კოდის გამოყენებით საერთაშრისო სატელეფონო კავშირით მომსახურებაზე და სიხშირული სპექტრის გამოყენებით საქმიანობაზე სალიცენზიო გადასახადელის საწყისი ოდენობის განსაზღვრისა და სალიცენზიო გადასახდელის გადახდის წესის შესახებ დებულების დამტკიცების თაობაზე: საქართველოს კომუნიკაციების ეროვნული კომისიის 2002 წლის 20 დეკემბრის №32 დადგენილებაში ცვლილებების და დამატებების დამტკიცების შეტანის თაობაზე

სახელმწიფო სარეგისტრაციო კოდი 320.110.000.17.010.007.037

საქართველოს კომუნიკაციების ეროვნული კომისიის

დადგენილება №1

2005 წლის 21 იანვარი

ქ. თბილისი

,,კოდის გამოყენებით საერთაშორისო სატელეფონო კავშირით მომსახურებაზე და სიხშირული სპექტრის გამოყენებით საქმიანობაზე სალიცენზიო გადასახდელის საწყისი ოდენობის განსაზღვრისა და სალიცენზიო გადასახდელის გადახდის წესის შესახებ დებულების დამტკიცების თაობაზე” საქართველოს კომუნიკაციების ეროვნული კომისიის 2002 წლის 20 დეკემბრის  №2 დადგენილებაში ცვლილებებისა და დამატებების შეტანის თაობაზე

,,კავშირგაბმულობისა და ფოსტის შესახებ” საქართველოს კანონის მე-20 მუხლის მე-5 პუნქტის ,,ა” ქვეპუნქტის, 31-ე მუხლის მე-2 პუნქტის, 36-ე მუხლის პირველი და მე-5 პუნქტების, საქართველოს ზოგადი ადმინისტრაციული კოდექსის 63-ე მუხლის შესაბამისად, საქართველოს კომუნიკაციების ეროვნულმა კომისიამ დაადგინა:

1. ,,კოდის გამოყენებით საერთაშორისო სატელეფონო კავშირით მომსახურებაზე და სიხშირული სპექტრის გამოყენებით საქმიანობაზე სალიცენზიო გადასახდელის საწყისი ოდენობის განსაზღვრისა და სალიცენზიო გადასახდელის გადახდის წესის შესახებ დებულების დამტკიცების თაობაზე” საქართველოს კომუნიკაციების ეროვნული კომისიის 2002 წლის 20 დეკემბრის №2 დადგენილებაში (საქართველოს საკანონმდებლო მაცნე, 2002 წ., №125, მუხლი 1114 ) შეტანილ იქნეს შემდეგი ცვლილებები და დამატებები:

2. მე-2 მუხლის მე-2 პუნქტში კავშირის სახეობის კოეფიციენტი – Ks ჩამოყალიბდეს შემდეგი რედაქციით:

,,Ks – კავშირის სახეობის კოეფიციენტი (დანართი 6-ის მიხედვით);”.

3. მე-3 მუხლი ჩამოყალიბდეს ახალი რედაქციით:

,,მუხლი 3.

კოდის გამოყენებით საერთაშორისო სატელეფონო კავშირით მომსახურებაზე სალიცენზიო გადასახდელის საწყისი ოდენობა შეადგენს 30 000 ლარს.”.

4. მე-4 მუხლის მე-5 პუნქტი ჩამოყალიბდეს შემდეგი რედაქციით:

„5. თუ სალიცენზიო გადასახდელის ოდენობა აღემატება 1000 ლარს, სალიცენზიო გადასახდელის დარჩენილი ნაწილის გადახდა უნდა მოხდეს ,,კავშირგაბმულობისა და ფოსტის შესახებ” საქართველოს კანონის შესაბამისად, ლიცენზიის მოქმედების ვადის პირველი წლის გასვლიდან მომდევნო ცხრა წლის განმავლობაში თანაბარწილად ლიცენზიის მოქმედების ვადის ყოველი მომდევნო წლის პირველივე თვის განმავლობაში, ხოლო ფიჭური სატელეფონო კავშირით მომსახურების ლიცენზიისათვის განსაზღვრული სალიცენზიო გადასახდელის დარჩენილი ნაწილის გადახდა უნდა მოხდეს ლიცენზიის მოქმედების ვადის პირველივე წელს, თანაბარწილად ყოველი მომდევნო თვის პირველივე კვირის განმავლობაში.“.

5. დაემატოს მე-6 დანართი შემდეგი ცხრილის სახით:

„დანართი 6

“.

6. დადგენილება ამოქმედდეს გამოქვეყნებისთანავე.

კომისიის თავმჯდომარე    დ. ქიტოშვილი