ქობულეთის მუნიციპალიტეტის მერიის პირველადი სტრუქტურული ერთეულის შიდა აუდიტის სამსახურის დებულების დამტკიცების შესახებ
მიღების თარიღი 29.04.2022
გამომცემი ორგანო ქობულეთის მუნიციპალიტეტი
ნომერი №13
სარეგისტრაციო კოდი 010260020.35.131.016334
გამოქვეყნების წყარო ვებგვერდი, 02/05/2022
კონსოლიდირებული ვერსიები
📄 ტექსტზე გადასვლა ↓
29.04.2022 მიღება
დამატებითი მეტამონაცემები (1)
| ქობულეთის მუნიციპალიტეტის საკრებულოს თავმჯდომარე დავით მჭედლიშვილი | ქობულეთის მუნიციპალიტეტის საკრებულოს თავმჯდომარე |
🕸️ გრაფი — კავშირების ვიზუალიზაცია
🧠 სემანტიკურად მსგავსი დოკუმენტები
ჩოხატაურის მუნიციპალიტეტის მერიის შიდა აუდიტისა და მონიტორინგის სამსახურის
დებულების დამტკიცების შესახებ ბორჯომის მუნიციპალიტეტის მერიის პირველადი სტრუქტურული ერთეულის - შიდა აუდიტის სამსახურის დებულების დამტკიცების შესახებ ონის მუნიციპალიტეტის მერიის პირველადი სტრუქტურული ერთეულის - შიდა აუდიტის სამსახურის დებულების დამტკიცების შესახებ ქარელის მუნიციპალიტეტის მერიის პირველადი სტრუქტურული ერთეულის – შიდა აუდიტის სამსახურის დებულების დამტკიცების შესახებ წყალტუბოს მუნიციპალიტეტის მერიის პირველადი სტრუქტურული ერთეულის - შიდა აუდიტის სამსახურის დებულების დამტკიცების შესახებ
დოკუმენტის ტექსტი
ქობულეთის მუნიციპალიტეტის მერიის პირველადი სტრუქტურული ერთეულის შიდა აუდიტის სამსახურის დებულების დამტკიცების შესახებ
ქობულეთის მუნიციპალიტეტის საკრებულოს
დადგენილება №13
2022 წლის 29 აპრილი
ქ. ქობულეთი
ქობულეთის მუნიციპალიტეტის მერიის პირველადი სტრუქტურული ერთეულის შიდა აუდიტის სამსახურის დებულების დამტკიცების შესახებ
საქართველოს ორგანული კანონის „ადგილობრივი თვითმმართველობის კოდექსი“-ს 24-ე მუხლის პირველი პუნქტის „გ.ბ“ ქვეპუნქტის, ,,ნორმატიული აქტების შესახებ“ საქართველოს ორგანული კანონის მე-20 მუხლის მე-2 პუნქტისა და 25-ე მუხლის პირველი პუნქტის ,,ბ“ ქვეპუნქტის შესაბამისად ქობულეთის მუნიციპალიტეტის საკრებულო ადგენს:
მუხლი 1🔗
დამტკიცდეს ქობულეთის მუნიციპალიტეტის მერიის პირველადი სტრუქტურული ერთეულის შიდა აუდიტის სამსახურის დებულება თანახმად დანართისა.
მუხლი 2🔗
ამ დადგენილების ძალაში შესვლისთანავე ძალადაკარგულად გამოცხადდეს ,,ქობულეთის მუნიციპალიტეტის მერიის პირველადი სტრუქტურული ერთეულის შიდა აუდიტის სამსახურის დებულების დამტკიცების შესახებ“ ქობულეთის მუნიციპალიტეტის საკრებულოს 2018 წლის 23 მარტის №16 დადგენილება.
მუხლი 3🔗
დადგენილება ამოქმედდეს გამოქვეყნებისთანავე.
ქობულეთის მუნიციპალიტეტის საკრებულოს თავმჯდომარედავით მჭედლიშვილი
დანართი
ქობულეთის მუნიციპალიტეტის მერიის პირველადი სტრუქტურული ერთეულის – შიდა აუდიტის სამსახურის დებულება
.
თავი I
ზოგადი დებულებები და საქმიანობის პრინციპები
მუხლი 1🔗
1. ეს დებულება განსაზღვრავს ქობულეთის მუნიციპალიტეტის მერიის (შემდგომში- მერია) სტრუქტურული ერთეულის-მერიის შიდა აუდიტის სამსახურის (შემდგომში-სამსახური) სამართლებრივ სტატუსს, სტრუქტურას, უფლებამოსილებასა და ანგარიშვალდებულებას, ასევე აწესრიგებს მის საქმიანობასთან დაკავშირებულ სხვა საკითხებს.
2. შიდა აუდიტი- ეს არის, დაწესებულების საქმიანობის გაუმჯობესებისკენ, მისი მიზნების მიღწევის უზრუნველყოფისა და მისი ამოცანების სრულყოფილად შესრულებისკენ მიმართული დამოუკიდებელი, ობიექტური, მარწმუნებელი და საკონსულტაციო საქმიანობა, რომელიც სისტემატიზებული, დისციპლინებული და ორგანიზებული მიდგომით აფასებს და აუმჯობესებს რისკის მართვის, კონტროლისა და მმართველობითი პროცესის ეფექტიანობას.
შიდა აუდიტი აფასებს და აუმჯობესებს ფინანსური მართვისა და კონტროლის სისტემას, რისკების მართვის ეფექტიანობას, რაც შესაბამისად აუმჯობესებს (დაწესებულების) მერიის წინაშე მდგარი ამოცანების შესრულებას.
შიდა აუდიტი წარმოადგენს საშუალებას, რომელიც აწვდის დაწესებულების (მერიის) ხელმძღვანელს (მერს) დამოუკიდებელ რწმუნებას იმისა, რომ დაწესებულების შიგნით არსებული კონტროლის მექანიზმები აღწევენ დასახულ მიზნებს და რისკების მართვა ეფექტურად ხორციელდება.
3. შიდა აუდიტის საქმიანობა მოიცავს (დაწესებულების) მერიის მთელი რიგი აქტივობებისა და პროცესების შეფასების სხვადასხვა სფეროს, რათა უზრუნველყოს ფინანსური მართვისა და კონტროლის სისტემის შესაბამისობა მიზნებთან, წესებთან და სტანდარტებთან და ასევე, გონივრული ფინანსური მართვის პრინციპებთან.
4. შიდა აუდიტი ეხმარება დაწესებულებას მიზნების მიღწევაში შემდეგი საქმიანობების განხორციელებით:
ა) დაწესებულების (მერიის) წინაშე არსებული რისკების მართვის ხარისხის შეფასება;
ბ) ფინანსური მართვისა და კონტროლის სისტემის ადეკვატურობისა და ეფექტიანობის შეფასება;
გ) დაწესებულების (მერიის) საქმიანობის საქართველოს კანონმდებლობასთან, არსებულ წესებთან და მარეგულირებელ აქტებთან შესაბამისობის შეფასება;
დ) დაწესებულების (მერიის) საქმიანობის ეკონომიურობის, ეფექტიანობისა და პროდუქტიულობის გაზრდის მიზნით რეკომენდაციების შემუშავება;
ე) ფინანსური და სხვა ინფორმაციის სანდოობის, სიზუსტისა და სისრულის შეფასება;
ვ) დაწესებულების (მერიის) აქტივების, სხვა რესურსებისა და ინფორმაციის ადეკვატურად დაცულობის შეფასება;
ზ) სხვა საქმიანობები, რომლებიც გამომდინარეობს დაწესებულების (მერიის) საქმიანობის სპეციფიკიდან და არ ეწინააღმდეგება საქართველოს კანონმდებლობას, ,,შიდა ფინანსური კონტროლის შესახებ“ საქართველოს კანონს და შიდა აუდიტორის დამოუკიდებლობის პრინციპებს.
5. შიდა აუდიტის მიზნებია:
ა) სტრატეგიული და წლიური გეგმების მომზადება რისკების შეფასების საფუძველზე, რომელთაც შეუძლიათ საფრთხის ქვეშ დააყენონ დაწესებულების (მერიის) წინაშე მდგარი ამოცანების შესრულება;
ბ) ფინანსური მართვისა და კონტროლის მექანიზმების ადეკვატური შეფასება და შესწავლა ეკონომიურობის, ეფექტიანობისა და ეფექტურობის თვალსაზრისით დაწესებულების (მერიის) წინაშე არსებული ამოცანების შესასრულებლად;
გ) ხელმძღვანელობის ინფორმირება მიგნებების და დასკვნების შესახებ და რეკომენდაციების ჩამოყალიბება.
6. დაწესებულების (მერიის) შიგნით არსებული ყველა სისტემა, პროცესი, მოვლენა და საქმიანობა შეიძლება წარმოადგენდეს შიდა აუდიტორული შემოწმების საგანს.
7. შიდა აუდიტი ასევე წარმოადგენს დამოუკიდებელ და ობიექტურ საკონსულტაციო მომსახურებას, რომელიც ხელმძღვანელობას ეხმარება დაწესებულების წინაშე არსებული რისკების მართვაში, შიდა კონტროლის და მმართველობითი პროცედურების გაუმჯობესებაში, განსაკუთრებით მაშინ, როცა ინერგება ახალი სისტემები და პროცედურები.
8. შიდა აუდიტის სუბიექტის საქმიანობა მოიცავს მარწმუნებელ და საკონსულტაციო საქმიანობას:
ა) მარწმუნებელი საქმიანობა- არის მტკიცებულების ობიექტური შემოწმება, დამოუკიდებელი შეფასების უზრუნველყოფის მიზნით, დაწესებულებისთვის მმართველობის, რისკის მართვისა და კონტროლის პროცესებთან დაკავშირებით;
ბ) საკონსულტაციო საქმიანობა- არის კონსულტაცია და მასთან დაკავშირებული საქმიანობები, რომელთა ხასიათი და ფარგლები თანხმდება ობიექტთან, გამიზნულია დამატებითი ღირებულებებისათვის და დაწესებულების (მერიის) მმართველობის, რისკის მართვის და კონტროლის პროცესების გაუმჯობესებისათვის, შიდა აუდიტორის მიერ მართვის პასუხისმგებლობის აღების გარეშე.
ბ.ა) საკონსულტაციო საქმიანობად შეიძლება ჩაითვალოს:
ბ.ა1 ფასილიტატორის როლის შესრულება, რისკებისა და კონტროლების კოლექტიური განხილვისათვის ჩატარებულ შეხვედრებში;
ბ.ა2 რისკებთან და კონტროლებთან დაკავშირებული შესაბამისი უნარებისა და პრაქტიკების გაზიარება, რაც უზრუნველყოფს გრძელვადიან და დამატებით სარგებელს მმართველობის, რისკებისა და კონტროლის საკითხებთან დაკავშირებული უნარების გაუმჯობესებაში;
ბ.ა3 კონკრეტული რჩევის მიცემა მენეჯმენტისათვის, კონკრეტულ რისკთან და კონტროლთან დაკავშირებულ საკითხებზე.
9. შიდა აუდიტის განმახორციელებელი, დაწესებულებაში (მერიაში) არის შიდა აუდიტის სუბიექტი, რომელიც შექმნილია დაწესებულების (მერიის) შიგნით და გააჩნია დამოუკიდებლობის მაქსიმალური ხარისხი, რაც აძლევს მას საშუალებას განახორციელოს საქმიანობა დროულად, დამოუკიდებლად და ობიექტურად.
10. ქობულეთის მუნიციპალიტეტის მერიაში, „სახელმწიფო შიდა ფინანსური კონტროლის შესახებ” შესაბამისად, შიდა აუდიტორულ საქმიანობას ახორციელებს, ქობულეთის მუნიციპალიტეტის მერიის პირველადი სტრუქტურული ერთეული – შიდა აუდიტის სამსახური (შემდგომ – სამსახური), რომელიც თავის საქმიანობაში დამოუკიდებელია და ემორჩილება მხოლოდ კანონს და ანგარიშვალდებულია მერიის წინაშე.
11. სამსახური თავის საქმიანობაში ხელმძღვანელობს წინამდებარე დებულებით, მერიის დებულებით, „სახელმწიფო შიდა ფინანსური კონტროლის შესახებ” საქართველოს კანონით, შიდა აუდიტორთა ეთიკის კოდექსით, შიდა აუდიტის სტანდარტებით, შიდა აუდიტის მეთოდოლოგიით, მუნიციპალიტეტსა და საქართველოში მოქმედი სხვა სამართლებრივი აქტებით. იცავს საქართველოს კონსტიტუციით, საქართველოს საერთაშორისო ხელშეკრულებებით და შეთანხმებებით აღიარებულ ძირითად პრინციპებს და საქმიანობას წარმართავს დამოუკიდებლობის, კეთილსინდისიერების, ობიექტურობის, პროფესიონალიზმის, კონფიდენციალურობის, კანონიერების, გამჭვირვალობის, საჯაროობის და სამართლიანობის პრინციპებით.
12. საქმიანობის ეფექტურად შესრულების მიზნით, შიდა აუდიტორებს ხელმძღვანელობისაგან ესაჭიროებათ ორგანიზაციული და ფუნქციური დამოუკიდებლობა, რათა საქმიანობის განხორციელებისას მათ ჰქონდეთ შეუზღუდავი ხელმისაწვდომობა ხელმძღვანელობის და პერსონალის საქმიანობებზე, შეძლონ რისკების იდენტიფიცირება, პროცედურების შეფასება და პროცედურების პრაქტიკული განხორციელება.
13. ნებისმიერი შეზღუდვა, რაც ხელს უშლის შიდა აუდიტის დამოუკიდებლად და ეფექტურად ჩატარებას განიხილება, როგორც სერიოზული დაბრკოლება.
14. დამოუკიდებლობა- ნიშნავს თავისუფლებას იმ ფაქტორებისაგან, რომლებიც საფრთხეს უქმნის შიდა აუდიტის საქმიანობის მიუკერძოებელ განხორციელებას. დამოუკიდებლობა შესაძლებლობას აძლევს შიდა აუდიტორებს, მიიღონ აუცილებელი, მიუკერძოებელი და სამართლიანი გადაწყვეტილებები. დამოუკიდებლობა შეიძლება განიმარტოს, როგორც თავისუფლება, არა-დამოკიდებულად ყოფნა, ადამიანის, დაწესებულებისა თუ სახელმწიფოს ყოველგვარი გავლენისა და კონტროლისაგან. შიდა აუდიტის სუბიექტზე დაკისრებულ პასუხისმგებლობათა ეფექტიანად შესასრულებლად აუცილებელი დამოუკიდებლობის უზრუნველსაყოფად შიდა აუდიტის სუბიექტის (სამსახურის) უფროსს უნდა ჰქონდეს შეუზღუდავი წვდომა დაწესებულების ხელმძღვანელთან.
