უმუშევრების სოციალური დაცვის და დასაქმების ხელშეწყობის, ჯანმრთელბის დაცვისა და შეზღუდული შესაძლებლობების მქონე პირთა სამედიცინო და რეაბილიტაციის 2003 წლის სახელმწიფო პროგრამების შესრულების ორგანზაციის შესახებ შრომის ჯანმრთელობისა და სოციალური დაცვის მინისტრის 2003 წლის 26 მარტის №71/ნ ბრძანებაში დამატებების შეტანის შესახებ

სახელმწიფო სარეგისტრაციო კოდი 470.230.000.11.119.005.992

საქართველოს შრომის, ჯანმრთელობისა და  სოციალური დაცვის მინისტრის

ბრძანება №156/ნ

2003 წლის 29 ივლისი

ქ. თბილისი

„უმუშევრების სოციალური დაცვის, დასაქმების ხელშეწყობის, ჯანმრთელობის დაცვისა და შეზღუდული შესაძლებლობების მქონე პირთა სამედიცინო და რეაბილიტაციის“ 2003 წლის სახელმწიფო პროგრამების შესრულების ორგანიზაციის შესახებ“ შრომის ჯანმრთელობისა და სოციალური დაცვის მინისტრის 2003 წლის                26 მარტის №71/ნ ბრძანებაში დამატებების შეტანის შესახებ

„უმუშევრების სოციალური დაცვის, დასაქმების ხელშეწყობის, ჯანმრთელობის დაცვისა და შეზღუდული შესაძლებლობების მქონე პირთა სამედიცინო და რეაბილიტაციის“ 2003 წლის სახელმწიფო პროგრამების შესრულების ორგანიზაციის გაუმჯობესებისა და მომწოდებელთა მიერ შესრულებული სამუშაოს ანაზღაურების შემდგომი სრულყოფის მიზნით, „საქართველოს 2003 წლის სახელმწიფო ბიუჯეტის შესახებ“ საქართველოს კანონის 21-ე მუხლის მე-7 პუნქტის, „ჯანმრთელობის დაცვის შესახებ“ საქართველოს კანონის 21-ე მუხლის შესაბამისად, ვ ბ რ ძ ა ნ ე ბ :

1. „უმუშევრების სოციალური დაცვის, დასაქმების ხელშეწყობის, ჯანმრთელობის დაცვისა და შეზღუდული შესაძლებლობების მქონე პირთა სამედიცინო და რეაბილიტაციის“ 2003 წლის სახელმწიფო პროგრამების შესრულების ორგანიზაციის შესახებ“ შრომის, ჯანმრთელობისა და სოციალური დაცვის მინისტრის 2003 წლის 26 მარტის №71/ნ ბრძანებაში (საქართველოს საკანონმდებლო მაცნე №№27, 28, 29, 30; 04.04.03 წ., მუხ. 241) შეტანილ იქნეს შემდეგი დამატებები:

ა) ბრძანების პირველი პუნქტით დამტკიცებულ „უმუშევრების სოციალური დაცვის, დასაქმების ხელშეწყობის, ჯანმრთელობის დაცვისა და შეზღუდული შესაძლებლობების მქონე პირთა სამედიცინო და რეაბილიტაციის“ სახელმწიფო პროგრამების ძირითად პრინციპებს დაემატოს თავი – „დაფინანსების მეთოდოლოგია“ თანდართული დანართის შესაბამისად (დანართი 1);

    ბ) ბრძანების მე-2 პუნქტით დამტკიცებულ, „საქართველოს ჯანმრთელობის დაცვისა და სხვა სახელმწიფო პროგრამების შემსრულებლებთან ანგარიშსწორების და უმწეო მდგომარეობაში მყოფ მოქალაქეებზე ერთჯერადი დახმარების გაცემის წესს“ დაემატოს შემდეგი შინაარსის 29¹ პუნქტი:

„29¹ სტრატეგიული მნიშვნელობის დაწესებულებები, რომელთა რეაბილიტაციის მიზნით, საერთაშორისო საფინანსო ორგანიზაციების და უცხო სახელმწიფოთა მთავრობის მიერ განხორციელებულია ინვესტიციური ხასიათის პროგრამები, სახელმწიფო პროგრამებიდან დაფინანსდებიან გლობალური ბიუჯეტის წესით’’;

გ) ბრძანების მე-3 პუნქტით დამტკიცებულ, „2003 წლის სახელმწიფო სამედიცინო მომსახურების ბაზისური პაკეტი სამედიცინო-ეკონომიკური კლასიფიკატორის (სტანდარტები და ზედა ზღვრული ფასები):

