საქართველოს ფასიანი ქაღალდების ეროვნული კომისიის დებულების დამტკიცების შესახებ
მიღების თარიღი 18.12.2002
ძალის დაკარგვა 04.08.2010
გამომცემი ორგანო საქართველოს ფასიანი ქაღალდების კომისია
ნომერი №27
სარეგისტრაციო კოდი 190.040.000.17.014.005.610
გამოქვეყნების წყარო სსმ, 124, 24/12/2002
კონსოლიდირებული ვერსიები
🕸️ გრაფი — კავშირების ვიზუალიზაცია
⛔ გაუქმებულია — 1 აქტით
- ზოგიერთი სამართლებრივი აქტის ძალადაკარგულად გამოცხადების თაობაზე საქართველოს ეროვნული ბანკის პრეზიდენტის ბრძანება 04.08.2010
დოკუმენტის ტექსტი
საქართველოს ფასიანი ქაღალდების ეროვნული კომისიის დებულების დამტკიცების შესახებ
/* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:Tahoma; panose-1:2 11 6 4 3 5 4 4 2 4;} @font-face {font-family:"Geo ABC";} @font-face {font-family:"SPLiteraturuly MT";} @font-face {font-family:SPLiteraturuly;} @font-face {font-family:SPGrotesk;} @font-face {font-family:Geo_dumM;} @font-face {font-family:SPAcademi;} @font-face {font-family:SPDumbadze;} @font-face {font-family:SPGrigolia;} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:10.0pt; font-family:"Times New Roman","serif";} h1 {margin-top:.25in; margin-right:0in; margin-bottom:6.0pt; margin-left:0in; text-align:center; page-break-after:avoid; font-size:10.0pt; font-family:"SPLiteraturuly MT"; layout-grid-mode:line;} h2 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:SPLiteraturuly; letter-spacing:2.75pt; font-weight:normal;} h3 {margin:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:"SPLiteraturuly MT"; letter-spacing:2.5pt;} h6 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; page-break-after:avoid; font-size:10.0pt; font-family:SPLiteraturuly;} p.MsoToc1, li.MsoToc1, div.MsoToc1 {margin:0in; margin-bottom:.0001pt; text-align:justify; font-size:10.0pt; font-family:SPLiteraturuly;} p.MsoToc2, li.MsoToc2, div.MsoToc2 {margin-top:0in; margin-right:0in; margin-bottom:0in; margin-left:12.0pt; margin-bottom:.0001pt; text-align:justify; font-size:10.0pt; font-family:SPLiteraturuly;} p.MsoToc3, li.MsoToc3, div.MsoToc3 {margin-top:0in; margin-right:0in; margin-bottom:0in; margin-left:24.0pt; margin-bottom:.0001pt; text-align:justify; font-size:10.0pt; font-family:SPLiteraturuly;} p.MsoToc4, li.MsoToc4, div.MsoToc4 {margin-top:0in; margin-right:0in; margin-bottom:12.0pt; margin-left:.5in; text-align:center; font-size:10.0pt; font-family:"SPLiteraturuly MT"; letter-spacing:5.0pt; font-weight:bold;} p.MsoFootnoteText, li.MsoFootnoteText, div.MsoFootnoteText {margin:0in; margin-bottom:.0001pt; text-align:justify; font-size:10.0pt; font-family:SPLiteraturuly;} p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:10.0pt; font-family:"Times New Roman","serif";} span.MsoFootnoteReference {vertical-align:super;} p.MsoTitle, li.MsoTitle, div.MsoTitle {margin-top:300.0pt; margin-right:0in; margin-bottom:3.0pt; margin-left:0in; text-align:center; font-size:16.0pt; font-family:"SPGrotesk","sans-serif"; letter-spacing:3.0pt; font-weight:bold;} p.MsoBodyText, li.MsoBodyText, div.MsoBodyText {margin:0in; margin-bottom:.0001pt; text-align:justify; font-size:14.0pt; font-family:SPAcademi;} p.MsoBodyTextIndent, li.MsoBodyTextIndent, div.MsoBodyTextIndent {margin:0in; margin-bottom:.0001pt; text-align:justify; text-indent:42.55pt; text-autospace:none; font-size:10.0pt; font-family:SPGrigolia;} p.MsoBodyText2, li.MsoBodyText2, div.MsoBodyText2 {margin:0in; margin-bottom:.0001pt; text-align:justify; line-height:12.0pt; font-size:10.0pt; font-family:"Times New Roman","serif";} p.MsoBodyTextIndent2, li.MsoBodyTextIndent2, div.MsoBodyTextIndent2 {margin-top:0in; margin-right:0in; margin-bottom:6.0pt; margin-left:.25in; line-height:200%; text-autospace:none; font-size:10.0pt; font-family:"Times New Roman","serif";} p.MsoBodyTextIndent3, li.MsoBodyTextIndent3, div.MsoBodyTextIndent3 {margin-top:0in; margin-right:0in; margin-bottom:6.0pt; margin-left:.25in; text-autospace:none; font-size:8.0pt; font-family:"Times New Roman","serif";} p.MsoPlainText, li.MsoPlainText, div.MsoPlainText {margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; page-break-before:always; font-size:10.0pt; font-family:SPLiteraturuly; font-style:italic;} p.MsoAutoSig, li.MsoAutoSig, div.MsoAutoSig {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoAcetate, li.MsoAcetate, div.MsoAcetate {margin:0in; margin-bottom:.0001pt; text-autospace:none; font-size:8.0pt; font-family:"Tahoma","sans-serif";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:14.2pt; font-size:11.0pt; font-family:SPLiteraturuly;} p.chveulebrivi, li.chveulebrivi, div.chveulebrivi {mso-style-name:chveulebrivi; margin:0in; margin-bottom:.0001pt; text-align:justify; text-indent:14.2pt; font-size:10.0pt; font-family:SPLiteraturuly; layout-grid-mode:line;} p.data, li.data, div.data {mso-style-name:data; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line; font-style:italic;} p.petiti, li.petiti, div.petiti {mso-style-name:petiti; margin-top:6.0pt; margin-right:0in; margin-bottom:0in; margin-left:14.2pt; margin-bottom:.0001pt; text-align:justify; font-size:8.5pt; font-family:SPLiteraturuly; layout-grid-mode:line; font-style:italic;} p.prezident, li.prezident, div.prezident {mso-style-name:prezident; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line;} p.kanoni, li.kanoni, div.kanoni {mso-style-name:kanoni; margin-top:.25in; margin-right:0in; margin-bottom:6.0pt; margin-left:0in; text-align:center; font-size:12.0pt; font-family:"Geo_dumM","serif"; letter-spacing:3.0pt; font-weight:bold;} p.kitxva, li.kitxva, div.kitxva {mso-style-name:kitxva; margin-top:0in; margin-right:0in; margin-bottom:5.65pt; margin-left:0in; text-align:justify; text-indent:14.2pt; text-autospace:none; font-size:10.0pt; font-family:SPLiteraturuly; font-weight:bold;} p.pasuxi, li.pasuxi, div.pasuxi {mso-style-name:pasuxi; margin-top:0in; margin-right:0in; margin-bottom:0in; margin-left:56.7pt; margin-bottom:.0001pt; text-align:justify; text-indent:-28.35pt; text-autospace:none; font-size:10.0pt; font-family:SPLiteraturuly;} p.Style1, li.Style1, div.Style1 {mso-style-name:Style1; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:SPLiteraturuly;} p.chveulebrivi-wigni, li.chveulebrivi-wigni, div.chveulebrivi-wigni {mso-style-name:chveulebrivi-wigni; margin:0in; margin-bottom:.0001pt; text-align:justify; text-indent:22.7pt; text-autospace:none; font-size:10.0pt; font-family:SPLiteraturuly;} p.satauri, li.satauri, div.satauri {mso-style-name:satauri; margin:0in; margin-bottom:.0001pt; text-align:center; font-size:13.0pt; font-family:"SPLiteraturuly MT"; font-weight:bold;} p.satauri2, li.satauri2, div.satauri2 {mso-style-name:satauri2; margin:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.tarigi, li.tarigi, div.tarigi {mso-style-name:tarigi; margin:0in; margin-bottom:.0001pt; font-size:10.0pt; font-family:"Times New Roman","serif";} p.muxliparl, li.muxliparl, div.muxliparl {mso-style-name:muxli_parl; margin-top:12.0pt; margin-right:0in; margin-bottom:0in; margin-left:14.15pt; margin-bottom:.0001pt; text-indent:-14.15pt; font-size:11.0pt; font-family:"SPDumbadze","serif"; font-weight:bold;} p.muxlixml, li.muxlixml, div.muxlixml {mso-style-name:muxli_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.tavisataurixml, li.tavisataurixml, div.tavisataurixml {mso-style-name:tavi_satauri_xml; margin-top:0in; margin-right:0in; margin-bottom:12.0pt; margin-left:0in; text-align:center; font-size:11.0pt; font-family:"Sylfaen","serif"; font-weight:bold;} p.tavixml, li.tavixml, div.tavixml {mso-style-name:tavi_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.karixml, li.karixml, div.karixml {mso-style-name:kari_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif";} p.karisataurixml, li.karisataurixml, div.karisataurixml {mso-style-name:kari_satauri_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.petitixml, li.petitixml, div.petitixml {mso-style-name:petiti_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.cignixml, li.cignixml, div.cignixml {mso-style-name:cigni_xml; margin:0in; margin-bottom:.0001pt; font-size:10.0pt; font-family:"Sylfaen","serif";} p.sataurixml, li.sataurixml, div.sataurixml {mso-style-name:satauri_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-family:"Sylfaen","serif"; font-weight:bold;} p.zogadinacilixml, li.zogadinacilixml, div.zogadinacilixml {mso-style-name:zogadi_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.gansakutrebulinacilixml, li.gansakutrebulinacilixml, div.gansakutrebulinacilixml {mso-style-name:gansakutrebuli_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.StylecxrilixmlSylfaen, li.StylecxrilixmlSylfaen, div.StylecxrilixmlSylfaen {mso-style-name:"Style cxrili_xml + Sylfaen"; mso-style-link:"Style cxrili_xml + Sylfaen Char"; margin:0in; margin-bottom:.0001pt; font-size:10.0pt; font-family:"Sylfaen","serif";} span.StylecxrilixmlSylfaenChar {mso-style-name:"Style cxrili_xml + Sylfaen Char"; mso-style-link:"Style cxrili_xml + Sylfaen"; font-family:"Sylfaen","serif";} p.adgilixml, li.adgilixml, div.adgilixml {mso-style-name:adgili_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.ckhrilixml, li.ckhrilixml, div.ckhrilixml {mso-style-name:ckhrili_xml; margin:0in; margin-bottom:.0001pt; font-size:9.0pt; font-family:"Sylfaen","serif";} p.danartixml, li.danartixml, div.danartixml {mso-style-name:danarti_xml; margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:10.0pt; font-family:"Sylfaen","serif"; font-weight:bold; font-style:italic;} p.khelmoceraxml, li.khelmoceraxml, div.khelmoceraxml {mso-style-name:khelmocera_xml; margin-top:6.