„საჯარო სამართლის იურიდიული პირის – აკაკი წერეთლის სახელმწიფო უნივერსიტეტის წესდების დამტკიცების თაობაზე“ საქართველოს განათლებისა და მეცნიერების მინისტრის 2013 წლის 9 სექტემბრის №132/ნ ბრძანებაში ცვლილების შეტანის შესახებ

საქართველოს განათლებისა და მეცნიერების მინისტრის

2023 წლის 27 აპრილი

ქ. თბილისი

„საჯარო სამართლის იურიდიული პირის – აკაკი წერეთლის სახელმწიფო უნივერსიტეტის წესდების დამტკიცების თაობაზე“ საქართველოს განათლებისა და მეცნიერების მინისტრის 2013 წლის 9 სექტემბრის №132/ნ ბრძანებით (www.matsne.gov.ge, 09/09/2013, სარეგისტრაციო კოდი: 430210000.22.022.016652) დამტკიცებულ „საჯარო სამართლის იურიდიული პირის – აკაკი წერეთლის სახელმწიფო უნივერსიტეტის წესდებას“ 58-ე მუხლის შემდგომ დაემატოს შემდეგი შინაარსის 58¹ მუხლი:

„მუხლი 58¹. უნივერსიტეტის ეკონომიკური და სხვა საქმიანობა

1. უნივერსიტეტი შეიძლება ეწეოდეს საქართველოს კანონმდებლობით ნებადართულ ეკონომიკურ საქმიანობას.

2. უნივერსიტეტი საქართველოს კანონმდებლობით დადგენილი წესით უფლებამოსილია დააფუძნოს:

ა) კერძო სამართლის სამეწარმეო (კომერციული) იურიდიული პირი;

ბ) კერძო სამართლის არასამეწარმეო (არაკომერციული) იურიდიული პირი.

3. უნივერსიტეტი უფლებამოსილია შექმნას სპორტული კლუბი (კლუბები) არასამეწარმეო (არაკომერციული) იურიდიული პირის სახით.“.