გ.ა) პირველი პუნქტის („მოსახლეობის ამბულატორიული დახმარება“) 1.7. ქვეპუნქტს (“ინფექციური და პარაზიტული დაავადებები”) დაემატოს სტანდარტი კოდით 5627 თანდართული დანართის შესაბამისად (დანართი 2);

გ.ბ) მე-2 პუნქტის („მოსახლეობის სტაციონარული დახმარება“) 2.13. ქვეპუნქტს (“ინფექციური და პარაზიტული დაავადებები”) დაემატოს სტანდარტები კოდებით 5628; 5629 თანდართული დანართის შესაბამისად (დანართი 3);

გ.გ) მე-2 პუნქტის („მოსახლეობის სტაციონარული დახმარება“) 2.23. ქვეპუნქტის (“ნეონატოლოგია”) სტანდარტებში კოდებით 591; 7281; 7282, მედიკამენტოზურ მკურნალობას დაემატოს მედიკამენტი: M875 სურფაქტანტი 75მგ/10მლ – 2 ფლაკონი;

გ.დ) მე-6 პუნქტს („სამკურნალწამლო საშუალებების ნუსხა ფარმაკოლოგიური ჯგუფების მიხედვით“) დაემატოს შემდეგი შინაარსის „6.136“ ქვეპუნქტი:

„6.136. რესპირატორული დისტრეს სინდრომის სამკურნალო საშუალებები: M875 სურფაქტანტი 75მგ/10მლ“;

გ.ე) მე-6 პუნქტის („სამკურნალწამლო საშუალებების ნუსხა ფარმაკოლოგიური ჯგუფების მიხედვით“) 6.61. ქვეპუნქტს („ვიტამინები“) დაემატოს მედიკამენტი: „M877 ტოკოფეროლის აცეტატი (ვიტამინი E) 400მგ ტაბ“;

გ.ვ) მე-6 პუნქტის („სამკურნალწამლო საშუალებების ნუსხა ფარმაკოლოგიური ჯგუფების მიხედვით“) 6.93 ქვეპუნქტს („ანტივირუსული საშუალებები”) დაემატოს მედიკამენტი: „M876 რიბავირინი (რებეტოლი) 200მგ ტაბ“;

გ.ზ) მე-6 პუნქტის („სამკურნალწამლო საშუალებების ნუსხა ფარმაკოლოგიური ჯგუფების მიხედვით“) 6.118 ქვეპუნქტს („სამედიცინო დანიშნულების საგნები“) დაემატოს: „M878 დამცავი სათვალე; M879 ერთჯერადი ხალათი“;

გ.თ) ამ პუნქტის „დ.ა“-„დ.ზ“ ქვეპუნქტებით განხორციელებული დამატებებიდან გამომდინარე, განისაზღვროს დამატებითი და შეცვლილი ზედა სტანდარტების ზღვრული ფასები თანდართული დანართის შესაბამისად (დანართი 4).

2. დამტკიცდეს სტრატეგიული მნიშვნელობის დაწესებულებების გლობალური ბიუჯეტით დაფინანსების წესი (დანართი 5) “.

3. ეს ბრძანება ამოქმედდეს გამოქვეყნებისთანავე.

   ა. გამყრელიძე

    დანართი №1

(„უმუშევრების სოციალური დაცვის, დასაქმების ხელშეწყობის, ჯანმრთელობის დაცვისა და შეზღუდული შესაძლებლობების მქონე პირთა სამედიცინო და რეაბილიტაციის“ სახელმწიფო პროგრამების ძირითად პრინციპები)

 

დაფინანსების მეთოდოლოგია

 

ფსიქიატრიული დახმარების კომპონენტი

დაფინანსების მეთოდოლოგია

ორგანიზაციების ფინანსირება განხორციელდება სახელმწიფო პროგრამების ფარგლებში დამტკიცებულ სტანდარტებსა და წლიურ საპროგნოზო მაჩვენებლებზე დაყრდნობით. ანაზღაურების ერთეულს წარმოადგენს საწოლდღე, რომლის ღირებულება შეადგენს 6.31 ლარს. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

ფთიზიატრიული დახმარების კომპონენტი

დაფინანსების მეთოდოლოგია

ორგანიზაციათა ფინანსირება განხორციელდება დადგენილი წესით სახელმწიფო პროგრამების ფარგლებში დამტკიცებულ სტანდარტებსა და წლიურ საპროგნოზო მაჩვენებლებზე დაყრდნობით. ანაზღაურების ერთეულს წარმოადგენს საწოლდღე, რომლის ღირებულება შეადგენს 10.5 ლარს. ცალკეული ნოზოლოგიები დაფინანსდება შემთხვევის სახელშეკრულებო ფასით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

