ფსიქოტროპული მედიკამენტებისა და სპეციალურ კონტროლს დაქვემდებარებულ ფარმაცევტულ პროდუქტთან გათანაბრებული სამკურნალო საშუალებების გამოსაწერი ფორმა N2 ელექტრონული რეცეპტის ბრუნვის წესის დამტკიცების თაობაზე

ფსიქოტროპული მედიკამენტებისა და სპეციალურ კონტროლს დაქვემდებარებულ ფარმაცევტულ პროდუქტთან გათანაბრებული სამკურნალო საშუალებების გამოსაწერი ფორმა N2 ელექტრონული რეცეპტის ბრუნვის წესის დამტკიცების თაობაზე საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანება №01-31/ნ 2022 წლის 8 აპრილი ქ. თბილისი ფსიქოტროპული მედიკამენტებისა და სპეციალურ კონტროლს დაქვემდებარებულ ფარმაცევტულ პროდუქტთან გათანაბრებული სამკურნალო საშუალებების გამოსაწერი ფორმა №2 ელექტრონული რეცეპტის ბრუნვის წესის დამტკიცების თაობაზე „წამლისა და ფარმაცევტული საქმიანობის შესახებ“ საქართველოს კანონის მე-16 მუხლის მე-10 პუნქტის „ა“ ქვეპუნქტის, „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“ საქართველოს კანონის 31-ე მუხლის პირველი პუნქტისა და „საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ‘‘ საქართველოს მთავრობის 2018 წლის 14 სექტემბრის №473 დადგენილებით დამტკიცებული დებულების მე-6 მუხლის მე-2 პუნქტის „ო“ ქვეპუნქტის შესაბამისად, ვბრძანებ: მუხლი 1🔗 1. დამტკიცდეს თანდართული „ფსიქოტროპული მედიკამენტებისა და სპეციალურ კონტროლს დაქვემდებარებულ ფარმაცევტულ პროდუქტთან გათანაბრებული სამკურნალო საშუალებების გამოსაწერი ფორმა №2 ელექტრონული რეცეპტის ბრუნვის წესი“. 2. 2022 წლის 11 აპრილიდან, სამედიცინო მომსახურების მიმწოდებელი დამოუკიდებელი საექიმო საქმიანობის უფლების მქონე პირი ვალდებულია, თავისი კომპეტენციის ფარგლებში, პაციენტისათვის დანიშნული ფსიქოტროპული ნივთიერებები და  სპეციალურ კონტროლს დაქვემდებარებულ ფარმაცევტულ პროდუქტთან გათანაბრებული სამკურნალო საშუალებები გამოწეროს მხოლოდ ელექტრონული ფორმით (ფორმა №2 ელექტრონული რეცეპტი). 3. სამედიცინო მომსახურების მიმწოდებელსა და ფარმაცევტული პროდუქტის რეალიზატორზე საპილოტე რეჟიმის განმავლობაში, 2022 წლის 11 აპრილიდან 2022 წლის 1 მაისამდე, არ გავრცელდეს მოქმედი კანონმდებლობით განსაზღვრული სამედიცინო საქმიანობის ხარისხისა და ფარმაცევტული საქმიანობის კონტროლის, ასევე სხვა ზედამხედველობითი ღონისძიებები და საჯარიმო სანქციები, რაც დაკავშირებულია ფორმა №2 რეცეპტის სავალდებულოდ ელექტრონულად გამოწერისა და გაცემის წესებთან. მუხლი 2🔗 ბრძანება ამოქმედდეს 2022 წლის 11 აპრილიდან. საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრიზურაბ აზარაშვილი დანართი ფსიქოტროპული  მედიკამენტებისა  და  სპეციალურ  კონტროლს  დაქვემდებარებულ  ფარმაცევტულ  პროდუქტთან  გათანაბრებული  სამკურნალო  საშუალებების გამოსაწერი ფორმა №2 ელექტრონული