ბრძანებულება საქართველოს სსრ უმაღლესი საბჭოს პრეზიდიუმისა საქართველოს სსრ სისხლის სამართლის კოდექსისათვის 1732 მუხლის დამატების შესახებ

 

ბრძანებულება საქართველოს სსრ უმაღლესი საბჭოს პრეზიდიუმისა

საქართველოს სსრ სისხლის სამართლის კოდექსისათვის 173² მუხლის დამატების შესახებ

 

საქართველოს სსრ უმაღლესი საბჭოს პრეზიდიუმი ადგენს:

1. დაემატოს საქართველოს სსრ სისხლის სამართლის კოდექსს 173² მუხლი შემდეგი შინაარსისა:

„173². ანგარების მიზნით სამსახურებრივი სატრანსპორტო საშუალების გამოყენება

მძღოლის მიერ მისთვის სამსახურებრივად მინდობილი სატრანსპორტო საშუალების გამოყენება ანგარების მიზნით მგზავრთა გადაყვანისა და ტვირის გადაზიდვისათვის, თუ ასეთივე ქმედობისათვის ადრე დადებული ჰქონდა ადმინისტრაციული სასჯელი, –

ისჯება გამასწორებელი სამუშაოებით ვადით ერთ წლამდე, ან ჯარიმით ორას მანეთამდე ტრანსპორტის მართვის უფლების ჩამორთმევით ვადით ორ წლამდე.

იგივე ქმედობა, თუ იგი ჩადენილია განმეორებით ანდა დიდი ოდენობის მატერიალური მოგების მისაღებად, –

ისჯება თავისუფლების აღკვეთით ვადით ორ წლამდე ტრანსპორტის მართვის უფლების ჩამორთმევით ვადით ერთიდან სამ წლამდე.

2. დაწესდეს, რომ საქმეებზე ისეთი დანაშაულის შესახებ, რომელიც გათვალისწინებულია საქართველოს სსრ სისხლის სამართლის კოდექსის 173² მუხლით, წინასწარ გამოძიებას აწარმოებენ შინაგან საქმეთა ორგანოების გამომძიებლები.

ამასთან დაკავშირებით საქართველოს სსრ სისხლის სამართლის საპროცესო კოდექსის 126-ე მუხლის მე-4 ნაწილს ციფრის 173¹ შემდეგ დაემატოს ციფრი 173².

საქართველოს სსრ უმაღლესი საბჭოს პრეზიდიუმის თავმჯდომარე                   გ. ძოწენიძე.

საქართველოს სსრ უმაღლესი საბჭოს პრეზიდიუმის მდივანი                              ზ. კვაჭაძე.

თბილისი, 1971 წლის 5 ივლისი.