სამეანო დახმარების კომპონენტი

დაფინანსების მეთოდოლოგია

პროგრამაში მონაწილე ორგანიზაციების ფინანსირება განხორციელდება დადგენილი წესით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

პროგრამის ფარგლებში სახელმწიფო სტანდარტების ზღვრული ტარიფები განსხვავებული იქნება ქ. თბილისის, ქ. ქუთაისისა და ქ. ბათუმის, რეგიონისა და რაიონული დონის ორგანიზაციებში

 

 

ბავშვთა სამედიცინო დახმარების კომპონენტი

დაფინანსების მეთოდოლოგია

ორგანიზაციების ფინანსირება განხორციელდება დადგენილი წესით, სახელმწიფო პროგრამების ფარგლებში დამტკიცებულ სტანდარტების ზღვრულ ფასებსა და წლიურ საპროგნოზო მაჩვენებლებზე დაყრდნობით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

შეზღუდული შესაძლებლობების მქონე ბავშვთა სამედიცინო რეაბილიტაციის ქვეკომპონენტი

დაფინანსების მეთოდოლოგია

ორგანიზაციების ფინანსირება განხორციელდება დადგენილი წესით, სახელმწიფო პროგრამების ფარგლებში დამტკიცებული სტანდარტების ზღვრული ტარიფებისა და წლიურ საპროგნოზო მაჩვენებლებზე დაყრდნობით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

*ქვეკომპონენტი ითვალისწინებს შეზღუდული შესაძლებლობების მქონე ბავშვთა მკურნალობას, შემდეგი ნოზოლოგიების შემთხვევაში: ცერებრული დამბლა, კუნთების პირველადი დაზიანებანი, ცნს-ის ანთებადი დაავადებების შედეგები, ცნს-ის ცერებროვასკულარული დაავადებების შედეგები, ეპილეფსია, დიზართრია, მხრის და მხრის სარტყლის ნერვების დაზიანებანი.   

უმწეოთა დამატებითი სამედიცინო დახმარების კომპონენტი, მათ შორის:

ტერიტორიული მთლიანობისათვის, თავისუფლებისა და დამოუკიდებლობისათვის, ომში მონაწილეთა, დაღუპულთა, უგზო-უკვლოდ დაკარგულთა ოჯახების დახმარების კომპონენტი

დაფინანსების მეთოდოლოგია

ორგანიზაციების ფინანსირება განხორციელდება დადგენილი წესით, სახელმწიფო პროგრამების ფარგლებში დამტკიცებული სტანდარტების ზღვრულ ფასებსა და წლიურ საპროგნოზო მაჩვენებლებზე დაყრდნობით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

კომპონენტი ითვალისწინებს უმწეოთა პოლისის მფლობელ დაზღვეულთათვის სხვა კომპონენტებით გათვალისწინებული თანაგადახდის ანაზღაურებას.

ინფექციურ დაავადებათა მკურნალობის კომპონენტი

დაფინანსების მეთოდოლოგია

პროგრამაში მონაწილე ორგანიზაციების ფინანსირება განხორციელდება დადგენილი წესით, სახელმწიფო პროგრამების ფარგლებში დამტკიცებულ სტანდარტების ზღვრულ ფასებსა და წლიურ საპროგნოზო მაჩვენებლებზე დაყრდნობით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

ცალკეულ ნოზოლოგიებზე კომპონენტის ფარგლებში გათვალისწინებულია თანაგადახდა: ქრონიკული ჰეპატიტების მკურნალობაზე (კოდები: 5229, 5230, 2912, 5972, 5227, 5228, 7362, 7596, 7595, 5714, 7598, 7597) თანაგადახდა პაციენტის მხრიდან 90 ლარი, კოდი 7602 – თანაგადახდა პაციენტის მხრიდან 40 ლარი;

ქრონიკული ჰეპატიტების განმეორებითი ჰოსპიტალიზაციის შემთხვევაში (კოდები: 5976, 5974) თანაგადახდა 20% პაციენტის მხრიდან.