რეცეპტის ბრუნვის წესი მუხლი 1🔗. ზოგადი დებულება 1. ფსიქოტროპული მედიკამენტები და სპეციალურ კონტროლს დაქვემდებარებულ ფარმაცევტულ პროდუქტთან გათანაბრებული სამკურნალო საშუალებების გამოსაწერი ფორმა №2 რეცეპტი იწარმოება ელექტრონულად (შემდგომში – ფორმა №2 ელექტრონული რეცეპტი), ელექტრონული რეცეპტების ერთიანი სახელმწიფო სისტემის საშუალებით (შემდგომში – ელექტრონული სისტემა). 2. ფორმა №2 ელექტრონული რეცეპტის წარმოების წესის დარღვევა გამოიწვევს სამედიცინო მომსახურების მიმწოდებლის/დამოუკიდებელი საექიმო საქმიანობის უფლების მქონე პირის პასუხისმგებლობას მოქმედი კანონმდებლობით დადგენილი წესით. მუხლი 2🔗.  ექიმის ელექტრონულ სისტემაში ჩართვა 1. ელექტრონულ სისტემაში ჩართვის მიზნით, ექიმმა უნდა გაიაროს რეგისტრაცია ელექტრონული სისტემის სარეგისტრაციო გვერდზე, „მეორე ჯგუფს მიკუთვნებული ფარმაცევტული პროდუქტის (სამკურნალო საშუალების) ფორმა №3 ელექტრონული რეცეპტის ბრუნვის წესის დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2016 წლის 26 ივლისის №01-29/ნ ბრძანებით დადგენილი წესის შესაბამისად. 2. ექიმი, რომელიც რეგისტრირებულია ელექტრონულ სისტემაში და ახორციელებს ფორმა №3 ელექტრონული რეცეპტის გამოწერას, ფორმა №2 ელექტრონული რეცეპტის გამოწერისათვის დამატებით რეგისტრაციას არ საჭიროებს. მუხლი 3🔗. რეცეპტის ელექტრონული ფორმით გამოწერის წესი 1. ფორმა №2 ელექტრონული რეცეპტი შეიძლება გამოწეროს  ელექტრონულ სისტემაში დარეგისტრირებულმა ექიმმა, რომელიც მისი საექიმო სპეციალობის პროფესიული კომპეტენციებით განსაზღვრული დაავადებების/მდგომარეობების მართვისას საჭიროებს პაციენტისათვის ფსიქოტროპული მედიკამენტების და/ან სპეციალურ კონტროლს დაქვემდებარებულ ფარმაცევტულ პროდუქტთან გათანაბრებული სამკურნალო საშუალებების დანიშვნას. 2. ელექტრონულ სისტემაში დარეგისტრირებული ექიმი ავტორიზაციის გავლის შემდეგ  ირჩევს იმ სამედიცინო დაწესებულებას, რომლის  ფარგლებშიც  ახორციელებს სამედიცინო მომსახურებას. იმ შემთხვევაში, თუ ექიმი სამედიცინო მომსახურებას აწვდის არა სამედიცინო დაწესებულების ფარგლებში, არამედ როგორც დამოუკიდებელი საექიმო საქმიანობის სუბიექტი, მონიშნავს სპეციალურ ველს წარწერით – „ინდივიდუალური“. 3. პაციენტის დანიშნულების ფანჯარაში ექიმი შეიტანს სრულყოფილ დანიშნულებას (ყველა ფარმაცევტულ პროდუქტს), მათ შორის, ურეცეპტოდ გასაცემს ფარმაცევტული პროდუქტის დასახელების, ფორმის, დოზის, რაოდენობის და მიღების წესის (რომელშიც აღნიშნულია ფარმაცევტული პროდუქტის მიღების სიხშირე და ხანგრძლივობა, შეყვანის გზები და პაციენტისათვის საჭირო სხვა ინფორმაცია) მითითებით. 4. დანიშნულებისთვის ფარმაცევტული პროდუქტის (სამკურნალო საშუალების) შერჩევა ხორციელდება ფარმაცევტული პროდუქტების უწყებრივი რეესტრიდან (შემდგომში – რეესტრი), რომელიც ჩამოიშლება/გამოდის ეკრანზე. 