„ბორჯომის მუნიციპალიტეტის მერიის ინფრასტრუქტურისა და ზედამხედველობის სამსახურის დებულების დამტკიცების შესახებ“ ბორჯომის მუნიციპალიტეტის საკრებულოს 2021 წლის 17 მარტის №11 დადგენილებაში ცვლილების შეტანის შესახებ

1. დანართის მე-7 მუხლის პირველი პუნქტის „ე“, „ვ“ და „ნ“ ქვეპუნქტები ჩამოყალიბდეს ახალი რედაქციით:

„ე) კანონმდებლობით დადგენილი წესით, უნებართვო მშენებლობის ან სანებართვო პირობების დარღვევით მიმდინარე მშენებლობის შეჩერების შესახებ ან/და უკანონოდ წარმოებული მშენებლობის დემონტაჟის შესახებ ადმინისტრაციულ-სამართლებრივი აქტების პროექტის მომზადება;

ვ) დადგენილი წესით შეიმუშაოს/მოამზადოს სამშენებლო საქმიანობის სამართალდარღვევის მითითების, შემოწმების აქტის, უწყების პროექტები, ასევე დაჯარიმების, უნებართვო მშენებლობის ან სანებართვო პირობების დარღვევით მიმდინარე მშენებლობის შეჩერების ან/და უკანონოდ წარმოებული მშენებლობის დემონტაჟის და სამშენებლო სამართალდარღვევის საქმის წარმოების შეწყვეტის შესახებ ადმინისტრაციულ-სამართლებრივი აქტების პროექტები (გარდა დაბა ბაკურიანისა და სოფელ დიდი მიტარბის ტერიტორიაზე)“;

„ნ) საქართველოს ადმინისტრაციულ სამართალდარღვევათა კოდექსის 209³ მუხლის პირველი პუნქტის შესაბამისად ამავე კოდექსის 290⁶ მუხლით გათვალისწინებული ადმინისტრაციულ სამართალდარღვევათა საქმეების განხილვა;“.

2. დანართის მე-7 მუხლის პირველი პუნქტის „ნ“ ქვეპუნქტის შემდეგ დაემატოს შემდეგი შინაარსის „ო“ ქვეპუნქტი:

„ო) მუნიციპალიტეტისათვის განსაზღვრული უფლებამოსილების ფარგლებში საქართველოს ადმინისტრაციულ სამართალდარღვევათა კოდექსით დადგენილ სხვა სამართალდარღვევებზე რეაგირება.“.