ონკოლოგიურ დაავადებათა დიაგნოსტიკისა და მკურნალობის კომპონენტი

დაფინანსების მეთოდოლოგია

ორგანიზაციების ფინანსირება განხორციელდება დადგენილი წესით, სახელმწიფო პროგრამების ფარგლებში დამტკიცებულ სტანდარტებსა და წლიურ საპროგნოზო მაჩვენებლებზე დაყრდნობით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

ონკოლოგიური დაავადებების მკურნალობის მაღალი რესურსტევადობის გამო პროგრამაში გამოყენებული იქნება თანაგადახდის პრინციპი:

თანაგადახდის მოცულობა მომსახურებაზე შეადგენს 40%-ს პაციენტის მხრიდან. ამასთან, სტანდარტების ზედა ზღვრული ფასების დიდი ვარიაბელობის გამო ანაზღაურება განხორციელდება ნოზოლოგიურ ჯგუფებზე საშუალო ფასების მიხედვით, შესაბამისად, თანაგადახდის წილი ნოზოლოგიურ ჯგუფებზე იქნება დაფიქსირებული.

მოზრდილთა ქიმიოთერაპიაში 300 ლარამდე მედიკამენტების ღირებულებისას თანაგადახდა შეადგენს მედიკამენტის ღირებულების 50%-ს. 300 ლარზე მეტი ღირებულებისას თანაგადახდა შეადგენს 300 ლარის 50%-ს დამატებული 300 ლარზე ზემოთ მედიკამენტების ღირებულება.

მოზრდილთა ჰემატოლოგიაში 200 ლარამდე მედიკამენტების ღირებულებისას თანაგადახდა შეადგენს მედიკამენტის ღირებულების 50%-ს, ხოლო 200 ლარზე მეტი ღირებულებისას თანაგადახდა შეადგენს 200 ლარის 50%-ს დამატებული 200 ლარზე ზემოთ მედიკამენტების ღირებულება.

თანაგადახდა არ ეხება ბავშვთა კონტინგენტს.

ორგანოთა და ქსოვილთა ტრანსპლანტაციისა და დიალიზის კომპონენტი

დაფინანსების მეთოდოლოგია

პროგრამაში მონაწილე ორგანიზაციების ფინანსირება განხორციელდება დადგენილი წესით, სახელმწიფო პროგრამების ფარგლებში დამტკიცებულ სტანდარტებსა და წლიურ საპროგნოზო მაჩვენებლებზე დაყრდნობით. დონორი იხდის იმუნოლოგიური ტიპირების (სადიაგნოზო ღონისძიება კოდი A1019) ღირებულების 50%-ს.

კარდიოქირურგიული დახმარების (მათ შორის ბავშვთა კარდიოქირურგიის) კომპონენტი

დაფინანსების მეთოდოლოგია

ფინანსირება განხორციელდება დადგენილი წესით, სახელმწიფო პროგრამების ფარგლებში დამტკიცებულ სტანდარტების ზღვრულ ფასებსა და წლიურ საპროგნოზო მაჩვენებლებზე დაყრდნობით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

მეთოდოლოგიის მაღალი რესურსტევადობიდან გამომდინარე, კომპონენტის ფორმატით განსაზღვრული გარკვეული ღონისძიებები ითვალისწინებს პაციენტის მხრიდან თანაგადახდას. კერძოდ:

ანგიოპლასტიკა - თანაგადახდა 25%;

აორტო-კორონარული შუნტირების ოპერაცია - თანაგადახდა 25%;

მიოკარდიუმის რევასკულარიზაციისათვის ავადმყოფთა შერჩევა ინვაზიური მეთოდების გამოყენებით (ანგიოკარდიოგრაფია) - თანაგადახდა 40%.

რეფერალური დახმარების კომპონენტი

დაფინანსების მეთოდოლოგია

 ორგანიზაციების ფინანსირება განხორციელდება სახელმწიფო პროგრამების ფარგლებში დამტკიცებულ სტანდარტების ზღვრულ ტარიფებსა და წლიურ საპროგნოზო მაჩვენებლებზე დაყრდნობით. კომპონენტით გათვალისწინებული ზოგიერთი ღონისძიების დაფინანსება განხორციელდება შესრულებული სამუშაოს მიხედვით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

მოსახლეობის ურგენტული მომსახურების პროგრამა

დაფინანსების მეთოდოლოგია

ორგანიზაციების ფინანსირება განხორციელდება დადგენილი წესით, სახელმწიფო სტანდარტების ზედა ზღვრულ ფასებსა და წლიურ საპროგნოზო მაჩვენებლებზე დაყრდნობით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

პროგრამული ღონისძიებების მაღალი რესურსტევადობის გამო გამოყენებული იქნება თანაგადახდის პრინციპი: ურგენტული სტაციონარული მომსახურების ღირებულების 25%-ის მოცულობით პაციენტის მხრიდან. თანაგადახდა არ ვრცელდება: ქ.თბილისში 3-14 წლამდე ასაკის ბავშვთა კონტინგენტის მომსახურებაზე, უმწეოთა პოლისის მფლობელ მოქალაქეებზე და ჩვიდმეტი მაღალმთიანი რაიონის მოსახლეობაზე, მხოლოდ ჩამოთვლილი რაიონების სამედიცინო დაწესებულებებში:

რაიონების ჩამონათვალი

1. ჭიათურა

2. ცაგერი

3. ონი

4. მესტია

5.ლენტეხი

6.წალკა

7.ყაზბეგი

8.თიანეთი

9.ახალგორი

10.ასპინძა

11.წალენჯიხა

12.ქედა

13.ხულო

14.შუახევი

15.ახმეტა

16.ამბროლაური

17.დუშეთი

საკურორტო რეაბილიტაციის პროგრამა

დაფინანსების მეთოდოლოგია

ფინანსირება განხორციელდება დადგენილი წესით, შესრულებული სამუშაოს მიხედვით, საპროგნოზო მაჩვენებლებზე დაყრდნობით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

სამხედრო ძალებში გასწვევ მოქალაქეთა დამატებითი სამედიცინო გამოკვლევის კომპონენტი

დაფინანსების მეთოდოლოგია

ორგანიზაციების ფინანსირება განხორციელდება შესრულებული სამუშაოს მიხედვით, სახელმწიფო პროგრამების ფარგლებში დამტკიცებული სტანდარტების ზღვრულ ტარიფებსა და წლიურ საპროგნოზო მაჩვენებლებზე დაყრდნობით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

მშობელთა მზრუნველობას მოკლებული ბავშვების და იმ ბავშვების სამედიცინო დახმარების კომპონენტი, რომლებიც საჭიროებენ მუდმივ ჩანაცველბით მკურნალობას

დაფინანსების მეთოდოლოგია

კომპონენტის ფარგლებში სტაციონარული სამედიცინო დახმარება განხორციელდება 3-14 წლამდე ბავშვთა სამედიცინო დახმარების სტანდარტების შესაბამისად. ანაზღაურება განხორციელდება დამტკიცებული სახელმწიფო სტანდარტების ზღვრულ ტარიფებსა და წლიურ საპროგნოზო მაჩვენებლებზე დაყრდნობით. (გათვალისწინებულია მკურნალობის პერიოდში კვებით უზრუნველყოფა – თითო ბავშვზე 2 ლარი დღე-ღამეში). იმ შემთხვევაში, თუ პათოლოგია არ შედის სახელმწიფო პროგრამების სტანდარტებში, მისი მკურნალობა განხორციელდება დამტკიცებული შიდა სტანდარტების მიხედვით.

მუდმივ, ჩანაცვლებით მკურნალობას დაქვემდებარებული დაავადებები, რომლებიც მთლიანად უნდა დაფინანსდეს კომპონენტის ფარგლებში:

1.ბარძაყის თანდაყოლილი ამოვარდნილობა. ფიქსატორის ამოღება.

2.ბარძაყის თანდაყოლილი ამოვარდნილობები. ოპერაციის შემდგომ რეაბილიტაცია

3. რეგიონული ენტერიტი.

4. მალაბსორბაცია გამოწვეული ტოლერანტობის დარღვევით.

5.ცელიაკია.

6.ცისტური ფიბროზი (მუკოვისციდოზი).

7. იუვენილური დერმატომიაზიტი.

8. იუვენილური მაანკილოზებული სპონდილიტი (ბეხტერევის დაავადება).

9. რეიტერის დაავადება.

10. სისტემური სკლეროზი (სკლეროდერმია).

11. სისტემური წითელი მგლურა.

12. ბეხჩეტის დაავადება, იუვენილური პოლიარტერიტი, ვეგენერის გრანულომატოზი, კან-ლორწოვან-ლიმფური კვანძების სინდრომი.

13. ინსულინდამოკიდებული შაქრიანი დიაბეტი.

14. უშაქრო დიაბეტი.

15. ბარძაყის თანდაყოლილი ამოვარდნილობა ცალმხრივი, ორმხრივი.

16. ოპერაცია: ბარძაყის თავის ჩაყენება, ძვალკვეთა, რეკონსტრუქცია.

17. ლულოვანი ძვლების ქრონიკული ოსტეომიელიტის გამწვავება კონსერვატიული მკურნალობა.

18. ქრონიკული ოსტეომიელიტის - სეკვესტრექტომია.

19. მინკოვსკი - შოფარის ჰემოლიზური ანემია.

20. დიდი თალასემია (ჰემოლიზური კრიზით).

21. ანემია გამოწვეული ფერმენტული დარღვევებით.