5. რეესტრში ფარმაცევტული პროდუქტის ძიება შესაძლებელია გენერიკული ან სავაჭრო დასახელებით, თუმცა პაციენტის დანიშნულებაში სავალდებულო წესით ფიქსირდება ფარმაცევტული პროდუქტის გენერიკული დასახელება. 6. კომბინირებული მედიკამენტების, ასევე, ვიწრო ფარმაკოლოგიური ინდექსის ფარმაცევტული პროდუქტის გამოწერის შემთხვევაში, მიეთითება  სავაჭრო დასახელება. 7. ელექტრონული რეცეპტი იქმნება დანიშნულებაში მითითებული იმ ფარმაცევტული პროდუქტებისათვის (სამკურნალო საშუალებისათვის), რომლებზეც ვრცელდება ფორმა №2 რეცეპტის გამოწერის საჭიროება. 8. დანიშნულების სრულყოფილად შევსების შემდეგ ფორმა №2 რეცეპტზე გამოსაწერი ფარმაცევტული პროდუქტებისათვის ელექტრონულ სისტემაში გენერირდება ფორმა №2 ელექტრონული რეცეპტი, რომელსაც ავტომატურად ენიჭება უნიკალური ნომერი. 9. ელექტრონული რეცეპტი მოიცავს შემდეგ ინფორმაციას: ა) ექიმის  სახელსა და გვარს; ბ) პაციენტის მონაცემებს: ბ.ა) პირადი ნომერი; ბ.ბ) სახელი და გვარი; ბ.გ) დაბადების თარიღი. გ) ინფორმაციას ფარმაცევტული პროდუქტის შესახებ: გ.ა) დანიშნულებაში შეტანილი ფორმა №2 რეცეპტით გასაცემი ფარმაცევტული პროდუქტის (სამკურნალო საშუალების) საერთაშორისო არაპატენტირებული დასახელება/აქტიური ნივთიერება; გ.ბ) პროდუქტის დეტალურ აღწერილობას (მათ შორის, წამლის ფორმა, დოზა, შეფუთვის ფორმა და შეფუთვაში წამლის დოზირებული ფორმის რაოდენობა). დ) მიღების წესს (რომელშიც აღნიშნულია ფარმაცევტული პროდუქტის დოზა, მიღების სიხშირე, მკურნალობის ხანგრძლივობა, შეყვანის გზები და პაციენტისათვის საჭირო სხვა ინფორმაცია); ე) ელექტრონული რეცეპტის გამოწერის თარიღს; ვ) ფორმა №2 ელექტრონული რეცეპტი ასევე მოიცავს მოქმედების ვადას, რომელიც ელექტრონული რეცეპტის ფორმაში შეაქვს ექიმს და რომელიც არ შეიძლება აღემატებოდეს 14 დღეს; ზ) სამედიცინო დაწესებულების დასახელებას და საიდენტიფიკაციო კოდს (ასეთის არსებობის შემთხვევაში). 10. ელექტრონული რეცეპტის ფორმაში მონიშნულია კლავიშა – „შესაძლებელია ჩანაცვლება“. ექიმს უფლება აქვს, გააუქმოს მონიშვნა „შესაძლებელია ჩანაცვლება“, თუ დაუშვებლად მიიჩნევს გამოწერილი დოზირებული ფარმაცევტული პროდუქტის ჩანაცვლებას იმავე მოქმედი აქტიური ნივთიერების განსხვავებული რაოდენობით შემცველი, იმავე წამლის ფორმის ადეკვატური რაოდენობით. ამ შემთხვევაში პასიურდება მონიშვნა („შესაძლებელია ჩანაცვლება“) და რეალიზატორს აღარ ეძლევა ფარმაცევტული პროდუქტის (სამკურნალო საშუალების) სხვა დოზირებული ფორმით ჩანაცვლების საშუალება. 