისად ახორიელებს შს სამინისტროს სისტემაში კორუფიული ფაქტების გამოვლენას და მათზე რაგიებას, ახდენს შს სამინისტროს სისტემის საფინანსო და სამეუნეო სფეროში დარღვევების გამოვლენას და მათზე რეაგირებას; გ) ახორციელებს სამსახურებრივ შემოწმებას იარაღის, საბრძოლო მასალების, ტექნიკის ან სხვა ქონების  განადგურების და სხვა ფაქტებზე; დ) ახორციელებს პროფილაქტიკურ ღონისძიებებს იმ თანამშრომელთა გამოვლენის მიზნით, რომლებიც შემჩნეულნი არიან  სამართალდარღვევაში; ე) ავლენს შს ორგანოების თანამშრომლებს, რომლებიც შემჩნეულნი არიან ნარკოტიკულ, ფსიქოტროპულ ნივთიერებათა მოხმარებაში ან სხვა სამართალდარღვევებში; ვ) ახდენს პოლიციის იმ მუშაკთა გამოვლენას, რომლებიც კანონის დარღვევით მონაწილეობენ კომერციულ ან სხვა სახის სამეწარმეო საქმიანობაში; ზ) ავლენს პოლიციის იმ თანამშრომლებს, რომლებმაც შს სამინისტროს სისტემაში მუშაობა დაიწყეს ან გარკვეული თანამდებობა დაიკავეს ყალბი დოკუმენტების გამოყენებით. 2. ადამიანის უფლებათა დაცვის სამსახური: ა) კონტროლს უწევს საქართველოს შს სამინისტროს სისტემაში ადამიანის უფლებათა დაცვის საკითხებზე საქართველოს კონსტიტუციის, საქართველოს საკანონმდებლო აქტების, საქართველოს პრეზიდენტის ბრძანებულებებისა და განკარგულებების, საერთაშორისო-სამართლებრივი ნორმების, აგრეთვე შს სამინისტროს ნორმატიული აქტების მოთხოვნათა განუხრელ დაცვას; ბ) შს სამინისტროში კოორდინაციას უწევს საქართველოს უშიშროების საბჭოს, სახალხო დამცველის აპარატის, პარლამენტის ადამიანის უფლებათა დაცვის კომიტეტის და სხვა სამავრობო და არასამთავრობო ორგანიზაციებთან  ურთიერთთანამშრომლობას ადამიანის უფლებათა დაცვის საკითხებში. აგრეთვე ერთობლივი ღონისძიებების ჩატარების მიზნით თანამშრომლობს ამ ორგანოებთან; გ) ადამიანის უფლებათა დაცვის საკითხებთან დაკავშირებით სამსახურებრივი შემოწმების მიზნით მოითხოვს მისთვის საჭირო ინფორმაციას; დ) განიხილავს მოქალაქეთა და შს ორგანოების თანამშრომელთა, როგორც წერილობით, ისე ზეპირ განცხადებებსა და საჩივრებს, აგრეთვე პრესის, რადიომაუწყებლობისა და ტელევიზიის საშუალებით გავრცელებულ ინფორმაციებს,  რომლებიც დაკავშირებულია მათი უფლებებისა და კანონიერი ინტერესების ხელყოფასთან; ე) ატარებს სამსახურებრივ შემოწმებას შს სამინისტროს მუშაკთა  სხეულის დაზიანების, დაღუპვისა და მათ წინააღმდეგ მიმართული სხვა მართლსაწინააღმდეგო ქმედებების ფაქტებზე, სოციალური და საპენსიო უზრუნველყოფის მიზნით; ვ) ადგენს შს ორგანოს თანამშრომელთა მიერ ცეცხლსასროლი იარაღის გამოყენების მართლზომიერებას ან კანონსაწინააღმდეგო ხასიათს; 3. ანალიზის, პროფილაქტიკისა და რეგიონალური კონტროლის სამსახური: ა) იხილავს და ახდენს შესაბამის რეაგირებას პროკურატურიდან, სასამართლო ორგანოებიდან, ან სხვა უწყებებიდან შემოსულ წერილებსა და წარდგინებებზე; ბ) სამსახურებრივი შემოწმების შედეგების საფუძველზე ახდენს შედეგების საფუძველზე შინაგან საქმეთა ორგანოების თანამშრომელთა მიერ ჩადენილი სისხლის სამართლის დანაშაულის, ადამიანის უფლებათა, კანონიერებისა და დისციპლინის დარღვევის ფაქტების აღრიცხვას, სისტემატიზაციას, ანალიზსა და განზოგადებას, რის