22. მედიკამენტოზური ჰემოლიზი.

23. შონლაინ-ჰენოხის დაავადება.

24.იდიოპათიური თრომბოციტოპენიური პურპურა.

25. იუვენილური რევმატოიდული ართრიტი.

26. ჰიპერთირეოდიზმი ჩიყვით და ჩიყვის გარეშე.

მოსახლეობის ამბულატორიული დახმარების სახელმწიფო პროგრამა

დაფინანსების მეთოდოლოგია

პროგრამის რეალიზაციაში მონაწილე დაწესებულების დაფინანსების წლიური საკონტრაქტო მოცულობა განისაზღვრება პასპორტიზაციით დადგენილი მოსახლეობის რაოდენობის მიხედვით გათვლილი სამედიცინო ბრიგადების რაოდენობის საფუძველზე. ანაზღაურების ერთეულს წარმოადგენს სამედიცინო ბრიგადა.

ერთი სამედიცინო ბრიგადის ხარჯთაღრიცხვა თვეში:

პირდაპირი ანაზღაურება, სულ                                                                                                                                                                                                                                       170            

ექიმი                                                                                                                                                                                                                                                                                  100

ექთანი                                                                                                                                                                                                                                                                                  70

დამქირავებლიდან ანარიცხები                                                                                                                  

                                                                                                                                        52.7

სამკურნალო და სხვა საშუალებები                                                                   30

ლაბორატორიულ დიაგნოსტიკური გამოკვლევები                                           50

სხვა ხარჯები                                                                                                                                                                                                                                                                         70

–––––––––––––––––––––––––––––––––––––––––––––––––––––––––

სულ                                                                                                                                                                                                                                                                              373

ერთი სამედიცინო ბრიგადის ხარჯთაღრიცხვა თვეში მაღალმთიან რაიონებში:

პირდაპირი ანაზღაურება, სულ                                                                                                                                                                                                                                     229.5         

ექიმი                                                                                                                                                                                                                                                                                 135

ექთანი                                                                                                                                                                                                                                                                                 94.5

დამქირავებლიდან ანარიცხები                                                                                                                

                                                                                                                                        71.1

სამკურნალო და სხვა საშუალებები                                                                   30

ლაბორატორიულ დიაგნოსტიკური გამოკვლევები                                         30

სხვა ხარჯები                                                                                                                                                                                                                                                                        50

––––––––––––––––––––––––––––––––––––––––––––––––––––––––––

სულ                                                                                                                                                                                                                                                                                    410

სპეციალიზირებული სამედიცინო ბრიგადების შემადგენლობაში შემავალი ექიმის ხელფასი შეადგენს თვეში არანაკლებ 80 ლარს, ხოლო ექთნის არანაკლებ 60 ლარს. სპეციალიზირებული სამედიცინო ბრიგადების შემადგენლობაში დაფინანსდება შემდეგი სპეციალისტები: ოფთალმოლოგი, ენდოკრინოლოგი, ნევროპათოლოგი, ოტორინოლარინგოლოგი, ქირურგი, ონკოლოგი და ფთიზიატრი, ლაბორანტი რენტგენოლოგი, ასევე 3 ექთანი, მათ შორის 1 DOT-მედდა. ბავშვთა კონტინგენტისათვის – ნევროპათოლოგი, ქირურგი, ოფთალმოლოგი, ოტორინოლარინგოლოგი და ერთი ექთანი.

დასაშვებია სამედიცინო ბრიგადის ხარჯთაღრიცხვაში მუხლებს შორის თანხების მოძრაობა 15%-ის ფარგლებში, ხელფასი მიეკუთვნება დაცულ მუხლს.

რეკომენდებულია: იქ სადაც სამოქმედო ტერიტორიაზე ზოგადი პროფილის ბრიგადების რაოდენობა აღემატება 3 (მაღალმთიან რაიონებში 5), ლაბორატორიულ-დიაგნოსტიკური გამოკვლევებისათვის განკუთვნილი თანხების 50% მოხმარდეს აღნიშნულ პროცესში მონაწილე პერსონალის ხელფასს, ამასთან ექიმ-ლაბორანტის ხელფასი არ უნდა იყოს თვეში 70 ლარზე, ხოლო ექთნის 60 ლარზე ნაკლები.

განსხვავებული მეთოდოლოგიით დაფინანსდება სპეციალიზებული ამბულატორიული დახმარების კომპონენტების რეალიზაციაში მონაწილე დაწესებულებები და ასევე ცალკეული მონოპროფილური დაწესებულება, ასეთ შემთხვევებში დაფინანსება განხორციელდება შესრულებული სამუშაოს მიხედვით:

ბიუჯეტურ-მუხლობრივი პრინციპით;

სახელმწიფო სტანდარტის ზღვრული ფასების შესაბამისად;

გასაშუალოებული ტარიფის გამოყენებით;

კაპიტაციური პრინციპით.