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-family:"Sylfaen","serif"; font-weight:bold;} p.kodixml, li.kodixml, div.kodixml {mso-style-name:kodi_xml; margin-top:0in; margin-right:0in; margin-bottom:12.0pt; margin-left:255.1pt; text-align:right; page-break-after:avoid; font-size:10.0pt; font-family:"Sylfaen","serif";} p.mimgebixml, li.mimgebixml, div.mimgebixml {mso-style-name:mimgebi_xml; margin:0in; margin-bottom:.0001pt; text-align:center; text-indent:14.2pt; font-size:14.0pt; font-family:"Sylfaen","serif"; font-weight:bold;} p.sulcvlilebaxml, li.sulcvlilebaxml, div.sulcvlilebaxml {mso-style-name:sul_cvlileba_xml; margin-top:12.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-family:"Sylfaen","serif"; font-weight:bold;} p.tarigixml, li.tarigixml, div.tarigixml {mso-style-name:tarigi_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.saxexml, li.saxexml, div.saxexml {mso-style-name:saxe_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-family:"Sylfaen","serif"; font-weight:bold;} p.Normal, li.Normal, div.Normal {mso-style-name:"\[Normal\]"; margin:0in; margin-bottom:.0001pt; text-autospace:none; font-size:12.0pt; font-family:"Arial","sans-serif";} /* Page Definitions */ @page Section1 {size:8.5in 11.0in; margin:1.0in .75in 1.0in 45.0pt;} div.Section1 {page:Section1;} /* List Definitions */ ol {margin-bottom:0in;} ul {margin-bottom:0in;} სახელმწიფო სარეგისტრაციო კოდი 190.040.000.17.014.005.610
საქართველოს ფასიანი ქაღალდების ეროვნული კომისიის
დადგენილება №27
2002 წლის 18 დეკემბერი
ქ. თბილისი
„საქართველოს ფასიანი ქაღალდების ეროვნული კომისიის დებულების” დამტკიცების შესახებ
საქართველოს ფასიანი ქაღალდების ეროვნული კომისიის საჯარო სამართლებრივი უფლებაუნარიანობის განსაზღვრის მიზნით, „ფასიანი ქაღალდების ბაზრის შესახებ“ საქართველოს კანონით, ასევე მოქმედი კანონმდებლობით კომისიისათვის მინიჭებული უფლებამოსილებისა და ფუნქციების გათვალისწინებით, „საჯარო სამართლის იურიდიული პირის შესახებ“ საქართველოს კანონის მე-6 მუხლის პირველი პუნქტის მოთხოვნათა შესაბამისად და ამავე მუხლის მე -2 პუნქტის საფუძველზე, კომისია ადგენს:
1. დამტკიცდეს თანდართული „საქართველოს ფასიანი ქაღალდების ეროვნული კომისიის დებულება“.
2. წინამდებარე დადგენილება ამოქმედდეს გამოქვეყნებისთანავე.
თავმჯდომარე მ. ჯიბუტი
საქართველოს ფასიანი ქაღალდების ეროვნული კომისიის დებულება
თავი I
ზოგადი დებულებები
მუხლი 1🔗. სტატუსი და ადმინისტრაციული შექმნის საფუძველი
1. საქართველოს ფასიანი ქაღალდების ეროვნული კომისია (შემდგომში – კომისია) შექმნილია „ფასიანი ქაღალდების ბაზრის შესახებ“ საქართველოს კანონის საფუძველზე და ამავე კანონის 46-ე მუხლის შესაბამისად, წარმოადგენს საჯარო სამართლის იურიდიულ პირს, რომელიც თავის საქმიანობაში დამოუკიდებელია სხვა სახელმწიფო უწყებებისა და ორგანიზაციებისაგან.
2. კომისია უმაღლესი კომპეტენციის ორგანოა საქართველოს ფასიანი ქაღალდების ბაზრის რეგულირებისა და ზედამხედველობის, ამ ბაზრის მონაწილეთა საქმიანობის რეგლამენტირებისა და კონტროლის განხორციელების სფეროში.
3. კომისია მოქმედებს საქართველოს კონსტიტუციის, საერთაშორისო ხელშეკრულებებისა და შეთანხმებების, სხვა საერთაშორისო ნორმების, „დამოუკიდებელი ეროვნული მარეგულირებელი ორგანოების შესახებ“, „ფასიანი ქაღალდების ბაზრის შესახებ“, „არასახელმწიფო საპენსიო დაზღვევისა და უზრუნველყოფის შესახებ“. „სამეწარმეო საქმიანობის კონტროლის შესახებ“ და „სამეწარმეო საქმიანობის ლიცენზიისა და ნებართვების გაცემის საფუძვლების შესახებ“ საქართველოს კანონების, „საქართველოს ადმინისტრაციულ სამართალდარღვევათა კოდექსის“, ფასიანი ქაღალდების შესახებ კანონმდებლობის, საქართველოში მოქმედი სხვა საკანონმდებლო და კანონქვემდებარე აქტებისა და ამ დებულების შესაბამისად.
4. კომისია თავის საქმიანობაში ხელმძღვანელობს დამოუკიდებლობის, საჯაროობის, სამართლიანობისა და პასუხისმგებლობის პრინციპებით.
5. არავის არ აქვს უფლება მოახდინოს კომისიაზე რაიმე ზეგავლენა ან ჩაერიოს მის საქმიანობაში გადაწყვეტილებაზე ზემოქმედების მიზნით.
6. ნებისმიერი პირის მცდელობა, განახორციელოს იურისდიქცია დამოუკიდებელი მარეგულირებელი ორგანოს – საქართველოს ფასიანი ქაღალდების ეროვნული კომისიის უფლებამოსილების სფეროზე, უკანონოა, ხოლო შედეგებს არა აქვს იურიდიული ძალა.
7. საქართველოს ფასიანი ქაღალდების ბაზრის რეგულირების, რეგლამენტირებისა და ზედამხედველობის მიმართულებით ნებისმიერი მეთოდოლოგიური, ორგანიზაციული და ადმინისტრაციული ღონისძიების ან გადაწყვეტილების განხორციელება დაუშვებელია არსებული წესით კომისიასთან შეთანხმების გარეშე.
8. დადგენილი წესით კომისიის მიერ გამოცემული ნორმატიული აქტების მოთხოვნები სავალდებულოა შესასრულებლად ფიზიკური და იურიდიული პირებისათვის, მიუხედავად ამ უკანასკნელთა ორგანიზაციულ-სამართლებრივი ფორმისა.
