საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირის – საქართველოს სტანდარტებისა და მეტროლოგიის ეროვნული სააგენტოს ანაზღაურებადი სამუშაოების (მომსახურების) სახელშეკრულებო საფასურების განსაზღვრის წესის დამტკიცების თაობაზე

საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირის – საქართველოს სტანდარტებისა და მეტროლოგიის ეროვნული სააგენტოს ანაზღაურებადი სამუშაოების (მომსახურების) სახელშეკრულებო საფასურების განსაზღვრის წესის დამტკიცების თაობაზე საქართველოს მთავრობის დადგენილება №503 2022 წლის 26 ოქტომბერი ქ. თბილისი საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირის – საქართველოს სტანდარტებისა და მეტროლოგიის ეროვნული სააგენტოს ანაზღაურებადი სამუშაოების (მომსახურების) სახელშეკრულებო საფასურების განსაზღვრის წესის დამტკიცების თაობაზე მუხლი 1🔗 პროდუქტის უსაფრთხოებისა და თავისუფალი მიმოქცევის კოდექსის 76-ე მუხლის მე-3 ნაწილისა და „ნორმატიული აქტების შესახებ“ საქართველოს ორგანული კანონის მე-12 მუხლის პირველი პუნქტის შესაბამისად, საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირის – საქართველოს სტანდარტებისა  და მეტროლოგიის ეროვნული სააგენ­ტოს (შემდგომში – სააგენტო) ანაზღაურე­ბადი სამუშაოების (მომსახურების) სახელშეკრულებო საფასურების განსაზღვრის მიზნით, დამტკიცდეს თანდართული: 1. სააგენტოს სტანდარტების დე­პარტამენტის მომსახურების საფასურები (დანართი №1). 2. სააგენტოს მეტროლოგიური სამუშაოების საფასურის განსა­ზ­ღვ­რის წესი (დანართი №2). 3. სააგენტოს მეტროლოგიური სამუშაოების საფასურების   ჩა­მო­ნათვალი (დანართი №3). მუხლი 2🔗 სააგენტოს მეტროლო­გი­ური სამუშაოების საფასური ამ დადგენილების პირველი მუხლის მე-2 პუნქტით განსაზღვრულ დანართში მოცემული ფორმულით გამოიანგარიშება იმ შემთხვევაში, თუ სამუშაოებისთვის საფასუ­რი არ არის განსაზღვრული ამავე დადგენილების პირველი მუხლის მე-3 პუნქტით განსაზღვრულ ჩამონათვალში. მუხლი 3🔗 ამ დადგენილების დანართ №1-ის მე-2 ცხრილით განსაზღვრული საფასურები არ ვრცელდება სასამართლო ხელისუფლებაზე ან/და საგამოძიებო ორგანოებზე. მუხლი 4🔗 ამ დადგენილების დანართ №1-ის მე-2 ცხრილით განსაზღვრული საფასურების 10%-იანი ფასდაკლება გავრცელდეს იმ ფიზიკურ პირებზე, რომლებსაც საქართველოს საგადასახადო კანონმდებლობის შესაბამისად მინიჭებული აქვთ მცირე ან მიკრობიზნესის სტატუსი. მუხლი 5🔗 „ნორმატიული აქტების შესახებ“ საქართველოს ორგანული კანონის 25-ე მუხლის შესაბამისად, ძალადაკარგულად გამოცხადდეს „საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირის − საქართველოს სტანდარტებისა და მეტროლოგიის ეროვნული სააგენტოს ანაზღაურებადი სამუშაოების (მომსახურების) სახელშეკრულებო საფასურების განსაზღვრის წესის დამტკიცების თაობაზე“ საქართველოს მთავრობის 2021 წლის 19 მარტის №114 დადგენილება. მუხლი 6🔗 1. ეს დადგენილება, გარდა ამ  დადგენილების მე-4 მუხლისა, ამოქმედდეს გამოქვეყნებისთანავე. 2. ამ დადგენილების მე-4 მუხლი ამოქმედდეს 2023 წლის 1 იანვრიდან. პრემიერ-მინისტრიირაკლი ღარიბაშვილი