გადამხდელთა პირადი ანგარიშბარათების წარმოების წესის შესახებ ინსტრუქციის დამტკიცების თაობაზე"

გადამხდელთა პირადი ანგარიშბარათების წარმოების წესის შესახებ ინსტრუქციის დამტკიცების თაობაზე" p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:12.0pt; } h1 {margin:0in; margin-bottom:.0001pt; text-align:justify; page-break-after:avoid; font-size:12.0pt; } h2 {margin:0in; margin-bottom:.0001pt; text-align:center; page-break-after:avoid; font-size:12.0pt; } p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:12.0pt; } p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:12.0pt; } p.MsoBodyText, li.MsoBodyText, div.MsoBodyText {margin:0in; margin-bottom:.0001pt; text-align:justify; font-size:12.0pt; } p.MsoBodyTextIndent, li.MsoBodyTextIndent, div.MsoBodyTextIndent {margin-top:0in; margin-right:0in; margin-bottom:0in; margin-left:294.0pt; margin-bottom:.0001pt; text-align:justify; font-size:12.0pt; } p.MsoBodyText2, li.MsoBodyText2, div.MsoBodyText2 {margin:0in; margin-bottom:.0001pt; text-align:justify; font-size:12.0pt; font-weight:bold;} p.MsoBodyText3, li.MsoBodyText3, div.MsoBodyText3 {margin:0in; margin-bottom:.0001pt; text-align:center; font-size:12.0pt; font-weight:bold;} p.MsoPlainText, li.MsoPlainText, div.MsoPlainText {margin:0in; margin-bottom:.0001pt; font-size:10.0pt; } p.parlamdrst, li.parlamdrst, div.parlamdrst { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.xl25, li.xl25, div.xl25 { margin-right:0in; margin-left:0in; text-align:center; font-size:12.0pt; } p.xl26, li.xl26, div.xl26 { margin-right:0in; margin-left:0in; text-align:center; border:none; padding:0in; font-size:12.0pt; } p.xl27, li.xl27, div.xl27 { margin-right:0in; margin-left:0in; text-align:center; font-size:12.0pt; font-weight:bold;} p.xl28, li.xl28, div.xl28 { margin-right:0in; margin-left:0in; text-align:center; border:none; padding:0in; font-size:12.0pt; } p.xl29, li.xl29, div.xl29 { margin-right:0in; margin-left:0in; text-align:center; border:none; padding:0in; font-size:12.0pt; } p.xl30, li.xl30, div.xl30 { margin-right:0in; margin-left:0in; text-align:center; border:none; padding:0in; font-size:12.0pt; } p.xl31, li.xl31, div.xl31 { margin-right:0in; margin-left:0in; text-align:center; border:none; padding:0in; font-size:12.0pt; } p.xl32, li.xl32, div.xl32 { margin-right:0in; margin-left:0in; text-align:center; border:none; padding:0in; font-size:12.0pt; } p.xl33, li.xl33, div.xl33 { margin-right:0in; margin-left:0in; text-align:center; border:none; padding:0in; font-size:12.0pt; } p.xl34, li.xl34, div.xl34 { margin-right:0in; margin-left:0in; font-size:12.0pt; font-weight:bold;} p.xl35, li.xl35, div.xl35 { margin-right:0in; margin-left:0in; text-align:center; border:none; padding:0in; font-size:12.0pt; } p.xl36, li.xl36, div.xl36 { margin-right:0in; margin-left:0in; text-align:center; border:none; padding:0in; font-size:12.0pt; } p.xl37, li.xl37, div.xl37 { margin-right:0in; margin-left:0in; text-align:center; border:none; padding:0in; font-size:12.0pt; } p.xl38, li.xl38, div.xl38 { margin-right:0in; margin-left:0in; text-align:center; border:none; padding:0in; font-size:12.0pt; } p.xl39, li.xl39, div.xl39 { margin-right:0in; margin-left:0in; text-align:center; font-size:12.0pt; font-weight:bold;} p.xl40, li.xl40, div.xl40 { margin-right:0in; margin-left:0in; text-align:center; border:none; padding:0in; font-size:12.0pt; } p.xl41, li.xl41, div.xl41 { margin-right:0in; margin-left:0in; text-align:center; border:none; padding:0in; font-size:12.0pt; } p.xl42, li.xl42, div.xl42 { margin-right:0in; margin-left:0in; text-align:center; border:none; padding:0in; font-size:12.0pt; } p.xl43, li.xl43, div.xl43 { margin-right:0in; margin-left:0in; text-align:center; font-size:11.0pt; } p.xl44, li.xl44, div.xl44 { margin-right:0in; margin-left:0in; text-align:center; font-size:11.0pt; font-weight:bold;} p.xl45, li.xl45, div.xl45 { margin-right:0in; margin-left:0in; text-align:center; font-size:14.0pt; font-weight:bold;} p.xl46, li.xl46, div.xl46 { margin-right:0in; margin-left:0in; text-align:center; border:none; padding:0in; font-size:12.0pt; } p.xl47, li.xl47, div.xl47 { margin-right:0in; margin-left:0in; text-align:center; border:none; padding:0in; font-size:12.0pt; } p.xl48, li.xl48, div.xl48 { margin-right:0in; margin-left:0in; font-size:12.0pt; font-weight:bold;} p.xl49, li.xl49, div.xl49 { margin-right:0in; margin-left:0in; text-align:center; font-size:12.0pt; } p.xl50, li.xl50, div.xl50 { margin-right:0in; margin-left:0in; text-align:center; border:none; padding:0in; font-size:12.0pt; } p.xl51, li.xl51, div.xl51 { margin-right:0in; margin-left:0in; text-align:center; border:none; padding:0in; font-size:12.0pt; } p.xl52, li.xl52, div.xl52 { margin-right:0in; margin-left:0in; text-align:center; border:none; padding:0in; font-size:12.0pt; } p.xl53, li.xl53, div.xl53 { margin-right:0in; margin-left:0in; text-align:center; border:none; padding:0in; font-size:12.0pt; } p.xl54, li.xl54, div.xl54 { margin-right:0in; margin-left:0in; text-align:center; border:none; padding:0in; font-size:12.0pt; } p.xl55, li.xl55, div.xl55 { margin-right:0in; margin-left:0in; text-align:center; border:none; padding:0in; font-size:12.0pt; } p.font5, li.font5, div.font5 { margin-right:0in; margin-left:0in; font-size:12.0pt; font-weight:bold;} p.font6, li.font6, div.font6 { margin-right:0in; margin-left:0in; font-size:12.0pt; } p.xl56, li.xl56, div.xl56 { margin-right:0in; margin-left:0in; border:none; padding:0in; font-size:12.0pt; } p.xl57, li.xl57, div.xl57 { margin-right:0in; margin-left:0in; text-align:center; font-size:13.0pt; font-weight:bold;} p.xl58, li.xl58, div.xl58 { margin-right:0in; margin-left:0in; text-align:center; font-size:13.0pt; } p.abzacixml, li.abzacixml, div.abzacixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.sulcvlilebaxml, li.sulcvlilebaxml, div.sulcvlilebaxml { margin:0in; margin-bottom:.0001pt; text-indent:14.15pt; font-size:11.0pt; font-weight:bold;} p.zogadinacilixml, li.zogadinacilixml, div.zogadinacilixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; line-height:12.0pt; page-break-after:avoid; font-size:11.0pt; font-weight:bold;} p.gansakutrebulinacilixml, li.gansakutrebulinacilixml, div.gansakutrebulinacilixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; page-break-after:avoid; font-size:11.0pt; font-weight:bold;} p.sataurixml, li.sataurixml, div.sataurixml { margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-weight:bold;} p.tarigixml, li.tarigixml, div.tarigixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.satauri2, li.satauri2, div.satauri2 { margin:0in; margin-bottom:.0001pt; text-align:center; font-size:11.0pt; font-weight:bold;} p.danartixml, li.danartixml, div.danartixml { margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:10.0pt; font-weight:bold; font-style:italic;} p.khelmoceraxml, li.khelmoceraxml, div.khelmoceraxml { margin-top:6.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-weight:bold;} p.ckhrilixml, li.ckhrilixml, div.ckhrilixml { margin-top:0in; margin-right:-5.7pt; margin-bottom:0in; margin-left:0in; margin-bottom:.0001pt; text-align:center; font-size:9.0pt; } p.mimgebixml, li.mimgebixml, div.mimgebixml { margin:0in; margin-bottom:.0001pt; text-align:center; text-indent:14.2pt; font-size:14.0pt; font-weight:bold;} p.saxexml, li.saxexml, div.saxexml { margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-weight:bold;} p.adgilixml, li.adgilixml, div.adgilixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.kodixml, li.kodixml, div.kodixml { margin-top:0in; margin-right:0in; margin-bottom:12.0pt; margin-left:255.1pt; text-align:right; page-break-after:avoid; font-size:10.0pt; } p.muxlixml, li.muxlixml, div.muxlixml { margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-weight:bold;} p.Normal, li.Normal, div.Normal { margin:0in; margin-bottom:.0001pt; text-autospace:none; font-size:12.0pt; } span.msoIns { text-decoration:underline; color:teal;} span.msoDel { text-decoration:line-through; color:red;} @page Section1 {size:8.5in 11.0in; margin:1.0in 1.25in 1.0in 1.25in;} div.Section1 {page:Section1;} ol {margin-bottom:0in;} ul {margin-bottom:0in;} სახელმწიფო სარეგისტრაციო კოდი 200.250.000.22.033.006.788 საქართველოს ფინანსთა მინისტრის ბრძანება №705 2004 წლის 29 ოქტომბერი ქ. თბილისი „გადამხდელთა პირადი ანგარიშის ბარათების წარმოების წესის შესახებ” ინსტრუქციის დამტკიცების თაობაზე  საქართველოს საგადასახადო კოდექსის 227-ე მუხ-ლის, 235-ე მუხლის, 264-ე მუხლის „ბ” ქვეპუნქტისა და 41-ე თავის საფუძველზე, ვბრძანებ: 1. დამტკიცდეს ინსტრუქცია „გადამხდელთა პირადი ანგარიშის ბარათების წარმოების წესის შესახებ” (თანდართულ დანართებთან ერთად). 2. ბრძანება ამოქმედდეს გამოქვეყნებისთანავე. ზ. ნოღაიდელი ინსტრუქცია „გადამხდელთა პირადი ანგარიშის ბარათების წარმოების წესის შესახებ”     მუხლი 1🔗. ზოგადი დებულებანი 1. წარმოდგენილი ინსტრუქცია განსაზღვრავს გადასახადის გადამხდელთა პირადი ანგარიშის ბარათებში გადასახადის გადამხდელების (საგადასახადო აგენტების) ბიუჯეტთან ანგარიშსწორების აღრიცხვისა და ასახვის წესებს. 2. გადამხდელთა პირადი ანგარიშის ბარათი (გპაბ) წარმოადგენს დოკუმენტს, რომელშიც აისახება გადამხდელების მიერ დეკლარირებული და გადახდილი თანხები, აგრეთვე საგადასახადო და სხვა უფლებამოსილი ორგანოების მიერ საქართველოს კანონმდებლობით გათვალისწინებული გადასახდელად დარიცხული ან შემცირებული თანხები, ვადაგადაცილებული დავალიანებები, ზედმეტად გადახდილი თანხები, სანქციები, ჯარიმები და საურავები. 3. არაკომპიუტერიზებულ საგადასახადო ორგანოებში, სადაც გპაბ-ის წარმოება ხორციელდება ხელით, ყველა ჩანაწერი რეესტრებში, წიგნებში, ჟურნალებსა და გპაბ-ში წარმოებს აკურატულად, ბურთულიანი პასტით ან მელნით ქრონოლოგიური წესით, სათანადო პირველადი საბუთების საფუძველზე. დაუშვებელია ჩანაწერის წაშლა ან ამოფხეკა. შეცდომების გასწორება წარმოებს არასწორი ჩანაწერის წვრილი ხაზით გადახაზვის გზით და საჭირო შემთხვევაში სწორი ტექსტის ჩაწერით; იმავდროულად, იქვე სტრიქონის კიდეზე კეთდება ჩანაწერი `შესწორებულია” შესწორების შემტანი, უფლებამოსილი პირის ხელმოწერით. 4. საგადასახადო ინსპექციაში გადამხდელთა მომსახურების სამმართველოს მუშაკი პასუხს აგებს აღრიცხვის წარმოებისა და ანგარიშგების შედგენის სისწორეზე, აგრეთვე ზედმეტად გადახდილი ან შეცდომით ჩარიცხული თანხების ბიუჯეტიდან დაბრუნების, ან გადასახადის ერთი სახიდან მეორეში გადატანის სისწორეზე და აღრიცხვის დოკუმენტების დაცულობაზე. 5. გადამხდელთა პირადი ანგარიშის ბარათის წარმოებასთან დაკავშირებით საგადასახადო ინსპექციის უფროსის ინდივიდუალურ-სამართლებრივი აქტით ხდება ფუნქციების განაწილება გადამხდელთა მომსახურების სამმართველოს მუშაკებზე. 6. საგადასახადო ინსპექციის უფროსი პასუხისმგებელია საგადასახადო შემოსავლების აღრიცხვის მდგომარეობასა და ამ მხრივ მუშაობის სწორად წარმართვაზე. 7. კომპიუტერიზებულ საგადასახადო ორგანოებში ყოველი წლის 1 იანვრის მდგომარეობით ხდება მთელი საინფორმაციო ბაზის დაარქივება მაგნიტურ მატარებელზე. დგება აქტი `მიმდინარე წლის 1 იანვრისათვის მონაცემთა ბაზის დაარქივების შესახებ”, რომელსაც ხელს აწერენ ინსპექციის ხელმძღვანელი და გადამხდელთა მომსახურების სამმართველოს უფროსი. დაარქივებული მონაცემები ინახება 6 წლის განმავლობაში. ასევე, მიმდინარე წლის განმავლობაში ყოველი თვის პირველ რიცხვში ხდება მთელი საინფორმაციო ბაზის დაარქივება და შენახვა. დაარქივებული ბაზა მაგნიტურ მატარებელზე ინახება როგორც საგადასახადო დეპარტამენტის, ისე კომპიუტერიზებული საგადასახადო ინსპექციების მიერ ბანკის სეიფში. 