9. კომისიას აქვს დამოუკიდებელი ბალანსი, შტამპი, სათანადო საბიუჯეტო, სპეცსახსრების და საბანკო ანგარიშები, ხარჯთა ნუსხა, საკუთარი ბეჭედი, ემბლემა და სატიტულო ფურცელი, სარგებლობს საქართველოს სახელმწიფო სიმბოლოებით.
10. კომისია უფლებამოსილია გასწიოს სახელმწიფოს წარმომადგენლობა იმ მოვალეობათა შესრულებისას, რომელიც მას ეკისრება საქართველოს კანონმდებლობით.
11. კომისიის დაფინანსების წყაროა სახელმწიფო ბიუჯეტი, დადგენილი წესით. ასევე საქართველოს კანონმდებლობით ნებადართული სხვა შემოსავლები.
12. საქართველოს ფასიანი ქაღალდების ეროვნული კომისიის ადგილსამყოფელია ქ. თბილისი.
თავი II
კომისიის საქმიანობის მიზნები, საგანი და ფუნქციები
მუხლი 2🔗. კომისიის მიზნები
კომისიის მიზნებია:
ა) საქართველოში ფასიანი ქაღალდების ბაზრის განვითარების ხელშეწყობა;
ბ) ფასიანი ქაღალდების ბაზარზე ინვესტორთა ინტერესების დაცვა;
გ) ემიტენტთა მიერ ფასიანი ქაღალდების საჯარო შეთავაზებისას მათი ინფორმაციის საჯაროობის უზრუნველყოფა;
დ) ფასიანი ქაღალდებით საჯარო ვაჭრობის ღიაობის უზრუნველყოფა;
ე) ფასიანი ქაღალდებით საჯარო ვაჭრობაში სამართლიანი წესებისა და თავისუფალი კონკურენციის დამკვიდრება.
მუხლი 3🔗. კომისიის საქმიანობის საგანი
კომისიის საქმიანობის საგანია:
ა) ემიტენტების მიერ ფასიანი ქაღალდების გამოშვებისა და მიმოქცევისას წარმოშობილი ურთიერთობების რეგულირება;
ბ) ფასიანი ქაღალდების საჯარო შეთავაზებასა და მიმოქცევასთან დაკავშირებული ურთიერთობების მართვა;
გ) ფასიანი ქაღალდების ბაზარზე საფონდო ბირჟების, ცენტრალური დეპოზიტარის, სხვა თვითრეგულირებადი ორგანიზაციების. ფასიანი ქაღალდების რეგისტრატორები, საბროკერო კომპანიების, ბროკერების, აქტივების მმართველი კომპანიებისა და სპეციალური დეპოზიტარის საქმიანობის ლიცენზირება, რეგლამენტირება და რეგულირება;
დ) მოთხოვნების დადგენა იმ საწარმოთა საქმიანობის წესისა და პასუხისმგებლობის მიმართ, რომელთა ფასიანი ქაღალდების საჯარო შეთავაზება და გაყიდვაც ხორციელდება;
ე) ფასიანი ქაღალდების ბაზრის მონაწილეთა საქმიანობის მართვისა და რეგულირებისათვის შესაბამისი საკანონმდებლო ბაზის შექმნის, სრულყოფისა და ამ სფეროს მომწესრიგებელი ნორმატიული აქტების ჰარმონიზაციის მიზნით სათანადო წინადადებებისა და საკანონმდებლო ცვლილებების მომზადება;
ვ) საზღვარგარეთის ქვეყნებთან ფასიანი ქაღალდების სფეროში თანამშრომლობის პრიორიტეტული მიმართულების განსაზღვრა და მათი განხორციელების ხელშემწყობი ღონისძიებების შემუშავება.
მუხლი 4🔗. კომისიის ფუნქციები
კომისიის ფუნქციებია:
ა) მოამზადოს, მიიღოს, შეიტანოს ცვლილებები და გააუქმოს კომისიის წესები მოქმედი კანონმდებლობის მიხედვით და ზედამხედველობა გაუწიოს ამგვარი წესების შესრულებას;
ბ) დაამტკიცოს ემისიის პროსპექტები ფასიანი ქაღალდების საჯარო შემოთვავაზებებისათვის და უზრუნველყოს ემიტენტთა მიერ მასში მოცემული პირობებისა და მოვალეობების შესრულება;
გ) წარადგინოს ოფიციალური განმარტებები და რეკომენდაციები საქართველოს ფასიანი ქაღალდების ბაზართან დაკავშირებულ საკითხებზე; რჩევა მისცეს და კონსულტაცია გაუწიოს საქართველოს პრეზიდენტს, საქართველოს პარლამენტს, საქართველოს ეროვნულ ბანკს, სხვა სახელმწიფო ორგანოებსა და დაწესებულებებს საქართველოში ფასიანი ქაღალდების ბაზრის ყველა საკითხზე, წარადგინოს წინადადებები კანონმდებლობასა და მასში შესატან ცვლილებებთან დაკავშირებით, რაც ხელს შეუწყობს საქართველოში ფასიანი ქაღალდების ბაზრის განვითარებას;
დ) გასცეს, შეცვალოს, შეაჩეროს ან გამოითხოვოს ლიცენზიები ფასიანი ქაღალდების ბაზრის რეგულირებადი მონაწილეებისაგან;
ე) განახორციელოს მონიტორინგი, შემოწმებები, გამოკვლევები და ზედამხედველობა გაუწიოს ფასიანი ქაღალდების ბაზრის მონაწილეთა საქმიანობას, მისი ფასიანი ქაღალდების შესახებ კანონმდებლობასთან შესაბამისობაში მოსაყვანად;
ვ) თავისი უფლებების ფარგლებში უზრუნველყოს კომისიის საქმიანობის უსაფრთხოება და თანამშრომლების დაცვა მათ მიერ თავიანთ ოფიციალურ მოვალეობათა განხორციელებისას;
ზ) მიიღოს და გამოითხოვოს გადაწყვეტილება იურიდიული პირის თვითრეგულირებად ორგანიზაციად აღიარების შესახებ;
თ) რეკომენდაცია გაუწიოს ფასიანი ქაღალდების ბაზრისათვის საჭირო სააღრიცხვო სტანდარტებს, ასეთი სტანდარტების ჩამომყალიბებელ ინსტიტუტებთან კონსულტაციების მეშვეობით;
ი) მოიწონოს ან უარყოს თვითრეგულირებადი ორგანიზაციების მიერ მიღებული წესები და შესწორებები;
კ) დადგენილი წესით გამოიყენოს სანქციები ფასიანი ქაღალდების შესახებ კანონმდებლობის დარღვევისათვის, გამოაქვეყნოს ინფორმაცია ასეთი დარღვევებისა და მათზე პასუხისმგებლობის შესახებ;
ლ) ორგანიზაცია გაუწიოს სასწავლო კურსებს, გამოსცეს ან მონაწილეობა მიიღოს ლიტერატურის გამოცემაში, რომელიც შინაარსობრივად ზოგადი ხასიათისაა ან კონკრეტულად ეხება საქართველოს ფასიანი ქაღალდების ბაზრის ფუნქციონირებასა და რეგულირებას;
მ) მოაწყოს გამოცდები და ატესტაცია:
მ.ა) ბროკერების ცოდნისა და კომპეტენტურობის შეფასების მიზნით;
მ.ბ) ფასიანი ქაღალდების რეესტრის მწარმოებელ ფიზიკურ პირთა საკვალიფიკაციო მოთხოვნებთან შესაბამისობის დასადგენად და გაცეს მათზე საკვალიფიკაციო ატესტატები.