15. დაწესებულების ხელმძღვანელი (მერი) უზრუნველყოფს შიდა აუდიტის სუბიექტის ფუნქციურ და ორგანიზაციულ დამოუკიდებლობას.
16. ორგანიზაციული დამოუკიდებლობა ეფექტურად მიიღწევა როცა შიდა აუდიტის სუბიექტის უფროსი ფუნქციურად ანგარიშვალდებულია დაწესებულების ხელმძღვანელის (მერის) წინაშე.
17. ფუნქციური ანგარიშვალდებულების მაგალითებია დაწესებულების ხელმძღვანელის (მერის) მიერ:
ა) შიდა აუდიტის დებულების დამტკიცება;
ბ) შიდა აუდიტის სტრატეგიული და წლიური გეგმების დამტკიცება;
გ) შიდა აუდიტის უფროსისაგან ინფორმაციის მიღება შიდა აუდიტის სუბიექტის მუშაობის მიმდინარეობის შესახებ;
დ) შიდა აუდიტის უფროსის წარდგინებით, კონკურსის საფუძველზე გამოვლენილი გამარჯვებული მოხელის დანიშვნის შესახებ გადაწყვეტილების მიღება.
18. შიდა აუდიტის სუბიექტი შიდა აუდიტის ფარგლების განსაზღვრის, სამუშაოს შესრულებისა და შედეგების წარდგენის დროს დამოუკიდებელი უნდა იყოს ჩარევისაგან.
შიდა აუდიტორებს უნდა ჰქონდეთ განუხრელი, ობიექტური პოზიციები და თავი აარიდონ ინტერესთა კონფლიქტს.
19. ინტერესთა კონფლიქტი- ისეთი გარემოებაა, რომელშიც შიდა აუდიტორს აქვს კონკურენტული, პროფესიონალური ან პირადი ინტერესი. ინტერესთა კონფლიქტი ეს არის, შიდა აუდიტორის მიერ მისთვის კანონით დაკისრებული ვალდებულებების შესრულებასა და კერძო ინტერესებს შორის წარმოშობილი კონფლიქტი, რამაც შესაძლოა უარყოფითი ზეგავლენა იქონიოს მათ მიუკერძოებლად და ობიექტურად შესრულებაზე. კონკურენტულ ინტერესებს შეუძლია გაართულოს შიდა უდიტორის ვალდებულებების მიუკერძოებლად შესრულება. ინტერესთა კონფლიქტი შეიძლება არსებობდეს არაეთიკური ან არასათანადო ქმედებების გარეშეც. ინტერესთა კონფლიქტმა შესაძლოა წარმოშვას არასათანადო აღქმა, რამაც შესაძლოა გამოიწვიოს შიდა აუდიტორის, მის პროფესიისა და შიდა აუდიტის სუბიექტის მიმართ ნდობის დაკარგვა. ინტერესთა კონფლიქტმა შესაძლოა ზიანი მიაყენოს შიდა აუდიტორის შესაძლებლობას, ობიექტურად შეასრულოს თავისი მოვალეობა და პასუხისმგებლობა.
20. შიდა აუდიტორი არ მონაწილეობს შიდა აუდიტორულ შემოწმებაში, თუ გამოვლინდა ინტერესთა კონფლიქტის ერთ-ერთი შემდეგი შემთხვევა:
ა) შიდა აუდიტორი შესამოწმებელ პერიოდში მუშაობდა შიდა აუდიტის ობიექტში;
ბ) შიდა აუდიტორის პირველი და მეორე რიგის მემკვიდრეებს ბოლო ერთი წლის განმავლობაში ეკავათ ხელმძღვანელი თანამდებობები შიდა აუდიტის ობიექტში;
გ) ინტერესთა კონფლიქტის სხვა შემთხვევა, რომელსაც აფასებს შიდა აუდიტის სუბიექტის უფროსი.
21. ყოველი აუდიტორული შემოწმების ჩატარების დაწყებამდე, აუდიტორული შემოწმების ჯგუფში შემავალი ყველა წევრი, წერილობით ადასტურებს, რომ კონკრეტულ აუდიტორულ შემოწმებაში მისი მონაწილეობა არ იწვევს ინტერესთა კონფლიქტს. ინტერესთა კონფლიქტის შესახებ ხელწერილი, აუდიტორული შემოწმების მასალების განუყოფელი ნაწილია.
22. ორგანიზაციულ დამოუკიდებლობასა და ობიექტურობაზე ზიანი შესაძლოა მოიცავდეს, მაგრამ არ შემოიფარგლებოდეს, პირადი ინტერესთა კონფლიქტით, თანამშრომლებზე, საკუთრებაზე, რესურსებზე, მათ შორის, დაფინანსებასა და ჩანაწერებზე წვდომის შეზღუდვებით.
23. შიდა აუდიტის სუბიექტი შიდა აუდიტის ფარგლების განსაზღვრის, სამუშაოს შესრულებისა და შედეგების წარდგენის დროს დამოუკიდებელი უნდა იყოს ჩარევისგან.
შიდა აუდიტის სუბიექტის (სამსახურის) უფროსს პირდაპირი ურთიერთობა და კომუნიკაცია უნდა ჰქონდეს დაწესებულების ხელმძღვანელთან (მერთან).
24. ამ დებულების მიზნებისთვის ობიექტურობა განისაზღვრება:
ობიექტურობა- არის მიუკერძოებელი დამოკიდებულება, რაც შიდა აუდიტორებს აძლევს შესაძლებლობას, განახორციელონ საქმიანობა ისე, რომ სჯეროდეთ თავიანთი საქმიანობის და არ დაუშვან ხარისხთან დაკავშირებული კომპრომისები. ობიექტურობა მოითხოვს, რომ შიდა აუდიტორებმა არ დაუქვემდებარონ აუდიტის საკითხებთან დაკავშირებული მსჯელობა სხვებს. ობიექტურობა გულისხმობს, რომ შიდა აუდიტორული შემოწმებისას ინფორმციის შეგროვების, შეფასებისა და გავრცელების დროს შიდა აუდიტორები ამჟღავნებენ მაღალი დონის პროფესიონალურ ობიექტურობას. მოსაზრების ჩამოყალიბებისას შიდა აუდიტორები ახდენენ ყველა მნიშვნელოვანი გარემოების გაწონასწორებულ შეფასებას და არ ექცევიან საკუთარი ან სხვა პირთა ინტერესების გავლენის ქვეშ.
25. ობიექტურობა გულისხმობს, რომ:
ა) შიდა აუდიტორებმა არ უნდა მიიღონ მონაწილეობა ისეთ ქმედებებში ან ურთიერთობებში, რომლებმაც შესაძლოა გავლენა იქონიოს მათი შეფასების მიუკერძოებლობაზე ან აღქმული იყოს ასეთად. ამგვარ მონაწილეობად აღიქმება ისეთი ქმედებები და ურთიერთობები, რომლებიც შესაძლოა ეწინააღმდგებოდეს დაწესებულების ინტერესებს;
ბ) შიდა აუდიტორებმა არ უნდა მიიღონ საჩუქრად ისეთი რამ, რითაც შესაძლოა ზიანი მიადგეს მათ პროფესიულ მოსაზრებას ან აღქმული იყოს ასეთად;
გ) უნდა გაამჟღავნონ მათთვის ცნობილი ყველა არსებითი ფაქტი, რომელთა არგამჟღავნება გავლენას იქონიებს შიდა აუდიტორულ ანგარიშზე;
დ) შიდა აუდიტორზე არ უნდა ხორციელდებოდეს ზემოქმედება აუდიტის ობიექტის მხრიდან ან აუდიტის ჯგუფის სხვა წევრებისგან;
ე) შიდა აუდიტორს არ უნდა ჰქონდეს ეკონომიკური ინტერესი, რომელიც შეიძლება გამომდინარეობდეს წამახალისებელი ანაზღაურებიდან ან შიდა აუდიტში ისეთი ადამიანის საქმიანობისაგან, რომელსაც ზეგავლენის მოხდენა შეუძლია შიდა აუდიტორების ანაზღაურებაზე;
ვ) შიდა აუდიტორი არ უნდა იყოს აუდიტის ობიექტის ხელმძღვანელი ან თანამშრომლის ნათესავი ან მეგობარი ან/და ობიექტურობის დარღვევა შესაძლებელია გამომდინარეობდეს აუდიტის ობიექტთან ხანგრძლივი ურთიერთობებიდან ან დამკვიდრებული სტერეოტიპებიდან, რომლებიც განპირობებულია წინასწარ ჩამოყალიბებული მოსაზრებებით ან აუდიტის პროცესში კონკრეტული სუბიექტური წარმოდგენის შექმნით;
ზ) შიდა აუდიტორის საქმიანობა, ერთდროულად არ უნდა მოიცავდეს რწმუნებას და კონსულტირებას, ანუ არ უნდა ამოწმებდეს საკუთარი საქმიანობის შედეგად მიღებულ შედეგებს;
თ) შიდა აუდიტორებმა თავი უნდა შეიკავონ იმ ოპერაციების შემოწმებისა და შეფასებისგან, რომელთა შესრულებაზეც ისინი წარსულში იყვნენ პასუხისმგებელნი;
ი) იმ საქმიანობის შემოწმება, რომლისთვისაც პასუხისმგებელია შიდა აუდიტის სუბიექტის უფროსი, უნდა განხორციელდეს შიდა აუდიტის სუბიექტის გარეთ მყოფი მესამე მხარის მეთვალყურეობით.
26. წინამდებარე დებულების 23-ე და 25-ე მუხლებში აღნიშნული გარემოებების არსებობის შემთხვევაში, შიდა აუდიტის ჯგუფის ხელმძღვანელმა უნდა მიიღოს ყველა საჭირო ზომა, მათ შორის შეიტანოს ცვლილებები შიდა აუდიტის ჯგუფის შემადგენლობაში, რათა უზრუნველყოფილ იქნას ობიექტურობის სათანადო დონე.
27. იმ შემთხვევაში, თუ შიდა აუდიტორებს დამოუკიდებლობა და ობიექტურობა შეეზღუდებათ შიდა აუდიტორული შემოწმების ჩატარების დროს, ეს ფაქტი დაწესებულების ხელმძღვანელთან გამჟღავნებული უნდა იყოს მისი გამოვლენისთანავე. დამოუკიდებლობასა და ობიექტურობასთან დაკავშირებული საფრთხეები უნდა იმართებოდეს თითოეული შიდა აუდიტორის, აუდიტორული შემოწმების, ფუნქციურ და ორგანიზაციულ დონეებზე.
28. შიდა აუდიტორებმა საქმიანობა უნდა განახორციელონ პატიოსნად, კეთილსინდისიერად და პასუხისმგებლობით. პატიოსნება წარმოშობს ნდობას და ამდენად, წარმოადგენს შიდა აუდიტორთა განსჯისადმი ნდობის სააფუძველს.
29. შიდა აუდიტორებმა:
ა) უნდა იმოქმედონ კანონმდებლობის ფარგლებში და ინფორმაცია გაამჟღავნონ მხოლოდ კანონმდებლობისა და პროფესიული მოთხოვნების შესაბამისად;
ბ) არ უნდა მიიღონ შეგნებულად მონაწილეობა ისეთ უკანონო საქმიანობაში ან ჩაერთონ ისეთ ქმედებებში, რომლებითაც მოხდება შიდა აუდიტორის პროფესიის ან მისი დაწესებულების დისკრედიტაცია;
გ) უნდა დაიცვან დაწესებულების სამართლებრივად და ეთიკურად გამართლებული მიზნები და წვლილი შეიტანონ მათ მიღწევაში.
30. შიდა აუდიტი არ შემოიფარგლება მხოლოდ ფინანსურ და საბუღალტრო დოკუმენტაციასთან მუშაობით. შიდა აუდიტორს ასევე გააჩნია შესაბამისი ცოდნა იმ დაწესებულების ფუნქციებისა და მოვალეობების შესახებ, სადაც იგი ატარებს ან ჩაატარებს შიდა აუდიტორულ საქმიანობას. შიდა აუდიტორი კარგად იცნობს საქართველოს შესაბამის კანონმდებლობას, მოქმედ საერთაშორისო სტანდარტებს, შიდა აუდიტის მეთოდოლოგიას, საუკეთესო პრაქტიკას და შიდა აუდიტთან დაკავშირებულ სხვა ფორმალურ დოკუმენტებს. კანონის ცოდნა საშუალებას აძლევს შიდა აუდიტორს წარმართოს თავისი საქმიანობა კანონის ფარგლებში, ხოლო საერთაშორისო სტანდარტების და პრაქტიკის ცოდნა მას საშუალებას აძლევს უფრო პროდუქტიულად შეასრულოს დაკისრებული მოვალეობები.
31. რეკომენდირებულია, რომ შიდა აუდიტორს ჰქონდეს აკადემიური ხარისხი ერთ-ერთ შემდეგ დისციპლინაში: ბუღალტერია, ბიზნესის ადმინისტრირება, საინფორმაციო სისტემები, საჯარო ადმინისტრირება ან ეკონომიკა, იურისპრუდენცია.
32. შიდა აუდიტორები საქმიანობას ახორციელებენ კვალიფიციურად და სათანადო პროფესიონალურ დონეზე. შიდა აუდიტორებს გააჩნიათ ცოდნა, უნარ-ჩვევები და სხვა საჭირო შესაძლებლობები ინდივიდუალურ ვალდებულებათა შესასრულებლად. შიდა აუდიტის სუბიექტის საქმიანობის განსახორციელებლად შიდა აუდიტორები კოლექტიურად უნდა ფლობდნენ ან მოიპოვებდნენ ცოდნას, უნარ-ჩვევებსა და სხვა შესაძლებლობებს.
33. ცოდნა, უნარები და სხვა შესაძლებლობები პროფესიულ კვალიფიკაციასთან დაკავშირებული ტერმინია, რაც უკავშირდება კოლექტიურად შიდა აუდიტორების პროფესიულ კომპეტენტურობას, მათ მიერ პროფესიული პასუხისმგებლობის ეფექტიანად შესასრულებლად. შიდა აუდიტორებისათვის რეკომენდირებულია მათი კვალიფიკაციის წარმოჩენა სათანადო პროფესიული სერტიფიკატებისა და კვალიფიკაციების მეშვეობით.