8. გპაბ-ის კომპიუტერიზებული დამუშავების დროს პროგრამულად უზრუნველყოფილია მონაცემთა ბაზასთან დაშვების უფლების მქონე მომხმარებელთა განსაზღვრა, მათი შემოწმება და იდენტიფიცირება სისტემაში ყოველი შესვლის დროს, პაროლების განსაზღვრა და მათი ცვლილება. გასული თარიღით მონაცემთა ბაზაში ყოველგვარი ცვლილებისა და ჩანაწერის გაკეთება დაუშვებელია. 9. გპაბ შეიცავს გადასახადის გადამხდელთა შესახებ საიდუმლო მონაცემებს. საგადასახადო ორგანოები და მათი ყველა მუშაკი ვალდებული არიან დაიცვან სამსახურებრივი მოვალეობის შესრულების დროს მიღებული ინფორმაციის საიდუმლოება და იმოქმედონ კანონით განსაზღვრული წესით. 10. კანონით დადგენილი წესის შესაბამისად, გპაბ-ის ამონაბეჭდები მოსამართლის ბრძანების საფუძველზე შეიძლება მიწოდებულ იქნეს სამართალდამცავი ორგანოებისათვის იმ პირთა შესახებ, რომლებიც კანონით იდევნებიან საგადასახადო სამართალდარღვევათა ჩადენისათვის. აგრეთვე სასამართლოებისათვის – გადასახადის გადამხდელის საგადასახადო ვალდებულებების ან პასუხისმგებლობის განსაზღვრის მიზნით სასამართლოს წარმოებაში არსებულ საქმესთან დაკავშირებით. გპაბ-ის ამონაბეჭდების მიწოდება ნებადართულია ზემდგომი საგადასახადო ორგანოების თანამშრომლებზე, საგადასახადო ინსპექციის საქმიანობის შემოწმების პერიოდში, ასევე იმ საგადასახადო ინსპექტორებზე, რომლებიც ახორციელებენ გასვლით საგადასახადო შემოწმებებს. ამონაბეჭდი ხელმოწერილ უნდა იქნეს გადამხდელთა მომსახურების სამმართველოს უფროსისა და ამ საქმით დაკავებული ინსპექტორის მიერ. 11. საგადასახადო ორგანოები ვალდებული არიან აწარმოონ შემოსავლების, ზედმეტად ან შეცდომით ჩარიცხული თანხების, გადასახადის ერთი სახიდან მეორეში გადატანისა და დაბრუნების რეესტრები, დამხმარე წიგნები და ჟურნალები, რომლებშიც ხდება საგადასახადო ორგანოებში წარდგენილი დოკუმენტების სრული აღწერა და დასტურდება გპაბ-ის წარმოების წესის უტყუარობა. 12. მკაცრი აღრიცხვის დოკუმენტების აღრიცხვის წიგნები უნდა იყოს დანომრილი, ზონარგაყრილი, ხელმოწერილი საგადასახადო ორგანოს ხელმძღვანელი პირის მიერ და დამოწმებული ბეჭდით.     მუხლი 2🔗. გადამხდელთა პირადი ანგარიშის ბარათების გახსნის წესი 1. გპაბ (დანართი 1) არის საგადასახადო ინსპექციების პირველადი აღრიცხვის საბუთი. 2. ახლადშექმნილ, რეორგანიზებულ საწარმოს შემადგენლობიდან ერთი ან რამდენიმე საწარმოს გამოყოფის დროს, ახლადრეგისტრირებულ გადამხდელთათვის გპაბ-ების გახსნა ხორციელდება მხოლოდ საგადასახადო ინსპექციაში მათი აღრიცხვაზე აყვანისა და მათთვის საიდენტიფიკაციო ნომრის მინიჭების შემდეგ. 3. გპაბ იხსნება გადასახადის გადამხდელ ყველა პირისათვის მათი აღრიცხვაზე აყვანისთანავე. გპაბ ასევე იხსნება რეზიდენტ და არარეზიდენტ პირებზე, რომლებიც საგადასახადო კოდექსის მიხედვით ითვლებიან გადასახადის გადამხდელებად. 4. იმ შემთხვევაში, თუ გადამხდელს ქვეყნის სხვადასხვა ადგილზე გააჩნია წარმონაქმნები საქართველოს საგადასახადო კოდექსის შესაბამისად, მაშინ საგადასახადო ინსპექციებმა მათი ადგილმდებარეობის მიხედვით თითოეულს უნდა გაუხსნან ქვებარათები გადასახადის სახეების მიხედვით. 5. მოქმედ გადამხდელთათვის გპაბ იხსნება ყოველი წლის დასაწყისში. 6. გპაბ-ზე თანხები ჩაიწერება ლარებში და თეთრებში.   7. აქციზური მარკების შესაძენად გადახდილი თანხები აისახება „აქციზური მარკების” ბარათზე, ხოლო მიწოდებულ საქონელზე ყოველთვიური დეკლარაციით გაცხადებული გადასახადის (თამბაქოს ნაწარმზე – ფიქსირებული გადასახადი) აღრიცხვისათვის „აქციზი”-ს ბარათზე.     მუხლი 3🔗. წესი და დოკუმენტები, რომელთა საფუძველზე ხორციელდება გადამხდელთა პირად ანგარიშის ბარათებში ჩანაწერების შეტანა 1. გპაბ-ში ჩანაწერები ხორციელდება საგადასახადო ინსპექციის გადამხდელთა მომსახურების სამმართველოს მუშაკის მიერ, გადამხდელის მიერ წარმოდგენილი საგადასახადო დეკლარაციების (გაანგარიშებების), დაზუსტებული დეკლარაციების, საგადასახადო ინსპექციის მუშაკის კამერალური შემოწმების მასალების, საგადასახადო ინსპექციისა და სხვა უფლებამოსილი მაკონტროლებელი ორგანოების შემოწმების მასალების, სათანადო წესით გაფორმებული დასკვნების, კანონიერ ძალაში შესული სასამართლოს გადაწყვეტილებების, გადასახადის გადახდის ვადების გაგრძელების შესახებ დასკვნების, სახელმწიფო ხაზინიდან და საბანკო დაწესებულებებიდან მიღებული ამონაწერებისა და სხვა დოკუმენტების საფუძველზე. 2. სახელმწიფო ხაზინიდან საგადასახადო ინსპექციაში მიღებული ყოველდღიური ამონაწერები საგადასახადო შემოსავლების შესახებ (მათ შორის გადამხდელთა საგადახდო დავალებები) შეიძლება წარმოდგენილ იქნეს დამოწმებული ფორმით როგორც ქაღალდზე, ისე ელექტრონული ფორმით. 3. საგადასახადო შემოსავლების ამონაწერების ელექტრონული ფორმით მიღების შემთხვევაში, გადამხდელთა მომსახურების სამმართველოს პასუხისმგებელი მუშაკის მიერ მოწმდება გადამხდელის რეკვიზიტები და სახაზინო კოდთან საგადახდო დავალების ველის – „გადახდის დანიშნულების” შესაბამისობა. 4. დადგენილ ვადამდე წარმოდგენილი საგადასახადო დეკლარაციები შეიტანება გპაბ-ზე კანონით განსაზღვრულ ვადებში. დადგენილი ვადის გასვლის შემდეგ წარმოდგენილი დეკლარაციები, ასევე დაზუსტებული დეკლარაციების მონაცემები, აისახება გპაბ-ზე, საგადასახადო ინსპექციაში მათი წარმოდგენიდან არა უგვიანეს მეორე სამუშაო დღისა. 5. საგადასახადო ინსპექციაში გადამხდელების მიერ წარდგენილი საგადასახადო დეკლარაციები რეგისტრირდება გადამხდელთა საგადასახადო დეკლარაციების (გაანგარიშებების) რეგისტრაციის ჟურნალში (დანართი 2) საგადასახადო ინსპექციის გადამხდელთა მომსახურების სამმართველოს მუშაკის მიერ. 6. საგადასახადო შემოწმებებითა და სასამართლოს გადაწყვეტილებებით დარიცხული თანხების შესახებ ინფორმაციის რეგისტრაცია ხორციელდება შესაბამის ჟურნალში (დანართი 3). 7. გასვლითი საგადასახადო შემოწმებებით დამატებით დარიცხული თანხები შეიტანება გპაბ-ზე, შემოწმების მასალებზე საგადასახადო ორგანოს ხელმძღვანელის (უფლებამოსილი პირის) გადაწყვეტილების მიღების შემდეგ. 