“საქართველოს ჯანმრთელობის დაცვის მინისტრის 1999 წლის 29 ნოემბრის №465/ო “სპეციალურ ინისტრი დაქვემდებარებული ნივთიერებების, ამ ნივთიერებათა წამლის ფორმების, მათი შემცველი კომბინირებული პრეპარატების გამოსაწერი რეცეპტის ბლანკის ფორმების დამტკიცების, მათი დანიშვნისა და გამოწერის დროებითი წესების შესახებ” ბრძანებაში ცვლილებების შეტანის თაობაზე”
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
სახელმწიფო მინისტრის ბრძანება (1)
დოკუმენტის ტექსტი
სახელმწიფო სარეგისტრაციო კოდი 470.230.000.11.119.005.573
საქართველოს შრომის, ჯანმრთელობისა და სოციალური დაცვის მინისტრის
ბრძანება №329/ნ
2002 წლის 21 ნოემბერი
ქ. თბილისი
საქართველოს ჯანმრთელობის დაცვის მინისტრის 1999 წლის 29 ნოემბრის №465/ო „სპეციალურ კონტროლს დაქვემდებარებული ნივთიერებების, ამ ნივთიერებათა წამლის ფორმების, მათი შემცველი კომბინირებული პერეპარატების გამოსაწერი რეცეპტის ბლანკის ფორმების დამტკიცების, მათი დანიშვნისა და გამოწერის დროებითი წესების შესახებ” ბრძანებაში ცვლილებების შეტანის თაობაზე
სპეციალურ კონტროლს დაქვემდებარებული ნივთიერებების, ამ ნივთიერებათა წამლის ფორმებისა და მათი შემცველი კომბინირებული პრეპარატების გამოწერის მართებულობაზე და სპეციალური რეცეპტის ბლანკების კანონიერ ხარჯვაზე სრულყოფილი კონტროლის დაწესებულების კანონიერ ხარჯვაზე სრულყოფილი კონტროლის დაწესების უზრუნველყოფის მიზნით, ვბრძანებ:
1. საქართველოს ჯანმრთელობის დაცვის მინისტრის 1999 წლის 29 ნოემბრის № 465/ო „სპეციალურ კონტროლს დაქვემდებარებული ნივთიერებების, ამ ნივთიერებათა წამლის ფორმების, მათი შემცელი კომბინირებული პრეპარატების გამოსაწერი რეცეპტის ბლანკის ფორმების დამტკიცების, მათი დანიშვნისა და გამოწერის დროებითი წესების შესახებ” ბრძანებით დამტკიცებული დანართი 3-ის („სპეციალურ კონტროლს დაქვემდებარებული სამკურნალო საშუალებების დანიშვნის, გამოწერისა და სპეციალური რეცეპტის ბლანკის შეძენის, შენახვის, აღრიცხვის, გაცემის ჩამოწერისა და განადგურების დროებითი წესი”) მე-17 პუნქტი ჩამოყალიბდეს შემდეგი რედაქციით:
„17. კერძო პრაქტიკის ექიმის მიერ რეცეპტის ბლანკის გამოწერის ყოველი ფაქტის შესახებ ჩანაწერი კეთდება ავადმყოფის ინდივიდუალურ ბარათში და სპეციალურ ჟურნალში. ავადმყოფის ინდივიდუალურ ბარათში მიეთითება გამოწერილი სამკურნალო საშუალების რაობა და რაოდენობა, მისი დანიშვნის დასაბუთება, ერთჯერადი ან სადღეღამისო დოზა, რეცეპტის ბლანკის ნომერის და გამოწერის თარიღი, ხოლო სპეციალურ ჟურნალში ფიქსირდება ავადმყოფის სახელი და გვარი, გამოწერილი სამკურნალო საშუალების რაობა, რაოდენობა, რეცეპტის ბლანკის ნომერი და გამოწერის თარიღი.”.
2. ბრძანება ძალაში შევიდეს ოფიციალურ ბეჭდვით ორგანოში გამოქვეყნებიდან მე-15 დღეს.
ა. გამყრელიძე