34. შიდა აუდიტორებს აქვთ საკმარისი ცოდნა იმისთვის, რომ შეაფასონ თაღლითობის რისკი და დაწესებულების მიერ მისი მართვის ღონისძიებები, მაგრამ მათ არ მოეთხოვებათ ჰქონდეთ იმ სახის პროფესიული ცოდნა, რომლის უმთავრესი ამოცანაა თაღლითობის გამოვლენა და გამოძიება.
35. შიდა აუდიტორებს გააჩნიათ საინფორმაციო ტექნოლოგიებთან დაკავშირებული უმთავრესი რისკების, კონტროლის მექანიზმებისა და ტექნოლოგიაზე დაფუძნებული აუდიტის მეთოდების საკმარისი ცოდნა იმისთვის, რომ შეასრულონ დაკისრებული ფუნქცია. თუმცა ყველა აუდიტორს არ მოეთხოვება, რომ ჰქონდეს იმ შიდა აუდიტორის ექსპერტული ცოდნა, რომლის უმთავრესი პასუხისმგებლობაა საინფორმციო ტექნოლოგიების აუდიტი.
36. შიდა აუდიტორები ავლენენ პროფესიონალური დამოკიდებულებასა და უნარ-ჩვევებს, ისე, როგორც მოეთხოვება გონივრულ, წინდახედულ, კომპეტენტურ შიდა აუდიტორს. სამუშაოსადმი პროფესიონალური დამოკიდებულება არ გულისხმობს უშეცდომობას.
37. შიდა აუდიტორებმა გამოხატავენ საქმისადმი სათანადო პროფესიონალური დამოკიდებულებას, შემდეგი ასპექტების გათვალისწინებით:
ა) სამუშაოს მოცულობა, რომელიც საჭიროა საქმიანობის მიზნების მისაღწევად;
ბ) საკითხების შედარებითი სირთულე, არსებითობა და მნიშვნელობა;
გ) მმართველობითი, რისკის მართვისა და კონტროლის სისტემის ადეკვატურობა და ეფექტურობა;
დ) მნიშვნელოვანი შეცდომების, თაღლითობის, ან შეუსაბამობის ალბათობა;
ე) გაწეული ხარჯი პოტენციურ სარგებელთან მიმართებაში.
38. პროფესიონალური დამოკიდებულების გამოვლენის დროს, შიდა აუდიტორები განიხილავენ ტექნოლოგიებზე დაფუძნებული აუდიტისა და მონაცემთა ანალიზის სხვა მეთოდების გამოყენების შესაძლებლობას.
39. შიდა აუდიტორები შიდა აუდიტორულ საქმიანობას ეწევიან შიდა აუდიტის სტანდარტების, შიდა აუდიტის მეთოდოლოგიისა და შიდა აუდიტის მარეგულირებელი სხვა სამართლებრივი აქტებისა და ინსტრქუციების შესაბამისად.
40. საერთაშორისო სტანდარტების შესაბამისად, შიდა უდიტორებს მოეთხოვებათ მონაწილეობა მიიღონ მიმდინარე ტრენინგების პროგრამაში. ამის მიღწევა შესაძლებელია სპეციალური განათლების მიღებით ან სხვადასხვა პროფესიონალურ სემინარებში, კურსებში და ტრენინგებში მონაწილეობით.
41. შიდა აუდიტორები აცნობიერებენ, რომ შიდა აუდიტი განვითარებადი სფეროა და შესაბამისად, ძალზედ მნიშვნელოვანია ინტერნეტის ან სხვა აუდიტორებთან ორგანიზებული შეხვედრების მეშვეობით ინფორმაციის გაცვლისა და საუკეთესო პრაქტიკის გაცვლა და გაცნობა.
42. შიდა აუდიტორები ყურადღებას ამახვილებენ დაწესებულების მნიშვნელოვან რისკებზე, რომლებმაც შესაძლოა გავლენა იქონიოს დაწესებულების მიზნებზე, ამოცანებზე, ოპერაციებსა და რესურსებზე, თუმცა მათ მიერ განხორციელებული პროფესიონალური ქმედებები არ იძლევა ყველა მნიშვნელოვანი რისკის გამოვლენის გარანტიას.
43. თუ შიდა აუდიტორებს არ აქვთ საკმარისი ცოდნა, უნარები და სხვა შესაძლებლობები საქმიანობის სრულად ან მისი ნაწილის შესარულებლად, შიდა აუდიტის (სუბიექტის) სამსახურის უფროსმა უარი უნდა თქვას შიდა აუდიტორული შემოწმების ჩატარებაზე, ან მიიღოს კომპეტენტური რჩევა.
44. შიდა აუდიტორები იუმჯობესებენ თავიანთი ცოდნას, უნარებსა და სხვა შესაძლებლობებს უწყვეტი პროფესიონალური განვითარების გზით.
45. შიდა აუდიტორები იცავენ კონფიდენციალურობის პრინციპებს. კონფიდენციალურობა გულისხმობს, რომ შიდა აუდიტორები პატივს სცემენ მიღებულ ინფორმაციას და საკუთრების პრინციპს და არ ამჟღავნებენ მას შესაბამისი უფლებამოსილების გარეშე, იმ გამონაკლისი შემთხვევის გარდა, როცა ინფორმაციის გამჟღავნება ნაკარნახევია სამართლებრივი ან პროფესიონალური მოვალეობებით.
46. შიდა აუდიტორები თავისი მოვალეობის შესრულების დროს მიღებული ინფორმაციის გამოყენებისას იჩენენ სიფრთხილეს და იცავენ მას. არ იყენებენ ინფორმაციას პირადი მიზნებისთვის ან იმგვარად, რაც წინააღმდეგობაში იქნება კანონმდებლობასთან ან ზარალს მიაყენებს დაწესებულების (მერიის) სამართლებრივი და ეთიკური მიზნების მიღწევას.
47. შიდა აუდიტის (სუბიექტი) სამსახური ფუნქციურად დამოუკიდებელია თავის საქმიანობაში, ანგარიშვალდებულია დაწესებულების ხელმძღვანელის (მერის) წინაშე და „სახელმწიფო შიდა ფინანსური კონტროლის შესახებ“ საქართველოს კანონით განსაზღვრულ შემთხვევებში მოქმედებს ჰარმონიზაციის ცენტრთან კოორდინირებულად.
48. სამსახურის სრული დასახელებაა: ქობულეთის მუნიციპალიტეტის მერიის პირველადი სტრუქტურული ერთეული – შიდა აუდიტის სამსახური.
49. შიდა აუდიტის სამსახური შედგება სამსახურის უფროსის, მიმდინარე ზედამხედველობის, მიმდინარე პროცესებისა და რეკომენდაციების შესრულების მონიტორინგის განყოფილებისა და სამსახურში შემავალი პროფესიული საჯარო მოხელეებისაგან.
50. სამსახურის იურიდიული მისამართია: ქ. ქობულეთი, დავით აღმაშენებლის გამზირი N141.
მუხლი 2🔗.
სამსახურის სტრუქტურა
1. პირველადი სტრუქტურული ერთეულის შიდა აუდიტის სამსახური შედგება:
ა) სამსახურის უფროსი;
ბ) მიმდინარე ზედამხედველობის, მიმდინარე პროცესებისა და გაცემული რეკომენდაციების შესრულების მონიტორინგის განყოფილება;
გ) სამსახურში შემავალი საჯარო მოხელეები.
2. სამსახურის მოხელეთა თანამდებობიდან გათავისუფლების და სამსახურებრივი ურთიერთობის შეწყვეტის, აგრეთვე სამსახურებრივი ურთიერთობის შეჩერების საფუძვლები განისაზღვრება საქართველოს კანონმდებლობით.
3. სამსახურის სტრუქტურაში არსებული თანამდებობები დგინდება მერიის საშტატო ნუსხით.
თავი II
სამსახურის უფლებამოსილებები
მუხლი 3🔗.
სამსახურის ძირითადი მიზნები და ამოცანები
1. სამსახურის ძირითადი მიზნები და ამოცანებია:
ა) დამოუკიდებელი და ობიექტური საქმიანობა, რომლის შედეგადაც განსაზღვრავს და აანალიზებს მერიაში არსებული პოლიტიკის და პროცედურების შესრულებას, საკანონმდებლო მოთხოვნებისა და არსებული სტანდარტების დაცვას, რესურსების ეფექტურად და ეკონომიურად გამოყენებას, ამოცანების ეფექტურ შესრულებას და შედეგად მერიის დასახული მიზნების მიღწევას;
ბ) უზრუნველყოფს მერიის სისტემაში არსებული ფინანსური მართვისა და კონტროლის მექანიზმების ადეკვატურობის, ეკონომიურობის, ეფექტიანობის, მოქმედ სტანდარტებთან და საქართველოს კანონმდებლობასთან შესაბამისობის შეფასებასა და მონიტორინგს.
2.სამსახურის ფუნქციას წარმოადგენს:
ა) მერიის წინაშე არსებული რისკების დადგენა და მათი მართვის ხარისხის შეფასება, მერიის სისტემის საქმიანობის გაუმჯობესება და მისი მიზნების მიღწევის ხელშეწყობა შემდეგი საქმიანობის განხორციელებით:
ა.ა) ფინანსური მართვისა და კონტროლის სისტემის შეფასება;
ა.ბ) მერიის საქმიანობის საქართველოს კანონმდებლობასთან შესაბამისობის შეფასება/ მონიტორინგი;
ა.გ) მერიის საქმიანობის გაუმჯობესების მიზნით რეკომენდაციების შემუშავება;
ა.დ) ფინანსური და სხვა ინფორმაციის სანდოობის, სიზუსტისა და სისრულის შეფასება;
ა.ე) მერიის აქტივების, სხვა რესურსებისა და ინფორმაციის ადეკვატურად დაცულობის შეფასება;
ა.ვ) სხვა საქმიანობა, რომელიც გამომდინარეობს მერიის ინტერესებიდან და არ ეწინააღმდეგება საქართველოს კანონმდებლობას, „სახელწიფო შიდა ფინანსური კონტროლის შესახებ“ საქართველოს კანონის მიზნებსა და აუდიტორის დამოუკიდებლობის პრინციპებს;
ბ) მერიის ყველა სტრუქტურულ ქვედანაყოფში (ერთეულში) და მერიისადმი დაქვემდებარებულ ყველა ერთეულში კანონმდებლობის მოთხოვნათა დაცვასა და შესრულებაზე კონტროლის განხორციელება, მოსალოდნელი დარღვევების ან/და ხარვეზების ანალიზი და მათი პრევენცია;
ბ.ა) სამსახურებრივი შემოწმების შედეგად დანაშაულის ნიშნების აღმოჩენის შემთხვევაში, მერთან შეთანხმებით, მასალების შესაბამის ორგანოში გადაგზავნა.
3. სამსახური უფლებამოსილია:
ა) მერიის სისტემაში განახორციელოს შიდა აუდიტორული შემოწმება აუდიტის შემდეგი სახეების გამოყენებით:
ა.ა) სისტემური აუდიტი;
ა.ბ) შესაბამისობის აუდიტი;
ა.გ) ფინანსური აუდიტი;
ა.დ) ეფექტიანობის აუდიტი;
ა.ე) IT აუდიტი
ა.ა1 სისტემური აუდიტი- ფინანსური მართვისა და კონტროლის სისტემის ადეკვატურობისა და ეფექტიანობის შეფასება;
ა.ბ1 შესაბამისობის აუდიტი- დაწესებულების საქმიანობის პოლიტიკასთან, გეგმებთან, პროცედურებთან, კანონებსა და სხვა მარეგულირებელ აქტებთან შესაბამისობის შემოწმება და შეფასება;
ა.გ1 ეფექტიანობის აუდიტი- შიდა აუდიტის ობიეტის მიერ განხორციელებული ღონისძიებების, ოპერციების, პროგრამების, დაწესებულების ორგანიზაციული მოწყობისა და სისტემის, ობიექტური და საიმედო შეფასება, მათი ეკონომიურობის, პროდუქტიულობისა და ეფექტიანობის პრინციპებთან შესაბამისობის დადგენისა და გაუმჯობესების პოტენციალის გამოვლენის მიზნით;
ა.დ1 ფინანსური აუდიტი- შიდა აუდიტის ობიექტის ბუღალტრული აღრიცხვისა და ფინანსური ანგარიშგების შემოწმება, საქართველოს კანონმდებლობასთან და სტანდარტებთან მათი შესაბამისობის დადგენის მიზნით;
ა.ე1ინფორმაციული ტექნოლოგიების აუდიტი (IT აუდიტი)- ინფორმაციული ტექნოლოგიების ადეკვატურობისა და სისტემის უსაფრთხოების დაცულობის შემოწმება და შეფასება, სისტემის კონფიდენციალურობის, მთლიანობის და ინფორმაციის ხელმისაწვდომობის უზრუნველყოფის მიზნით;
ბ) მერიის სისტემიდან შეუზღუდავად მოითხოვოს მისთვის საჭირო ყველა ინფორმაცია, დოკუმენტი და ხელი მიუწვდებოდეს მონაცემთა ბაზებზე, მიუხედავად მათი ფორმისა (მატერიალური და ელექტრონული დოკუმენტები, ინფორმაცია, ელექტრონული პროგრამები და სისტემები, ადმინისტრაციული შენობები, პერსონალი და სხვა), მიიღოს მერიის სისტემის ნებისმიერი თანამშრომლისგან შესაბამისი ინფორმაცია ან განმარტება. აგრეთვე მოითხოვოს დოკუმენტის სახელმწიფო ენაზე წარდგენა, გადაიღოს დოკუმენტის ასლები და სხვა, გარდა საქართველოს კანონმდებლობით დადგენილი შეზღუდვებისა (სახელმწიფო საიდუმლოება).
