,,საჯარო სამართლის იურიდიული პირების – ქუთაისის მრავალდარგოვანი პროფესიული სასწავლებლისა და ბაღდათის პროფესიული სასწავლებლის რეორგანიზაციის, საჯარო სამართლის იურიდიული პირის – №1 ქუთაისის პროფესიული სწავლების ცენტრის დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2008 წლის 11 იანვრის №32 ბრძანებაში ცვლილებების შეტანის თაობაზე“

სახელმწიფო სარეგისტრაციო კოდი 040.030.000.22.022.012.234

საქართველოს განათლებისა და მეცნიერების

მინისტრის ბრძანება №828

2008 წლის 30 სექტემბერი

ქ. თბილისი

,,საჯარო სამართლის იურიდიული პირების – ქუთაისის მრავალდარგოვანი პროფესიული სასწავლებლისა და ბაღდათის პროფესიული სასწავლებლის რეორგანიზაციის, საჯარო სამართლის იურიდიული პირის – №1 ქუთაისის პროფესიული სწავლების ცენტრის დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2008 წლის 11 იანვრის №32 ბრძანებაში ცვლილებების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის, ,,ნორმატიული აქტების შესახებ“ საქართველოს კანონის 36-ე მუხლის, ,,პროფესიული განათლების შესახებ“ საქართველოს კანონის მე-15 მუხლის ,,ბ“ ქვეპუნქტის, საქართველოს მთავრობის 2004 წლის 21 მაისის №37 დადგენილებით დამტკიცებული ,,საქართველოს განათლებისა და მეცნიერების სამინისტროს დებულების“ მე-3 მუხლის მე-2 პუნქტის ,,ა“ და ,,მ“ ქვეპუნქტების თანახმად, ვბრძანებ:

1. ,,საჯარო სამართლის იურიდიული პირების – ქუთაისის მრავალდარგოვანი პროფესიული სასწავლებლისა და ბაღდათის პროფესიული სასწავლებლის რეორგანიზაციის, საჯარო სამართლის იურიდიული პირის – №1 ქუთაისის პროფესიული სწავლების ცენტრის დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2008 წლის 11 იანვრის №32 ბრძანებაში (სსმ III, 21.01.2008, №8, მუხ. 97) შეტანილ იქნეს შემდეგი ცვლილებები:

ა) ბრძანების სათაური ჩამოყალიბდეს შემდეგი რედაქციით: ,,საჯარო სამართლის იურიდიული პირების – ქუთაისის მრავალდარგოვანი პროფესიული სასწავლებლისა და ბაღდათის პროფესიული სასწავლებლის რეორგანიზაციის, საჯარო სამართლის იურიდიული პირის – ქუთაისის №1 პროფესიული სწავლების ცენტრის დაფუძნებისა და მისი წესდების დამტკიცების შესახებ“;

ბ) ბრძანების პირველი პუნქტი ჩამოყალიბდეს შემდეგი რედაქციით:

,,1. რეორგანიზებულ იქნეს ,,ქუთაისის მრავალდარგოვანი პროფესიული სასწავლებლის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2006 წლის 30 ივნისის №645 ბრძანებით დაფუძნებული საჯარო სამართლის იურიდიული პირი – ქუთაისის მრავალდარგოვანი პროფესიული სასწავლებელი, მასთან ,,ბაღდათის პროფესიული სასწავლებლის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2005 წლის 3 ივნისის №270 ბრძანებით დაფუძნებული საჯარო სამართლის იურიდიული პირის – ბაღდათის პროფესიული სასწავლებლის მიერთების გზით და მის ბაზაზე დაფუძნდეს საჯარო სამართლის იურიდიული პირი – ქუთაისის №1 პროფესიული სწავლების ცენტრი.“;

გ) ბრძანების მე-2 პუნქტი ჩამოყალიბდეს შემდეგი რედაქციით:

,,2. დამტკიცდეს საჯარო სამართლის იურიდიული პირის – ქუთაისის №1 პროფესიული სწავლების ცენტრის თანდართული წესდება.“;

დ) ბრძანების მე-3 პუნქტი ჩამოყალიბდეს შემდეგი რედაქციით:

,,3. საჯარო სამართლის იურიდიულმა პირმა – ქუთაისის №1 პროფესიული სწავლების ცენტრმა უზრუნველყოს რეორგანიზაციასთან დაკავშირებული კანონმდებლობით დადგენილი პროცედურების განხორციელება.“;

ე) ბრძანებით დამტკიცებული წესდების სათაური ჩამოყალიბდეს შემდეგი რედაქციით: ,,საჯარო სამართლის იურიდიული პირის – ქუთაისის №1 პროფესიული სწავლების ცენტრის წესდება“;

ვ) ბრძანებით დამტკიცებული წესდების პირველი მუხლის პირველი პუნქტი ჩამოყალიბდეს შემდეგი რედაქციით:

,,1. ქუთაისის №1 პროფესიული სწავლების ცენტრი (შემდგომში – ცენტრი) წარმოადგენს საჯარო სამართლის იურიდიულ პირს, რომლის სახელმწიფო კონტროლს ახორციელებს საქართველოს განათლებისა და მეცნიერების სამინისტრო (შემდგომში – სამინისტრო).“.

2. ბრძანება შევიდეს ძალაში გამოქვეყნებისთანავე.

ა. ჩიკვაიძე

მინისტრის მოვალეობის შემსრულებელი