ნ) გასწიოს დახმარება ანგარიშვალდებული საწარმოების, ფასიანი ქაღალდების ბაზრის მონაწილეებისა და ფასიანი ქაღალდების ბაზრის ფუნქციონირების შესახებ საჭირო საინფორმაციო ბაზის შესაქმნელად;
ო) ხელი შეუწყოს ინვესტორების დასაცავად სპეციალური სადაზღვევო ფონდის შექმნა-განვითარებას, თუ ფასიანი ქაღალდების ბაზრის მონაწილეს არ შეუძლია შეასრულოს თავისი ვალდებულებები ინვესტორი კლიენტის დასაკმაყოფილებლად;
პ) გამოიყენოს არასახელმწიფო საპენსიო უზრუნველყოფის შესახებ კანონმდებლობით გათვალისწინებული უფლებები ინვესტორებისა და ფასიანი ქაღალდების მფლობელთა კანონიერი ინტერესების დასაცავად;
ჟ) პერიოდულად გამოსცეს ბიულეტენი;
რ) განავითაროს ურთიერთობები უცხოეთის ფასიანი ქაღალდების ბაზრის მარეგულირებელ ორგანოებთან ურთიერთგაგების მემორანდუმის ან/და შეთანხმების საფუძველზე, ინფორმაციის გაცვლისა და გამოცდილების ურთიერთგაზიარების მიზნით;
ს) გამოავლინოს, თავიდან აიცილოს და აღკვეთოს დარღვევები ფასიანი ქაღალდების გამოშვებისა და მიმოქცევის სფეროში და ამ მიზნით ჩაატაროს შემოწმებები კომისიის წესების შესაბამისად;
ტ) მონაწილეობა მიიღოს ფასიანი ქაღალდების ბაზრის რეგულირების საერთაშორისო სტანდარტების დანერგვისა და საქართველოში მოქმედი კანონმდებლობის მათთან ჰარმონიზაციის საქმეში.
თავი IV
კომისიის მართვა და კომისიის წევრთა უფლება-მოვალეობები
მუხლი 5🔗. კომისიის მართვა
1. კომისია კოლეგიური ორგანოა, რომლის მართვა ხორციელდება კომისიის წევრთა (კომისიონერების) გადაწყვეტილებების საფუძველზე.
2. კომისია შედგება ხუთი წევრისაგან, რომელთაც უნდა ჰქონდეთ საჯარო სამსახურში მუშაობის, იურიდიული ან სამეწარმეო საქმიანობის პრაქტიკული გამოცდილება ან/და წარმოადგენდნენ ექსპერტებს ამ სფეროში.
3. კომისიის ხუთივე წევრს, კომისიის გადაწყვეტილების საფუძველზე კომისიის თავმჯდომარის წარდგინებით, თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი და ამტკიცებს საქართველოს პარლამენტი.
4. კომისიის წევრები კომისიის ხუთი წევრიდან ერთ-ერთს ირჩევენ კომისიის თავმჯდომარედ, რომელსაც თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი.
5. კომისიის საქმიანობას ხელმძღვანელობს თავმჯდომარე, ხოლო მისი არყოფნისას – თავმჯდომარის მოადგილე.
6. კომისია და კომისიის წევრი თავისი საქმიანობის ფარგლებში დამოუკიდებელნი არიან და ემორჩილებიან მხოლოდ საქართველოს კანონმდებლობას. მხოლოდ კომისიას აქვს უფლება განახორციელოს სრული უფლებამოსილება იმ საკითხებზე, როლებიც მასზე დელეგირებულია მოქმედი კანონმდებლობით.
7. კომისიას და კომისიის წევრს მინიჭებული აქვს სრული დამოუკიდებლობა შესაბამისი კანონის ფარგლებში მათ უფლებამოსილებას მიკუთვნებულ საკითხებზე გადაწყვეტილებათა მიღებისა და კანონიერი ქმედებების განხორციელებისას.
8. არასათანადო ზემოქმედება და არასამართლებრივი ჩარევა ან ამგვარი ზემოქმედების და ჩარევის მცდელობა კომისიის, კომისიის წევრის ან აპარატის თანამშრომლის გეგმის, რწმენის, გადაწყვეტილების, მოქმედების ან უმოქმედობის მიმართ უკანონოა, ხოლო არასათანადო ზემოქმედებით და არასამართლებრივი ჩარევით გადაწყვეტილების მიღება იწვევს ასეთი გადაწყვეტილების ბათილობას.