გ) საჭიროების შემთხვევაში მოიწვიოს სპეციალისტი ან ექსპერტი;
დ) კომერციული საიდუმლოების შემცველი ინფორმაცია, გამოყენოს, მხოლოდ კონკრეტული შიდა აუდიტორული შემოწმების ჩატარების მიზნით და არ იქნას გამჟღავნებული სხვა მესამე მხარესთან;
ე) შიდა აუდიტის განხორციელების შედეგად შეადგინოს შიდა აუდიტორული ანგარიშის პროექტი, რომელშიც ასახავს შიდა აუდიტის შედეგებს, შიდა აუდიტის განხორციელების პროცესსა და მიგნებებს, მათ ანალიზს და მათ საფუძველზე შემუშავებულ რეკომენდაციებს;
ე.ა) შიდა აუდიტორული ანგარიშის პროექტი გონივრული ვადის მითითებით ეგზავნება შიდა აუდიტის ობიექტს ანგარიშში ასახულ საკითხებთან დაკავშირებით საკუთარი მოსაზრების და რეკომენდაციების შესრულების სამოქმედო გეგმის წარმოდგენის მიზნით. აღნიშნული ვადის გასვლის შემთხვევაში შიდა აუდიტორული ანგარიშის პროექტი ჩაითვლება საბოლოოდ, ხოლო მასში ასახული მიგნებები და რეკომენდაციები-შეთანხმებულად;
ე.ბ) თუ შიდა აუდიტის ობიექტი არ ეთანხმება შიდა აუდიტორული ანგარიშის პროექტში ასახულ მიგნებებს ან/და რეკომენდაციებს, იგი საპასუხო წერილში მიუთითებს არგუმენტაციას ან/და მოსაზრებას თავისი პოზიციის გასამყარებლად;
ე.გ) შიდა უადიტორული ანგარიშის პროექტთან დაკავშირებით წარდგენილი შიდა აუდიტის ობიექტის მოსაზრება აისახება საბოლოო შიდა აუდიტორულ ანგარიშში;
ვ) საბოოლოდ აყალიბებს შიდა აუდიტორულ ანგარიშს და მას შიდა აუდიტის ობიექტის მიერ წარმოდგენილ რეკომენდაციების შესრულების სამოქმედო გეგმასთან ერთად უგზავნის დაწესებულების ხელმძღვანელს (მერს);
ზ) თუ შიდა აუდიტის სუბიექტი (სამსახური) და შიდა აუდიტის ობიექტი ვერ თანხმდებიან საბოლოო შიდა აუდიტორულ ანგარიშში ასახულ რეკომენდაციებზე, შიდა აუდიტის სუბიექტი (სამსახური) შეუთანხმებელ რეკომენდაციებს შესაბამისი გადაწყვეტილების მისაღებად უგზავნის დაწესებულების ხელმძღვანელს (მერს), რომელიც გონივრულ ვადაში იღებს ამ გადაწყვეტილებას;
თ) სამსახურის წარმომადგენელთა მოთხოვნის შემთხვევაში, მერიის სისტემის ნებისმიერი თანამშრომელი ვალდებულია დაუყონებლივ გამოცხადდეს და თავისი კომპეტენციის ფარგლებში მისცეს სათანადო განმარტება ან წარუდგინოს შესაბამისი ინფორმაცია, უზრუნველყოს არსებულ მონაცემთა ბაზებისა და დოკუმენტების ხელმისაწვდომობა და დახმარება გაუწიოს სამსახურის წარმომადგენლებს სხვა ქმედების განხორციელების მიზნით;
ი) სამსახურის საქმიანობას წარმართავს სამსახურის უფროსი, რომლის უფლებამოსილებები და სამსახურებრივი ფუნქციები განისაზღვრება საქართველოს ორგანული კანონით „ადგილობრივი თვითმმართველობის კოდექსი,“ მერიის დებულებით და სამსახურის უფროსის სამუშაოთა აღწერილობით. უფროსის არყოფნის ან/და უფლებამოსილების განხორციელების შეუძლებლობის შემთხვევაში, მერის ბრძანებით, სამსახურის უფროსის უფლება-მოვალეობებს ახორციელებს სამსახურის ერთ-ერთი საჯარო მოხელე – განყოფილების უფროსი ან/და უფროსი სპეციალისტი.
4. შიდა უდიტის სამსახური (სუბიექტი) ვალდებულია:
ა) დაიცვას წინამდებარე დებულება, შიდა აუდიტის სტანდარტები, შიდა აუდიტორთა ეთიკის კოდექსი, შიდა აუდიტის მეთოდოლოგია და შიდა აუდიტის მარეგულირებელი სხვა სამართლებრივი აქტები;
ბ) სისტემატური და თანამიმდევრული მიდგომის გამოყენებით, შეაფასოს და წვლილი შეიტანოს მმართველობითი, რისკის მართვისა და კონტროლის პროცესების გაუმჯობესებაში;
გ) შეაფასოს დაწესებულების ეთიკასთან დაკავშირებული მიზნების, პროგრამებისა და საქმიანობების მიმართულებები, შესრულება და ეფექტიანობა;
დ) შეაფასოს უზრუნველყოფს თუ არა დაწესებულების საინფორმაციო ტექნოლოგიების მმართველობა დაწესებულების სტრატეგიებისა და მიზნების შესრულებას;
ე) შეაფასოს რისკის მართვის პროცესების ეფექტურობა და ხელი შეუწყოს მათ გაუმჯობესებას;
ე.ა) რისკი მართვის პროცესების ეფექტურობის განსაზღვრა ეფუძნება შიდა აუდიტის მიერ განხორციელებული შეფასებიდან გამომდინარე მსჯელობას, რომ:
დაწესებულების (მერიის) მიზნები შესაბამისობაშია მის ამოცანებთან;
გამოვლენილია და შეფასებულია არსებითი რისკები;
შეიმჩნევა რისკის მიმართ სათანადო მიდგომები, რომლებიც შეუსაბამებენ რისკებს დაწესებულების რისკის დონეს, რომელიც დაწესებულებისთვის მისაღებია;
შესაბამისი რისკების შესხებ ინფორმაცია გროვდება და დროულად გადაეცემა დაწესებულებაში (მერიაში) შემავალ ერთეულებს, რაც თანამშრომლებს და ხელმძღვანელებს ეხმარება თავიანთი ფუნქციების შესრულებაში.
ე.ბ) რისკის მართვის პროცესების მონიტორინგი ხორციელდება დაწესებულების (მერიის) ხელმძღვანელობის მიმდინარე საქმიანობის ჩარჩოებში, სპეციალური შეფასების დახმარებით, ან ორივეს ერთად გათვალისწინებით;
ვ) შეაფასოს დაწესებულების მმართველობით სისტემასთან, ოპერაციებთან და საინფორმაციო სისტემებთან დაკავშირებული რისკები შემდეგ საკითხებთან მიმართებაში:
ვ.ა) ფინანსური და ოპერაციული ინფორმაციის სანდოობა და უტყუარობა;
ვ.ბ) ოპერაციებისა და პროგრამების ეფექტურობა და ეფექტიანობა;
ვ.გ) აქტივების დაცულობა;
ვ.დ) კანონმდებლობასთან, მარეგულირებელ დოკუმენტებთან, ინსტრუქციებთან, პროცედურებსა და კონტრაქტებთან შესაბამისობა;
ზ) შეაფასოს თაღლითობის არსებობის ალბათობა, და თუ როგორ მართავს დაწესებულების ხელმძღვანელობა თაღლითობის რისკს;
თ) დაეხმაროს დაწესებულებას ეფექტური კონტროლის მექანიზმების შენარჩუნებაში ეფექტურობისა და ეფექტიანობის შეფასებისა და მუდმივი სრულყოფის ხელშეწყობის გზით;
ი) შეაფასოს დაწესებულების (მერიის) მმართველობის მიერ რისკების კონტროლის მექანიზმების ადეკვატურობა და ეფექტურობა, ოპერაციულ საქმიანობასა და საინფორმაციო სისტემებში, შემდეგ საკითხებთან მიმართებაში:
ი.ა) ფინანსური და ოპერაციული ინფორმაციის სანდოობა;
ი.ბ) აქტივების დაცულობა;
ი.გ) კანონმდებლობასთან, მარეგულირებელ დოკუმენტებთან, ინსტრუქციებთან, პროცედურებსა და კონტრაქტებთან შესაბამისობა;
კ) შიდა აუდიტორული შემოწმების დაწყებამდე შიდა აუდიტის ობიექტს წარუდგინოს აუდიტორული შემოწმების ინდივიდუალური გეგმა;
ლ) შიდა აუდიტორული ანგარიშის პროექტი გაუგზავნოს შიდა აუდიტის ობიექტს იმ მიზნით, რომ მან წარმოადგინოს საკუთარი მოსაზრება და არგუმენტირებული პასუხი ანგარიშში დასმულ საკითხებთან დაკავშირებით, რაც აისახება საბოლოო ანგარიშში;
მ) საბოლოო შიდა აუდიტორული ანგარიში და გაცემული რეკომენდაციების შესრულების გეგმა გაუგზავნოს მერს;
ნ) შიდა აუდიტის წლიური ანგარიში წარუდგინოს მერს მომდევნო წლის იანვრის ბოლომდე;
ო) უზრუნველყოს შიდა აუდიტის ობიექტის სახელმწიფო, სამსახურებრივი და პირადი საიდუმლოების დაცვა საქართველოს კანონმდებლობით დადგენილი წესით და არ გაამჟღავნოს ის ინფორმაცია, რომელიც ცნობილი გახდა თავისი საქმიანობის განხორციელებისას ან მასთან დაკავშირებით, გარდა იმ შემთხვევისა, როდესაც იგი გამომდინარეობს შიდა აუდიტორული შემოწმების მიზნიდან ან/და გათვალისწინებულია შესაბამისი კანონმდებლობით;
პ) მერიის თანხმობის გარეშე არ გახადოს საჯარო შიდა აუდიტორული შემოწმების შედეგები, გარდა საქართველოს კანონმდებლობით გათვალისწინებული შემთხვევებისა;
ჟ) შედგენილი სამსახურებრივი შემოწმების დასკვნა რეაგირებისათვის გადაუგზავნოს მერს და შემოწმებული ობიექტის ხელმძღვანელს;
რ) იქედან გამომდინარე, რომ საბიუჯეტო შეზღუდვების, პრიორიტეტების განსხვავებულად განსაზღვრისა და სხვა ფაქტორების გამო, აუდიტის ობიექტები ხშირად ვერ ახერხებენ გაცემული რეკომენდაციების სრულად ან საერთოდ შესრულებას, რამაც შესაძლოა რეაგირების გარეშე დატოვოს მნიშვნელოვანი რისკები, შიდა აუდიტი არ შემოიფარგლება მხოლოდ შიდა აუდიტორული ანგარიშის მომზადებით, რეკომენდაციების განხილვით და შიდა აუდიტის ობიექტთან სამოქმედო გეგმის შეთანხმებით. ამასთან ერთად შიდა აუდიტის სამსახური ახორციელებს გაცემული რეკომენდაციების შედეგად სამოქმედო გეგმის შესრულების მონიტორინგს და საჭიროების შემთხვევაში აწვდის შესაბამის ანგარიშს დაწესებულების ხელმძღვანელს (მერს);
ს) სამსახური თანამშრომლობს სახელმწიფო აუდიტის სამსახურთან, მოთხოვნის შემთხვევაში აწვდის მას შესაბამის ინფორმაციას ან/და დოკუმენტაციას და მასთან ურთიერთობას წარმართავს შიდა კონტროლის საერთაშორისო სტანდარტების შესაბამისად;
ტ) შიდა აუდიტის სამსახური (სუბიექტი), ინფორმაციული ტექნოლოგიების აუდიტის განხორციელებისას თანამშრომლობს საქართველოს იუსტიციის სამინისტროს მმართველობის სფეროში მოქმედ საჯარო სამართლი იურიდიულ პირთან-ციფრული მმართველობის სააგენტოსთან და აწვდის მას აღნიშნული აუდიტორული შემოწმების ანგარიშს მომზადებიდან 1 თვის ვადაში.
თავი III
სამსახურის ხელმძღვანელობა
მუხლი 4🔗.
სამსახურის ხელმძღვანელი
1. ქობულეთის მუნიციპალიტეტის მერიის პირველადი სტრუქტურული ერთეულის შიდა აუდიტის სამსახურის უფროსი (შემდგომ – სამსახურის უფროსი), რომელსაც თანამდებობაზე ნიშნავს და თანამდებობიდან ათავისუფლებს მერი ,,საჯარო სამსახურის შესახებ“ საქართველოს კანონით დადგენილი წესით.
2. სამსახურის უფროსი:
ა) იხილავს შემოსულ კორესპონდენციას და იღებს შესაბამის გადაწყვეტილებას, ხელს აწერს ან ვიზას ადებს სამსახურში მომზადებულ დოკუმენტებს;
ბ) კოორდინაციას უწევს შიდა აუდიტორთა საქმიანობას და უნაწილებს მათ ფუნქციებს ცოდნისა და კვალიფიკაციის შესაბამისად;
გ) უზრუნველყოფს კვალიფიციური შიდა აუდიტორების შერჩევას და მერს წარუდგენს მათ დასანიშნად;
დ) თანამშრომლობს ჰარმონიზაციის ცენტრთან და მოთხოვნის შემთხვევაში აწვდის მას შესაბამის დოკუმენტაციას და ინფორმაციას;
ე) ითვალისწინებს ჰარმონიზაციის ცენტრის მიერ საქართველოს კანონმდებლობის ფარგლებში გაცემულ შესაბამის რეკომენდაციებსა და მითითებებს;
ე1 ჰარმონიზაციის ცენტრი- არის საქართველოს ფინანსთა სამინისტროს სტრუქტურული ქვედანაყოფი, რომელიც ხელს უწყობს და უზრუნველყოფს დაწესებულებებში სახელმწიფო შიდა კონტროლის სისტემის დანერგვას, განვითარებასა და ფუნქციურ სრულყოფას და ამ საკითხების კოორდინაციას;
ვ) ახორციელებს მონიტორინგს შიდა აუდიტის ობიექტისთვის მიცემული რეკომენდაციების შესრულებაზე;
ზ) საკუთარი კომპეტენციის ფარგლებში გამოსცემს ადმინისტრაციულ სამართლებრივ აქტებს;
თ) ადგენს რისკზე დაფუძნებულ წლიურ და სტრატეგიულ გეგმას, რომელიც განსაზღვრავს დაწესებულების (მერიის) მიზნების შესაბამისად, შიდა აუდიტის საქმიანობის პრიორიტეტებს;
თ.ა) შიდა აუდიტის სტრატეგიულ გეგმას შეიმუშავებს შიდა აუდიტის (სუბიექტის) სამსახურის უფროსი და ამტკიცებს (დაწესებულების ხელმძღვანელი) მერი. შიდა აუდიტის სტრატეგიული გეგმა გამომდინარეობს (დაწესებულების) მერიის გრძელვადიანი მიზნებიდან, მოიცავს 3-წლიან პერიოდს და განსაზღვრავს შიდა აუდიტის სფეროში სტრატეგიული განვითარების მიმართულებებს;
თ.ბ) შიდა აუდიტის წლიურ გეგმას ადგენს შიდა აუდიტის (სუბიექტის) უფროსი და ამტკიცებს (დაწესებულების ხელმძღვანელი) მერი. შიდა აუდიტის წლიური გეგმა ეფუძნება შიდა აუდიტის სტრატეგიულ გეგმას და შეიცავს კონკრეტულ შიდა აუდიტორულ შემოწმებებს;
თ.გ) შიდა აუდიტის დაგეგმვა ხორციელდება რისკის შეფასების საფუძველზე და მისი შედეგები აისახება შიდა აუდიტის სტრატეგიულ გეგმაში, რის მიხედვითაც მუშავდება შიდა აუდიტის წლიური გეგმა;
თ.დ) შიდა აუდიტის წლიურ გეგმაში, რეკომენდაციების შესრულების ადეკვატურობის, ეფექტურობისა და დროულობის შეფასებისთვის, გაიწერება გაცემული რეკომენდაციების შესრულების მონიტორინგი;
თ.ე) შიდა აუდიტის (სუბიექტის) სამსახურის უფროსის წინადადებით შიდა აუდიტის სტრატეგიულ და წლიურ გეგმებში ნებისმიერი ცვლილება ხორციელდება რისკის შეფასების საფუძველზე;
თ.ვ) შიდა აუდიტის სტრატეგიული და წლიური გეგმა მტკიცდება დაგეგმილი პერიოდის დაწყებამდე.
