შუახევის მუნიციპალიტეტის ადმინისტრაციულ საზღვრებში მდებარე ბარათაულის, დღვანის, ზამლეთის, ოლადაურის, უჩამბის, შუბნის, წყალსაყრისა და ჭვანის ადმინისტრაციული ერთეულების სოფლებში სახელწოდების არმქონე ქუჩების სახელდების შესახებ

მუხლი 1. შუახევის მუნიციპალიტეტის სოფლების: ბარათაული, გომარდული, ვანი, ზემოხევი, წანკალაური (ბარათაულის ადმინისტრაციული ერთეული); გოგინაური, დღვანი, კვიახიძეები, ლომანაური, ქიძინიძეები, (დღვანის ადმინისტრაციული ერთეული); ბუთურაული, ნენია, (ზამლეთის ადმინისტრაციული ერთეული); კარაპეტი, მაწყვალთა, მახალაკიძეები, (ოლადაურის ადმინისტრაციული ერთეული); გოგაძეები,ლაკლაკეთი, მოფრინეთი, სამოლეთი, ტბეთი, ცინარეთი, წაბლანა, ჯაბნიძეები (უჩამბის ადმინისტრაციული ერთეული); დარჩიძეები, იაკობაური, კობალთა, ტომაშეთი, ქუთაური, შუბანი, წელათი ( შუბნის ადმინისტრაციული ერთეული); ბრილი, ინწკირვეთი, ნაღვარევი, ჟანივრი, ხაბელაშვილები (წყალსაყრის ადმინისტრაციული ერთეული); ახალდაბა, ტაკიძეები, ცეკვა, ცივაძეები, ცხემლისი, წყაროთა, ჭალა, ჭვანა, ხიჭაური (ჭვანის ადმინისტრაციული ერთეული) სოფლებში სახელწოდების არმქონე ქუჩების სახელდება განხორციელდეს დანართი №1-ით განსაზღვრული გეოგრაფიული ობიექტებისა და დანართი №2-ის სახით მოცემული სიტუაციური რუკების შესაბამისად, არაბული ციფრების გამოყენებით.

მუხლი 2. განკარგულება მიღებიდან 10 დღის ვადაში გაეგზავნოს საქართველოს იუსტიციის სამინისტროს მმართველობის სფეროში მოქმედ სსიპ – სახელმწიფო სერვისების განვითარების სააგენტოს, საქართველოს შინაგან საქმეთა სამინისტროს, საქართველოს ცენტრალურ საარჩევნო კომისიას და საჯარო რეესტრის ეროვნულ სააგენტოს.

მუხლი 3. განკარგულება გამოქვეყნდეს „საქართველოს საკანონმდებლო მაცნეს“ ვებგვერდზე მისი მიღებიდან 10 დღის ვადაში.

მუხლი 4. შუახევის მუნიციპალიტეტის მერიამ ოთხი თვის ვადაში უზრუნველყოს ამ განკარგულების შესასრულებლად საჭირო ღონისძიებების განხორციელება.

მუხლი 5. განკარგულება შეიძლება გასაჩივრდეს დაინტერესებული მხარეების მიერ მისი გაცნობიდან ერთი თვის ვადაში ხელვაჩაურის რაიონულ სასამართლოში (მისამართი: ქ. ბათუმი, ფრიდონ ხალვაშის გამზირი №358).

მუხლი 6. განკარგულება ამოქმედდეს ხელმოწერისთანავე.

საკრებულოს თავმჯდომარე                                                              როსტომ ლორთქიფანიძე