8. გადასახადის გადამხდელს საურავი ერიცხება თითოეულ ვადაგადაცილებულ გადასახადის თანხაზე, კანონმდებლობით დადგენილი წესით. ამასთან, ერთ რომელიმე გადასახადის თანხაზე საურავის დარიცხვის დროს გაითვალისწინება გადამხდელის სხვა გადასახადებში ზედმეტად გადახდილი თანხები. იმ შემთხვევაში, თუ ზედმეტად გადახდილი თანხა აღემატება ვადაგადაცილებულ დავალიანებებს, ავტომატურად (პროგრამულად) შეწყდება საურავების დარიცხვა იმ გადასახადების მიხედვით, რომლებზედაც ირიცხება ვადაგადაცილებული დავალიანებები. თუ ვადაგადაცილებული დავალიანების საერთო თანხა აღემატება ზედმეტად გადახდილ საერთო თანხას, მაშინ საურავის ცალკეულ გადასახადში დარიცხვა შეწყდება ზედმეტად გადახდილი თანხის ფარგლებში (საშემოსავლო, სოციალური დაზღვევის გადასახადების და `აქციზური მარკები”-ს ბარათებზე რიცხული ზედმეტობების გარდა), სხვა გადასახადებში არსებული ნარჩენების პროპორციულად. 9. აკრძალულია გპაბ-ზე იმ თანხების ასახვა, რომლებიც გადახდილია სხვა გადამხდელის მიერ, გარდა კანონმდებლობით გათვალისწინებული შემთხვევებისა.     მუხლი 4🔗. გადამხდელთა პირადი ანგარიშის ბარათზე ნარჩენებისა და საურავების ასახვის წესები 1. ნარჩენ დავალიანებად ითვლება ნებისმიერი გადასახადის თანხა, რომელიც დარჩა გადაუხდელი გადამხდელის მიერ კანონმდებლობით გათვალისწინებული ვადის გასვლის შემდეგ და განისაზღვრება როგორც სხვაობა გადასახდელად დარიცხულ გადასახადის თანხასა და ბიუჯეტსა და სახელმწიფო სპეციალურ ფონდებში ჩარიცხულ თანხას შორის. 2. ამ ინსტრუქციის მე-3 მუხლის მე-8 პუნქტის მოთხოვნების შეუსრულებლობის შემთხვევაში დავალიანების ძირითად თანხას ყოველ ვადაგადაცილებულ დღეზე ერიცხება კანონმდებლობით დადგენილი ოდენობის საურავი, დაწყებული გადახდის ვადის დადგენილი თარიღიდან გადასახადის გადახდის თარიღამდე. 3. საურავზე საურავი არ ერიცხება. 4. გადახდის დღედ ითვლება დავალიანების დასაფარავად, საქართველოს ეროვნულ ბანკში გახსნილ ბიუჯეტის შემოსულობების სატრანზიტო ანგარიშებზე, გადამხდელის (დებიტორი ორგანიზაციის) ანგარიშიდან მომსახურე ბანკის მიერ თანხის განთავსების დღე. 5. თუ ბანკმა ან სხვა საკრედიტო დაწესებულებამ გადასახადის გადამხდელის დავალება გადასახადის ბიუჯეტში გადარიცხვის შესახებ შეასრულა დაგვიანებით ან შეცდომით, მაშინ ამ დაწესებულებას დაერიცხება საურავი ყოველ ვადაგადაცილებულ დღეზე კანონმდებლობით დადგენილი ოდენობით. ასეთ შემთხვევაში გადამხდელს საურავი არ ერიცხება. 6. ანალოგიური წესით დაერიცხება საურავი საბანკო და სხვა საკრედიტო დაწესებულებებს გადამხდელის ანგარიშიდან გადასახადის ამოღებისათვის საგადასახადო ინსპექციის მიერ წარდგენილი საინკასო დავალების შეუსრულებლობის ან დაგვიანებით შესრულებისათვის. 7. იმ შემთხვევაში, როცა გადასახადის გადახდის ვადა ემთხვევა დასვენების დღეს, საურავის დარიცხვა იწყება დასვენების დღის შემდეგ პირველი სამუშაო დღიდან.     მუხლი 5🔗. გადამხდელთა პირადი ანგარიშის ბარათებზე ოპერაციების ჩაწერის წესები 1. გპაბ (დანართი 1) შედგება 27 სვეტისაგან. 2. პირველ სვეტში აღინიშნება ოპერაციის ჩაწერის თარიღი –  დღე, თვე, წელი. ჩანაწერები ამ სვეტში კეთდება ქრონოლოგიურად. 3. მე-2 სვეტში იწერება ოპერაციის შინაარსი, ინფორმაცია გადასახადის დარიცხვის, გადახდის, შემცირების, დაბრუნების, სხვა გადასახადებში გადატანის, გადასახადის გადახდის ვადის გაგრძელების, უიმედო ვალების ჩამოწერის და სხვათა შესახებ, შესაბამისი პერიოდის მითითებით. ამავე სვეტში მიეთითება დოკუმენტები, რომელთა საფუძველზეც განხორციელდა ეს ოპერაციები: საგადახდო დავალება, საგადასახადო დეკლარაცია, დაზუსტებული (დამატებითი) საგადასახადო დეკლარაცია, დასკვნა ზედმეტად გადახდილი თანხის დაბრუნების ან გადატანის თაობაზე, გადაწყვეტილებები სავარაუდო დარიცხვის, საგადასახადო შემოწმების აქტით დარიცხული ან შემცირებული თანხების, დავალიანების გადახდის ვადის გაგრძელების შესახებ, კანონიერ ძალაში შესული სასამართლოს დადგენილება ან განჩინება. ამ სვეტში შესატანი ჩანაწერების ტიპური ჩამონათვალი მოცემულია ამ ინსტრუქციის მე-4 დანართში. 4. მე-3 სვეტში „გადახდის ვადა და ჩარიცხვის თარიღი” იწერება დარიცხული გადასახადის გადახდის ვადა, ხოლო ბიუჯეტის ანგარიშზე გადასახადის გადარიცხვის შემთხვევაში – ფაქტიურად გადახდის თარიღი. 5. მე-4 სვეტში იწერება როგორც მიმდინარე თვეში გადასახდელად გამოანგარიშებული, ისე გასული პერიოდის მიხედვით დამატებით დარიცხული თანხები. 6. მე-5 სვეტი განკუთვნილია როგორც მიმდინარე თვის, ისე გასულ პერიოდზე ადრე დარიცხული თანხების შემცირებისათვის. 7. მე-6 სვეტში იწერება საბანკო დაწესებულების მიერ ბიუჯეტში ჩარიცხული გადასახადის თანხები. ჩანაწერები ამ სვეტში წარმოებს მხოლოდ სახელმწიფო ხაზინიდან მიღებული დოკუმენტების საფუძველზე. 8. მე-7 სვეტში – „ბიუჯეტიდან უკან დაბრუნებულია ან გადატანილია” ­ იწერება ამ გადამხდელის მიერ ბიუჯეტის შემოსულობების ერთიანი ანგარიშის საგადასახადო შემოსავლის ზედმეტად გადახდილი თანხის დაბრუნების ქვეანგარიშიდან უკან დაბრუნებული ან ბიუჯეტის მიმდინარე შემოსავლებიდან გადატანილი თანხის ოდენობა. 9. მე-8 სვეტში იწერება გადასახადის ნარჩენი დავალიანების თანხა, რომელიც დარჩა გადაუხდელი კანონმდებლობით გათვალისწინებული გადახდის ვადის გასვლის შემდეგ. 10. მე-9 სვეტში გამოიყოფა დავალიანების თანხა, რომელზედაც საურავების დარიცხვა არ ხდება სხვა გადასახად(ებ)ში არსებული სალდირებული ზედმეტად რიცხული თანხის ფარგლებში, აგრეთვე გაკოტრების ან რეაბილიტაციის რეჟიმში მყოფ გადამხდელთა ვადაგადაცილებული საგადასახადო დავალიანებების თანხა, რომლებსაც საგადასახადო კანონმდებლობის შესაბამისად საურავი არ ერიცხება. 11. მე-10 სვეტი გამოყოფილია გადამხდელის მიერ ამ გადასახადზე ზედმეტად გადახდილი, ან წარმოქმნილი ზედმეტობის თანხის ოდენობის აღსარიცხავად. 12. სვეტები 11­17 განკუთვნილია ფინანსური სანქციებით დარიცხული ჯარიმების აღრიცხვისათვის: მე-11 „დარიცხულია”, მე-12 ­ „შემცირებულია”, მე-13 ­ „გადახდილია ბიუჯეტში”, მე-14 ­ „უკან დაბრუნებულია”, მე-15 ­ „ნარჩენი”, მე-16 ­ ჯარიმის დავალიანების თანხა, რომელზედაც საურავების დარიცხვა არ ხდება სხვა გადასახად(ებ)ში არსებული სალდირებული ზედმეტობ(ებ)ის ფარგლებში, მე-17 ­ `ზედმეტად გადახდილი”. 13. მე-18 ­ 21-ე სვეტები განკუთვნილია ვადაგადაცილებული დავალიანების გამო წარმოშობილი საურავების აღრიცხვისათვის. 14. მე-18 სვეტში მიეთითება დროის პერიოდი, რომლის განმავლობაშიც ხდება საურავების დარიცხვა. მე-19-ე სვეტში ჩაიწერება დარიცხული საურავის თანხის ოდენობა, მე-20 სვეტში იწერება გადახდილი ან დაბრუნებული (ნიშნით „-”) საურავი, 21-ში აღირიცხება გადაუხდელი საურავის ნაშთი. 