11. ვიწრო თერაპიული ინდექსის მქონე ფარმაცევტული პროდუქტის, გახანგრძლივებული მოქმედების, მოდიფიცირებული გამოთავისუფლების და ნაწლავში ხსნადი პრეპარატების, ასევე პარენტერალური წამლის ფორმებისა და ვიწრო ფარმაკოლოგიური ინდექსის მქონე ფარმაცევტული პროდუქტის გამოწერისას დაუშვებელია, იმავე მოქმედი აქტიური ნივთიერების განსხვავებული რაოდენობით შემცველი, იმავე წამლის ფორმით ჩანაცვლება. ამ შემთხვევაში ექიმი ვალდებულია გააპასიუროს მონიშვნა – „შესაძლებელია ჩანაცვლება“. 12. ელექტრონული რეცეპტის სტატუსი შეიძლება იყოს აქტიური/მოქმედი და არააქტიური (პასიური /გაუქმებული). 13. ფარმაცევტული პროდუქტი (სამკურნალო საშუალება) გაიცემა იმ შემთხვევაში, თუ შესაბამისი ელექტრონული რეცეპტის სტატუსი არის აქტიური/მოქმედი. თუ ელექტრონული რეცეპტის სტატუსი არ არის აქტიური (ელექტრონული რეცეპტი არის პასიური/გაუქმებული), მის საფუძველზე ფარმაცევტული პროდუქტი (სამკურნალო საშუალება) არ გაიცემა. 14. ელექტრონულ სისტემაში ელექტრონული რეცეპტი შეიძლება გაპასიურდეს/გაუქმდეს: ა) მოცემული ელექტრონული რეცეპტით გამოწერილი ფარმაცევტული პროდუქტის (სამკურნალო საშუალების) სრულად შეძენის შემთხვევაში; ბ) ელექტრონული რეცეპტის მოქმედების ვადის ამოწურვისას; გ) ექიმის მიერ (მაგალითად, იმ შემთხვევაში, თუ ექიმმა ფარმაცევტული პროდუქტი (სამკურნალო საშუალება) დანიშნულების ველში არასწორად შეიტანა, ან თუ მოცემული ელექტრონული რეცეპტი გამოყენებულია ნაწილობრივ და სხვადასხვა მიზეზით საჭირო გახდა წამლის მიღების შეწყვეტა და სხვა. 15. ექიმის მიერ ელექტრონული რეცეპტის გაპასიურების/გაუქმების შემთხვევაში: ა) თუ ელექტრონული რეცეპტის რეალიზაცია არ განხორციელებულა, ელექტრონული რეცეპტი უქმდება დანიშნულებაში შესაბამის ჩანაწერთან ერთად; ბ) იმ შემთხვევაში, თუ ელექტრონული რეცეპტი გამოყენებულია ნაწილობრივ, მაშინ ელექტრონული რეცეპტი უქმდება/პასიურდება და მისი შემდგომი რეალიზაცია შეუძლებელი ხდება, ხოლო დანიშნულებაში სათანადო ჩანაწერი რჩება, სადაც დაფიქსირებულია გამოწერილი და რეალიზებული ფარმაცევტული პროდუქტის რაოდენობები. 16. აქტიურ რეცეპტში მისი გამომწერი ექიმის მიერ შესაძლებელია ფარმაცევტული პროდუქტის (სამკურნალო საშუალების) რაოდენობის, ვადის და მიღების წესის ჩასწორება. 17. ელექტრონულ სისტემაში რეცეპტზე წვდომა განისაზღვრება შემდეგი პრინციპით: ა) ექიმისთვის ხელმისაწვდომია პაციენტის ყველა ელექტრონული რეცეპტი, მიუხედავად მათი სტატუსისა; ბ) რეალიზატორისათვის ხელმისაწვდომია მხოლოდ აქტიური ელექტრონული რეცეპტი, ასევე, გაპასიურებული/გაუქმებული ელექტრონული რეცეპტი მათი გაპასიურება/გაუქმებიდან 3 თვის განმავლობაში. 18. გაპასიურებული/გაუქმებული ელექტრონული რეცეპტი ელექტრონულ სისტემაში ინახება 3 წლის განმავლობაში, რის შემდეგაც დაარქივდება. არქივიდან ინფორმაციის მოპოვება ხდება ელექტრონული სისტემის მონაცემთა (ინფორმაციის) მფლობელის თანხმობით. დაარქივებიდან 5 წლის შემდეგ პაციენტის გაპასიურებულ/გაუქმებულ ელექტრონულ რეცეპტში არსებულ პერსონალურ მონაცემებზე წვდომა შეუძლებელია. 