„საქართველოს იუსტიციის სამინისტროს სასჯელაღსრულების დეპარტამენტის საერთო სამსახურის დებულების დამტკიცების შესახებ“ საქართველოს იუსტიციის მინისტრის 2002 წლის 22 აგვისტოს №721 ბრძანებაში ცვლილებებისადა დამატების შეტანის თაობაზე

სახელმწიფო სარეგისტრაციო კოდი 010.240.030.11.106.005.918

საქართველოს იუსტიციის მინისტრის

ბრძანება №629

2003 წლის 30 ივნისის

ქ. თბილისი

„საქართველოს იუსტიციის სამინისტროს სასჯელაღსრულების დეპარტამენტის საერთო სამსახურის დებულების დამტკიცების შესახებ” საქართველოს იუსტიციის მინისტრის 2002 წლის 22 აგვისტოს №721 ბრძანებაში ცვლილებებისა და დამატების შეტანის თაობაზე

„ნორმატიული აქტების შესახებ” საქართველოს კანონის 36-ე მუხლის მოთხოვნათა შესაბამისად, ვბრძანებ:

    მუხლი 1.

„საქართველოს იუსტიციის სამინისტროს სასჯელაღსრულების დეპარტამენტის საერთო სამსახურის დებულების დამტკიცების შესახებ” საქართველოს იუსტიციის მინისტრის 2002 წლის 22 აგვისტოს №721 ბრძანებით (სსმ III, 2002 წ., №86, მუხ. 783) დამტკიცებულ საქართველოს იუსტიციის სამინისტროს სასჯელაღსრულების დეპარტამენტის საერთო სამსახურის დებულებაში შეტანილ იქნეს შემდეგი ცვლილებები:

1. მე-4 მუხლის პირველი პუნქტის „ა” ქვეპუნქტი ჩამოყალიბდეს შემდეგი რედაქციით:

 „ა) უფლებამოსილების ფარგლებში ახორციელებს საბუღალტრო-საფინანსო საქმიანობას, აკონტროლებს საბუღალტრო-საფინანსო საქმიანობას სასჯელაღსრულების დაწესებულებათა შესაბამის ქვედანაყოფებში, საქმიანობის პროცესში ასრულებს დეპარტამენტისა და სამინისტროს მითითებებს ფინანსური და მატერიალური რესურსების ეკონომიური ხარჯვის თაობაზე და ატარებს ამ მიმართულებით პრაქტიკულ ღონისძიებებს;”;

 2. მე-7 მუხლი ამოღებულ იქნეს;

3. მე-8 მუხლი ჩამოყალიბდეს შემდეგი რედაქციით:

    „მუხლი 8

     1. საერთო სამსახურის მოსამსახურეების თანამდებობათა დასახელება და საშტატო რიცხოვნობა განისაზღვრება დეპარტამენტის საშტატო განრიგით, რომელსაც ამტკიცებს იუსტიციის მინისტრი.

     2. მოსამსახურეთა თანამდებობაზე დანიშვნისა და თანამდებობიდან გათავისუფლების წესი განისაზღვრება იუსტიციის მინისტრის ბრძანებით.”;

     4. მე-11 მუხლის „ბ” ქვეპუნქტი ჩამოყალიბდეს შემდეგი რედაქციით:

      „ბ) საფინანსო-სააღრიცხვო განყოფილება.”;

     5. მე-12 მუხლის:

     ა) პირველ პუნქტს ბოლოში დაემატოს შემდეგი შინაარსის წინადადება:

      „უზრუნველყოფს სატრანსპორტო საშუალებებისა და მექანიზმების სისტემის ტექნიკურად გამართულ მუშაობას, ახორციელებს კონტროლს მათ სწორ ექსპლოატაციაზე, უზრუნველყოფს საწვავ-საცხები მასალების განაწილებას არსებული ლიმიტის მიხედვით და აწესებს კონტროლს მის ეკონომიურად ხარჯვაზე, ამორტიზებული სატრანსპორტო საშუალებების ამოწერის მიზნით ამზადებს სათანადო საბუთებს.”;

     ბ) მე-2 პუნქტი ჩამოყალიბდეს შემდეგი რედაქციით:

      „2. საფინანსო-სააღრიცხვო განყოფილება:

     ა) უფლებამოსილების ფარგლებში ახორციელებს საბუღალტრო-საფინანსო საქმიანობას დეპარტამენტსა და დეპარტამენტისადმი დაქვემდებარებულ დაწესებულებებში;

     ბ) ამოწმებს საფინანსო-სამეურნეო საქმიანობის შედეგებს დაწესებულებებსა და წარმოებებში, ატარებს ღონისძიებებს მატერიალური ფასეულობების დაცულობის უზრუნველსაყოფად;

     გ) კრებს, აანალიზებს და ზემდგომ ინსტანციებში წარადგენს საფინანსო, საბუღალტრო და სტატისტიკურ ანგარიშებს;

     დ) ამზადებს მიმოხილვით წერილებს, იხილავს საფინანსო-სამეურნეო საკითხებთან დაკავშირებულ საჩივრებსა და განცხადებებს.”.

     2. ეს ბრძანება ამოქმედდეს გამოქვეყნებისთანავე.

    რ. გილიგაშვილი