15. ადრე დარიცხული საურავის შემცირების თანხები (სვეტი 19) ან შემოსული (ჩარიცხული) საურავები (სვეტი 20) ძირითადი გადასახდელების დასაფარავად ჩაიწერება შესაბამისად ამავე სვეტებში (მე-20 სვეტში ნიშნით „-”). ამავდროულად მე-20 სვეტში „-” ნიშნით ჩაწერილი თანხა იწერება მე-6 სვეტში, როგორც ძირითადი გადასახდელების შემოსავლები და მე-2 სვეტში აღინიშნება ასე: „გადატანილია ძირითადი გადასახდელი თანხის დაფარვის ანგარიშზე საურავის ანგარიშიდან”. 16. 22 ­ 25-ე სვეტები განკუთვნილია გადამხდელის ჯამური ანგარიშსწორების სალდოსათვის ძირითადი გადასახადის, ფინანსური სანქციის სახით ჯარიმისა და საურავების ჩათვლით. 17. საურავის დარიცხვა საგადასახადო ინსპექციებში წარმოებს ყოველი ოპერაციის დროს, როცა იცვლება ნარჩენის ოდენობა, აგრეთვე ყოველი თვის ბოლოს გადასახადის გადახდის ვადის დადგენილი თარიღიდან, ან საურავის უკანასკნელი დარიცხვის დღიდან თვის ბოლო რიცხვების ჩათვლით. 18. 26-ე სვეტში აისახება გადახდილი თანხები ნაზარდი ჯამით წლის დასაწყისიდან. 19. 27-ე სვეტში – „სატრანზიტო თანხა” იწერება ზედმეტად გადახდილი გადასახადის თანხების დაბრუნების მიზნით, საგადასახადო ინსპექციის მიერ მომზადებული და საგადასახადო დეპარტამენტში წარდგენილი დოკუმენტების, დასკვნებისა და საგადახდო დავალებების საფუძველზე განსაზღვრული დასაბრუნებელი თანხების ოდენობა. გადამხდელებზე უკან დასაბრუნებელი თანხების გადამხდელთა მომავალი პერიოდების (მიმდინარე) გადასახადების ანგარიშში ჩათვლას (გადატანას) საგადასახადო ინსპექციები განახორციელებენ მხოლოდ შესაბამის „სატრანზიტო თანხაზე” განაცხადის უკან გამოთხოვის (დაბრუნების), ან საგადასახადო დეპარტამენტიდან სათანადო წერილობითი დასტურის მიღების შემდგომ. ამ პირობებში 27-ე სვეტში ასახული „სატრანზიტო თანხის” ოდენობის შესახებ ჩანაწერი ამოიღება.     მუხლი 6🔗. გადამხდელის პირადი ანგარიშის ბარათზე შედეგების გამოყვანის წესები 1. გპაბ-ზე შედეგების გამოყვანა ხდება ყოველი სვეტის მიხედვით, გარდა იმ სვეტებისა, რომლებშიც ასახულია ნაშთები. 2. ნაშთების გამოყვანა ხდება ყოველთვიურად და ნაზარდი ჯამით წლის დასაწყისიდან. 3. მიღებული შედეგები ჩაიწერება თვის ბოლო ჩანაწერის შემდეგ გავლებული ხაზის ქვეშ. 4. შედეგების შეჯამების დროს ცალკეულ სვეტებში „-” ნიშნით ჩაწერილი თანხები ჯამს გამოაკლდება. 5. საშედეგო სტრიქონის იმ სვეტებში, რომლებშიც ასახულია ნაშთები, განმეორდება იგივე თანხები, რომლებიც გამოყვანილი იყო უკანასკნელი ოპერაციის ჩაწერის დროს. 6. გპაბ-ში შედეგების გამოყვანის შემდეგ ხდება მისი სისწორის შემოწმება. 7. განაყოფში – „ანგარიშსწორება ძირითადი გადასახადის მიხედვით” საშედეგო თანხებს მე-4 სვეტში, გამოკლებული მე-5 ­ 7 სვეტების ჯამი, დამატებული ანგარიშსწორების სალდო საანგარიშო პერიოდის დასაწყისისათვის (უარყოფითი სალდოს შემთხვევაში ­ სვეტი 8, ხოლო დადებითი სალდოს შემთხვევაში ­ სვეტი 10), უნდა უდრიდეს შესაბამისად მე-8 ან მე-10 სვეტების საშედეგო თანხას საანგარიშო პერიოდის დასასრულისათვის. 8. გპაბ-ზე მიმდინარე გადასახადის დარიცხვისა და გადახდის შესახებ ჩანაწერების ერთი და იმავე თარიღით გატარების, ან წინსწრებით გადახდის დროს, უპირატესობა მიენიჭება დარიცხვის ჩანაწერს. 9. განაყოფში ­ „ანგარიშსწორება ფინანსური სანქციის სახით ჯარიმის თანხაზე”, საშედეგო თანხის მე-11 სვეტს გამოკლებული მე-12 ­ 14 სვეტების ჯამი, დამატებული ანგარიშსწორების სალდო საანგარიშო პერიოდის დასაწყისისათვის, სვეტი 15 (ნარჩენი სალდოს შემთხვევაში), ან სვეტი 17 (დადებითი სალდოს შემთხვევაში), უნდა უდრიდეს შესაბამისად მე-15 სვეტის ან მე-17 სვეტის საშედეგო თანხას. 10. განაყოფში ­ „ანგარიშსწორება საურავის დარიცხვაზე და გადახდაზე”, გადაუხდელი საურავის სალდო საანგარიშო პერიოდის დასაწყისისათვის, დამატებული მე-19 სვეტის საშედეგო თანხა, უნდა უდრიდეს მე-20 და 21-ე სვეტების ჯამს.     მუხლი 7🔗. გადამხდელის პირადი ანგარიშის ბარათის შემოწმების წესი 1. საგადასახადო ინსპექციაში გადამხდელთა მომსახურების სამმართველოს მიერ კვარტალში ერთხელ მაინც ხდება გპაბ-ზე წარმოებული ჩანაწერების სისწორის შემოწმება. 2. შემოწმებას ექვემდებარება ყველა გპაბ. 3. გპაბ-ის შემოწმების დროს უნდა დადგინდეს: გადასახადის გადახდის ყველა ვადის მიხედვით განხორციელებული დარიცხვის ოპერაციები; გაანგარიშებისა და სათანადო ორგანოების მიერ ჩატარებული შემოწმებების შედეგად დამატებით დარიცხული (შემცირებული) გადასახადების ჩანაწერების სიზუსტე; ხაზინიდან შემოსული გადასახადების გადახდის ამსახველი დოკუმენტების სისრულე და თავისდროულობა, ბიუჯეტთან ანგარიშსწორების ნაშთების სიზუსტე და სხვა. 4. წლის დამთავრების შემდეგ შედეგების გამოყვანისა და გპაბ-ების შემოწმებისთანავე, მომდევნო თავისუფალ სტრიქონზე კეთდება ჩანაწერი „შემოწმებულია”, თარიღი, ხელმოწერა. 5. მონაცემთა დამუშავების განყოფილების უფროსის მიერ ყოველკვარტალურად ხდება აღრიცხვაზე მყოფი, მოცემული საგადასახადო ინსპექციის მასშტაბებით, არანაკლებ 20 მსხვილი გადამხდელის პირველადი საბუთებისა და გპაბ-ში ჩანაწერების თავისდროულობის და უტყუარობის შემოწმება. დანარჩენი გადამხდელებისათვის შემოწმება უნდა განხორციელდეს წელიწადში ერთხელ მაინც. 6. შემოწმების შედეგად პირველადი საბუთების მონაცემების შეჯამებით მიღებული თანხები თუკი არ შეედრება გპაბ-ის მონაცემებს, საგადასახადო ინსპექციის აღრიცხვის დარგის მუშაკი ვალდებულია დოკუმენტურად შეამოწმოს ყველა ჩანაწერი და დაადგინოს განსხვავების მიზეზები. 7. იმ შემთხვევაში, როდესაც გადასახადის გადამხდელის მიერ წარმოდგენილი ანგარიშებისა და პირადი ბარათების ნაშთები შესაბამისობაშია, ანგარიშები ითვლება შედარებულად, გადამხდელის გამოძახებისა და შედარების აქტების გაფორმების გარეშე. 8. თუ გადასახადის გადამხდელის მიერ წარმოდგენილი ანგარიშების ნაშთები არ ედრება გპაბ-ის ნაშთებს, მხოლოდ დარიცხული საურავების ან ანგარიშების შედარების დროს დამატებით დარიცხული გადასახადის თანხით, მაშინ ამ განსხვავების შესახებ უნდა ეცნობოს გადასახადის გადამხდელს. ამ შემთხვევაში გადასახადის გადამხდელის, ან მისი წარმომადგენლის გამოძახება საგადასახადო ინსპექციაში აუცილებელი არ არის; 9. თუ გადამხდელის მიერ წარმოდგენილი ანგარიშების ნაშთები საანგარიშო პერიოდის ბოლოსათვის არ ედრება საგადასახადო ინსპექციის მონაცემებს, ამ შემთხვევაში საგადასახადო ინსპექციის მიერ უნდა მოხდეს ანგარიშების შემოწმება გადამხდელის, ან მისი წარმომადგენლის გამოძახებით და შედარების აქტის გაფორმებით; 10. ყოველი წლის პირველი იანვრის მდგომარეობით, საგადასახადო ინსპექციები ატარებენ ყველა გადამხდელის ბიუჯეტთან ანგარიშსწორების მდგომარეობის შემოწმებას. თუ ბიუჯეტთან ანგარიშსწორების სალდო პირველი იანვრისათვის არ ედრება საგადასახადო ინსპექციის მონაცემებს, ანგარიშების შემოწმება უნდა მოხდეს გადასახადის გადამხდელის, ან მისი წარმომადგენლის თანდასწრებით და გაფორმდეს შედარების აქტი; 11. გადასახადის გადამხდელის მოთხოვნით, საგადასახადო ინსპექციები ახდენენ ბიუჯეტთან ანგარიშგების მდგომარეობის შედარებას ნებისმიერი საანგარიშო პერიოდისათვის, შედარების აქტის გაფორმებით.     