თ.ზ) შიდა აუდიტის წლიურ და სტრატეგიულ გეგმებს ან მათში განსახორციელებელ ცვლილებებს ამტკიცებს (დაწესებულების ხელმძღვანელი) მერი და ეგზავნება ჰარმონიზაციის ცენტრს;
ი) მხედველობაში იღებს (დაწესებულების) მერიის რისკის მართვის კონცეპტუალურ საფუძვლებს, მათ შორის, ხელმძღვანელთა მიერ სხვადასხვა საქმიანობასა და დაწესებულების სხვადასხვა სტრუქტურულ ერთეულებთან დაკავშირებულ რისკის დონეებს, რომელიც დაწესებულებისთვის მისაღებია. თუ ეს კონცეპტუალური საფუძვლები არ არსებობს, შიდა აუდიტის (სუბიექტის) სამსახურის უფროსი დაწესებულების ხელმძღვანელთან (მერთან) კონსულტაცის შემდეგ იყენებს რისკის შესახებ საკუთარ მსჯელობას;
კ) შემოწმების მიზნების მისაღწევად შეიმუშავებს და ამტკიცებს შიდა აუდიტორული შემოწმების ინდივიდუალურ გეგმას;
კ.ა) ინდივიდუალური გეგმა მოიცავს შემოწმების დროს ინფორმაციის იდენტიფიკაციის, შეგროვების, ანალიზის, შეფასებისა და დოკუმენტირების პროცედურებს. ინდივიდუალური გეგმა მტკიცდება მის განხორციელებამდე. ასევე, მყისიერად მტკიცდება მასში ნებისმიერი ცვლილება;
კ.ბ) შესაძლებელია შიდა აუდიტორული შემოწმების სახიდან გამომდინარე, ინდივიდუალური გეგმა ფორმითა და შინაარსით განსხვავებული იყოს ერთმანეთისაგან;
ლ) ახორციელებს მონიტორინგს შიდა აუდიტის წლიური გეგმის შესრულებაზე და შიდა აუდიტის სუბიექტის მიერ შიდა აუდიტის მეთოდოლოგიის გამოყენებაზე;
მ) შეიმუშავებს ხარისხის უზრუნველყოფისა და გაუმჯობესების პროგრამას, რაც მოცავს შიდა აუდიტის საქმიანობის ყველა ასპექტს;
მ.ა) ხარისხის გაუმჯობესების პროგრამის შემუშავება ხდება შიდა აუდიტის არსსა და შიდა აუდიტის სტანდარტებთან შიდა აუდიტის (სუბიქტის) სამსახურის საქმიანობის შესაბამისობის დასადგენად და ასევე შიდა აუდიტორების მიერ შიდა აუდიტორთა ეთიკის კოდექსის გამოყენების შესაფასებლად. პროგრამა ასევე აფასებს შიდა უდიტის (სუბიექტის) სამსახურის საქმიანობის ეფექტურობასა და პროდუქტიულობას, ახორციელებს გაუმჯობესების შესაძლებლობების დადგენას;
მ.ბ) ხარისხის უზრუნველყოფისა და გაუმჯობესების პროგრამა მოიცავს შიდა და გარე შეფასებებს. თავის მხრივ შიდა შეფასებები მოიცავს: შიდა აუდიტის (სუბიექტის) სამსახურის საქმიანობის შედეგების მიმდინარე მონიტორინგსა და პერიოდულ მიმოხილვებს, განხორციელებულს თვითშეფასების მეშვეობით, ან (დაწესებულებაში) მერიაში არსებული სხვა პირების მეშვეობით, რომელთაც გააჩნიათ შიდა უდიტის პრაქტიკის საკმარისი ცოდნა;
მ.გ) ხარისხის უზრუნველყოფისა და გაუმჯობესების პროგრამის შედეგების ფორმა, შინაარსი და სიხშირე დგინდება (დაწესებულების ხელმძღვანელთან) მერთან გამართულ დისკუსიების შედეგად წინამდებარე დებულებაში მოცემული შიდა აუდიტის (სუბიექტის) სამსახურის საქმიანობისა და შიდა აუდიტის (სუბიექტის) სამსახურის უფროსის პასუხისმგებლობის გათვალისწინებით. შიდა აუდიტის არსთან, შიდა აუდიტორთა ეთიკის კოდექსსა და შიდა აუდიტის სტანდარტებთან შესაბამისობის წარმოჩენის მიზნით, გარე და პერიოდული შიდა შეფასების შედეგების მიწოდება ხდება ამ შეფასების დასრულებისთანავე, ხოლო მიმდინარე მონიტორინგის შედეგები მიეწოდება სულ მცირე ყოველწლიურად. შედეგები მოიცავს მიმომხილველის ან მიმომხილველთა ჯგუფის შეფასებებს შესაბამისობის ხარისხთან დაკავშირებით;
ნ) მერს წარუდგენს ინფორმაციას ხარისხის უზრუნველყოფისა და გაუმჯობესების პროგრამის შედეგების შესახებ;
ო) აყალიბებს შიდა აუდიტის (სუბიექტის) სამსახურის სახელმძღვანელო პოლიტიკას და პროცედურებს, რომლის ფორმა და შინაარსი დამოკიდებულია შიდა აუდიტის (სუბიექტის) სამსახურის სიდიდეზე, სტრუქტურასა და სამუშაოს სირთულეზე;
პ) შემოწმებისა და შეფასების გამწევ სხვა შიდა და გარე მხარეებთან ერთად ახორციელებს ინფორმაციის ურთიერთგაცვლას და ასევე საქმიანობათა კოორდინაციას, რომლითაც უზრუნველყოფს შიდა აუდიტის ობიექტის სათანადო ჩართულობის ხარისხსა და სამუშაოთა გაორმაგების მინიმიზაციას;
ჟ) მერთან (დაწესებულების ხელმძღვანელთან) შეთანხმებული სიხშირით წარუდგენს მას ანგარიშს, გეგმასთან მიმართებაში შიდა აუდიტის (სუბიექტის) სამსახურის საქმიანობის მიზნის, უფლებამოსილებისა და ამოცანების შედეგების შესახებ;
ჟ.ა) ანგარიშმა უნდა მოიცვას მნიშვნელოან რისკებსა და შიდა კონტროლთან დაკავშირებული საკითხები, მათ შორის, თაღლითობის რისკები, მმართველობითი საკითხები და სხვა. რაც მოთხოვნილია (დაწესებულების ხელმძღვანელის) მერის მიერ;
ჟ.ბ) ანგარიშის წარდგენის სიხშირე და შინაარსი განისაზღვრება (დაწესებულების ხელმძღვანელთან) მერთან განხილვის დროს და დამოკიდებულია (დაწესებულების ხელმძღვანელისადმი) მერისადმი მიწოდებული ინფორმაციის მნიშვნელოვნობასა და მათი მხრიდან განსახორციელებელი ქმედებების სისწრაფეზე;
რ) აფასებს და გასწევს სათანადო რეკომენდაციებს მმართველობითი პროცესის გასაუმჯობესებლად, რათა მიღწეულ იქნეს შემდეგი მიზნები:
რ.ა) მერიაში (დაწესებულებაში) სათანადო ეთიკისა და ღირებულებების გავრცელების ხელშეწყობა;
რ.ბ) მერიის (დაწესებულების) საქმიანობის შედეგების მართვის ეფექტურობისა და ანგარიშვალდებულების უზრუნველყოფა;
რ.გ) მერიის (დაწესებულების) შესაბამის თანამშრომლებზე რისკისა და კონტროლის შესახებ ინფორმაციის მიწოდება;
რ.დ) ჰარმონიზაციის ცენტრს, გარე და შიდა აუდიტორებსა და ხელმძღვანელობას შორის ინფორმაციის გაცვლა დ მათი საქმიანობის კოორდინაცია.
ს) შიდა აუდიტორული შემოწმების დაგეგმვისას შიდა აუდიტის (სუბიექტის) სამსახურის უფროსმა უნდა განიხილოს:
ს.ა) შიდა აუდიტის ობიექტის მიზნები და მისი საქმიანობის შედეგის კონტროლის საშუალებები;
ს.ბ) შიდა აუდიტის ობიექტის მიზნებთან, რესურსებსა და ოპერაციებთან დაკავშირებული მნიშვნელოვანი რისკები, ასევე რისკის შესაძლო ზეგავლენის მისაღებ დონეზე შენარჩუნების საშუალებები;
ს.გ) შიდა აუდიტის ობიექტის რისკის მართვისა და კონტროლის პროცესების ადეკვატურობა და ეფექტიანობა შესაბამისი კონტოლის მოდელთან შედარებით;
ს.დ) შიდა აუდიტის ობიექტის საქმიანობის მართვისა და კონტროლის პროცესების მნიშვნელოვანი გაუმჯობესების შესაძლებლობები.
ტ) შიდა უდიტორული შემოწმების მიზნების მისაღწევად განსაზღვრავს შესაბამის და საკმარის რესურსებს თითოეული შემოწმების სახისა და სირთულის, დროითი შეზღუდვებისა და არსებული რესურსების შეფასების საფუძველზე;
უ) აკონტროლებს შემოწმების მონაცემებზე წვდომას და ამგვარი მონაცემების გარეშე პირთათვის გადასაცემად მოიპოვებს (დაწესებულების ხემლმძღვანელის) მერის თანხმობას;
ფ) შეიმუშავებს შემოწმების შედეგად მონაცემთა შენახვის მოთხოვნებს, მიუხედავად თითოეული მონაცემის შენახვის საშუალებისა, რომელიც უნდა შეესაბამებოდეს შესაბამის მარეგულირებელ აქტებსა და სხვა მოთხოვნებს;
ქ) შეიმუშავებს შიდა აუდიტორული შემოწმების შედეგად მოპოვებულ მონაცემთა შენახვის მართვისა და ასევე მათი შიდა და გარეშე პირებზე გავრცელების პოლიტიკას, რომელიც უნდა შეესაბამებოდეს შესაბამის მარეგულირებელ აქტებსა და სხვა მოთხოვნებს;
ღ) ახორციელებს სათანადო ზედამხედველობას შიდა აუდიტორული შემოწმების გაწევის პროცესზე, რათა უზრუნველყოფილ იქნეს მიზნების მიღწევა, სამუშაოს ხარისხი და თანაშრომელთა განვითარება;
ღ.ა) საჭირო ზედამხედველობის ხარისხი დამოკიდებულ იქნება შიდა აუდიტორების პროფესიონალურ დონეზე, გამოცდილებასა და შემოწმების სირთულეზე. შიდა აუდიტის სუბიექტის უფროსს აქვს საერთო პასუხისმგებლობა შემოწმების ზედამხედველობის გასაწევად, ამ შემოწმების შიდა აუდიტის სუბიექტის მიერ თუ შიდა აუდიტის სუბიექტის საქმიანობის გაწევის მიუხედავად;
ყ) უზრუნველყოფს შემოწმების შედეგბის მიწოდებას შესაბამის მხარეებზე;
ყ1 შიდა აუდიტის (სუბიექტის) სამსახურის უფროსი პასუხისმგებელია საბოლოო შედეგების იმ მხარეებისათვის მიწოდებაზე, რომლებიც უზრუნველყოფენ შედეგების სათანადოდ განხილვას და თავიანთი მოსაზრებების წარმოდგენას შედეგებთან დაკავშირებით, ასეთის არსებობის შემთხვევაში;
შ) შედეგების დაწესებულების გარეთ გავრცელებამდე შიდ აუდიტის (სუბიექტის) სამსახურის უფროსმა უნდა:
შ.ა) შეაფასოს (დაწესებულებისათვის) მერიისთვის შესაძლო მოსალოდნელი რისკი;
შ.ბ) განახორციელოს კონსულტაცია (დაწესებულების ხელმძღვანელთან) მერთან;
შ.გ) მოახდინოს შედეგების გავრცელებაზე კონტროლი მათ გამოყენებაზე შეზღუდვის დაწესების გზით;
ჩ) შემოწმების შედეგების მიხედვით და შიდა აუდიტის ობიექტის მიერ შემუშავებული გაცემული რეკოენდაციების შესრულების სამოქმედო გეგმაზე დაყრდნობით შეიმუშავებს გასატარებელ ღონისძიებათა მონიტორინგის სისტემას;
ც) აყალიბებს რეკომენდაციების შესრულების მონიტორინგის პროცესს, რათა დარწმუნდეს დაწესებულების ხელმძღვანელობის მიერ გასატარებელი ღონისძიებების ეფექტურ შესრულებაში.