ორსულთა მეთვალყურეობის ზედა ზღვრული ფასი შერჩეული ორგანიზაციებისთვის შეადგენს რეგიონებში 30 ლარი, რაიონებში 25 ლარი. 3 წლამდე ბავშვთა ამბულატორიული დახმარების დაფინანსება ქალაქ თბილისისა და ბათუმის დაწესებულებებში (ბავშვთა პოლიკლინიკები) მოხდება კაპიტაციური წესით – 2 ლარი ერთ ბავშვზე.

*შშმპ სპეციალიზებული ექსპერტიზის ბიუროების დაფინანსება განხორციელდება სახ. სტანდარტის ზღვრული ტარიფის შესაბამისად.

**ონკოლოგიურ დაავადებათა პრევენციისა და ადრეულ ეტაპზე გამოვლენის ქვეკომპონენტი განხორციელდება სპეციალიზირებული ბრიგადების საშუალებით, ბრიგადების შემადგენლობაში შემავალი ონკოლოგების მიერ. (ქ.თბილისსა და ბათუმში აღნიშნული მომსახურება განხორციელდება მუნიციპალური ამბულატორიული დახმარების პროგრამის ფარგლებში).

***საქართველოს სამხედრო ძალებში გასაწვევ მოქალაქეთა სამედიცინო შემოწმების კომპონენტი

წვევამდელთა (18-დან 27-წლამდე კონტინგენტი) სამედიცინო შემოწმება – სპეციალისტების კონსულტაცია და წვევამდელთა ლაბორატორიული გამოკვლევები, პროგრამით გათვალისწინებული მოცულობით (ქ. თბილისისა და ბათუმის გარდა).

წვევამდელთა დამატებითი სამედიცინო გამოკვლევა (მათ შორის ფლუოროგრაფიული) განხორციელდება შემკრებ-გამანაწილებელ პუნქტებში სამხედრო ძალებში გაწვევის წინ.

შშმპ სოციალური ადაპტაციის ხელშეწყობის პროგრამა

დაფინანსების მეთოდოლოგია

შშმპ-თა სოციალური ინტეგრაციის კომპონენტი

დაფინანსების მეთოდოლოგია

ფინანსირება განხორციელდება დადგენილი წესით, შესრულებული სამუშაოს მიხედვით, საპროგნოზო მაჩვენებლებზე დაყრდნობით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

შშმპ ინსტიტუციონალური პატრონაჟის ხარჯები

დაფინანსების მეთოდოლოგია

ორგანიზაციების ფინანსირება განხორციელდება შესრულებული სამუშაოს მიხედვით, სახელმწიფო პროგრამების ფარგლებში დამტკიცებული სტანდარტების ზღვრულ ტარიფებსა და წლიურ საპროგნოზო მაჩვენებლებზე დაყრდნობით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით

ჩვილ ბავშვთა სახლებში მშობელთა მზრუნველობას მოკლებული ადრეული ასაკის ბავშვთა მოვლა-პატრონობისთვის განკუთვნილია თვეში 201.8 ლარი ერთ ბავშვზე.

დევნილ შშმპ-თა სოციალური რეაბილიტაციის პროგრამა

დაფინანსების მეთოდოლოგია

ფინანსირება განხორციელდება დადგენილი წესით, შესრულებული სამუშაოს მიხედვით, საპროგნოზო მაჩვენებლებზე დაყრდნობით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

                      დანართი №2

 

                       დანართი №3

 

                       დანართი № 4

 

დანართი №5

სტრატეგიული მნიშვნელობის დაწესებულებების გლობალური ბიუჯეტით დაფინანსების წესი

1. გლობალური ბიუჯეტი წარმოადგენს სამედიცინო დაწესებულებებისათვის სამუშაოს წინასწარ შეთანხმებული მოცულობის დაფინანსების წესს დამტკიცებული სახელმწიფო სტანდარტების და საკონტროლო მაჩვენებლების გამოყენებით.