მუხლი 8🔗. გადამხდელის პირადი ანგარიშის ბარათის დახურვის წესი 1. საანგარიშო წლის ბოლოს დაიხურება ყველა გპაბ, გამოიყვანება წლის შედეგები როგორც ძირითადი გადასახადების, ისე ჯარიმებისა და საურავების მიხედვით. 2. პირადი ანგარიშის ბარათების დახურვა გადამხდელების მიხედვით ხდება შემდეგი წესით: ა. წლიური შედეგების გამოყვანის დროს გადამხდელის პირადი ანგარიშის ბარათებში `ანგარიშსწორების სალდო” (სვეტები 8 ­ 10, 15 ­ 17 და 22 ­ 25) არ ჯამდება. მხოლოდ საშედეგო სტრიქონებზე იწერება უკანასკნელი ოპერაციის მონაცემები – ნარჩენი დავალიანების ან ზედმეტად გადახდილი თანხის ოდენობა; ბ. ნარჩენი ან ზედმეტად გადახდილი თანხების ნაშთები – ძირითადი გადასახადების, ასევე ჯარიმებისა და საურავების მიხედვით გადაიტანება მომავალი წლისათვის გახსნილ გადამხდელთა პირადი ანგარიშის ახალ ბარათებში. მიმდინარე წლისათვის ახალი გპაბ-ის გახსნის შემდეგ, გასული წლის გპაბ-ში კეთდება ჩანაწერი: „ბარათი დახურულია, ანგარიშსწორების სალდო გადატანილია 200— წლის № გადამხდელის პირადი ანგარიშის ბარათში, ხელმოწერა”; 3. გადასახადის გადამხდელის ერთ საგადასახადო ინსპექციაში აღრიცხვიდან მოხსნისა და მეორე საგადასახადო ინსპექციაში აღრიცხვაზე დადგომის შემთხვევაში, უნდა გატარდეს შემდეგი პროცედურები: ა. წინასწარ, აუცილებელი წესით ხდება გადამხდელის ბიუჯეტთან ანგარიშსწორების შედარება და დგება შედარების აქტი; ბ. შედარების აქტი იწერება სამ ეგზემპლარად: ერთი ეგზემპლარი ინახება გადამხდელთან, მეორე – საგადასახადო ინსპექციაში, სადაც მოხდა ბიუჯეტთან ანგარიშსწორების შედარება, ხოლო მესამე ეგზემპლარი ეგზავნება ახალ, საგადასახადო აღრიცხვის ადგილმდებარეობის მიხედვით საგადასახადო ინსპექციას; გ. შედარების აქტს ხელს აწერს გადამხდელი და შედარების აქტის შემდგენი საგადასახადო ინსპექციის წარმომადგენელი; დ. საგადასახადო ინსპექცია, საიდანაც გადადის გადამხდელი, მისი ახალი ადგილმდებარეობის მიხედვით საგადასახადო ინსპექციას უგზავნის წერილს გპაბ-ის ასლთან და შედარების აქტთან ერთად. წერილს ხელს აწერს საგადასახადო ინსპექციის უფროსი, ხოლო გპაბ-ის ასლებს – გადამხდელთა მომსახურების სამმართველოს უფროსი. ხელმოწერები უნდა დამოწმდეს საგადასახადო ინსპექციის ბეჭდით; ე. გადამხდელის ახალი ადგილმდებარეობის მიხედვით საგადასახადო ინსპექცია მიღებულ გპაბ-ების ასლებში აგრძელებს ჩანაწერებს, უზრუნველყოფს არსებული დავალიანებების ბიუჯეტში ამოღებას და სხვა მიმდინარე ოპერაციებს დადგენილი წესების შესაბამისად; ვ. საგადასახადო წლის დამთავრების შემდეგ, გპაბ გამგზავნი საგადასახადო ინსპექციის მიერ შესანახად გადაეცემა არქივს; ზ. გადამხდელის ერთი საგადასახადო ინსპექციიდან მეორეში გადასვლის შემდეგ, ამ გადამხდელის მიერ წინა საგადასახადო აღრიცხვაზე მყოფი საგადასახადო ინსპექციის ანგარიშზე გადასახადების ჩარიცხვის შემთხვევაში, აღნიშნული თანხები გადაიტანება სახელმწიფო ხაზინის მეშვეობით, ახალი საგადასახადო აღრიცხვის მიხედვით საგადასახადო ინსპექციაში; 4. საწარმოს (ორგანიზაციის) რეორგანიზაციის შემთხვევაში, რეორგანიზებული გადამხდელის ბიუჯეტსა და სპეციალურ სახელმწიფო ფონდებში გადასახდელების ანგარიშგების სალდო გადაიტანება ახლადშექმნილი უფლებამოსილი (მემკვიდრე) ორგანიზაციის პირადი აღრიცხვის ბარათზე. ამასთან, უფლებამოსილი (მემკვიდრე) ორგანიზაცია ვალდებულია შეასრულოს რეორგანიზებული გადამხდელის საგადასახადო ვალდებულებები და გადაიხადოს ყველა გადასახადი და სანქცია-საურავი, რომლებიც წარმოშობილი იყო რეორგანიზაციამდე; 5. რეორგანიზაციის დამთავრების შემდეგ გამოიყვანება ბიუჯეტთან ანგარიშსწორების სალდო, დაიხურება გპაბ და მასზე გაკეთდება ჩანაწერი: „ბარათი დახურულია რეორგანიზაციასთან დაკავშირებით. სალდო, ნარჩენი (ზედმეტობა) გადატანილია უფლებამოსილ (მემკვიდრე) ორგანიზაციის პირადი ანგარიშის ბარათზე”, მიეთითება მისი საიდენტიფიკაციო ნომერი, ბოლოს კეთდება ხელმოწერა; 6. უფლებამოსილი (მემკვიდრე) გადამხდელის გპაბ-ზე გადაიტანება რეორგანიზებული ორგანიზაციის სალდო, ნარჩენი (ზედმეტობა) და კეთდება ჩანაწერი: „გადმოტანილია რეორგანიზებული ორგანიზაციის გპაბ-დან” და მიეთითება რეორგანიზებული ორგანიზაციის საიდენტიფიკაციო ნომერი, კეთდება ხელმოწერა; 7. იმ შემთხვევაში, როდესაც უფლებამოსილი ორგანიზაცია საგადასახადო აღრიცხვაზე იმყოფება სხვა რაიონის (ქალაქის) საგადასახადო ინსპექციაში, ამ შემთხვევაში რეორგანიზებული გადამხდელის გპაბ-ის დახურვა, ანგარიშგების სალდოს, ნარჩენის (ზედმეტობის) გამოყვანა და მისი გაგზავნა წარმოებს გადამხდელის ერთი საგადასახადო ინსპექციიდან მოხსნისა და მეორე საგადასახადო ინსპექციაში აღრიცხვაზე გადასვლის წესის შესაბამისად;     8. ანალოგიური წესით ხდება გადასახადის გადამხდელი ფიზიკური პირის საცხოვრებელი ადგილის შეცვლის დროს შეტყობინებების და პირადი ბარათების გაგზავნა ერთი საგადასახადო ინსპექციიდან მეორეში;          9. შეტყობინებაში მიეთითება სახელი, გვარი, დაბადების წელი, საქმიანობის სახე, ახალი საცხოვრებელი ადგილის მისამართი, პირადი ანგარიშის ბარათის №, გადასახდელი თანხის ოდენობა; 10. საგადასახადო ინსპექცია, რომელმაც მიიღო შეტყობინება, ადგენს გადამხდელის ზუსტ მისამართს და ატყობინებს შესაბამის საგადასახადო ინსპექციას, რომ მის მიერ გაგზავნილი შეტყობინება გადასახადის ამოღების შესახებ მიღებულია შესასრულებლად და უთითებს გადამხდელის ზუსტ მისამართს. გადაცემული გადამხდელის პირადი ანგარიშის ბარათების საფუძველზე იხსნება ახალი გპაბ, სადაც იწერება დარიცხული და შემოსული გადასახადების მოძრაობა და კეთდება აღნიშვნა: „მიღებულია ამოსაღებად – რაიონის (ქალაქის) საგადასახადო ინსპექციიდან”; 11. საგადასახადო ინსპექცია გადამხდელის ძველი ადგილმდებარეობის მიხედვით, მეორე საგადასახადო ინსპექციის მიერ გადასახადის ამოსაღებად შეტყობინების მიღების შესახებ ინფორმაციის საფუძველზე, ახდენს გპაბ-ის დახურვას. ასეთ შემთხვევაში პირად ბარათზე აკეთებს ჩანაწერს: „200 –– წლის –––– ––––––––” მიღებული ინფორმაციის საფუძველზე გადასახადის ამოღება გადაეცა -------------------- რაიონის (ქალაქის) საგადასახადო ინსპექციას”; 12. იმ შემთხვევაში, თუ გადამხდელთა მომსახურების სამმართველოს მუშაკი წყვეტს თავისი მოვალეობის შესრულებას (გათავისუფლება, სხვა სამუშაოზე გადასვლა და სხვა), ის ვალდებულია მოახდინოს ნაშთების დაზუსტება ყველა სახის გადასახადის მიხედვით და ნაშთების მიღება-ჩაბარების აქტის საფუძველზე გადასცეს იმ მუშაკს, რომელსაც დაევალა ამ ფუნქციების შესრულება.     