ნოტარიუსობის კანდიდატთა საკვალიფიკაციო გამოცდის ჩატარების წესის შესახებ დებულებაში ცვლილებების შეტანის თაობაზე

სახელმწიფო სარეგისტრაციო კოდი 170.020.010.12.106.006.666

საქართველოს იუსტიციის

  მინისტრის ბრძანება №1109

2004 წლის 14 სექტემბერი

 ქ. თბილისი

,,ნოტარიუსობის კანდიდატთა საკვალიფიკაციო გამოცდის ჩატარების წესის შესახებ” დებულებაში ცვლილების შეტანის თაობაზე

,,ნოტარიატის შესახებ” საქართველოს კანონის მე-12 მუხლისა და ,,ნორმატიული აქტების შესახებ” საქართველოს კანონის 36-ე მუხლის საფუძველზე, ვბრძანებ:

1. საქართველოს იუსტიციის მინისტრის 2002 წლის 6 ივნისის №422 ბრძანებით (საქართველოს საკანონმდებლო მაცნე, 10.06.2002 წ., №57, მუხ. 527) დამტკიცებულ ,,ნოტარიუსობის კანდიდატთა საკვალიფიკაციო გამოცდის ჩატარების წესის შესახებ” დებულების მე-5 მუხლის პირველი პუნქტი ჩამოყალიბდეს შემდეგი რედაქციით:

,,1. გამოცდას ნიშნავს საქართველოს იუსტიციის მინისტრი.”.

2. ეს ბრძანება ამოქმედდეს გამოქვეყნებისთანავე.

გ. პაპუაშვილი