„საქართველოს იუსტიციის სამინისტროს სასჯელაღსრულების დეპარტამენტის სპეციალური დაცვის სამსახურის დებულების დამტკიცების შესახებ“ საქართველოს იუსტიციის მინისტრის 1999 წლის 28 დეკემბრის №357 ბრძანებაში დამატებების შეტანის შესახებ

საქართველოს იუსტიციის მინისტრის

ბრძანება  № 729

 

2002 წლის 22 აგვისტო

ქ. თბილისი

 

„საქართველოს იუსტიციის სამინისტროს სასჯელაღსრულების დეპარტამენტის სპეციალური დაცვის სამსახურის დებულების დამტკიცების შესახებ“ საქართველოს იუსტიციის მინისტრის 1999 წლის 28 დეკემბრის № 357 ბრძანებაში დამატებების შეტანის შესახებ

 

„ნორმატიული აქტების შესახებ“ საქართველოს კანონის მოთხოვნათა შესაბამისად, ვ ბ რ ძ ა ნ ე ბ:

I. „საქართველოს იუსტიციის სამინისტროს სასჯელაღსრულების დეპარტამენტის სპეციალური დაცვის სამსახურის დებულების დამტკიცების შესახებ“ საქართველოს იუსტიციის მინისტრის 1999 წლის 28 დეკემბრის №357 ბრძანებაში შეტანილ იქნეს შემდეგი დამატებები:

1. დებულების მე-2 მუხლის მე-4 პუნქტს დაემატოს შემდეგი შინაარსის სიტყვები: „კოორდინაციასა და კონტროლს უწევს შესაბამისი დანაყოფების საქმიანობას სასჯელაღსრულების დაწესებულებებში“.

2. დებულებას დაემატოს შემდეგი შინაარსი 4¹ მუხლი:

„მუხლი 4¹. პატიმართა და მსჯავრდებულთა ბადრაგირების სპეციალური დანაყოფი

1. პატიმართა და მსჯავრდებულთა ბადრაგირების სპეციალური დანაყოფის დანიშნულებას წარმოადგენს საქართველოს საერთო სასამართლოების სისტემის სხვადასხვა ინსტანციების სასამართლოებში პატიმართა ბადრაგირების ღონისძიებების განხორციელება. აგრეთვე მსჯავრდებულთა ბადრაგირების განხორციელება სასამართლოებიდან სასჯელაღსრულების დაწესებულებებში და ერთი სასჯელაღსრულების დაწესებულებიდან სხვა სასჯელაღსრულების დაწესებულებაში.

2. პატიმართა და მსჯავრდებულთა ბადრაგირების სპეციალური დანაყოფებია:

ა) ქ. თბილისის პატიმართა და მსჯავრდებულთა ბადრაგირების სპეციალური დანაყოფი;

ბ) ქ. წყალტუბოს პატიმართა და მსჯავრდებულთა ბადრაგირების სპეციალური დანაყოფი.

3. პატიმართა და მსჯავრდებულთა ბადრაგირების სპეციალურ დანაყოფს ხელმძღვანელობს უფროსი, რომელიც უშუალოდ ექვემდებარება სასჯელაღსრულების დეპარტამენტის თავმჯდომარეს და თავმჯდომარის მოადგილეს დაცვისა და ბადრაგირების დარგში და ანგარიშვალდებულია მათ წინაშე.“.

3. დებულებას დაემატოს შემდეგი შინაარსის 4² მუხლი:

„მუხლი 4² . პატიმართა და მსჯავრდებულთა ბადრაგირების სპეციალური დანაყოფის შემადგენლობა

1. ქ. თბილისის პატიმართა და მსჯავრდებულთა ბადრაგირების სპეციალური დანაყოფის შემადგენლობაში შედიან:

ა) დანაყოფის უფროსი;

ბ) დანაყოფის უფროსის მოადგილე;

გ) შტაბის უფროსი;

დ) სამორიგეო ნაწილის უფროსი;

ე) სამორიგეო ნაწილის ინსპექტორი;

ვ) სამორიგეო ნაწილის ინსპექტორის თანაშემწე;

ზ) ასეულის მეთაური;

თ) ასეულის მეთაურის მოადგილე;

ი) ოცეულის მეთაური;

კ) ყარაულის უფროსი;

ლ) რიგითი.

2. ქ. წყალტუბოს პატიმართა და მსჯავრდებულთა ბადრაგირების სპეციალური დანაყოფის შემადგენლობაში შედიან:

ა) დანაყოფის ასეულის მეთაური;

ბ) დანაყოფის ასეულის მეთაურის მოადგილე;

გ) ოცეულის მეთაური;

დ) ყარაულის უფროსი;

ე) რიგითი.“.

II. ეს ბრძანება ამოქმედდეს გამოქვეყნებისთანავე.

 

მინისტრი                                  რ ოლანდ გილიგაშვილი