“საქართველოს ფასიანი ქარალდების ეროვნული კომისიის 2000 წლის 21 იანვრის №4 დადგენილებით დამტკიცებული ზოგიერთ წესში ცვლილებების შეტანის შესახებ"

სახელმწიფო სარეგისტრაციო კოდი 010.220.020.12.005.007.214

საქართველოს ფასიანი ქაღალდების ეროვნული კომისიის

დადგენილება №55

2005 წლის 29 მარტი

ქ. თბილისი

საქართველოს ფასიანი ქაღალდების ეროვნული კომისიის 2000 წლის 21 იანვრის №4 დადგენილებით დამტკიცებულ ზოგიერთ წესში ცვლილებების შეტანის შესახებ

1. „ფასიანი ქაღალდების ბაზრის შესახებ” საქართველოს კანონის მე-11 მუხლის მე-2 და მე-3 პუნქტების საფუძველზე, 49-ე მუხლის პირველი პუნქტის „ა” ქვეპუნქტით მინიჭებული უფლებამოსილების შესაბამისად, საქართველოს ფასიანი ქაღალდების ეროვნული კომისია ადგენს:

1. საქართველოს ფასიანი ქაღალდების ეროვნული კომისიის 2000 წლის 21 იანვრის №4 დადგენილებით დამტკიცებულ „ანგარიშვალდებული საწარმოების მიერ წლიური ანგარიშების შედგენისა და წარდგენის შესახებ” წესის (სსმ III, 21.01.2000 წ., №8, მუხლი 78) მე-10 მუხლი შეიცვალოს და ჩამოყალიბდეს შემდეგი რედაქციით:

„მუხლი 10. ფინანსური ანგარიშგებები

საწარმომ სამეურნეო წლის აუდიტებული ფინან-სური ანგარიშგება კომისიას უნდა წარუდგინოს კომისიის 2005 წლის 10 იანვრის №54 დადგენილებით (საქართველოს საკანონმდებლო მაცნე III, 17.01.2005 წ., №5, მუხლი 59) დამტკიცებული „ანგარიშვალდებული საწარმოების ფინანსური ანგარიშგების შედგენისა და წარდგენის წესის” მოთხოვნათა შესაბამისად, ამავე წესის დანართით განსაზღვრული ფორმითა და ვადების დაცვით.”;

2. საქართველოს ფასიანი ქაღალდების ეროვნული კომისიის 2000 წლის 21 იანვრის №4 დადგენილებით დამტკიცებული წესის  (სსმ III, 21.01.2000 წ., №8, მუხლი 78) დამტკიცებულ „ანგარიშვალდებული საწარმოების მიერ ნახევარწლიური ანგარიშების შედგენისა და წარდგენის შესახებ” წესის მე-2 მუხლი შეიცვალოს და ჩამოყალიბდეს შემდეგი რედაქციით:

„მუხლი 2. ფინანსური ანგარიშგებები

საწარმომ სამეურნეო წლის პირველი ექვსთვიანი პერიოდის ფინანსური ანგარიშგება, რომელიც აუდიტებას არ საჭიროებს, კომისიას უნდა წარუდგინოს კომისიის 2005 წლის 10 იანვრის №54 დადგენილებით  (სსმ III, 17.01.2005 წ., №5, მუხლი 59) დამტკიცებული „ანგარიშვალდებული საწარმოების ფინანსური ანგარიშგების შედგენისა და წარდგენის წესის” მოთხოვნათა შესაბამისად, ამავე წესის დანართით განსაზღვრული ფორმითა და ვადების დაცვით.”.

2. წინამდებარე დადგენილება ამოქმედდეს გამოქვეყნებისთანავე.

მ. ჯიბუტი