9. კომისიის წევრთა გადაწყვეტილებით, კომისიის კომპეტენციის საკითხები განიხილება კომისიის სხდომებზე, რომელიც ტარდება დადგენილი წესით.
10. კომისია ატარებს ღია და დახურულ სხდომებს.
11. კომისიის სხდომა უფლებამოსილია შედგეს, თუ მას ესწრება კომისიის 3 წევრი მაინც. გადაწყვეტილებები მიიღება დამსწრე წევრთა ხმების უბრალო უმრავლესობით, გარდა იმ შემთხვევებისა, როცა მიიღება, იცვლება ან უქმდება კომისიის წესი.
12. კომისიის წესის მიღების, შეცვლის ან გაუქმების თაობაზე გადაწყვეტილება მიღებულად ჩაითვლება, თუ მას ხმას მისცემს კომისიის არანაკლებ 3 წევრი.
13. ფასიანი ქაღალდების კანონმდებლობის დარღვევასთან და ანგარიშვალდებული საწარმოს ინფორმაციის კონფიდენციალობაზე გადაწყვეტილების მიღება-გადასინჯვასთან დაკავშირებული საკითხები განიხილება კომისიის დახურულ სხდომაზე. სხვა საკითხები, რომლებიც ბაზრის ერთი მონაწილის ინტერესს ეხება, განიხილება დახურულ სხდომებზე, დამსწრე წევრთა მინიმუმ ორი მესამედის გადაწყვეტილებით. დანარჩენი საკითხები განიხილება ღია სხდომებზე.
14. კომისია უფლებამოსილია მიიღოს გადაწყვეტილება კომისიის წევრის ან კომისიის აპარატის თანამშრომლისათვის უფლებამოსილების მინიჭების თაობაზე ნებისმიერი ფუნქციის შესასრულებლად, გარდა კომისიის წესების მიღების, შეცვლის, შეჩერებისა და გაუქმებისა, ანგარიშვალდებული საწარმოს მიერ კომისიისათვის წარდგენილი გარკვეული ინფორმაციის კონფიდენციალურად ჩათვლის შესახებ კომისიის მიერ მიღებული გადაწყვეტილების გადასინჯვისა და კანონით გათვალისწინებული პასუხისმგებლობის დაკისრებისას.
15. კომისია უფლებამოსილია გადასინჯოს ან შეასწოროს ნებისმიერი დელეგირებული ქმედება. კომისიის ერთი წევრის ხმაც კი საკმარისია იმისათვის, რომ ამგვარი ქმედება კომისიას წარედგინოს განსახილველად. თუ კომისია უარს იტყვის აღნიშნული ქმედების განხილვაზე ან არ განიხილავს მას კომისიის წესებით განსაზღვრულ ვადაში, მაშინ იმ პირის ქმედება, რომლისთვისაც დელეგირებული იყო კომისიის უფლებამოსილება, ჩაითვლება კომისიის მიერ განხორციელებულ ქმედებად.
16. კომისიის მიერ მიღებული გადაწყვეტილებები ქვეყნდება დადგენილი წესით.
17. კომისიის გადაწყვეტილება განსჯადობის შესაბამისად შეიძლება გასაჩივრდეს საქართველოს საკონსტიტუციო სასამართლოში და საქართველოს საერთო სასამართლოებში. კომისიის გადაწყვეტილებას საერთო სასამართლოების სისტემაში პირველი ინსტანციით განიხილავენ მხოლოდ საოლქო სასამართლოები.
მუხლი 6🔗. კომისიის წევრები და მათი უფლება-მოვალეობანი
1. კომისიის წევრები თანამდებობაზე ინიშნებიან უფლებამოსილების ხუთი წლის ვადით. ერთი და იგივე პირი კომისიის წევრად შეიძლება დაინიშნოს მხოლოდ ორი ვადით.
2. კომისიის წევრები, კომისიის ფუნქციებიდან და უფლებამოსილებებიდან გამომდინარე, იღებენ გადაწყვტილებებს: მისი უფლებამოსილების ფარგლებში ლიცენზიის გაცემის, შეჩერების, ცვლილების და გამოთხოვის; რეგულირების საფასურის განსაზღვრის; თავისი კომპეტენციის სფეროში, კანონით განსაზღვრულ ფარგლებში ტარიფის დადგენისა და რეგულირების განხორციელების; ნორმატიული აქტების გამოცემის; ფასიანი ქაღალდების შესახებ კანონმდებლობის მოთხოვნათა დაცვაზე კონტროლის განხორციელების, მათი დარღვევის შემთხვევაში კი – ადმინისტრაციული პასუხისმგებლობის დაკისრების თაობაზე, მოქმედი კანონმდებლობის შესაბამისად.
3. კომისიის წევრებს თანაბარი ხმის უფლება აქვთ. ხმების თანაბარი განაწილების შემთხვევაში კომისიის თავმჯდომარეს აქვს გადამწყვეტი ხმის უფლება. კომისიის წევრებს უფლება აქვთ მათი ინდივიდუალური მოსაზრებები აისახოს სხდომის ოქმში.
4. კომისიის თუნდაც მხოლოდ ერთი წევრის მოთხოვნებით შეიძლება მოეწყოს ღია კენჭისყრა.
5. კომისიის წევრის მიერ პროფესიული მოვალეობების შესრულებისას დაუშვებელია მის მიმართ არასათანადო ზემოქმედება და არასამართლებრივი ჩარევა.
6. კომისიის წევრი უფლებამოსილია შუამდგომლობით მიმართოს სასამართლოს მის მიმართ არასათანადო ზემოქმედების და არასამართლებრივი ჩარევის თავიდან აცილების ან/და აღკვეთის მიზნით.
7. კომისიის წევრი ვალდებულია ყოველწლიურად შეავსოს და წარადგინოს ქონებრივი მდგომარეობისა და საფინანსო დეკლარაციები “საჯარო სამსახურში ინტერესთა შეუთავსებლობისა და კორუფციის შესახებ” საქართველოს კანონით დადგენილი წესით.