19. ფორსმაჟორულ სიტუაციაში, როდესაც ელექტრონულ სისტემასთან წვდომა/კავშირი (რეცეპტების სახელმწიფო ელექტრონული სისტემის პრობლემა) შეზღუდულია 10 წუთზე მეტი დროით, პაციენტის ინტერესებიდან გამომდინარე, ექიმი უფლებამოსილია გამოწეროს ფარმაცევტული პროდუქტი (სამკურნალო საშუალება) ფორმა №2 ქაღალდის მატარებელზე „პირველ ჯგუფს მიკუთვნებული ფარმაცევტული პროდუქტის გამოსაწერი რეცეპტის ბლანკის  (ფორმა №1 და ფორმა №2) ფორმების  დამტკიცებისა და მისი გამოწერის, შეძენის, შენახვის, აღრიცხვის, გაცემისა და განადგურების წესის შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანებით დადგენილი წესის შესაბამისად. 20. ექიმი ვალდებულია ფორსმაჟორულ სიტუაციაში ქაღალდის მატარებელზე გამოწერილი ფორმა №2 რეცეპტები 24 საათის განმავლობაში, სათანადო წესით ასახოს ელექტრონულ სისტემაში. ამ შემთხვევაში რეცეპტი მოინიშნება სპეციალური წარწერით – „ასლი“, რა დროსაც გააქტიურდება ველი, სადაც ექიმს ხელით შეაქვს  ფორმა №2 რეცეპტის ბლანკის (ქაღალდმატარებლის) ნომერი. ამასთან, ექიმი ვალდებულია მატერიალურად გამოწერილი რეცეპტის ბლანკის ასლი დაურთოს პაციენტის სამედიცინო ბარათს. 21. გამონაკლის შემთხვევებში, როდესაც პაციენტს ესაჭიროება პირადი მოხმარებისთვის სპეციალურ კონტროლს დაქვემდებარებული არანარკოტიკული საშუალების საქართველოში შემოტანა ან გატანა, საბაჟო ორგანოებში წარდგენის მიზნით, შეიძლება გაიცეს ელექტრონულ სისტემაში გამოწერილი  ელექტრონული რეცეპტის ამობეჭდილი ბლანკი, რომელიც ვალიდურია მხოლოდ დაწესებულების ხელმძღვანელისა და რეცეპტის გამომწერი ექიმის ცოცხალი ბეჭდებითა და ხელმოწერებით დამოწმების შემთხვევაში. ამ ფორმით გაცემული ბლანკის საფუძველზე სამკურნალო საშუალების აფთიაქიდან გაცემა აკრძალულია.  მუხლი 4🔗. ფორმა №2 ელექტრონული რეცეპტის საფუძველზე ფარმაცევტული პროდუქტის (სამკურნალო საშუალების) გაცემის წესი 1. ფორმა №2 ელექტრონული რეცეპტის საფუძველზე ფარმაცევტული პროდუქტის (სამკურნალო საშუალების) რეალიზაციას ახორციელებს შესაბამისი ფარმაცევტული საქმიანობის უფლების მქონე ავტორიზებული აფთიაქი, რომელიც დარეგისტრირებულია ელექტრონულ სისტემაში. 2. რეალიზატორი ელექტრონულ სისტემაში შედის საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს (შემდგომში – სამინისტრო) სახელმწიფო კონტროლს დაქვემდებარებული საჯარო სამართლის იურიდიული პირის – სამედიცინო და ფარმაცევტული საქმიანობის რეგულირების სააგენტოს (შემდგომში – სააგენტო) მიერ მისთვის მინიჭებული უნიკალური კოდის საშუალებით (ფარმაცევტული პროდუქტის რეალიზატორებისათვის ნებართვის  საფუძველზე მინიჭებული კოდი). 