ძ) უზრუნველყოფს შიდა უდიტორული შემოწმების ანგარიშში ასახული შედეგების მონიტორინგს (დაწესებულების ხელმძრვანელთან) მერთან შეთანხმების საფუძველზე;
წ) პასუხისმგებელია რეკომენდაციების შესრულების მონიტორინგის პროცესის დაგეგმვაზე. მონიტორინგის დაგეგმვა და მისი განხორციელების გზები დამოკიდებულია შემდეგ ფაქტორებზე:
წ.ა) შიდა აუდიტორული შემოწმების პროცესის მნიშვნელობა და გამოვლენილი სისუსტეები;
წ.ბ) ცვლილებების განხორციელების პერიოდი;
წ.გ) რეკომენდაციების შესასრულებლად საჭირო ქმედებების და დანახარჯების მოცულობა;
წ.დ) ქმედებები დაკავშირებული რამდენიმე სტრუქტურული ერთეულის საქმიანობასთან;
წ.ე) დამატებითი ზომების განხორციელების წარუმატებლობის შემთხვევაში პრობლემების გაჩენის რისკი;
წ1 მონიტორინგის სწორად დაგეგმვისათვის, ხელმძღვანელობს შიდა აუდიტორულ ანგარიშზე დაფუძნებული რეკომენდციების შესრულების სამოქმედო გეგმით, სადაც მითითებულია რეკომენდაციის განხორციელების ვადები;
წ2 რეკომენდაციების შესერულების ვადის გასვლამდე (სასურველია ერთი კვირით ადრე), თუ მანამდე არ იქნა მიღებული არანაირი ინფორმაცია პროგრესის შესახებ, შიდა აუდიტის ობიექტის ხელმძღვანელობას უგზავნის წერილს და აცნობებს, რომ ახლოვდება რეკომენდაციის შესრულების დრო;
წ3 თუ შიდა აუდიტის ობიექტის საპასუხო წერილში მითითებული იქნება რეკომენდაციების არ შესრულების შესახებ, ან შიდა აუდიტის (სუბიექტის) სამსახურის უფროსი ჩათვლის, რომ მიღებული პასუხი არ არის სანდო და საკმარისი, ის უგზავნის დამატებით წერილს და შეახსენებს აუდიტის ობიექტს, რომ მიზეზების მიუხედავად რეკომენდაციების შესრულება აუცილებელია (ან მოსთხოვს დამატებითი ინფორმაციას) შიდა აუდიტის ობიექტის ხელმძღვანელობის მიერ განხორციელებული ქმედებების შესახებ. საჭიროების შემთხევაში შეთანხმებული რეკომენდაციების შესრულების მდგომარეობა დაექვემდებარება დამატებით შიდა აუდიტორულ შემოწმებას;
წ4 როდესაც შიდა აუდიტის ობიექტის ხელმძღვანელი არ ითვალისწინებს შიდა აუდიტის მიერ შემუშავებულ რეკომენდაციებს და არ ცდილობს ხარვეზების აღმოფხვრას, ასეთ შემთხვევაში შიდა უდიტის (სუბიექტის) სამსახურის უფროსი ატყობინებს აღნიშნულის შესახებ (დაწესებულების ხელმძღვანელს) მერს;
წ5 პროგრესის არ არსებობის და მაღალი რისკების აღმოჩენის შემთხვევაში, შიდა აუდიტის (სუბიექტის) სამსახურის უფროსი წერილობით ატყობინებს (დაწესებულების ხელმძღვანელს) რეკომენდაციების შეუსრულებლობის მიზეზების შესახებ და განუმარტავს აღნიშნული რისკებისა და მოსალოდნელი შედეგების დაწესებულებაზე ზეგავლენის ხარისხსს;
წ6 თუ მონიტორინგის განხორციელების ფაზაში დადგინდება, რომ შიდა აუდიტის ობიექტის ხელმძღვანელობას არ მიუღია ზომები სისუსტეების გამოსასწორებლად და რეკომენდაციების შესასრულებლად, აღნიშნულის შესახებ ინფორმაცია შევა წლიურ ანგარიშში;
ხ) ამზადებს შიდა აუდიტის წლიურ ანგარიშს, რომელშიც აისახება:
ხ.ა) ინფორმაცია განხორციელებული შიდა უდიტორული შემოწმებების შესახებ;
ხ.ბ) ძირითადი დასკვნები და რეკომენდაციები დაწსებულებაში არსებული ფინანსური მართვისა და კონტროლის სისტემის შეახებ;
ხ.გ) შიდა აუდიტის სუბიექტის მიერ შიდა აუდიტის წლიური გეგმის შეუსრულებლობის მიზეზები (მათი არსებობის შემთხვევაში);
ხ.დ) შიდა აუდიტის სუბიექტის მიერ გაცემული რეკომენდაციების შესასრულებლად შიდა აუდიტის ობიექტის მიერ განხორციელებული შესაბამისი ქმედებები და ინფორმაცია შეუსრულებელი რეკომენდაციების შესახებ;
ხ.ე) ინფორმაცია შიდა აუდიტის მიმდინარეობისას შიდა აუდიტორის საქმიანობის ნებისმიერი შეზღუდვის თაობაზე;
ხ.ვ) წინადადებები შიდა უდიტის განვითარების შესახებ;
ჯ) მერს წარუდგენს წინადადებებს სამსახურის საჯარო მოსამსახურეების წახალისების და დისციპლინური პასუხისმგებლობის დაკისრების შესახებ;
ჯ1 შუამდგომლობს იმ სახსრების, მოწყობილობებისა და ინვენტარის გამოყოფაზე, რაც აუცილებელია სამსახურის წინაშე მდგარი ფუნქციებისა და ამოცანების შესასრულებლად;
ჰ) ასრულებს მერის ცალკეულ მითითებებსა და დავალებებს;
ჰ1 ახორციელებს ამ დებულებითა და კანონმდებლობით განსაზღვრულ სხვა ფუნქციებს.
3. სამსახური თანამშრომლობს სახელმწიფო აუდიტის სამსახურთან, მოთხოვნის შემთხვევაში აწვდის მას შესაბამის ინფორმაციას ან/და დოკუმენტაციას და მასთან ურთიერთობას წარმართავს შიდა კონტროლის საერთაშორისო სტანდარტების შესაბამისად.
4. შიდა აუდიტის სამსახური (სუბიექტი), ინფორმაციული ტექნოლოგიების აუდიტის განხორციელებისას თანამშრომლობს საქართველოს იუსტიციის სამინისტროს მმართველობის სფეროში მოქმედ საჯარო სამართლი იურიდიულ პირთან- ციფრული მმართველობის სააგენტოსთან და აწვდის მას აღნიშნული აუდიტორული შემოწმების ანგარიშს მომზადებიდან 1 თვის ვადაში.
5. სამსახურის საქმიანობას წარმართავს სამსახურის უფროსი, რომლის უფლებამოსილებები და სამსახურებრივი ფუნქციები განისაზღვრება საქართველოს ორგანული კანონით „ადგილობრივი თვითმმართველობის კოდექსი,“ მერიის დებულებით და სამსახურის უფროსის სამუშაოთა აღწერილობით. უფროსის არყოფნის ან/და უფლებამოსილების განხორციელების შეუძლებლობის შემთხვევაში, მერის ბრძანებით, სამსახურის უფროსის უფლება-მოვალეობებს ახორციელებს სამსახურის ერთ-ერთი საჯარო მოხელე – განყოფილების უფროსი ან/და უფროსი სპეციალისტი.
6. სამსახურის საჯარო მოხელეების უფლება-მოვალეობები განისაზღვრება მერიის დებულებით, ხოლო ფუნქციები განისაზღვრება შესაბამისი სამუშაოთა აღწერილობით.
7. სამსახურის უფროსის თანამდებობიდან გათავისუფლების და სამსახურებრივი ურთიერთობის შეწყვეტის, აგრეთვე სამსახურებრივი ურთიერთობის შეჩერების საფუძვლები განისაზღვრება საქართველოს ორგანული კანონის „ადგილობრივი თვითმმართველობის კოდექსი“-ს შესაბამისად.
მუხლი 5🔗.
შიდა აუდიტორთა უფლებები, ფუნქციები და მოვალეობები
1.შიდა აუდიტორი არის შიდა აუდიტის სუბიექტის თანამშრომელი, რომელიც ახორციელებს შიდა აუდიტს, სახელმწიფო შიდა ფინასური კონტროლის შესახებ საქართველოს კანონის, შიდა აუდიტის მეთოდოლოგის, შიდა აუდიტის სტანდარტების, შიდა აუდიტორთა ეთიკის კოდექსისა და სხვა მარეგულირებელი საკანონმდებლო აქტების საფუძველზე.
2. შიდა აუდიტორი თავის საქმიანობაში დამოუკიდებელია და დაუშვებელია მის საქმიანობაში ჩარევა ან მასზე სხვაგავრი ზემოქმედება.
3. შიდა აუდიტორთა ვალდებულებები:
ა) შიდა აუდიტორებმა უნდა დაიცვან შემდეგი პრინციპები:
ა.ა) პატიოსნება- რაც წარმოშობს ნდობას და ამდენად წარმოადგენს შიდა აუდიტორთა განსჯისადმი ნდობის საფუძველს;
ა.ბ) ობიექტურობა- რაც გულისხმობს იმას, რომ შიდა აუდიტორული შემოწმებისას ინფორმაციის შეგროვების, შეფასების და გავრცელების დროს შიდა აუდიტორები ამჟღავნებენ მაღალი დონის პროფესიონალურ ობიექტურობას. მოსაზრების ჩამოყალიბებისას შიდა აუდიტორები ახდენენ ყველა მნიშვნელოვანი გარემოების გაწონასწორებულ შეფასებას და არ ექცევიან საკუთარი ან სხვა პირთა ინტერესების გავლენის ქვეშ;
ა.გ) კონფიდენციალურობა- რაც გულისხმობს, რომ შიდა აუდიტორები პატივს სცმენ მიღებულ ინფორმაციას და საკუთრების პრინციპს და არ ამჟღავნებენ მას შესაბამის უფლებამოსილების გარეშე, იმ გამონაკლისი შემთხვევების გარდა, როცა ინფორმაციის გამჟღავნება ნაკარნახევია სამართლებრივი ან პროფესიული მოვალეობებით;
ა.დ) კომპეტენტურობა- რაც გულისხმობს იმას, რომ შიდა აუდიტორები იყენებენ იმ ცოდნას, უნარებსა და გამოცდილებას, რომლებიც აუცილებელია შიდა აუდიტორული საქმიანობისათვის;
ბ) შიდა აუდიტორები უნდა იყვნენ დამოუკიდებელი და ობიექტურად ასრულებდნენ თავიანთ საქმიანობას;
გ) შიდა აუდიტორებს უნდა ჰქონდეთ განუხრელი პოზიციები და თავი აარიდონ ინტერესთა კონფლიქტს;
დ) შიდა აუდიტორებმა საქმიანობა უნდა განახორციელონ კვალიფიციურად და სათანადო პროფესიონალურ დონეზე;
ე) შიდა აუდიტორებს უნდა ჰქონდეთ ცოდნა, უნარ-ჩვევები და სხვა საჭირო შესაძლებლობები ინდვიდუალურ ვალდებულებათა შესასრულებლად. შიდა აუდიტის სუბიექტის საქმიანობის განსახორციელებლად შიდა აუდიტორები კოლექტიურად უნდა ფლობდნენ ან მოიპოვებდნენ ცოდნას, უნარ-ჩვევებსა და სხვა შესაძლებლობებს;
ვ) შიდა აუდიტორებს უნდა ჰქონდეთ საკმარისი ცოდნა იმისთვის, რომ შეაფასონ თაღლითობის რისკი და დაწესებულების მიერ მისი მართვის ღონისძიებები, მაგრამ მათ არ მოეთხოვებათ ჰქონდეთ იმ სახის პროფესიული ცოდნა, რომლის უმთავრესი ამოცანაა თაღლითობის გამოვლენა და გამოძიება;
ზ) შიდა აუდიტორებს უნდა ჰქონდეთ საინფორმაციო ტექნოლოგიებთან დაკავშირებული უმთავრესი რისკების, კონტროლის მექანიზმებისა და ტექნოლოგიაზე დაფუძნებული აუდიტის მეთოდების საკმარისი ცოდნა იმისთვის, რომ შეასრულონ დაკისრებული ფუნქცია. თუმცა, ყველა აუდიტორს არ მოეთხოვება, რომ ჰქონდეს იმ შიდა აუდიტორის ექსპერტული ცოდნა, რომლის უმთავრესი პასუხისმგებლობაა საინფორმაციო ტექნოლოგიების აუდიტი;
თ) შიდა აუდიტორებმა უნდა გამოიჩინონ პროფესიონალური დამოკიდებულება და უნარ-ჩვევები, ისე როგორც მოეთხოვება გონივრულ, წინდახედულ, კომპეტენტურ შიდა აუდიტორს. სამუშაოსადმი პროფესიონალური დამოკიდებულება არ გულისხმობს უშეცდომობას;
ი) შიდა აუდიტორებმა უნდა გამოიჩინონ საქმისადმი სათანადო პროფესიონალური დამოკიდებულება, შემდეგი ასპექტების გათვალისწინებით:
ი.ა) სამუშაოს მოცულობა, რომელიც საჭიროა საქმიანობის მისაღწევად;
ი.ბ) საკითხების შედარებითი სირთულე, არსებითობა და მნიშვნელობა;
ი.გ) მმართველობითის, რისკის მართვისა და კონტროლის სისტემის ადეკვატურობა და ეფექტურობა;
ი.დ) მნიშვნელოვანი შეცდომების, თაღლითობის, ან შეუსაბამობის ალბათობა;
ი.ე) გაწეული ხარჯი პოტენციურ საგებელთან მიმართებაში;
ი1 პროფესიონალური დამოკიდებულების გამოვლენის დროს შიდა აუდიტორებმა უნდა განიხილონ ტექნოლოგიებზე დაფუძნებული აუდიტისა და მონაცემთა ანალიზის სხვა მეთოდების გამოყენების შესაძლებლობა;
კ) შიდა აუდიტორებმა ყურადღება უნდა გაამახვილონ დაწესებულების მნიშვნელოვან რისკებზე, რომლებმაც შესაძლოა გავლენა იქონიოს დაწესებულების მიზნებზე, ამოცანებზე, ოპერაციებსა და რესურსებზე, თუმცა მათ მიერ განხორციელებული პროფესიონალური ქმედებები არ იძლევა ყველა მნიშვნელოვანი რისკის გამოვლენის გარანტიას;
ლ) შიდა აუდიტორებმა უნდა გააუმჯობესონ თავიანთი ცოდნა, უნარები და სხვა შესაძლებლობები უწყვეტი პროფესიონალური განვითარების გზით;
მ) შიდა აუდიტორებმა შემოწმებიდან მიღებული რისკების თაობაზე ცოდნა უნდა გამოიყენონ დაწესებულების რისკის მართვის პროცესების შეფასებაში;
ნ) შიდა აუდიტორებმა უნდა განახორციელონ შიდა აუდიტის ობიექტის შესაბამისი რისკების წინასწარი შეფასება. შემოწმების მიზნებში უნდა აისახოს ამ შეფასების შედეგები. შიდა აუდიტორული შემოწმების მიზნების შემუშავების დროს, შიდა აუდიტორებმა უნდა გაითვალისწინონ მნიშვნელოვანი შეცდომების, თაღლითობის, შეუსაბამობისა და სხვა რისკების ალბათობა;
ო) შიდა აუდიტორული შემოწმების მიზნები უნდა შეესაბამებოდეს დაწესებულებების ღირებულებებს, სტრატეგიებსა და ამოცანებს;