8. კომისიის წევრმა, რომელიც პირდაპირ ან არაპირდაპირ დაინტერესებულია კომისიის მიერ ამა თუ იმ საკითხზე მისაღები გადაწყვეტილებით, ამგვარი დაინტერესების შესახებ უნდა განაცხადოს კომისიის სხდომაზე, რომელზეც მიიღება გადაწყვეტილება. ეს განცხადება ფიქსირდება სხდომის ოქმში და ამ წევრს უფლება არ აქვს მონაწილეობა მიიღოს მოცემულ საკითხზე კომისიის გადაწყვეტილების მომზადებასა და მიღებაში და დაესწროს ასეთ სხდომას ამ გადაწყვეტილების მიღებამდე.
9. კომისიის წევრმა კომისიას უნდა მიაწოდოს ინფორმაცია მის მფლობელობაში არსებული ფასიანი ქაღალდების შესახებ კომისიის მიერ განსაზღვრული ფორმით, რათა თავიდან იქნეს აცილებული ინტერესთა კონფლიქტი კომისიასთან.
10. კომისიის მოქმედ თუ ყოფილ წევრს არ აქვს უფლება პირადი ინტერესებისათვის გამოიყენოს ან გაავრცელოს კომისიაში მუშაობის პერიოდში მიღებული კონფიდენციალური ინფორმაცია.
11. კომისიის წევრს არ შეიძლება ეკავოს სხვა თანამდებობა და ეწეოდეს სხვა საქმიანობას, გარდა საგანმანათლებლო ან შემოქმედებითი საქმიანობისა. იგი არ უნდა იღებდეს სხვა ანაზღაურებას, გარდა კომისიის წევრის ხელფასისა და საგანმანათლებლო ან შემოქმედებითი საქმიანობისათვის მიღებული შემოსავლისა.
12. კომისიის წევრი ვალდებულია შეაჩეროს პოლიტიკური პარტიის წევრობა კომისიის წევრად ყოფნის მთელი პერიოდის განმავლობაში. დაუშვებელია კომისიაში და კომისიის აპარატში პოლიტიკური პარტიის, საზოგადოებრივი ორგანიზაციისა და მათი სტრუქტურული ერთეულების შექმნა.
13. კომისიის წევრი, პირდაპირი ან არაპირდაპირი გზით, არ უნდა იღებდეს მონაწილეობას ფასიანი ქაღალდების ბაზარზე განხორციელებულ იმ ოპერაციებსა თუ გარიგებებში, რომლებიც რეგულირდება კომისიის მიერ ფასიანი ქაღალდების შესახებ კანონმდებლობით.
14. კომისიის წევრსა და კომისიის აპარატის თანამშრომელს უფლება არა აქვს მიიღონ საჩუქარი იმ პირისაგან ან ორგანიზაციისაგან, რომელიც ექვემდებარება კომისიის უფლებამოსილებას, ან ისარგებლონ ამავე პირის ან ორგანიზაციის შეღავათიანი ან უფასო მომსახურებით, გარდა იმ შემთხვევისა, როდესაც აღნიშნული ყველასათვის ხელმისაწვდომია.
15. კომისიის წევრსა და კომისიის აპარატის თანამშრომელს უფლება არა აქვს იყვნენ იმ პირის მომხმარებელნი, რომელიც ექვემდებარება კომისიის უფლებამოსილებას.
16. კომისიის წევრები ახორციელებენ მათთვის კანონმდებლობით მინიჭებულ სხვა ფუნქციებსა და უფლებამოსილებებს, სარგებლობენ მოქმედი კანონმდებლობით დადგენილი გარანტიებით.
17. კომისიის წევრები თანამდებობიდან თავისუფლდებიან:
ა) საკუთარი განცხადების საფუძველზე;
ბ) დანაშაულის ჩადენის შემთხვევაში – სასამართლოს გადაწყვეტილების საფუძველზე;
გ) კომისიის წევრთა და თანამშრომელთა ქცევის წესების (ეთიკის კოდექსის) დარღვევის გამო;
დ) თავიანთი მოვალეობის ექვს თვეზე მეტი ხნის განმავლობაში შეუსრულებლობის შემთხვევაში.
18. კომისიის წევრს უფლება აქვს გაასაჩივროს თანამდებობიდან გათავისუფლების შესახებ გადაწყვეტილება საქართველოს კანონმდებლობით დადგენილი წესით.
19. თუ კომისიის წევრი, ამ მუხლის მე-17 პუნქტით გათვალისწინებულ შემთხვევებში ვადაზე ადრე წყვეტს თავის უფლებამოსილებას, კომისიის გადაწყვეტილების საფუძველზე, კომისიის თავმჯდომარის წარდგინებით, საქართველოს პრეზიდენტი ნიშნავს და საქართველოს პარლამენტი ამტკიცებს სხვა პირს არსებულ ვაკანტურ თანამდებობაზე, დარჩენილი ვადით.
20. თუ კომისიის წევრი არასრული ვადით არის დანიშნული, იგი შეიძლება დაინიშნოს ხუთწლიანი ვადით მხოლოდ ერთხელ, არასრული ვადის გასვლის შემდეგ.
თავი V. კომისიის წარმომადგენლობაზე უფლებამოსილი პირი
და მისი კომპეტენცია
მუხლი 7🔗. კომისიის თავმჯდომარე და მისი უფლებამოსილება
1. კომისიის თავმჯდომარე:
ა) უზრუნველყოფს კომისიის სხდომების რეგულარულ მოწვევას, სხდომებზე განსახილველი საკითხების განსაზღვრას, კომისიის საქმიანობის შესახებ ანგარიშების მომზადებას, სხდომებს შორის პერიოდში წევრებისათვის მითითება-განკარგულებათა გაცემასა და მათი შესრულების კონტროლს;
ბ) ხელმძღვანელობს კომისიის აპარატს, განსაზღვრავს კომისიის აპარატის სტრუქტურას, მის საშტატო განრიგს, თანამდებობაზე ნიშნავს და თანამდებობიდან ათავისუფლებს კომისიის აპარატის თანამშრომლებს;
გ) ხელმოწერით ადასტურებს კომისიის გადაწყვეტილებას;
დ) წარმოადგენს კომისიას სხვა პირებთან ურთიერთობაში;
ე) უზრუნველყოფს კომისიის გადაწყვეტილებათა შესრულების კონტროლს.
