„საქართველოს თავდაცვის სამინისტროს ადმინისტრაციის დებულების დამტკიცების შესახებ“ საქართველოს თავდაცვის მინისტრის 2016 წლის 17 მაისის №35 ბრძანებაში ცვლილების შეტანის თაობაზე

საქართველოს თავდაცვის მინისტრის

2022 წლის 12 ოქტომბერი

ქ. თბილისი

1. მე-6 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ნატოს კლასიფიცირებული ინფორმაციის უსაფრთხოების  სამსახურის სტრუქტურული ერთეულებია:

ა) უსაფრთხოების პოლიტიკის სამმართველო;

ბ) ცენტრალური რეგისტრის სამმართველო;

გ) კომუნიკაციების უსაფრთხოების განყოფილება (NCSA);

დ) კრიპტოგრაფიული უსაფრთხოების განყოფილება (NDA);

ე) უსაფრთხოების აკრედიტაციის განყოფილება (SAA).“.

ბ) მე-5 პუნქტი ჩამოყალიბდეს შემდეგი რედაქციით:

„5. კომუნიკაციების უსაფრთხოების განყოფილების (NCSA) კომპეტენციაა:

ა) ნატოს კლასიფიცირებული ინფორმაციის გადამცემი და დამამუშავებელი საკომუნიკაციო და ინფორმაციული სისტემების უსაფრთხოების უზრუნველყოფა;

ბ) უსაფრთხო საკომუნიკაციო და ინფორმაციული სისტემების განსაზღვრა, დაცვის მექანიზმების კონფიგურაციის შერჩევა, ფუნქციონირება და შენარჩუნება, დაგეგმვის პროცესიდან სისტემის გაუქმებამდე სრული სიცოცხლის ციკლის განმავლობაში;

გ) უსაფრთხოების ღონისძიებების დაგეგმვა, უსაფრთხო ქსელებისა და სისტემების ტექნიკური ასპექტების ჩამოყალიბება, მოწყობა და იმპლემენტაცია, მათი პროგრამული უზრუნველყოფა, სისტემების მართვა და კონტროლი, უსაფრთხო ქსელების და სისტემების შექმნა და ერთიანი სისტემების ადმინისტრირება;

დ) კრიპტოგრაფიული საშუალებებისა და პროგრამული უზრუნველყოფის შეფასება, შერჩევა, დამტკიცება, კონტროლის წესების და პროცედურების უზრუნველყოფა, ასევე ტექნიკური ინფორმაციის კონტროლი;

ე) ნატოს კლასიფიცირებული ინფორმაციის საკომუნიკაციო უსაფრთხოების ზომებთან დაკავშირებული რისკების იდენტიფიცირება, კონტრზომების განსაზღვრა, მათი სისტემაში დანერგვა და წინადადებების შემუშავება ინფორმაციის არასანქცირებული გამოყენებისა და წვდომისაგან, აგრეთვე განადგურებისა და ცვლილებისაგან დაცვის მიზნით;

ვ) ტემპესტ (TEMPEST) ტესტირების უზრუნველყოფა და შესაბამისი პროცედურების დანერგვა;

ზ) ერთიანი კოორდინირებული რეგისტრების სისტემის საკომუნიკაციო და ინფორმაციული სისტემების რეგულარული ინსპექტირება/მონიტორინგი.“.

2. მე-6 მუხლს დაემატოს შემდეგი შინაარის მე-6 და მე-7 პუნქტები:

„6. კრიპტოგრაფიული უსაფრთხოების განყოფილების (NDA) კომპეტენციაა:

ა) ნატოს კლასიფიცირებული ინფორმაციის დაცვისთვის გამოყენებული კრიპტოგრაფიული სისტემების უსაფრთხოების უზრუნველყოფა;

ბ) საქართველოში ნატოს კლასიფიცირებული ინფორმაციის უსაფრთხოების ერთიან სისტემაში ნატოს კრიპტოგრაფიული მასალის დისტრიბუციის უზრუნველყოფა;

გ) ნატოს კლასიფიცირებული ინფორმაციის უსაფრთხოების უზრუნველსაყოფად კრიპტოგრაფიული სისტემების და კრიპტოგრაფიული მასალის მართვა, სრული აღრიცხვა, უსაფრთხო მოხმარება, შენახვა და განადგურებისათვის საჭირო პროცედურების განხორციელება;

დ) საქართველოში ნატოს კლასიფიცირებული ინფორმაციის უსაფრთხოების ერთიან სისტემაში კრიპტოგრაფიული უსაფრთხოების ინსპექტირება/მონიტორინგი;

ე) ნატოს კლასიფიცირებული ინფორმაციის კრიპტოგრაფიული უსაფრთხოების ზომებთან დაკავშირებული რისკების იდენტიფიცირება და წინადადებების შემუშავება ინფორმაციის არასანქცირებული გამოყენებისა და წვდომისაგან, აგრეთვე განადგურებისა და ცვლილებისაგან დაცვის მიზნით;

ვ) საქართველოში ნატოს კლასიფიცირებული ინფორმაციის უსაფრთხოების ერთიან სისტემაში კრიპტოგრაფიულ უსაფრთხოებასთან დაკავშირებული საჭირო პროცედურების ჩამოყალიბება/განხორციელება.

7. უსაფრთხოების აკრედიტაციის განყოფილების (SAA) კომპეტენციაა:

ა) ნატოს კლასიფიცირებული ინფორმაციის დამუშავებისათვის გამოყენებული უსაფრთხო სისტემების აკრედიტაცია და რე-აკრედიტაცია;

ბ) ნატოს კლასიფიცირებული ინფორმაციის დამუშავებისათვის გამოყენებული უსაფრთხო სისტემების აკრედიტაციისთვის უსაფრთხოების გეგმების შემუშავება;

გ) უსაფრთხოების უზრუნველყოფის მიზნით კონსულტაციების გაწევა როგორც  ნატოს კლასიფიცირებული ინფორმაციის დამამუშავებელი სისტემების დანერგვის პასუხისმგებელი სტრუქტურული ერთეულებისთვის, ასევე სხვადასხვა სახელმწიფო უწყებების შესაბამისი წარმომადგენლებისთვის;

დ) ნატოს კლასიფიცირებული ინფორმაციის დასაცავად გამოყენებული სისტემების  აუდიტი, ინსპექტირება და მონიტორიგი;

ე) ნატოს კლასიფიცირებული ინფორმაციის დასაცავად გამოყენებული სისტემების  იდენტიფიცირებული რისკებისა და საფრთხეების, ასევე კონტრზომებისა და  უსაფრთხოების აკრედიტაციისთვის მოთხოვნილი დოკუმენტაციის  განხილვა;

ვ) საქართველოსა და ნატოს თანამშრომლობის ფარგლებში არსებული კლასიფიცირებული ინფორმაციის უსაფრთხოების უზრუნველმყოფი სისტემის განვითარება და მართვა.“.