ო1 შიდა აუდიტორული შემოწმების განხორციელების დროს შიდა აუდიტორები უნდა დარწმუნდნენ,რომ შემოწმების ფარგლები საკმარისია შეთანხმებული მიზნების მისაღწევად. თუ შიდა აუდიტორებს წარმოეშვებათ ეჭვი შემოწმების ფარგლებთან მიმართებში, ეს ფაქტი განხილულ უნდა იქნეს (დაწესებულების ხელმძღვანელთან) მერთან, რათა გადაწყდეს გაგრძელდეს თუა არ შემოწმება ამ სახით;
ო2 შიდა აუდიტორული შემოწმების გაწევის დროს, შიდა აუდიტორებმა, შემოწმების მიზნების შესაბამისად, ყურადღება უნდა მიაქციონ კონტროლთან დაკავშირებულ საკითხებს;
ო3 შიდა აუდიტორებმა უნდა განახორციელონ საკმარისი, საიმედო, შესაბამისი და საასრგებლო ინფორმაციის იდენტიფიკაცია, შეგროვება, ანალიზი, შეფასება და დოკუმენტირება, შემოწმების მიზნების მისაღწევად;
ო4 შიდა აუდიტორული შემოწმების ფარგლებმა უნდა მოიცვას შესაბამისი სისტემები, მონაცემები, პერსონალი და აქტივები, მათ შორის მესამე მხარის სარგებლობაში არსებული დაწესებულების ნებისმიერი აქტივის ჩათვლით;
პ) საკმარისი ინფორმაცია ეფუძნება ფაქტებს, არის ადეკვატური და იმდენად დამაჯერებელი, რომ საღად მოაზროვნე და ინფორმირებული ნებისმიერი პირი მივა იგივე დასკვნამდე, როგორზეც მივიდოდა შიდა აუდიტორი. საიმედო ინფორმაცია სათანადო მომსახურების ტექნიკის გამოყენების შედეგად ყველაზე მეტად ხელმისაწვდომი ინფორმაციაა. შესაბამისი ინფორმაცია პასუხობს შემოწმების შედეგად არსებულ დაკვირვებებსა და რეკომენდაციებს, შეესაბამება შემოწმების მიზნებს. სასარგებლო ინფორმაცია ეხმარება დაწესებულებას მიზნების მიღწევაში;
ჟ) შიდა აუდიტორებმა შიდა აუდიტორული ანგარიშები და შემოწმების შედეგები უნდა დააფუძნონ სათანადო ანალიზსა და შეფასებებს;
რ) შიდა აუდიტორებმა, შიდა აუდიტორული ანგარიშებისა და შიდა აუდიტორული შემოწმების შედეგების დასასაბუთებლად უნდა განახორციელონ შესაბამისი ინფორმაციის დოკუმენტირება;
ს) შიდა აუდიტორებმა უნდა განახორციელონ შიდა აუდიტორული შემოწმების შედეგების შესახებ ინფორმირება. ინფორმაციამ უნდა მოიცვას შიდა აუდიტორული შემოწმების მიზნები, ფარგლები და ასევე შეფასებები, რეკომენდაციები და სამოქმედო გეგმები;
ს1) მიწოდებული ინფორმაცია უნდა იყოს ზუსტი, ობიექტური, გასაგები, ლაკონური, კონსტრუქციული, სრული და დროული;
ტ) დაიცვან წინამდებარე დებულება, შიდა აუდიტის სტანდარტები, შიდა აუდიტორთა ეთიკის კოდექსი, შიდა აუდიტის მეთოდოლოგია და შიდა აუდიტის მარეგულირებელი სხვა სამართლებრივი აქტები;
უ) შიდა აუდიტის განხორციელებამდე შიდა აუდიტის ობიექტს წარუდგინონ აუდიტორული შემოწმების ინდივიდუალური გეგმა;
ფ) შიდა აუდიტორული შემოწმების დასრულების შემდეგ, შიდა აუდიტის ობიექტს გაუგზავნონ რეკომენდაციების შესრულების სამოქმედო გეგმა და კმაყოფილების კითხვარი;
ქ) უზრუნველყოს შიდა აუდიტის ობიექტის პერსონალური მონაცემების, სახელმწიფო, სამსახურებრივი და კომერციული საიდუმლოებების დაცვა საქართველოს კანონმდებლობით დადგენილი წესით და არ გაამჟღავნოს ის ინფორმაცია, რომელიც მისთვის ცნობილი გახდა თავისი საქმიანობის განხორციელებისას ან მასთან დაკავშირებით, გარდა იმ შემთხვევისა, როდესაც იგი გამომდინარეობს შიდა აუდიტორული შემოწმების მიზნიდან ან/და გათვალისწნებულია შესაბამისი კანონმდებლობით;
ღ) დაწესებულების ხელმძღვანელის თანხმობის გარეშე არ გახადოს საჯარო შიდა აუდიტორული შემოწმების შედეგები, გარდა საქართველოს კანონმდებლობით გათვალისწინებული შემთხვევებისა;
ყ) შეასრულოს სამსახურის უფროსის სხვა დავალებები, რომელიც გამომდინარეობს სამსახურის ფუნქციებიდან და არ ეწინააღმდეგება საქართველოს კანონმდებლობას;
4. შიდა აუდიტორის უფლებები:
ა) შიდა აუდიტორი უფლებამოსილია შიდა აუდიტორული შემოწმების განხორციელების პროცესში მიიღოს მისთვის საჭირო ყველა ინფორმაცია, დოკუმენტი და ხელი მიუწვდებოდეს მონაცემთა ბაზებზე, მიუხედავად მათი ფორმისა. შიდა აუდიტორს ასვე უფლება აქვს, შიდა აუდიტის ობიექტს მოსთხოვოს დოკუმენტის სახელმწიფო ენაზე წარდგენა, გადაიღოს დოკუმენტის ასლები და სხვა გარდა საქართველოს კანონმდებლობით დადგენილი შეზღუდვებისა.
ბ) შიდა აუდიტორს არ აქვს უფლება დაწესებულებაში შეასრულოს სხვა ფუნქციები, გარდა შიდა ფინანსური კონტროლის შესახებ საქართველოს კანონით და მისგან გამომდინარე სამართლებრივი აქტებით განსაზღვრული ფუნქციებისა;
გ) შიდა აუდიტორი არ მონაწილეობს შიდა აუდიტორულ შემოწმებაში, თუ გამოვლინდა ინტერესთა კონფლიქტის ერთ-ერთი შემდეგი შემთხვევა:
გ.ა) შიდა აუდიტორი შესამოწმებელ პერიოდში მუშაობდა შიდა აუდიტის ობიექტში;
გ.ბ) შიდა აუდიტორის პირველი და მეორე რიგის მემკვიდრეებს ბოლო ერთი წლის განმავლობაში უკავიათ ან შესამოწმებელ პერიოდში ეკავათ ხელმძღვანელი თანამდებობებიშიდა აუდიტის ობიექტში;
გ.გ) ინტერესთა კონფლიქტის სხვა შემთხვევა, რომელსაც აფასებს შიდა აუდიტის (სუბიექტის) სამსახურის უფროსი
მუხლი 6🔗.
მიმდინარე ზედამხედველობის, მიმდინარე პროცესებისა და გაცემული რეკომენდაციების შესრულების მონიტორინგის განყოფილება
1. სამსახურის სტრუქტურული ქვედანაყოფი იქმნება სამსახურის გამგებლობას მიკუთვნებული უფლება-მოვალეობის განხორციელების შესასრულებლად.
2. მონიტორინგი წარმოადგენს პროცესს, რომელიც აფასებს არსებული სიტემების ეფექტიანობას, მიმდინარე მონიტორინგის ან დამოუკიდებელი შეფასებების ან კომბინირებული მეთოდებით.
21 მიმდინარე პროცესებისა რეკომენდაციების შესრულების მონიტორინგი მნიშვნელოვნად ამცირებს იმ რისკებს, რომლის წინაშეც შეიძლება აღმოჩნდეს დაწესებულება, როდესაც აუდიტის ობიექტი ვერ ასრულებს გაცემულ რეკომენდაციებს.
3. მიმდინარე ზედამხედველობის, მიმდინარე პროცესებისა და გაცემული რეკომენდაციების შესრულების მონიტორინგის განყოფილება შედგება განყოფილების უფროსისა და უფროსი სპეციალისტებისაგან (უფროსი შიდა აუდიტორები).
4. მიმდინარე ზედამხედველობის, მიმდინარე პროცესებისა და გაცემული რეკომენდაციების შესრულების მონიტორინგის განყოფილება წარმოადგენს შიდა აუდიტის სამსახურში შემავალ მეორად სტრუქტურულ ერთეულს, რომელიც თავის საქმიანობას წარმართავს შიდა აუდიტის სფეროში მოქმედი საქართველოსა და საერთაშორისო კაონმდებლობის შესაბამისად, სამსახურის უფროსთან კოორდინირებულად.
5. მიმდინარე ზედამხედველობის, მიმდინარე პროცესებისა და გაცემული რეკომენდაციების შესრულების მონიტორინგის განყოფილება ახორციელებს სამსახურის მიერ შიდა აუდიტორული შემოწმების ფარგლებში გაცემული რეკომენდაციების შესრულების მონიტორინგს, რომლის მიზანია უზრუნველყოფილ იყოს შემოწმებების შედეგად შემუშავებული სამოქმედო გეგმების დროული და შესაბამისი განხორციელების მდგომარეობის კონტროლი.
6. მონიტორინგის განხორციელების პროცესში განყოფილება უფლებამოსილია:
ა) თავისი კომპეტენციის ფარგლებში მონაწილეობა მიიღოს მონიტორინგის განხორციელების სახელმძღვანელო პრინციპების და პროცედურების შემუშავებასა და დამკვიდრებაში;
ბ) აწარმოოს სამსახურის მიერ განხორციელებული შიდა აუდიტორული შემოწმებების შედეგად გაცემული რეკომენდაციების რეესტრი. მონიტორინგის შედეგების გათვალისწინებით პერიოდულად გაახლოს რეესტის მონაცემები;
გ) შეიმუშაოს და სამსახურის უფროსს წარუდგინოს წინადადებები, მონიტორინგის განხორციელების ვადების, ფორმებისა და მეთოდების შესახებ;
დ) შიდა აუდიტის წლიურ გეგმის ფარგლებში და რეკომენდაციების რეესტრის შესაბამისად, რეკომენდაციების პრიორიტეტულობისა და აუდიტის ობიექტის მიერ შემუშავებული სამოქმედო გეგმის ვადების გათვალისწინებით, განახორციელოს რეკომენდაციების შესრულების მონიტორინგი;
ე) შეაფასოს რეკომენდაციების საპასუხოდ განხორციელებული იმ ქმედებების ადეკვატურობა, ეფექტიანობა და დროულობა, რომლებიც შიდა აუდიტის ობიექტის ხელმძღვანელობის მიერ იქნა განხორციელებული. რეკომენდაციების შეუსრულებლობის შემთხვევაში გაანალიზოს რეკომენდაციების შეუსრულებლობის შედეგები და შეაფასოს დამატებითი რისკები, რაც გამოწვეულია შიდა აუდიტის ობიექტის უმოქმედობით ან არასაკმარისი ძალისხმებვით;
ვ) მონიტორინგის შედეგებზე დაყრდნობით შეადგინოს და სამსახურის უფროსს წარუდგინოს შესაბამისი ანგარიში;
ზ) განახორციელოს რეკომენდაციების შესრულების მონიტორინგთან დაკავშირებული ინფორმაციისა და მონაცემების სტატისტიკური და ანლიტიკური დამუშავება.
7. რეკომენდაციების შესრულების მონიტორინგის მიზნით, განყოფილების მართლზომიერი მოთხოვნა ან დავალება სავალდებულოა შესასრულებლად და მათი შეუსრულებლობა შესაძლოა განხილულ იქნეს დაწესებულების მოხელის/თანამშრომლის დისციპლინარული პასუხისმგებლობის საფუძვლად.
8. რეკომენდაციების შესრულების მონიტორინგის შედეგად დანაშაულის ნიშნების შემცველი ფაქტების გამოვლენის შემთხვევაში, სამსახური შესაბამისი რეაგირების მიზნით, ინფორმაციას წარუდგენს მერს.
9. განყოფილება, თავისი კომპეტენციის ფარგლებში, სამსახურის უფროსის დავალებითა და კოორდინაციით, მონაწილეობს შიდა აუდიტის სტრატეგიული და წლიური გეგმების, წლიური და სხვა ანგარიშების შემუშავებაში.
10. განყოფილება საქმიანობას ახორციელებს წინამდებარე დებულების საფუძველზე და ,,სახელმწიფო შიდა ფინანსური კონტროლის შესახებ“ საქართველოს კანონის, შიდა აუდიტის მეთოდლოგიის, შიდა აუდიტის სტანდარტების, შიდა აუდიტორული საქმიანობის მარეგულირებელი საქართველოს კანონმდებლობის შესაბამისად.
11. მიმდინარე ზედამხედველობის, მიმდინარე პროცესებისა და გაცემული რეკომენდაციების შესრულების მონიტორინგის განყოფილების უფროსი:
ა) ხელმძღვანელობს და წარმართავს განყოფილების საქმიანობას;
ბ) უზრუნველყოფს რეკომენდაციების მონიტორინგთან დაკავშირებული საკანონმდებლო მოთხოვნების დაცულობას;
გ) უფლებამოსილია უშუალოდ განახორციელოს განყოფილების კომპეტენციას მიკუთვნებული ფუნქციები;
დ) ადგენს გაცემული რეკომენდაციების შესრულების მონიტორინგის გეგმას შესაბამისი ვადების გათვალისწინებით;
ე) ამზადებს წერილს შიდა აუდიტის ობიექტისთვის გასაგზავნად შესასრულებელი რეკომენდაციის ვადის მოახლოებასთან დაკავშირებით და სამსახურის უფროსის ვიზირების გავლით აწვდის აუდიტის ობიექტს;
ვ) ხელმძღვანელობს მიმდინარე პროცესებისა და გაცემული რეკომენდაციების შესრულების მონიტორინგის პროცესს;
ზ) შიდა აუდიტორთან ერთად მონაწილეობს გაცემული რეკომენდაციების შესრულების მონიტორინგის პროცესში;
თ) ადგენს რეკომენდაციების შესრულების მონიტორინგის წლიურ ანგარიშს, რომელიც წლიური საბოლოო ანგარიშის ნაწილია და წარედგინება დაწესებულების ხელმძღვანელს მერს;
ი) ასრულებს სამსახურის უფროსის სხვა დავალებებს, რომელიც არ ეწინააღმდეგება მოქმედ კანონმდებლობას;
კ) შეიმუშავებს და შემდგომი განხორციელების მიზნით სამსახურის უფროსთან ათანხმებს განყოფილების საქმიანობის ხარისხის უზრუნველყოფისა და გაუმჯობესების ღონისძიებებს;
ლ) უზრუნველყოფს განყოფილების საჯარო მოსამსახურის მიერ მერიის შინაგანაწესის დაცვას, სამსახურის უფროსს წარუდგენს წიანადებებს საჯარო მოსამსახურის დაწინაურების, წახალისების ან მის მიმართ დისციპლინარული ზომის გამოყენების შესახებ;
მ) ახორციელებს საქართველოს კანონმდებლობით გათვალისწინებულ და სამსახურის დებულებით განსაზღვრულ სხვა უფლებამოსილებებს.