საფუძველზეც შეიმუშავებს წინადადებებს ნაკლოვანებების აღმოფხვრისა და თავიდან აცილების მიზნით; გ) აღრიცხავს შინაგან საქმეთა დანაყოფებზე და პოლიციის თანამშრომლებზე მომხდარ თავდასხმებსა და სხვადასხვა საგანგებო შემთხვევებს; დ) ადგენს პერიოდულ სტატისტიკურ და ანალიტიკურ ანგარიშებს; ე) მეთვალყურეობას უწევს პროკურატურისა და სხვა ორგანოებში გადაგზავნილი სამსახურებრივი შემოწმების მასალების მსვლელობას, საბოლოო გადაწყვეტილების აღრიცხვის მიზნით; ვ) უზრუნველყოფს სამეთვალყურეო საქმეების აღრიცხვასა და შენახვას; ზ) კოორდინაციას, პრაქტიკულ და მეთოდურ დახმარებას უწევს სამსახურებრივი შემოწმების კვალიფიციურ ჩატარებაში აფხაზეთისა და აჭარის ავტონომიური რესპუბლიკების შს სამინისტროების გენერალურ ინსპექციებს; თ) მონაწილეობას იღებს შს ორგანოებიდან დათხოვილი მუშაკების შს ორგანოებში ხელახლა მიღების ან აღდგენის მიზანშეწონილობის საკითხის განხილვაში.            მუხლი 11🔗. გენერალური ინსპექციის ხელმძღვანელობის უფლება-მოვალეობანი გენერალური ინსპექციის ხელმძღვანელობის უფლება-მოვალეობას განეკუთვნება: ა) ინსპექციის საქმიანობის ორგანიზება და მასზე კონტროლის განხორციელება, საშემსრულებლო დისციპლინის განმტკიცება; ბ) გენერალური ინსპექციის კადრების პროფესიული, საქმიანი და მორალური თვისებების ამაღლებისათვის ზრუნვა; გ) გენერალური ინსპექციის შინაგან საქმეთა სამინისტროს სხვა სამსახურებთან ურთიერთთანამშრომლობის ორგანიზაცია და კოორდინაცია; დ) სამინისტროს პრესსამსახურის მეშვეობით მასობრივი ინფორმაციის საშუალებებთან ურთიერთობის დამყარება, წინადადებების მომზადება სხვა სამართალდამცავ ორგანოებთან, სახელმწიფო და საზოგადოებრივ ორგანიზაციებთან ურთიერთმოქმედებების შესახებ; ე) გენერალური ინსპექციის თანამშრომელთა ფუნქციონალურ მოვალეობათა განსაზღვრა და განაწილება, გენერალური ინსპექციის სამუშაო გეგმებისა და კონკრეტული გეგმა-დავალებების დამტკიცება; ვ) გენერალური ინსპექციის მიერ კომპეტენციის ფარგლებში სამსახურებრივი შემოწმების და პროფილაქტიკური ღონისძიებების ჩატარება და კონტროლი მათ მიმდინარეობაზე; ზ) უშუალო მონაწილეობა შინაგან საქმეთა ორგანოების ხელმძღვანელი მუშაკების მიმართ და განსაკუთრებით მნიშვნელოვან ფაქტებზე სამსახურებრივი შემოწმებისა და პროფილაქტიკური ღონისძიებების ჩატარებაში; თ) გენერალური ინსპექციის უფროსს უფლება აქვს, საქმის ინტერესებიდან გამომდინარე,  ინსპექციის ნებისმიერი დანაყოფიდან ამოიღოს მასალები და დაავალოს მათი შემოწმება  სხვა დანაყოფს, მისცეს დავალება სხვადასხვა სამსახურების რამდენიმე თანამშრომელს, მოახდინოს გენერალური ინსპექციის დანაყოფებში სამსახურებრივი შემოწმების მასალებისა და დასკვნების კანონიერების შემოწმება და საჭიროების შემთხვევაში მიიღოს სათანადო ზომები გადაწყვეტილებათა გაუქმების შესახებ. ი) გენერალური ინსპექციის უფროსი ყოველ წლიურად (წლის ბოლოს) ანგარიშით წარსდგება შს მინისტრის წინაშე.            მუხლი 12🔗. დასკვნითი ნაწილი აღნიშნულ დებულებაში ცვლილებების ან დამატებების შეტნა ხდება ამავე დებულების მომზადების, მიღება (გამოცემის) და ამოქმედებისათვის დადგენილი წესით.