ერედვის მუნიციპალიტეტიდან დევნილი წარმატებული სტუდენტების წახალისების წესის დამტკიცების შესახებ

ერედვის მუნიციპალიტეტიდან დევნილი წარმატებული სტუდენტების წახალისების წესის დამტკიცების შესახებ ერედვის მუნიციპალიტეტის საკრებულოს დადგენილება №6 2023 წლის 1 მაისი ქ. თბილისი ერედვის მუნიციპალიტეტიდან დევნილი წარმატებული სტუდენტების წახალისების წესის დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-3 და მე-4 პუნქტის, 24-ე მუხლის მე-2 პუნქტის, 61-ე მუხლის 1-ლი და მე-2 პუნქტების და 54-ე მუხლის პირველი პუნქტის „ე“ ქვეპუნქტის, „ე.გ“ ქვეპუნქტის საფუძველზე, ერედვის მუნიციპალიტეტის საკრებულო ადგენს: მუხლი 1🔗 დამტკიცდეს ერედვის მუნიციპალიტეტიდან დევნილი წარმატებული სტუდენტების წახალისების წესი. მუხლი 2🔗 დადგენილება ამოქმედდეს გამოქვეყნებისთანავე.ერედვის მუნიციპალიტეტის საკრებულოს თავმჯდომარეემზარ ბერუაშვილი დანართი ერედვის მუნიციპალიტეტიდან დევნილი წარმატებული სტუდენტების წახალისების წესი მუხლი 1🔗. ზოგადი დებულებანი 1. ერედვის მუნიციპალიტეტიდან დევნილი წარმატებული სტუდენტების წახალისების წესი (შემდგომში – წესი) განსაზღვრავს ერედვის მუნიციპალიტეტიდან დევნილი წარმატებული სტუდენტების წახალისების პირობებს, გასაცემი თანხის ოდენობას, თანხის მიმღებ პირთა კატეგორიას და დაფინანსების მიღების მიზნით მუნიციპალიტეტში წარმოსადგენი დოკუმენტაციის ნუსხას, ასევე  ერედვის მუნიციპალიტეტიდან დევნილი სტუდენტის საერთაშორისო სასწავლო გაცვლით პროგრამაში მონაწილეობის შემთხვევაში, მგზავრობის ხარჯების დაფინანსების წესს. 2. ფულადი ჯილდოს გადაცემა განხორციელდება ერედვის მუნიციპალიტეტის ბიუჯეტის პროგრამის „წარმატებული სტუდენტების წახალისება“ ფარგლებში გამოყოფილი ასიგნებებიდან. მუხლი 2🔗. პროგრამის მიზანი პროგრამის მიზანია სწავლაზე ორიენტირებული, მოტივირებული და წარმატებული სტუდენტების წახალისება ერთჯერადად ფულადი ჯილდოს გადაცემის გზით, ასევე სტუდენტის საერთაშორისო სასწავლო გაცვლით პროგრამაში მონაწილეობის შემთხვევაში მგზავრობის ხარჯების დაფინანსება. მუხლი 3🔗. სახელმწიფო სასწავლო გრანტის მქონე სტუდენტთა წახალისება 1. ერედვის მუნიციპალიტეტიდან დევნილი სტუდენტები, რომლებიც სწავლობენ  აკრედიტებულ უმაღლეს საგანმანათლებლო დაწესებულებაში და მიმდინარე წლის ერთიან ეროვნულ გამოცდებზე, საბაკალავრო და სამაგისტრო პროგრამაზე მოიპოვეს სახელმწიფო სასწავლო გრანტი, მიიღებენ ერთჯერად ფულად ჯილდოს. 