,,საქართველოს საგადასახადო შემოსავლების სამინისტროს საოლქო ზონალური და რაიონული საგადასახადო ინსპექციების დებულებების დამტკიცების თაობაზე” საქართველოს საგადასახადო შემოსავლების მინისტრის 2001 წლის 27 ივნისიის №546 ბრძანებაში ცვლილებებისა და დამატებების შეტანის თაობაზე

სახელმწიფო სარეგისტრაციო კოდი 200.250.000.11.114.006.114

საქართველოს ფინანსთა მინისტრის

ბრძანება №497

2003 წლის 1 ოქტომბერი

ქ. თბილისი

“საქართველოს საგადასახადო შემოსავლების სამინისტროს საოლქო, ზონალური და რაიონული საგადასახადო ინსპექციების დებულებების დამტკიცების თაობაზე” საქართველოს საგადასახადო შემოსავლების მინისტრის 2001 წლის 27 ივნისის №546 ბრძანებაში ცვლილებებისა და დამატებების შ ეტანის თაობაზე

“საქართველოს ფინანსთა სამინისტროს დებულების შესახებ” საქართველოს პრეზიდენტის 2002 წლის 31 დეკემბრის №567 ბრძანებულებით დამტკიცებული საქართველოს ფინანსთა სამინისტროს დებულების მე-4 მუხლის მე-2 პუნქტის საფუძველზე, ვბრძანებ:

მუხლი 1. “საქართველოს საგადასახადო შემოსავლების სამინისტროს საოლქო, ზონალური და რაიონული საგადასახადო ინსპექციების დებულებების დამტკიცების თაობაზე” საქართველოს შემოსავლების მინისტრის 2001 წლის 27 ივნისის №546 ბრძანებაში (საქართველოს საკანონმდებლო მაცნე III,№69, 02.07.01., მუხლი 502) შეტანილ იქნეს შემდეგი ცვლილებები და დამატებები:

1. საქართველოს საგადასახადო შემოსავლების სამინისტროს საოლქო საგადასახადო ინსპექციის დებულების მე-16 მუხლის მე-2 პუნქტი ჩამოყალიბდეს შემდეგი რედაქციით:

“2. თუ საოლქო საგადასახადო ინსპექციის ადმინისტრაციულ-ტერიტორიული საზღვრის ფარგლებში შექმნილია მხოლოდ რაიონული საგადასახადო ინსპექციები ან თუ საოლქო საგადასახადო ინსპექციის ადმინისტრაციულ-ტერიტორიული საზღვრის ფარგლებში შექმნილ რაიონულ საგადასახადო ინსპექციებს არ მოიცავს ზონალური საგადასახადო ინსპექციის ადმინისტრაციულ-ტერიტორიული ფარგლები, საოლქო საგადასახადო ინსპექცია მოიცავს რაიონულ საგადასახადო ინსპექციებს მონაცემთა დამუშავების, გადამხდელთა კონტროლის, იურიდიული და საჩივრების განხილვის განყოფილებების შესაბამისი ფუნქციით”.

2. საქართველოს ფინანსთა სამინისტროს ზონალური საგადასახადო ინსპექციის დებულების მე-14 მუხლი ჩამოყალიბდეს შემდეგი რედაქციით:

    “მუხლი 14. გარდამავალი დებულებები

თუ ზონალური საგადასახადო ინსპექციის ადმინისტრაციულ-ტერიტორიული საზღვრის ფარგლებში შექმნილია რაიონული საგადასახადო ინსპექცია, ზონალური საგადასახადო ინსპექცია მოიცავს მას მონაცემთა დამუშავებისა და გადამხელთა კონტროლის განყოფილებების შესაბამისი ფუნქციებით.”.

3. საქართველოს ფინანსთა სამინისტროს რაიონული საგადასახადო ინსპექციის დებულებაში:

ა) მე-5 მუხლი ჩამოყალიბდეს შემდეგი რედაქციით:

    “მუხლი 5. რაიონული საგადასახადო ინსპექციის ამოცანა

რაიონული საგადასახადო ინსპექციის ამოცანაა თავის სამოქმედო ტერიტორიაზე თავისი კომპეტენციის ფარგლებში საგადასახადო კანონმდებლობის დაცვის უზრუნველყოფა, გადასახადების აკრეფვა, გადამხდელთა რეგისტრაცია და მომსახურება.”;

ბ) მე-7 მუხლს დაემატოს მე-6 პუნქტი შემდეგი რედაქციით:

“6. რაიონული საგადასახადო ინსპექცია შედგება შემდეგი სტრუქტურული ქვედანაყოფებისაგან:

ა) მომსახურებისა და გადამხდელთა რეგისტრაციის განყოფილება;

ბ) გადასახადების აკრეფის განყოფილება.”;

გ) მე-8 მუხლის მე-3 პუნქტი ჩამოყალიბდეს შემდეგი რედაქციით:

“3. რაიონული საგადასახადო ინსპექციის უფროსის არყოფნის შემთხვევაში მის მოვალეობას შესაბამისი ბრძანების საფუძველზე ახორციელებს ინსპექციის ერთ-ერთი პასუხისმგებელი თანამშრომელი. სტრუქტურული ქვედანაყოფების ხელმძღვანელები წარმართავენ შესაბამისი ქვედანაყოფების საქმიანობას.”;

დ) მე-9 მუხლის პირველი პუნქტი ჩამოყალიბდეს შემდეგი რედაქციით:    

„1. რაიონული საგადასახადო ინსპექციის მომსახურებისა და გადამხდელთა რეგისტრაციის განყოფილების ძირითადი ფუნქციებია შესაბამისი რაიონის ადმინისტრაციულ-ტერიტორიული საზღვრების ფარგლებში:

ა) გადამხდელთა მომსახურება;

ბ) საზოგადოებასთან ურთიერთობა;

გ) გადამხდელთა რეგისტრაცია;

დ) საგადასახადო დეკლარაციების და გაანგარიშებების მიღება.”

ე) დაემატოს მე-10 მუხლი შემდეგი რედაქციით:

    “მუხლი 10. რაიონული საგადასახადო ინსპექციების გადასახადების აკრეფის განყოფილების ფუნქციები:

1. გადასახადის აკრეფის განყოფილების ძირითადი ფუნქციებია, შესაბამისი რაიონული საგადასახადო ინსპექციის სამოქმედო ტერიტორიის ფარგლებში:

ა) ვადაგადაცილებული დავალიანების (ნარჩენების) ამოღება;

ბ) ურჩ-გადამხდელთა და არარეგისტრირებულ პოტენციურ გადამხდელთა გამოვლენა;

2. გადასახადების აკრეფის განყოფილება ვალდებულია, შესაბამისი რაიონული საგადასახადო ინსპექციის სამოქმედო ტერიტორიის ფარგლებში:

ა) უზრუნველყოს ბიუჯეტში და სახელმწიფო ფონდებში გადასახადების დროული და სრული მობილიზაცია;

ბ) დააწესოს კონტროლი გადასახადების გადამხდელების მიერ გადასახადების სრულ და დროულ გადახდაზე;

გ) მიიღოს ზომები იმ გადამხდელთა მიმართ, რომლებმაც დროულად არ გადაიხადეს გადასახადები;

დ) შეაგროვოს ინფორმაცია იმ გადამხდელების შესახებ, რომლებიც ფაქტობრივად გადახდისუნარიანნი არიან და მიიღოს ზომები დარიცხული გადასახადების ბიუჯეტში და სახელმწიფო ფონდებში ამოსაღებად;

ე) საინკასო დავალებით და გადასახადების იძულებითი გადახდევინების მეთოდებით უზრუნველყოს ვადაგადაცილებული დავალიანების ამოღება;

ვ) შეაგროვოს ინფორმაცია იმ გადამხდელების შესახებ, რომლებიც თავს არიდებენ გადასახადების გადახდას;

 ზ) აწარმოოს ვადაგადცილებული დავალიანების მქონე გადამხდელებთან ფულადი საშუალებების მოძრაობის პერიოდული შემოწმება;

თ) გამოავლინოს არარეგისტრირებული პოტენციური გადამხდელები და წარუდგინოს სარეგისტრაციოდ გადამხდელთა მომსახურების განყოფილებას;

ი) წარუდგინოს საგადასახადო დეპარტამენტს ანგარიშგებები მის მიერ გაწეული მუშაობის შესახებ.”;

ვ) დებულების მე-9 და მე-10 მუხლები გაიმიჯნოს IV თავად და მისი სათაური ჩამოყალიბდეს შემდეგი რედაქციით:

„თავი IV

რაიონული საგადასახადო ინსპექციის სტრუქტურული ქვედანაყოფების ფუნქციები და უფლება-მოვალეობები”.

მუხლი 2. ბრძანება ძალაში შედის გამოქვეყნებისთანავე.

მ. გოგიაშვილი