“ფინანსთა სამინისტროს 2000 წლის 29 დეკემბრის №122 ბრძანებით დამტკიცებულ სახაზინო სამსახურის დებულებაში ცვლილებებისა და დამატებების შეტანის შესახებ”

სახელმწიფო სარეგისტრაციო კოდი190.010.000.11.117.005.861

საქართველოს ფინანსთა მინისტრის

ბრძანება №301

2003 წლის 6 ივნისი

ქ. თბილისი

საქართველოს ფინანსთა სამინისტროს 2000 წლის 29 დეკემბრის №122 ბრძანებით დამტკიცებულ სახაზინო სამსახურის დებულებაში ცვლილებებისა და დამატებების შეტანის შესახებ

 საქართველოს ფინანსთა სამინისტროს სახაზინო სამსახურში მიმდინარე რეფორმების წარმატებით გაგრძელებისათვის, საერთაშორისო სავალუტო ფონდის 2002 წლის დეკემბრის მისიის რეკომენდაციების შესასრულებლად, ვბრძანებ:

საქართველოს ფინანსთა მინისტრის 2000 წლის 29 დეკემბრის №122 ბრძანებით (სსმ III, 2001წ., №1, მუხლი 3) დამტკიცებულ საქართველოს ფინანსთა სამინისტროს სახაზინო სამსახურის დებულებაში შეტანილ იქნეს შემდეგი ცვლილებები და დამატებები:

1. სახაზინო სამსახურის დებულების მე-3 მუხლს დაემატოს შემდეგი პუნქტები:

„6. ხაზინა მონაცემთა ერთიანი ბაზის და შესაბამისი პროგრამული უზრუნველყოფის საფუძველზე შეიმუშავებს სახაზინო სამსახურში შემავალი სტრუქტურული ქვედანაყოფების ფუნქციონირებისათვის აუცილებელი ახალი ამოცანების კვლევისა და მათი დამუშავების მეთოდებს;

 7. ხაზინა სხვადასხვა მონაცემებზე დაყრდნობით აკეთებს სამსახურის მიერ გასაწევი აუცილებელი, გადაუდებელი ყოველთვიური, კვარტალური და წლიური ხარჯების პროგნოზირებას”.

2. სახაზინო სამსახურის დებულების მე-7 მუხლის მე-4 პუნქტს დაემატოს შემდეგი შინაარსის ქვეპუნქტები:

ზ) „ინფორმატიკის დეპარტამენტი”;

თ) „განვითარებისა და პროგნოზირების დეპარტამენტი”.

 და ეს პუნქტი ჩამოყალიბდეს შემდეგნაირად:

„4. ხაზინის ცენტრალური აპარატი მოიცავს შემდეგ დეპარტამენტებს:

ა) სახელმწიფო ბიუჯეტის ხარჯების დეპარტამენტი;

ბ) აღრიცხვა-ანგარიშგების დეპარტამენტი;

გ) საოპერაციო დეპარტამენტი;

დ) საანგარიშსწორებო ცენტრი;

ე) შიდა აუდიტის დეპარტამენტი;

ვ) ადმინისტრაციული დეპარტამენტი;

ზ) ინფორმატიკის დეპარტამენტი;

თ) განვითარებისა და პროგნოზირების დეპარტამენტი”.

3. ინფორმატიკის დეპარტამენტისა და განვითარებისა და პროგნოზირების დეპარტამენტების რიცხოვნობა განისაზღვროს 7-7 საშტატო ერთეულით სახაზინო სამსახურისათვის გამოყოფილი რიცხოვნობის ფარგლებში.

4. ბრძანება ამოქმედდეს გამოქვეყნებისთანავე.

მ. გოგიაშვილი