12. განყოფილებას ხელმძღვანელობს განყოფილების უფროსი, რომელსაც კანონმდებლობით დადგენილი წესით, თანამდებობაზე ნიშნავს და ათავისუფლებს მერი.
13. განყოფილების უფროსის არ ყოფნისას ან მის მიერ უფლებამოსილების განხორციელების შეუძლებლობის ან/და გათავისუფლების შემთხვევაში, განყოფილების უფროსის ფუნქციებს, ასრულებს განყოფილების უფროსი სპეციალისტი.
14. განყოფილების უფროსის თანამდებობიდან გათავისუფლების, აგრეთვე, სამსახურებრივი ურთიერთობის შეჩერების საფუძვლები განისაზღვრება საქართველოს კანონმდებლობით.
15. განყოფილების უფროსი პასუხისმგებელი და ანგარიშვალდებულია სამსახურის უფროსის წინაშე.
16. განყოფილებას გამგებლობას მიკუთვნებული უფლება-მოვალეობები განისაზღრება წინამდებარე დებულებით.
17. უფროსი სპეციალისტი მიმდინარე ზედამხედველობის, მიმდინარე პროცესებისა და გაცემული რეკომენდაციების შესრულების მონიტორინგის საკითხებში:
ა) მონაწილეობს გაცემული რეკომენდაციების შესრულების მონიტორინგის გეგმის შედგენაში;
ბ) აფასებს ქმედებებს, რომლებიც განხორციელდა შიდა აუდიტის ობიექტის მხრიდან რეკოენდაციების შესასრულებლად. აფასებს ამ ქმედების ადეკვატურობას, ეფექტიანობას და დროულობას;
გ) აკვირდება, შეისწავლის და ადოკუმენტირებს შიდა აუდიტორულ ანგარიშში მოცემული რეკომენდაციების შესრულების მდგომარეობას და ასახავს გაუმჯობესდა თუ არა შიდა აუდიტის ობიექტის მდგომარეობა;
დ) განყოფილების უფროსთან ერთად ადგენს გაცემული რეკომენდაციების შესრულების მონიტორინგის ანგარიშს, რომელიც წარდეგინება აუდიტის ობიექტის უფროსს;
ე) მონაწილეობს შიდა აუდიტის ობიექტისადმი გასაგზავნ კორესპოდენციის მომზადებაში
ვ) აანალიზებს რეკომენდაციების შეუსრულებლობის შედეგებს და აფასებს დამატებით რისკებს, რაც გამოწვეულია შიდა აუდიტის ობიექტის უმოქმედობით ან არა საკმარისი ძალისხმევით;
ზ) ასრულებს განყოფილების უფროსისა და სამსახურის უფროსის სხვა დავალებებს, რომელიც გამომდინარეობს სამსახურის საჭიროებებიდან და შეესაბამება საქართველოში მოქმედ კანონმდებლობასა და საერთაშორის სტანდარტებს;
18. უფროსი სპეციალისტი მერიის საქმიანობის სრულყოფის, მართვის პროცედურებისა და სამართლებრივი ხარვეზების აღმოფხვრისა და პრევენციის საკითხებში:
ა) ახორციელებს ფინანსური და სხვა ინფორმაციის სანდოობის, სიზუსტისა და სისრულის შეფასებას;
ბ) ახორციელებს შიდა აუდიტის ობიექტის საქმიანობაში არსებული რისკების დადგენას, შეფასებას, ანალიზს და მათ შესამცირებლად შესაბამისი კონტროლების შემუშავებას;
გ) განყოფილების უფროსთან ერთად მონაწილეობს გაცემული რეკომენდაციების შესრულების მონიტორინგის ანგარიშის შედგენაში, რომელიც წარდეგინება აუდიტის ობიექტის უფროსს;
გ) ასრულებს განყოფილების უფროსისა და სამსახურის უფროსის სხვა დავალებებს, რომელიც გამომდინარეობს სამსახურის საჭიროებებიდან და შეესაბამება საქართველოში მოქმედ კანონმდებლობასა და საერთაშორისო სტანდარტებს, რომელიც გამომდინარეობს მერიის ინტერესებიდან და არ ეწინააღმდეგება საქართველოს კანონმდებლობას, „სახელწიფოში და ფინანსური კონტროლის შესახებ“ საქართველოს კანონის მიზნებსა და აუდიტორის დამოუკიდებლობის პრინციპებს.
მუხლი 7🔗.
აუდიტის ობიექტი
1. აუდიტის ობიექტი არის დაწესებულება ან/და დაწესებულების სისტემა ან/და დაწესებულების სტრუქტურული ქვედანაყოფი/ქვედანაყოფები (ერთეული/ერთეულები) ან/და დაწესებულებისადმი დაქვემდებარებული ერთეული/ერთეულები, რომელშიც/რომლებშიც ხორციედება შიდა აუდიტი.
2. ქობულეთის მუნიციპალიტეტის მერიაში აუდიტის ობიექტს წარმოადგენს, ქობულეთის მერია, მერიაში შემავალი პირველადი სტრუქტურული ერთეული/ერთეულები, პირველად სტრუქტურულ ერთეულებში შემავალი მეორადი სტრუქტურული ერთეული/ერთეულები, მერიას დაქვემდებარებული იურდიული პირები ან/და მათში შემავალი ცალკეული პროცესები.
3. შიდა აუდიტის ობიექტის თანამშრომლები ვალდებულნი არიან ითანამშრომლონ შიდა აუდიტორებთან თავიანთი საქმიანობის განხორციელების დროს და უზრუნველყონ მათი კომპეტენციისათვის მიკუთვნებულ საკითხებთან დაკავშირებული ყველა ინფორმაციის თაობაზე არსებული მონაცემთა ბაზებისა და დოკუმენტების ხელმისაწვდომობა ან/და ქმედებების განხორციელება.
4. შიდა აუდიტის ობიექტი ვალდებულია შეასრულოს შიდა აუდიტორული შემოწმების შდეგად გაცემული რეკომენდაციები, შესასრულებელ სამოქმედო გეგმაში გათვალისწინებული ვადების შესაბამისად და დანერგოს შესაბამისი კონტროლის მექანიზმები არსებული რისკების აღმოსაფხვრელად და შესამცირებლად.
მუხლი 8🔗.
დაწესებულების ხელმძღვანელის პასუხისმგებლობები
1. დაწესებულების ხელმძღვანელი (მერი) თავისი კომპეტენციიის ფარგლებში:
ა) ახდენს რისკის იდენტიფიცირებას, შეფასებასა და მართვას;
ბ) განსაზღვრავს (დაწესებულების) მერიის მიზნებსა და ამოცანებს, დასახული მიზნების მისაღწევად და ამოცანების შესასრულებლად შეიმუშავებს სტრატეგიულ და სამოქმედო გეგმებსა და პროგრამებს;
გ) საქართველოს კანონმდებლობის შესაბამისად განსაზღვრავს და მართავს (დაწესებულების) მერიის მიზნების მისაღწევად და ამოცანების შესასრულებლად საჭირო რესურსებს;
დ) ხელს უწყობს ადამიანური რესურსების ეფექტიან მართვას დ მათი კვალიფიკაციის ამაღლებას;
ე) ხელს უწყობს მონაცემთა დაცვისა და მართვის ეფექტიანი სისტემის ჩამოყალიბებას;
ვ) დაკისრებული მოვალეობის ეფექტიანად შესასრულებლად შეიმუშავებს და აყალიბებს ოპტიმალურ ორგანიზაციულ სტრუქტურას;
ზ) ახდენს უფლებამოსილების დელეგირებას გადაწყვეტილების მიღების, განხორციელებისა და კონტროლის პროცესში;
თ) უზრუნველყოფს (დაწესებულების) მერიის მიერ განხორციელებული ყველა ოპერაციის სრულად, ზუსტად, დროულად და რეგულარულად აღრიცხვის პროცედურების დანერგვას;
ი) ხელს უწყობს შიდა აუდიტის (სუბიექტის) სამსახურის ფუნქციონირებას საქართველოს კანონმდებლობის შესაბამისად;
კ) უზრუნველყოფს ფინანსური მართვისა და კონტროლის სისტემის მონიტორინგს, სისტემის გასაუმჯობესებლად იღებს შესაბამის ზომებს შიდა აუდიტორების რეკომენდაციებსა და სხვა შეფასებებზე დაყრდნობით;
ლ) ახორციელებს და ხელს უწყობს ანტიკორუფციული ღონისძიებების პროცედურების დანერგვას;
მ) ახორციელებს ფინანსური მართვისა და კონტროლის სისტემის მდგომარეობის შედეგების შეფასებას;
ნ) ახორციელებს საქართველოს კანონმდებლობით მისთვის მინიჭებულ სხვა უფლებამოსილებებს.
2. დაწესებულების ხელმძღვანელი (მერი) შიდა ფინანსური კონტროლის შესახებ საქართველოს კანონის მოთხოვნათა ფარგლებში პასუხისმგებელია შიდა აუდიტის სუბიექტის შესაბამისი რესურსებით უზრუნველყოფისა და მისი უწყვეტი ფუნქციონირებისათვის.
3. დაწესებულების ხელმძღვანელს (მერს) შეუძლია ზემოთ აღნიშნული უფლებამოსილებების დელეგირება მისდამი დაქვემდებარებულ პირზე, თუმცა ეს მას არ ათავისუფლებს პასუხისმგებლობისაგან.
4. დაწესებულების ხელმძღვანელი ნერგავს და განავითარებს სანდო, სრულყოფილ და ხელმისაწვდომ საინფორმაციო და საკომუნიკაციო სისტემას, რომელიც:
ა) უზრუნველყოფს დაწესებულების საქმიანობის შესახებ უახლესი და სანდო ინფორმაციის სათანადო ხელმისაწვდომობას დაწესებულების ყველა იერარქიულ დონეზე;
ბ) დაწესებულების ყველა თანაშრომელს მისცემს შესაძლებლობას, რომ თავიანთი ფუნქციისა და პასუხისმგებლობის შესახებ მიიღონ სრულყოფილი და ზუსტი ინფორმაცია, მითითებები და ინსტრუქციები;
5. დაწესებულების ხელმძღვანელი (მერი) უზრუნველყოფს საბოლოო შიდა აუდიტორულ ანგარიშში ასახულ რეკომენდაციებზე შესაბამის რეაგირებას.
6. დაწესებულების ხელმძღვანელი (მერი) პასუხისმგებელია ფინანსური მართვისა და კონტროლის სისტემის მონიტორინგისა და შეფასებისთვის, მისი ადეკვატურობის, ფუნქციონირების შენარჩუნებისა და დროულად განახლების მიზნით, მონიტორინგი ასევე უზრუნველყოფს შიდა აუდიტორული ანგარიშით გათვალისწინებული რეკომენდაციების დროულ და შესაბამის შესრულებას.
7. დაწესებულების ხელმძღვანელი (მერი) ამტკიცებს შიდა აუდიტის (სუბიექტის) სამსახურის მიერ წარდგენილ და შეთანხმებულ სტრატეგიულ და წლიურ სამოქმედო გეგმას, ასევე მათში ნებისმიერ ცვლილებებს.
8. დაწესებულების ხელმძღვანელი ეფქტურ და სისტემატურ კომუნიკაციას აწარმოებს შიდა აუდიტის (სუბიექტის) სამსახურის უფროსთან.
9. დაწესებულების ხელმძღვანელი (მერი) ამტკიცებს შიდა აუდიტის (სუბიექტის) სამსახურის დებულებას.
10. შიდა აუდიტის (სუბიექტის) სამსახურის უფროსისაგან იღებს ინფორმაციას შიდა აუდიტის (სუბიექტის) სამსახურის მუშაობის მიმდინარეობის შესახებ.
11. შიდა აუდიტის უფროსის წარდგინებით იღებს შიდა აუდიტორის დანიშვნის შესახებ გადაწყვეტილებას.
12. დაწესებულების ხელმძღვანელისთვის (მერისთვის) რისკის მართვის პროცესის ჩამოყალიბებაში ან გაუმჯობესებაში დახმარების გაწევისას, შიდა აუდიტორები თავს იკავებენ რისკების მართვაში ჩარევისაგან, რადგან ეს დაწესებულების ხელმძღვანელის (მერის) უშუალო კომპეტენციაა.
13. რისკის მართვის სისტემის ჩამოყალიბებისათვის პასუხისმგებელია დაწესებულების ხელმძღვანელი (მერი). იგი განსაზღვრავს იმ შესაძლო მოვლენებისა და სიტუაციების განსაზღვრის, შეფასების, კონტროლისა და მონიტორინგის პროცესებს, რომლებიც გავლენას ახდენს დაწესებულებისა ან/და დაწესებულების სტუქტურული ქვედანაყოფის (ერთეულის) ან/და დაწესებულებისადმი დაქვემდებარებული ერთეულის მიზნების მიღწევასა და ამოცანების შესრულებაზე და მოიცავს რისკის შესამცირებლად საჭირო ღონისძიებების განხორციელებას.
თავი IV
სხვა დებულებები
მუხლი 9🔗
1. სამსახურის მოხელეთა თანამდებობაზე დანიშვნა-გათავისუფლება ხორციელდება მერიის დებულებით, „საჯარო სამსახურის შესახებ“ საქართველოს კანონით.
2. წინამდებარე დებულებაში ცვლილებებისა და დამატებების შეტანა შეიძლება ქობულეთის მუნიციპალიტეტის საკრებულოს დადგენილების საფუძველზე, მოქმედი კანონმდებლობით დადგენილი წესით.