2. ფულადი ჯილდო გაიცემა შემდეგი ოდენობით: ა) 100% სახელმწიფო სასწავლო გრანტის მქონე სტუდენტებზე – 500 ლარი; ბ) 70% სახელმწიფო სასწავლო გრანტის მქონე სტუდენტებზე – 400 ლარი; გ) 50% სახელმწიფო სასწავლო გრანტის მქონე სტუდენტებზე – 300 ლარი.  3. ფულადი ჯილდოს მისაღებად სტუდენტმა მიმდინარე წლის 1 ნოემბრამდე უნდა წარმოადგინოს შემდეგი სახის დოკუმენტაცია: ა) განცხადება გამგებლის სახელზე; ბ) განმცხადებლის პირადობის მოწმობის ასლი; გ) იძულებით გადაადგილებული პირის – დევნილის მოწმობის ასლი; დ) ცნობა (დედანი) აკრედიტებული უმაღლესი სასწავლებლიდან აქტიური სტუდენტის სტატუსის შესახებ; ე) ცნობა სახელმწიფო სასწავლო გრანტის მოპოვების შესახებ; ვ) საბანკო რეკვიზიტები; ზ) ინფორმაცია თვითმმართველი ერთეულის ტერიტორიული ორგანოს ხელმძღვანელისაგან – თვითმმართველი ერთეულის რწმუნებულისაგან, ფულადი ჯილდოს მიმღების ერედვის მუნიციპალიტეტის ტერიტორიაზე მუდმივი მაცხოვრებლობის შესახებ (ასეთის მოთხოვნის შემთხვევაში); 4. ანაზღაურება მოხდება უნაღდო ანგარიშსწორების ფორმით. მუხლი 4🔗. მაღალი აკადემიური მოსწრების მქონე სტუდენტთა წახალისება 1. ერედვის მუნიციპალიტეტიდან დევნილი სტუდენტები, რომლებიც სწავლობენ აკრედიტებულ უმაღლეს საგანმანათლებლო დაწესებულებაში და გასული სასწავლო წლის (ორი სემესტრი) განმალობაში არჩეულ თითოეულ საგანში მიღებული აქვს 91 ქულა ან მეტი, მიიღებენ ერთჯერად ფულად ჯილდოს 500 (ხუთასი) ლარის ოდენობით. 2. სტუდენტმა ჯილდოს მიღების მიზნით, სასწავლო წლის დასრულების შემდეგ, მიმდინარე წლის 1 ნოემბრამდე მუნიციპალიტეტში უნდა წარმოადგინოს: ა) განცხადება გამგებლის სახელზე; წარმომადგენლობის დამადასტურებელი დოკუმენტი, თუ განცხადებას წარმოადგენს განმცხადებლის წარმომადგენელი; ბ) საქართველოს მოქალაქის პირადობის მოწმობის ასლი; გ) იძულებით გადაადგილებული პირის – დევნილის მოწმობის ასლი; დ) ცნობა (დედანი) აკრედიტებული უმაღლესი სასწავლებლიდან აქტიური სტუდენტის სტატუსის შესახებ, სასწავლო კურსისა და სემესტრის მითითებით; ე) ცნობა/წერილი (დედანი) აკრედიტებული უმაღლესი საგანმანათლებლო დაწესებულებიდან აკადემიური მოსწრებისა (წინა წლის) და ორი სემესტრის განმავლობაში არჩეული საგნების შესახებ; ვ)   საბანკო რეკვიზიტები, არასრულწლოვან სტუდენტზე გასაცემი ფულადი ჯილდო ირიცხება წარმომადგენლის პირად ანგარიშზე; ზ) ინფორმაცია თვითმმართველი ერთეულის ტერიტორიული ორგანოს ხელმძღვანელისაგან – თვითმმართველი ერთეულის რწმუნებულისაგან, ფულადი ჯილდოს მიმღების ერედვის მუნიციპალიტეტის ტერიტორიაზე მუდმივი მაცხოვრებლობის შესახებ (ასეთის მოთხოვნის შემთხვევაში); თ) განმცხადებლის ან/და არასრულწლოვანი სტუდენტის წარმომადგენელმა უნდა წარმოადგინოს წარმომადგენლობის დამადასტურებელი დოკუმენტი. 