ვ) კომისიის წევრთაგან ერთ-ერთს ნიშნავს კომისიის თავმჯდომარის მოადგილედ.
2. კომისიის თავმჯდომარეს ეკისრება პერსონალური პასუხისმგებლობა კომისიის საკუთრებაში არსებულ ქონებაზე და ფულადი სახსრების მიზნობრივად ხარჯვაზე.
თავი VI
სახელმწიფო კონტროლი
მუხლი 8🔗. კომისიის საქმიანობის შესახებ ანგარიშგება
1. კომისია შექმნილია კანონის საფუძველზე და წარმოადგენს დამოუკიდებელ ორგანოს.
2. დაუშვებელია კომისიის საქმიანობაში ჩარევა, ამ საქმიანობის კონტროლი ან აღნიშნულ საქმიანობასთან დაკავშირებით ანგარიშის მოთხოვნა, თუ ეს პირდაპირ არ არის გათვალისწინებული შესაბამისი კანონით.
3. კომისია საქართველოს ფასიანი ქაღალდების ბაზარზე სამეურნეო წელს მომხდარი ძირითადი მოვლენების შესახებ წლიურ ანგარიშს ყოველწლიურად წარუდგენს საქართველოს პრეზიდენტს, საქართველოს პარლამენტს და საზოგადოებრიობას.
4. კომისიის საქმიანობის ანგარიში და ფინანსური აუდიტის შედეგები ხელმისაწვდომია საზოგადოებისათვის.
5. კომისია საანგარიშგებო წლის მომდევნო წლის არაუგვიანეს 1 მაისისა ატარებს საჯარო მოსმენას, რომელზეც თავისი საქმიანობის ანგარიშსა და ფინანსური აუდიტის შედეგებს წარუდგენს მასობრივი ინფორმაციის საშუალებებსა და საზოგადოებრიობას.
6. კომისიისათვის საქართველოს სახელმწიფო ბიუჯეტიდან გამოყოფილი სახსრების ხარჯვის მიზნობრიობის შესწავლას, კომისიის საქმიანობაში ჩაურევლად, ახორციელებს საქართველოს კონტროლის პალატა.
თავი VII
კომისიის შემოსავლები
მუხლი 9🔗. კომისიის შემოსავლის წყარო
კომისიის შემოსავლის წყარო შეიძლება იყოს:
ა) საქართველოს სახლმწიფო ბიუჯეტიდან გამოყოფილი მიზნობრივი სახსრები;
ბ) მოქმედი კანონმდებლობის შესაბამისად, კომისიის მიერ გაწეული მომსახურებისათვის სალიცენზიო მოსაკრებლის კომისიის ანგარიშზე ჩარიცხული სახსრები;
გ) მოქმედი კანონმდებლობის შესაბამისად, ფასიანი ქაღალდების ემისიის სარეგისტრაციო მოსაკრებლის კომისიის ანგარიშზე ჩარიცხული სახსრები;
დ) ხელშეკრულების საფუძველზე შესრულებული სამუშაოდან მიღებული შემოსავალი;
ე) სახელმწიფო შეკვეთის შესრულებიდან მიღებული შემოსავალი;
ვ) გრანტები და შემოწირულობები;
ზ) სემინარების, სასწავლო და კვალიფიკაციის ამაღლების კურსების ორგანიზებიდან მიღებული შემოსავალი;
თ) ბიულეტენის, ფასიანი ქაღალდების ფუნქციონირებასა და რეგულირებასთან დაკავშირებით გამოცემული ლიტერატურის ან/და მასალების რეალიზაციიდან მიღებული შემოსავალი;
ი) საქართველოს კანონმდებლობით ნებადართული სხვა შემოსავლები.
მუხლი 10🔗. ბუღალტრული აღრიცხვა და ანგარიშგება
1. კომისია ბუღალტრულ აღრიცხვას აწარმოებს მოქმედი კანონმდებლობის შესაბამისად.
2. კომისია საბიუჯეტო სახსრების ხარჯვის აღრიცხვასა და ანგარიშგებას, მუშაკთა შემოსავლების, შესრულებული სამუშაოს (მომსახურების) დაბეგვრას და ბიუჯეტთან ანგარიშსწორებას ახდენს საბიუჯეტო დაწესებულებებისათვის მოქმედი კანონმდებლობით დადგენილი მოთხოვნებისა და ვადების შესაბამისად.
3. კომისია ყოველწლიურად ატარებს თავისი ხარჯებისა და ბუღალტრული ანგარიშების ფინანსურ აუდიტს, მოქმედი კანონმდებლობის გათვალისწინებით.
თავი VIII
კომისიის საქმიანობის შეწყვეტა ან რეორგანიზაცია
მუხლი 11🔗. კომისიის საქმიანობის შეწყვეტა
კომისიის საქმიანობის შეწყვეტა შესაძლებელია მხოლოდ საქართველოს კანონით და კანონით გათვალისწინებულ შემთხვევებში.
მუხლი 12🔗. კომისიის რეორგანიზაცია
კომისიის რეორგანიზაცია შესაძლებელია მხოლოდ საქართველოს კანონით, დადგენილი წესის შესაბამისად.
თავი IX
კომისიის დებულებაში ცვლილებების შეტანა
მუხლი 13🔗. კომისიის დებულებაში ცვლილებების შეტანა
წინამდებარე დებულებაში კომისიის მიერ ცვლილებების შეტანა შესაძლებელია კომისიის გადაწყვეტილების საფუძველზე.