3. ავტორიზებულ აფთიაქში ფორმა №2 ელექტრონული რეცეპტის საფუძველზე ფარმაცევტული პროდუქტის (სამკურნალო საშუალების) გაცემის უფლება აქვს ფარმაცევტულ საქმიანობაზე პასუხისმგებელ პირს (შემდგომში – პასუხისმგებელი პირი), ელექტრონულ სისტემაში პირადი საინდეტიფიკაციო კოდის შეყვანის შემდგომ. 4. ფარმაცევტული პროდუქტის (სამკურნალო საშუალების) მიმღებმა პირმა ელექტრონული რეცეპტის საფუძველზე ფარმაცევტული პროდუქტის (სამკურნალო საშუალების) შეძენის მიზნით პასუხისმგებელ პირს უნდა წარუდგინოს პაციენტის პირადი ნომერი. 5. ფარმაცევტული პროდუქტის (სამკურნალო საშუალების) მიმღები პირი არის ელექტრონულ რეცეპტში მითითებული პაციენტი ან პირი, რომელიც ფლობს ინფორმაციას ამ პაციენტის პირადი მონაცემების (პირადი ნომერი) თაობაზე. 6. ელექტრონულ სისტემაში პაციენტის პირადი ნომრის შეტანისას მოწმდება აღნიშნულ პირზე გამოწერილი აქტიური რეცეპტის არსებობა. დადებითი შედეგის და პაციენტის იდენტიფიცირების შემდგომ ელექტრონული სისტემიდან ჩამოიტვირთება პაციენტის ყველა აქტიური ელექტრონული რეცეპტი,  რომელიც მოიცავს შემდეგ მონაცემებს: ა) ელექტრონული რეცეპტის ნომერი; ბ) ექიმის სახელი, გვარი (დაწესებულების საიდენტიფიკაციო კოდი და დასახელება (ასეთის არსებობისას)); გ) პაციენტის პირადი ნომერი; დ) პაციენტის სახელი, გვარი; ე) პაციენტის დაბადების თარიღი; ვ) ელექტრონული რეცეპტის გამოწერის თარიღი; ზ) ელექტრონული რეცეპტის მოქმედების ვადა (თარიღი); თ) ფარმაცევტული პროდუქტის (სამკურნალო საშუალების) მონაცემები (გენერიკული ან/და სავაჭრო დასახელება ამ ბრძანების მოთხოვნათა შესაბამისად); ი) ფარმაცევტული პროდუქტის (სამკურნალო საშუალების) რაოდენობა/ნარჩენი რაოდენობა (სხვაობა გამოწერილსა და გაცემულ რაოდენობებს შორის); კ) ფარმაცევტული პროდუქტის მიღების წესი, რომელშიც აღნიშნულია ფარმაცევტული პროდუქტის მიღების სიხშირე და ხანგრძლივობა, შეყვანის გზები. 7. თუ ფარმაცევტული პროდუქტის (სამკურნალო საშუალების) მიმღები პაციენტისგან განსხვავებული პირია, მაშინ რეალიზატორს ასევე შეაქვს ამ პირის პირადი ნომერი. ინფორმაცია აღნიშნული პირის შესახებ ფიქსირდება ელექტრონულ სისტემაში. 8. პირის იდენტიფიცირებისათვის რეალიზატორს უფლება აქვს, ფარმაცევტული პროდუქტის (სამკურნალო საშუალების) მიმღებთან ზეპირად გადაამოწმოს რამდენიმე მონაცემი (მაგალითად, წარდგენილ პირად ნომერზე გამოკითხოს სახელი, გვარი, დაბადების თარიღი), ასევე მოახდინოს ვიზუალური იდენტიფიცირება საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – სახელმწიფო სერვისების განვითარების სააგენტოს (შემდგომში – სსიპ – სახელმწიფო სერვისების განვითარების სააგენტო) ვებსერვისით მიღებული ფოტოსურათის საფუძველზე. 