მუხლი 9🔗. აქციზური მარკების ნიშანდებას დაქვემდებარებული საქონლის რეალიზაციით მიღებული აქციზის გადასახადის გადამხდელთა პირადი ანგარიშის ბარათზე ასახვის წესი 1. აქციზის იმ გადამხდელთა მიმართ, რომლებიც აწარმოებენ აქციზური მარკებით ნიშანდებას დაქვემდებარებულ საქონელს, საგადასახადო ინსპექცია გადასახადის ამ სახეში აწარმოებს გადამხდელის პირადი ანგარიშის „აქციზური მარკები”-ს და „აქციზი”-ს ბარათებს; 2. „აქციზური მარკების” ბარათი გაიხსნება აქციზური მარკების შესაძენად გადახდილი თანხების აღრიცხვისათვის, ცალკე თამბაქოს ნაწარმზე და ცალკე ალკოჰოლურ სასმელებზე, მათ შორის ლუდზე; 3. „აქციზის” ბარათი გამოიყენება მიწოდებულ საქონელზე დეკლარაციით გაცხადებული გადასახადის (თამბაქოს ნაწარმზე – ფიქსირებული გადასახადი) აღრიცხვისათვის; 4. „აქციზური მარკები”-ს ბარათზე მე-6 სვეტში (დანართი 1) „გადახდილია ბიუჯეტში” აღირიცხება აქციზური მარკების შეძენის დროს გადახდილი გადასახადის ტოლი თანხა, ხოლო მე-7 სვეტში „ბიუჯეტიდან უკან დაბრუნებულია ან გადატანილია” შეიტანება აქციზის ყოველთვიური დეკლარაციით განსაზღვრული, მარკებით ნიშანდებულ საქონელზე აქციზის (თამბაქოს ნაწარმზე – ფიქსირებული გადასახადი) თანხა, აგრეთვე აქციზური მარკების დანაკლისის შესაბამისი თანხა. ერთდროულად „აქციზური მარკები”-ს ბარათის მე-7 სვეტში აღნიშნული თანხა აისახება „აქციზი”-ს ბარათის მე-6 სვეტში – „გადახდილია ბიუჯეტში”. „აქციზური მარკები”-ს ბარათის მე-7 სვეტში აღირიცხება აგრეთვე აქციზის (ფიქსირებული გადასახადი) თანხა საგადასახადო ინსპექციაში დაბრუნებული მარკების მიხედვით. დაუშვებელია „აქციზური მარკები”-ს ბარათზე არსებული ზედმეტობის რაიმე ფორმითა და წესით შემცირება, გარდა იმ შემთხვევებისა, როცა აქციზური მარკები უბრუნდება საგადასახადო ინსპექციას; 5. „აქციზი”-ს ბარათი იწარმოება აქციზის ყოველთვიური დეკლარაციის მიხედვით. დეკლარაციაში აისახება მთლიანი აქციზი ყველა საქონელზე, როგორც მარკების გარეშე, ასევე მარკებით ნიშანდებულ საქონელზე; 6. „აქციზი”-ს ბარათზე წარმოშობილი ზედმეტობის ანგარიშში შესაძლებელია აქციზური მარკების გაცემა მხოლოდ იმ შემთხვევაში, თუ მარკების შესაბამისი გადასახადის თანხა, საგადასახადო ინსპექციის მიერ წარდგენილი დასკვნების საფუძველზე, დადგენილი წესის თანახმად გადატანილ იქნება სახაზინო სამსახურის მიერ აქციზური მარკების ანგარიშზე და აისახება „აქციზური მარკები”-ს ბარათზე.     მუხლი 10🔗. გადამხდელების მიერ ზედმეტად ან შეცდომით გადახდილი თანხების გადამხდელთა პირადი ანგარიშის ბარათებზე გადატანისა და დაბრუნების ასახვის წესი 1. ზედმეტად გადახდილად ითვლება ბიუჯეტში და სახელმწიფო სპეციალურ ფონდებში გადახდილი თანხა, რომელიც აღემატება დარიცხული თანხის ოდენობას; 2. ზედმეტობად არ ჩაითვლება: ა. მიმდინარე გადასახდელების ის თანხა, რომელთა გადახდის ვადა ჯერ არ დამდგარა; ბ. განვლილ საანგარიშო პერიოდზე საგადასახადო დეკლარაციის წარმოდგენამდე თანხის წინასწარი გადახდა; 3. ზედმეტად გადახდილი თანხის დაბრუნება, ან სხვა გადასახადის ანგარიშში გადატანა ხორციელდება „სახელმწიფო ხაზინის მიერ სახელმწიფო, აფხაზეთისა და აჭარის ავტონომიური რესპუბლიკების და საქართველოს სხვა ტერიტორიული ერთეულების ბიუჯეტების შემოსულობების აღრიცხვა-ანგარიშგებისა და ანგარიშსწორებათა განხორციელებისა და ზედმეტად ან შეცდომით გადახდილი შემოსულობის თანხის დაბრუნების, აღრიცხვისა და ანგარიშგების შესახებ” საქართველოს მთავრობის 2004 წლის 13 მარტის №3 დადგენილების შესაბამისად; 4. ზედმეტად გადახდილი თანხის დაბრუნების, ან სხვა გადასახადის ანგარიშში გადატანისთვის საგადასახადო ინსპექციის მიერ ყველა სახის გადასახადის პირადი ბარათის მიხედვით ხდება გპაბ-თან დაკავშირებული პირველადი დოკუმენტების შემოწმება, მათი მონაცემების ბარათის მონაცემებთან შედარება, შესაბამისი შედარების აქტების შედგენა და ფორმდება დასკვნა ზედმეტობის არსებობის შესახებ; 5. გპაბ-ზე ზედმეტობის არსებობისა და სხვა ბარათზე ან ბარათებზე ნარჩენის არსებობის შემთხვევაში, ჯერ ხდება თანხების გადატანა ძირითადი დავალიანების, საურავებისა და ჯარიმების დასაფარავად. მხოლოდ ამის შემდეგ არის შესაძლებელი დარჩენილი ზედმეტობის დაბრუნება გადამხდელთა ანგარიშზე; 6. ზედმეტად გადახდილი თანხების დაბრუნების დროს, ბეჭდით დამოწმებული დასკვნის პირველი ეგზემპლარი საგადახდო დავალებასთან ერთად იგზავნება საგადასახადო დეპარტამენტში. ზედმეტად გადახდილი თანხების სხვა გადასახადში გადატანის დროს, საგადასახადო დეპარტამენტში დასკვნა არ იგზავნება, მის საფუძველზე საგადასახადო ინსპექცია ამზადებს და სხვა დოკუმენტებთან ერთად სახელმწიფო ხაზინაში აგზავნის ბეჭედდასმულ წერილს თანხების გადატანის მოთხოვნით; 7. დასკვნას ხელს აწერენ საგადასახადო ინსპექციებში გადამხდელთა მომსახურების, გადამხდელთა საგადასახადო აუდიტის (შემოწმებების), გადასახადების ადმინისტრირების, იურიდიულ საკითხთა და საჩივრების განხილვის სამმართველოების უფროსები და უშუალოდ შემსრულებელი, დასკვნას ამტკიცებს საგადასახადო ინსპექციის უფროსი; 8. აღნიშნულ საკითხებზე ურთიერთობა საგადასახადო ორგანოებსა და ხაზინას შორის რეგულირდება საქართველოს მთავრობის 2004 წლის 13 მარტის №3 დადგენილებით დამტკიცებულ „სახელმწიფო ხაზინის მიერ სახელმწიფო, აფხაზეთისა და აჭარის ავტონომიური რესპუბლიკების და საქართველოს სხვა ტერიტორიული ერთეულების ბიუჯეტების შემოსულობების აღრიცხვა-ანგარიშგებისა და ანგარიშსწორებათა შესახებ და ბიუჯეტის შემოსულობის ზედმეტად ან შეცდომით გადახდილი თანხის დაბრუნების, აღრიცხვისა და ანგარიშგების შესახებ” ინსტრუქციით; 9. საგადასახადო ინსპექციების სატრანზიტო ანგარიშის არასწორი მითითების გამო შეცდომით ჩარიცხული თანხების აღსარიცხავად, საგადასახადო ინსპექციები აწარმოებენ შესაბამის რეესტრს (დანართი 7); 10. ზედმეტად გადახდილი თანხების სხვა გადასახადებზე გადატანისა და უკან დაბრუნების აღრიცხვის მიზნით, საგადასახადო ინსპექციები აწარმოებენ გადატანებისა და დაბრუნებების რეესტრებს (შესაბამისად დანართებით 8 და 9).     