ბრძანებულება საქართველოს სსრ უმაღლესი საბჭოს პრეზიდიუმისა იმის შესახებ, რომ საქართველოს სსრ სისხლის სამართლის კოდექსს დაემატოს 2421მუხლი

 

ბრძანებულება საქართველოს სსრ უმაღლესი საბჭოს პრეზიდიუმისა

იმის შესახებ, რომ საქართველოს სსრ სისხლის სამართლის კოდექსს დაემატოს 242¹ მუხლი

 

შესაბამისად, სსრ კავშირის უმაღლესი საბჭოს პრეზიდიუმის 1963 წლის 21 ოქტომბრის ბრძანებულებისა „მატარებლის თვითნებური გაჩერებისათვის, როცა ეს საჭირო არ არის, სისხლის სამართლის პასუხისმგებლობის გაძლიერების შესახებ“ საქართველოს სსრ უმაღლესი საბჭოს პრეზიდიუმი ადგენს:

საქართველოს სსრ სისხლის სამართლის კოდექსის განსაკუთრებული ნაწილის მეათე თავს „დანაშაული საზოგადოებრივი უშიშროებისა და საზოგადოებრივი წესრიგის წინააღმდეგ“ დაემატოს 242¹ მუხლი შემდეგი შინაარსისა:

„მუხლი 242¹.  მატარებლის თვითნებური გაჩერება, როცა ეს საჭირო არ არის

მატარებლის თვითნებური გაჩერება, როცა ეს საჭირო არ არის, საჩერი ონკანით, საჰაერო სამუხრუჭო მაგისტრალის გათიშვის გზით ან სხვა საშუალებით, თუ ამან მატარებლის ნორმალური მოძრაობის დარღვევა გამოიწვია,  –

ისჯება თავისუფლების აღკვეთით ვადით ორ წლამდე ან გამასწორებელი მუშაობით ვადით ერთ წლამდე.

იგივე ქმედობა, თუ ამან გამოიწვია ადამიანებისათვის უბედური შემთხვევა, მატარებლის მარცხი, მოძრავი შემადგენლობის დაზიანება ან სხვა მძიმე შედეგები, –

ისჯება თავისუფლების აღკვეთით ვადით რვა წლამდე“.

 

საქართველოს სსრ უმაღლესი საბჭოს პრეზიდიუმის თავმჯდომარე   გ. ძოწენიძე.

 

საქართველოს სსრ უმაღლესი საბჭოს პრეზიდიუმის მდივანი             ზ. კვაჭაძე.

 

თბილისი, 1963 წლის 29 ნოემბერი.