9. ელექტრონული რეცეპტის იდენტიფიცირების შემდეგ რეალიზატორი უკვე ჩამოტვირთულ მონაცემებზე დამატებით მიუთითებს: ა) საკუთარ საიდენტიფიკაციო/უნიკალურ კოდს; ბ) ფარმაცევტული პროდუქტის (სამკურნალო საშუალების) გაცემის თარიღს (ივსება ავტომატურად); გ) გენერიკული სახელწოდებით გამოწერილი ფარმაცევტული პროდუქტის (სამკურნალო საშუალების) შემთხვევაში, გაცემული ფარმაცევტული პროდუქტის (სამკურნალო საშუალების) სავაჭრო დასახელებას; დ) გაცემულ რაოდენობას, გამოწერილი ფარმაცევტული პროდუქტის (სამკურნალო საშუალების) შესაბამის რეალიზებულ რაოდენობას. 10. რეალიზატორს ასევე აქვს უფლება, გააპასიუროს/გააუქმოს ელექტრონული რეცეპტი (არასწორად გამოწერის შემთხვევაში), შესაბამის ველში გაუქმების მიზეზ(ებ)ის სავალდებულო მითითებით. 11. ფარმაცევტული პროდუქტის (სამკურნალო საშუალების) გასაცემი რაოდენობა კონტროლდება ამავე ელექტრონული რეცეპტით მანამდე გაცემული რაოდენობების გათვალისწინებით. რეალიზატორის მიერ გაცემის თაობაზე დასტურის მიღების შემდეგ რეალიზაციის შესახებ მონაცემები აისახება ელექტრონულ სისტემაში. პარალელურ რეჟიმში გენერირდება ფარმაცევტული პროდუქტის გაცემის PDF ფორმატის დოკუმენტი, რომელიც მოიცავს შემდეგ მონაცემებს: რეალიზატორის დასახელება, რეალიზატორის საიდენტიფიკაციო კოდი, ფარმაცევტულ საქმიანობაზე პასუხისმგებელი პირის მონაცემები (სახელი, გვარი, პირადი ნომერი), პაციენტის სახელი, გვარი, პირადი ნომერი, დაბადების თარიღი, ელექტრონული რეცეპტის ნომერი, გაცემული ფარმაცევტული პროდუქტის (სამკურნალო საშუალების) დასახელება (გენერიკული სახელწოდებით გამოწერილი ფარმაცევტული პროდუქტის (სამკურნალო საშუალების) შემთხვევაში, გაცემული ფარმაცევტული პროდუქტის (სამკურნალო საშუალების) სავაჭრო დასახელება) და დეტალური აღწერილობა, ფარმაცევტული პროდუქტის (სამკურნალო საშუალების) გაცემული რაოდენობა. რეალიზატორი ვალდებულია, აღნიშნული დოკუმენტი შეინახოს ელექტრონული ფორმით. დამატებით, შესაძლებელია, მატერიალური ფორმით შენახვაც. 12. ფარმაცევტული დაწესებულების ელექტრონული სისტემა ფარმაცევტული პროდუქტის (სამკურნალო საშუალების) გაცემის საფუძვლად უთითებს ელექტრონული რეცეპტის ნომერს. 13. ფარმაცევტული პროდუქტის (სამკურნალო საშუალების) გამოწერილი რაოდენობის სრულად შეძენის ან ელექტრონული რეცეპტის მოქმედების ვადის გასვლის შემდეგ ელექტრონული რეცეპტის სტატუსი აღარ არის აქტიური და, შესაბამისად, ელექტრონული რეცეპტი ხდება პასიური/გაუქმებული ავტომატურად (გაუქმების მიზეზები –„რეალიზებული“ ან „ვადა“). აღნიშნული ელექტრონული რეცეპტით ფარმაცევტული პროდუქტი (სამკურნალო საშუალება)  აღარ გაიცემა. 14. ფარმაცევტული დაწესებულების მიერ გაცემული ყველა მედიკამენტი აისახება „რეალიზაციის ისტორიის“ გვერდზე, რომლის საფუძველზეც ფარმაცევტულ დაწესებულებას შეუძლია დაამუშაოს მის მიერ გაცემული ფარმაცევტული პროდუქტის შესახებ ინფორმაცია. 