მუხლი 11🔗. საგადასახადო დეკლარაციებისა და კანონმდებლობით დადგენილი სხვა ანგარიშგების ფორმების პაკეტური სისტემის წარმოების წესი 1. გადამხდელების მიერ საგადასახადო ინსპექციაში წარმოდგენილი საგადასახადო დეკლარაციებისა და კანონმდებლობით დადგენილი ანგარიშგების სხვა ფორმების ორგანიზებულად აღრიცხვა და ოპერატიული დამუშავება ხორციელდება გადასახადის სახეების მიხედვით პაკეტური რეჟიმის საფუძველზე; 2. საგადასახადო ინსპექციის გადამხდელთა მომსახურების სამმართველოს თანამშრომელი, რომელსაც ევალება საგადასახადო დეკლარაციების და კანონმდებლობით დადგენილი ანგარიშგების სხვა ფორმების მიღება, ვალდებულია შეამოწმოს ისინი ვიზუალურად. მოაწეროს ხელი, დაამოწმოს ბეჭდით, დაახარისხოს დეკლარაციები გადასახადის სახეების მიხედვით, დანომროს ისინი რიგითობის შესაბამისად 1-დან 99-მდე ჩათვლით, შექმნას პაკეტის საკონტროლო ნომერი, შეავსოს პაკეტის საკონტროლო ფურცელი და გადასცეს ოპერატორს კომპიუტერში შესაყვანად; 3. მონაცემები ფორმირებულ პაკეტებზე შეიტანება შესაბამისი პაკეტების აღრიცხვის ჟურნალში (დანართი 10), რომელშიც ფიქსირდება პაკეტის საკონტროლო ნომერი, პაკეტის გახსნის, მასში მონაცემების შეტანისა და გაგზავნის თარიღები, პასუხისმგებელი პირი, პაკეტებში დოკუმენტებისა და მათში აღმოჩენილი შეცდომების რაოდენობა; 4. პაკეტში შეცდომების დაფიქსირების შემთხვევაში, დეკლარაციებსა და ანგარიშგების სხვა ფორმებში მათი გასწორების მიზნით, საგადასახადო ინსპექციის გადამხდელთა მომსახურების სამმართველოს თანამშრომელი უკავშირდება გადამხდელს, რომელიც ახდენს შეცდომის შესწორებას. ამის შემდეგ დასრულებული პაკეტი შესანახად გადაეცემა არქივს.     მუხლი 12🔗. ურჩი გადამხდელების მიერ გადასახადების გადახდის მდგომარეობის აღრიცხვის წესი 1. გადასახადების შეგროვებისა და დეკლარაციების წარდგენის მდგომარეობის შეფასების მიზნით, ყოველთვიურად იბეჭდება ინფორმაცია გადასახადების შეგროვების მდგომარეობის შესახებ (დანართი 11); 2. აღნიშნული ინფორმაცია გადაეცემა საგადასახადო ინსპექციის უფროსს მიმდინარე მდგომარეობის, აგრეთვე თავისი თანამშრომლების მუშაობის შეფასებისა და გაუმჯობესების მიზნით; 3. ანგარიშის პირველ სვეტში მიეთითება საგადასახადო ინსპექტორთა სახელი, გვარი, რომლებზეც უბნების მიხედვით განაწილებულია ურჩი და მენარჩენე გადამხდელები; 4. მე-2 სვეტში აღინიშნება გადასახადის სახე; 5. მე-3 – მე-5 სვეტებში შეიტანება ურჩ გადამხდელთა რაოდენობა; 6. ველი „განლაგების კოდი” გვიჩვენებს იმ შემთხვევების რაოდენობას, როცა ადგილი ჰქონდა ურჩი გადამხდელის მიერ დეკლარაციის წარმოდგენას (01), ან შემთხვევას, როცა ადგილი ჰქონდა გადამხდელის გადასვლას ერთი საგადასახადო ინსპექციიდან მეორეში (02), ან როდესაც გადამხდელი აღარ იხდის გადასახადს (03); 7. მე-6 და მე-7 სვეტები გვიჩვენებენ შედეგებს, რომლებიც მიღებული იქნება 7 დღეზე ნაკლებ, ან 7 დღეზე მეტ ვადაში. დადებითი შედეგის შემთხევაში იწერება „1” უარყოფითის შემთხვევაში „0”; 8. ნარჩენების მქონე გადამხდელების ველში „განლაგების კოდში” აღინიშნება იმ შემთხვევების რაოდენობა, როცა შეუძლებელია გადამხდელის პოვნა (01), როცა საინკასო დავალება წარდგენილია მთლიან თანხაზე (02), როცა საინკასო დავალება წარდგენილია ნარჩენის ნაწილზე (03), როცა გადამხდელს არ შეუძლია გადასახადის გადახდა (04), ან როდესაც ინსპექტორმა ვერ შეძლო გადამხდელთან მისვლა (05); 9. მე-13 და მე-14 სვეტები გვიჩვენებენ შედეგებს, რომლებიც მიიღება 7 დღეზე ნაკლებ, ან 7 დღეზე მეტ ვადაში. დადებითი შედეგის შემთხვევაში იწერება „1”, ხოლო უარყოფითი შედეგის შემთხვევაში „0”; 10. მე-15 სვეტში „თანხა” მოცემულია ყველა გადასახადის თანხის ჯამი ლარებში.     მუხლი 13🔗. გადასახადის გადახდის ვადაგადატანილი დავალიანებების აღრიცხვის წესი 1. მოქმედი კანონმდებლობის შესაბამისად გადახდის ვადაგადატანილი, მათ შორის რესტრუქტურიზებული დავალიანებები ფიქსირდება გპაბ-ზე, კერძოდ მიეთითება შეღავათიანი რეჟიმის ვადის დასაწყისი და დასასრული, აგრეთვე იმ ნორმატიული აქტის ნომერი, რომლის საფუძველზეც განხორციელდა გადახდის ვადის გადატანა; 2. გადახდის ვადის გადატანის რეჟიმის მოქმედება წყდება ვადის გასვლის, გადამხდელის მიერ ვადის გასვლამდე დავალიანების გადახდის ან რესტრუქტურიზაციის ვადამდე შეწყვეტის შემთხვევაში; 3. გადამხდელის მიერ გადახდის ვადის გადატანის პირობების დარღვევის აღმოჩენის შემთხვევაში, საგადასახადო ორგანო ვალდებულია 3 დღის ვადაში შეატყობინოს შესაბამის უფლებამოსილ ორგანოს ამ რეჟიმის გაუქმების შესახებ.     მუხლი 14🔗. გადამხდელის ბიუჯეტთან ანგარიშსწორების შედარების აქტის გაფორმების წესი 1. გადამხდელის ბიუჯეტთან ანგარიშსწორების შედარების აქტისა და ცალკეულ გადასახადზე გპაბ-ის ამოსაბეჭდად, გადამხდელი ვალდებულია წერილობით მიმართოს საგადასახადო ინსპექციის უფროსს; 2. შედარების აქტი გადამხდელმა შეიძლება მოითხოვოს წლის ნებისმიერ დროს. იგი აუცილებლად უნდა ამოიბეჭდოს წლიური შედეგების შეჯამების დროს; 3. შედარების აქტი ივსება გადამხდელის რეგისტრაციიდან მოხსნისა და სხვა ინსპექციაში გადასვლის შემთხვევაში, ასევე საწარმოს რეორგანიზაციისა და ლიკვიდაციის დროს; 4. შედარების აქტი (დანართი 12) ივსება გარკვეული პერიოდისათვის – საანგარიშო პერიოდის დასაწყისისათვის და ბოლოსათვის (მ.შ. ყოველკვარტალურად); 5. შედარების აქტში, საანგარიშო პერიოდის დასაწყისისათვის და ბოლოსათვის, მიეთითება ნარჩენის, საურავისა და ზედმეტობის თანხები გადასახადის სახეების მიხედვით, ხოლო მთელი პერიოდის განმავლობაში – გაიანგარიშება დარიცხული, დამატებით დარიცხული და გადახდილი გადასახადების ოდენობა; 6. თუ გადამხდელი არ ეთანხმება შედარების აქტის მონაცემებს, მაშინ იგი „შენიშვნაში” მიუთითებს შესაბამის მიზეზს; 7. შედარების აქტს ხელს აწერენ საგადასახადო ინსპექციის გადამხდელთა მომსახურების სამმართველოს უფროსი და გადამხდელი (ან მისი ბუღალტერი); 8. შედარების აქტი ივსება 2 ეგზემპლარად: ერთი გადაეცემა გადამხდელს, მეორე კი – რჩება საგადასახადო ინსპექციაში და ინახება გადამხდელის პირად საქმეში.