3. ანაზღაურება მოხდება უნაღდო ანგარიშსწორების ფორმით. მუხლი 5🔗. საერთაშორისო სასწავლო გაცვლით პროგრამაში მონაწილე სტუდენტის მგზავრობის ხარჯების დაფინანსება 1. ერედვის მუნიციპალიტეტის ტერიტორიიდან დევნილი სტუდენტები, რომლებიც მონაწილეობენ საერთაშორისო სასწავლო გაცვლით პროგრამაში და მიემგზავრებიან საქართველოს საზღვრებს გარეთ უმაღლეს საგანმანათლებლო დაწესებულებაში სასწავლებლად, დაუფინანსდებათ უცხო ქვეყანაში ჩასვლისა და საქართველოში დაბრუნების ხარჯები არაუმეტეს 1000 ლარი ოდენობით. მგზავრობის ხარჯი დაფინანსდება იმ შემთხვევაში, თუ გაცვლითი პროგრამის ფარგლებში მგზავრობის ხარჯები არ ფინანსდება. 2. დაფინანსების მისაღებად სტუდენტმა უნდა წარმოადგინოს შემდეგი სახის დოკუმენტაცია: ა) განცხადება გამგებლის სახელზე; ბ) განმცხადებლის პირადობის მოწმობის ასლი; გ) იძულებით გადაადგილებული პირის – დევნილის მოწმობის ასლი; დ) ცნობა (დედანი) აკრედიტებული უმაღლესი სასწავლებლიდან აქტიური სტუდენტის სტატუსის შესახებ; ე) ცნობა დედანი ან/და ნოტარიულად დამოწმებული ასლი საერთაშორისო  სასწავლო პროგრამაში მონაწილეობის შესახებ; ვ) შეძენილი სამგზავრო ავიაბილეთების ასლები; ზ) საბანკო რეკვიზიტები; თ) ინფორმაცია თვითმმართველი ერთეულის ტერიტორიული ორგანოს ხელმძღვანელისაგან – თვითმმართველი ერთეულის რწმუნებულისაგან, ფულადი ჯილდოს მიმღების ერედვის მუნიციპალიტეტის ტერიტორიაზე მუდმივი მაცხოვრებლობის შესახებ (ასეთის მოთხოვნის შემთხვევაში). 3. ანაზღაურება მოხდება უნაღდო ანგარიშსწორების ფორმით. მუხლი 6🔗. განცხადების განხილვის წესი 1. ერედვის მუნიციპალიტეტის გამგეობაში წესის შესაბამისად შემოსული განცხადების და თანდართული დოკუმენტაციის სისწორეს ამოწმებს ერედვის მუნიციპალიტეტის გამგეობის პირველადი სტრუქტურული ერთეული - განათლების, კულტურისა და სპორტის სამსახური (შემდგომში – სამსახური), რომელიც შემოწმების შედეგების გათვალისწინებით იღებს გადაწყვეტილებას განცხადების წარმოებაში მიღების თაობაზე.  2. თუ დაინტერესებული პირის მიერ წარმოდგენილი განცხადება არ შეესაბამება დადგენილ მოთხოვნებს ან/და არ არის წარმოდგენილი ამ წესით განსაზღვრული დოკუმენტაცია, სამსახური დაინტერესებულ სუბიექტს ხარვეზის გამოსასწორებლად განუსაზღვრავს არანაკლებ 5 (ხუთი) კალენდარულ დღეს. 3. განსაზღვრულ ვადაში ხარვეზის გამოუსწირებლობის შემთხვევაში განაცხადი არ განიხილება. უარის გადაწყვეტილება, განმცხადებელს ეცნობება წერილობითი ფორმით. 4. სტუდენტისათვის ჯილდოს გადაცემის ან/და მგზავრობის ხარჯების დაფინანსების შესახებ გადაწყვეტილება მიიღება განცხადების წარდგენიდან არაუგვიანეს 30 კალენდარული დღის ვადაში. დადებითი გადაწყვეტილების მიღების შემთხვევაში ერედვის მუნიციპალიტეტის გამგებელი გამოსცემს ინდივიდუალურ ადმინისტრაციულ-სამართლებრივ აქტს.