„ადმინისტრაციულ სამართალდარღვევათა საქმისწარმოებისათვის ადმინისტრაციულ სამართალდარღვევათა ოქმებისა და საჯარიმო ქვითრის (ოქმის) ფორმების, მათი შედგენის, გამოყენებისა და აღრიცხვა-ანგარიშგების წესის დამტკიცების შესახებ“ წალენჯიხის მუნიციპალიტეტის საკრებულოს 2023 წლის 25 მაისის №19 დადგენილებაში ცვლილების შეტანის თაობაზე

ა) დადგენილების პრეამბულა ჩამოყალიბდეს შემდეგი რედაქციით:

 „საქართველოს ორგანული კანონის „ადგილობრივი თვითმმართველობის კოდექსის“ 61-ე მუხლის 1-ლი პუნქტის, „ნორმატიული აქტების შესახებ“ საქართველოს კანონის მე-20 მუხლისა და 25-ე მუხლის 1-ლი პუნქტის „ბ“ ქვეპუნქტის, „საქართველოს ადმინისტრაციულ სამართალდარღვევათა კოდექსის“ 109³, 239-ე, 240-ე და 240¹ მუხლების, საქართველოს ორგანული კანონის „საქართველოს საარჩევნო კოდექსი“ 93-ე მუხლის მე-4 პუნქტის, საქართველოს კანონის „ნარჩენების მართვის კოდექსი“ 47-ე მუხლის 1-ლი, მე-8, მე-12-მე-15 ნაწილებისა და „მკაცრი აღრიცხვის ფორმების შესახებ“ საქართველოს კანონის მე-8 მუხლის შესაბამისად, წალენჯიხის მუნიციპალიტეტის საკრებულო ადგენს:“

ბ) დადგენილების მე-2 მუხლის „ა“ ქვეპუნქტი ჩამოყალიბდეს შემდეგი რედაქციით:

„ა) „საქართველოს ადმინისტრაციულ სამართალდარღვევათა კოდექსის“  55², 55⁶, 77¹ და 77² მუხლებით, 82⁵ მუხლით (პლასტიკის და ბიოდეგრადირებადი პარკების რეალიზაციის ნაწილში), 103-ე მუხლით, 125-ე მუხლის მე-8 და მე-14 – მე-16 ნაწილებით, 125⁴ მუხლებით, 134¹, 135-ე, 146¹, 148-ე  მუხლის პირველი და მე-2 ნაწილებით, 150-ე−150¹ მუხლებით, 151-ე მუხლის მე-3 ნაწილით,  151², 152-ე, 152², 152⁵–152⁹, 153⁴-ე და 156¹ მუხლებით, 158⁵ მუხლის პირველი და მე-2 ნაწილებითა და 159-ე და 159¹  მუხლებით გათვალისწინებულ ადმინისტრაციულ სამართალდარღვევათა საქმეებს „საქართველოს ადმინისტრაციულ სამართალდარღვევათა კოდექსის“ 290⁶ მუხლის გათვალისწინებით, „ნარჩენების მართვის კოდექსის“ 47-ე მუხლის მე-8 ნაწილითა და „საარჩევნო კოდექსის“ 93-ე მუხლის მე-4 ნაწილით გათვალისწინებულ ადმინისტრაციულ სამართალდარღვევათა საქმეების განხილვის უფლებამოსილება. მიენიჭოს წალენჯიხის მუნიციპალიტეტის მერიის ზედამხედველობის სამსახურს;

გ) დადგენილების მე-2 მუხლს დაემატოს:

გ.ა)   „ა¹“ ქვეპუნქტი:

„ა¹) „საქართველოს ადმინისტრაციულ სამართალდარღვევათა კოდექსის“ 46⁵, 46⁶, 172⁸, 172⁹ მუხლებით გათვალისწინებულ ადმინისტრაციულ სამართალდარღვევათა საქმეების განხილვის უფლებამოსილება მიენიჭოს წალენჯიხის მუნიციპალიტეტის მერიის კულტურისა და სოციალური დაცვის სამსახურის ჯანდაცვის, სოციალური მომსახურებისა და ბავშვთა უფლებების დაცვის მხარდაჭერის განყოფილებას;“;