15. იმ შემთხვევაში, როდესაც ავტორიზებული აფთიაქიდან ფარმაცევტული პროდუქტი გაიცემა მატერიალური (ქაღალდის მატარებელზე) ფორმით გამოწერილი (ფრსმაჟორულ სიტუაციაში) რეცეპტის (ფორმა №2) საფუძველზე, ფარმაცევტულ საქმიანობაზე პასუხისმგებელი პირი ვალდებულია მომდევნო 48 საათის განმავლობაში  გადაამოწმოს ექიმის მიერ მატერიალური ფორმით გამოწერილი რეცეპტის ელექტრონულ სისტემაში ასახვის მდგომარეობა და ელექტრონული რეცეპტის არსებობის შემთხვევაში, აღნიშნული ასახოს  ელექტრონული რეცეპტების ერთიან სახელმწიფო  სისტემაში, აფთიაქის გვერდზე. მუხლი 5🔗.  სამედიცინო დაწესებულება 1. სამედიცინო მომსახურების მიმწოდებლად სამედიცინო დაწესებულების სისტემაში რეგისტრაცია ხორციელდება სამინისტროსადმი მომართვის საფუძველზე. 2. სამედიცინო დაწესებულება სისტემის მონაწილე ავტომატურად ხდება იმ შემთხვევაში, თუ ის წარმოადგენს სამინისტროს ადმინისტრირების ქვეშ მყოფი სახელმწიფო პროგრამის მიმწოდებელს (რეგისტრაცია ხორციელდება პროგრამის განმახორციელებლის მიერ, პროგრამის ადმინისტრირებისათვის გამოყენებული სარეგისტრაციო მონაცემებით). 3. ელექტრონული რეცეპტის სისტემაში მონაწილე სამედიცინო დაწესებულება უზრუნველოყოფს იმ დამოუკიდებელი საექიმო საქმიანობის სუბიექტების ინდენტიფიცირებას დაწესებულებასთან მიმართებაში, რომლებიც უშუალოდ მონაწილეობენ სამედიცინო მომსახურების პროცესში და ამავდორულად ჩართულნი არიან ელექტრონული რეცეპტის სისტემაში. ამ მიზნით სამედიცინო დაწესებულებას ეძლევა წვდომა მხოლოდ შესაბამისი სამედიცინო პერსონალის ინდენტიფიცირებისათვის საჭირო საიდენტიფიკაციო/პერსონალურ მონაცემებთან. 4. სამედიცინო დაწესებულება პასუხისმგებელია დაწესებულებაში დასაქმებული რეცეპტის გამოწერაზე უფლებამოსილი ექიმების მიერ ფორმა №2 რეცეპტის  ელექტრონული სისტემით წარმოებაზე. ამისათვის, სამედიცინო დაწესებულება ვალდებულია: ა) შეამოწმოს ფორმა №2 რეცეპტის ელექტრონულ სისტემაში სამედიცინო დაწესებულებაში დასაქმებული, რეცეპტის გამოწერის უფლებამოსილების მქონე ექიმების შესახებ ინფორმაცია მათი სისტემის მომხმარებლად რეგისტრაციის თაობაზე, აირჩიოს ისინი, როგორც სამედიცინო დაწესებულების სახელით რეცეპტის გამომწერი სუბიექტები, ან გააუქმოს აღნიშნული სტატუსი; ბ) განაახლოს ყოველი თვის 25 რიცხვისათვის ფორმა №2 რეცეპტის ელექტრონულ სისტემაში ამ პუნქტის „ა“ ქვეპუნქტით განსაზღვრული ინფორმაცია, მათ შორის მიუთითოს დაწესებულების სახელით რეცეპტის გამომწერი ექიმების ჯამური რაოდენობა (დაწესებულებაში დასაქმებული, რეცეპტის გამოწერის უფლებამოსილების მქონე სამედიცინო საქმიანობის განმახორციელებელი დამოუკიდებელი საექიმო საქმიანობის ყველა სუბიექტის რაოდენობა, რომელთა საქმიანობა მოიცავს/შეიძლება მოიცავდეს აღნიშნულ დაწესებულებაში პაციენტებისათვის რეცეპტის გამოწერას).