„ზუგდიდის მუნიციპალიტეტის საკრებულოს დებულების (რეგლამენტი) დამტკიცების შესახებ“ ზუგდიდის მუნიციპალიტეტის საკრებულოს 2017 წლის 14 ნოემბრის N1 დადგენილებაში ცვლილების შეტანის თაობაზე

ა)  დებულებას დაემატოს შემდეგი შინაარსის 88¹ მუხლი:

,,88¹ მუხლი. მუნიციპალიტეტის ბიუჯეტის კვარტალური შესრულების მიმოხილვა

1. ყოველი კვარტალის დასრულებიდან 1 თვის ვადაში მუნიციპალიტეტის აღმასრულებელი ორგანო საკრებულოს წარუდგენს ბიუჯეტის შესრულების კვარტალურ მიმოხილვას ნაზარდი ჯამით, რომელიც მოიცავს შემოსულობების, გადასახდელების (მათ შორის, სარეზერვო ფონდიდან გამოყოფილი სახსრების), ნაშთის ცვლილებისა და მთლიანი სალდოს ფაქტობრივი მოცულობების შედარებას შესაბამისი პერიოდის გეგმურ მაჩვენებლებთან.

2. საკრებულოს შესაბამისი კომისია განიხილავს ბიუჯეტის კვარტალურ შესრულების მიმდინარეობას  და წარუდგინოს საკრებულოს ბიუროს.

3. ბიუროს გადაწყვეტილებით თვითმმართველი ერთეულის ბიუჯეტის კვარტალური შესრულების მიმდინარეობის შესახებ   ანგარიში შეიტანება საკრებულოს უახლოეს სხდომის დღის წესრიგში.

4. საკრებულო მუნიციპალიტეტის ბიუჯეტის კვარტალური შესრულების მიმდინარეობას ღებულობს ცნობად (საოქმო ჩანაწერი) ;“

ბ) დებულებიდან ამოღებულ იქნეს 113-ე მუხლის მე-3 პუნქტი;

გ) დებულების 131-ე მუხლის მე-3 პუნქტის „ვ“ ქვეპუნქტი ჩამოყალიბდეს შემდეგი რედაქციით:

ვ) მუნიციპალიტეტის ბიუჯეტის შესრულების კვარტალური მიმოხილვა და წლიური ანგარიში, მუნიციპალიტეტის საკრებულოსთვის მისი წარდგენიდან 10 დღის ვადაში.