გ.ბ) „ე“ ქვეპუნქტი:

„ე) ადმინისტრაციული სამართალდარღვევის ჩადენისათვის შეფარდებული ადმინისტრაციული სახდელის (ჯარიმის) ზემდგომ ორგანოში (მუნიციპალიტეტის მერთან) გასაჩივრებისას საჩივრის განხილვისა და ადმინისტრაციული წარმოების წარმართვის უფლებამოსილება მიენიჭოს მერიის ადმინისტრაციული სამსახურის იურიდიულ განყოფილებას.“;

დ) დადგენილებით დამტკიცებული №1 დანართის:

 დ.ა) მე-4 მუხლის მე-3 პუნქტი ჩამოყალიბდეს შემდეგი რედაქციით:

„3. თუ სამართალდამრღვევს არა აქვს პიროვნების დამადასტურებელი საბუთები და არ არიან მოწმეები, რომლებსაც შეუძლიათ მიაწოდონ საჭირო ცნობები მის შესახებ, ოქმის შემდგენმა პირმა, საქართველოს კანონის „საქართველოს ადმინისტრაციულ სამართალდარღვევათა კოდექსი“ 243-ე მუხლის 2​​​¹ ნაწილის შესაბამისად, სამართალდამრღვევის პოლიციაში მიყვანის მიზნით, დაუყოვნებლივ უნდა აცნობოს უფლებამოსილ პირს;“.

ე) დადგენილებით №4 დანართით დამტკიცებული „საჯარიმო ქვითარი ადმინისტრაციული სამართალდარღვევის ოქმი №000000“ უკანა მხარე ჩამოყალიბდეს შემდეგი რედაქციით:

                                                                                                                                              „უკანა მხარე

საჯარიმო ქვითრის (ოქმის) შედგენისას დამრღვევს განემარტა საქართველოს ადმინისტრაციულ სამართალდარღვევათა კოდექსის 252-ე მუხლით გათვალისწინებული თავისი უფლებები და მოვალეობები: ადმინისტრაციულ პასუხისგებაში მიცემულ პირს უფლება აქვს გაეცნოს საქმის მასალებს, მისცეს ახსნა- განმარტებანი, წარადგინოს მტკიცებულებანი, განაცხადოს შუამდგომლობანი; საქმის განხილვისას ისარგებლოს ადვოკატის იურიდიული დახმარებით; გამოვიდეს მშობლიურ ენაზე და თუ არ იცის მიმდინარე წარმოების ენა, ისარგებლოს თარჯიმნის მომსახურებით; გაასაჩივროს საქმის გამო მიღებული გადაწყვეტილება.

მოქალაქეს განემარტა საქართველოს ადმინისტრაციულ სამართალდარღვევათა კოდექსის 273-ე მუხლით გათვალისწინებული უფლებები და მიეწოდა ინფორმაცია სამართალდარღვევის საქმეზე მიღებული სამართალდარღვევის ოქმის გასაჩივრების 10-დღიანი ვადისა და გასაჩივრების ადგილის  შესახებ.

საჯარიმო ქვითრის (ოქმის) ნებაყოფლობითი აღსრულებისათვის საქართველოს ადმინისტრაციულ სამართალდარღვევათა კოდექსის 290-ე მუხლის პირველი ნაწილით განსაზღვრული 30-დღიანი ვადის გასვლის შემდეგ პირს დაერიცხება საურავი ჩადენილი დარღვევისთვის ადმინისტრაციულ სამართალდარღვევათა კოდექსის შესაბამისად. საურავის დარიცხვიდან 30 დღის ვადაში ჯარიმისა და საურავის გადაუხდელობის შემთხვევაში დამრღვევის მიმართ განხორციელდება ჯარიმისა და საურავის გადახდის უზრუნველყოფის ღონისძიება საქართველოს კანონმდებლობით დადგენილი წესით.

დამკვეთი:                                                                             დამამზადებელი:

მისამართი:                                                                            სემგს-ს რეგისტრაციის №“