2. პროგრამაში მონაწილე კონკრეტული დაწესებულების გლობალური ბიუჯეტის კალკულაცია წარმოებს:

ა) კონკტრეტული სამედიცინო დაწესებულების მიერ წარმოებული სამედიცინო მომსახურების (იმ ნოზოლოგიურ კოდებზე რომლის ლიცენზია გააჩნია სამედიცინო დაწესებულებას) წლიური საპროგნოზო რაოდენობისა და სახელმწიფო სტანდარტის ზედა ზღვრული ფასის მეშვეობით;

ბ) დაწესებულების მიერ შესასრულებელი სამუშაოს პროგნოზული მაჩვენებლის გათვლა ხდება ნოზოლოგიების მიხედვით სამედიცინო შემთხეევების მოსალოდნელი წლიური რაოდენობის ექსპერტული შეფასებების შეჯერებით ბოლო ერთი წლის განმავლობაში ფაქტიურად შესრულებული სამუშაოსთან.

3. შესაბამისად გლობალური ბიუჯეტის კალკულაციის და საკონტროლო პარამეტრების გამოთვლის წესი განისაზღვრება შემდეგნაირად:

 

I.	B = n1*t1 + n2*t2 + … nm*tm

სადაც,

 

 

4. გლობალური ბიუჯეტის პრინციპით ანაზღაურებისას კონკრეტული სამედიცინო დაწესებულებებისათვის წარმოებს ყოველთვიური ანგრიშსწორება სოციალური დაზღვევის ერთიანი სახელმწიფო ფონდის მიერ ხელშეკრულებით გათვალისწინებული დაწესებულების წლიური გლობალური ბიუჯეტის 1/12-ის ფარგლებში.

5. სამედიცინო დაწესებულებასთან ყოველთვიური ანგარიშსწორების საფუძველს წარმოადგენს დაწესებულების მიერ საანგარიშგებო პერიოდში (ერთი კალენდარული თვის) წარმოებული სამუშაო, - შესაბამისი ნოზოლოგიების მიხედვით გატარებული სამედიცინო მომსახურების შემთხვევების ფაქტობრივად გატარებული რაოდენობა, გლობალური ბიუჯეტის საკონტროლო პარამეტრების მაჩვენებელების გათვალისწინებით.

6. შესრულებული სამუშაოს ანგარიშში მოცემული უნდა იყოს:

ა) შესაბამისი ნოზოლოგიების მიხედვით სამედიცინო მომსახურების შემთხვევების ფაქტობრივად გატარებული რაოდენობა;

ბ) ფაქტობრივად გატარებული საწოლდღეების რაოდენობა;

გ) მთლიანად მოთხოვნილი თანხა – ფაქტობრივად გატარებული სამედიცინო მომსახურების შემთხვევების საერთო რაოდენობისა და სამედიცინო მომსახურების შემთხვევების ფაქტობრივი ღირებულების მიხედვით;

დ) ფინანსური მაჩვნენებლები:

დ.ა) პირდაპირი ხარჯების პროცენტული მაჩვენებელი საერთო ხარჯებთან (%):

მათ შორის :

– სახელფასო ფონდი – (საერთო ხარჯების %), მათ შორის:

– ძირითადი სამედიცინო პერსონალი %;

– კონსულტანტები და საერთო სამედიცინო პერსონალი %;

– მედიკამენტები და სამედიცინო მოხმარების საგნები – %;

ლაბორატორიული და ინსტრუმენტული გამოკვლევები –%;

 დ.ბ) არაპირდაპირი ხარჯების პროცენტული მაჩვენებლები საერთო ხარჯებთან (%);

დ.გ) ძირითადი სამედიცინო პერსონალის მინიმალური და საშუალო ხელფასი, სამედიცინო პერსონალის დატვირთვის ნორმატიული მაჩვენებლების შესაბამისად;

დ.დ) სამედიცინო მომსახურების შემთხვევის საშუალო ფასი;

დ.ე) გატარებული საწოლდღეების საშუალო ფასი.

7. ანგარიშგების ფორმების შემუშავება – დამტკიცდება ხდება სოციალური დაზღვევის ერთიანი სახელმწიფო ფონდის მიერ.

8. სოციალური დაზღვევის ერთიანი სახელმწიფო ფონდი აწარმოებს სახელმწიფო პროგრამაში მონაწილე სამედიცინო დაწესებულებებთან დადებული ხელშეკრულების ყოველკვარტალურ რევიზიას – ამავე ხელშეკრულებით განსაზღვრული დაწესებულების გლობალური ბიუჯეტის კორექტირების მიზნით. სამედიცინო დაწესებულებისათვის განსაზღვრული გლობალური ბიუჯეტის კორექტირება ხდება დაწესებულების მიერ ფაქტობრივად შესრულებული სამუშაოს მოცულობის, საკონტროლო პარამეტრების და მაჩვენებლების მიხედვით, დამტკიცებული სახელმწიფო პროგრამის ფარგლებში.