„მცხეთის მუნიციპალიტეტის მერიის განათლების, კულტურის და სპორტის სამსახურის დებულების დამტკიცების შესახებ“ მცხეთის მუნიციპალიტეტის საკრებულოს 2018 წლის 12 თებერვლის #19 დადგენილებაში ცვლილების შეტანის თაობაზე

ა) მე-2 მუხლის მე-3  პუნქტის „დ“ ქვეპუნქტი ჩამოყალიბდეს ახალი რედაქციით:

„დ) კერძო სამართლის  იურიდიულ პირებთან ურთიერთობის განყოფილება“

ბ) მე-8 მუხლი ჩამოყალიბდეს ახალი რედაქციით:

„ მუხლი 8. კერძო სამართლის  იურიდიულ პირებთან ურთიერთობის განყოფილება

განყოფილება უზრუნველყოფს მცხეთის მუნიციპალიტეტის დაქვემდებარებაში არსებული კერძო სამართლის იურიდიული პირების:

ა)  მართვის   კოორდინაციას, მათი საქმიანობის ხელშეწყობას;

ბ) საქმიანობის პერიოდულ მონიტორინგსა და გამოვლენილი ხარვეზების აღმოფხვრის ხელშეწყობას;

გ) საქმიანობის ანგარიშის ხელმძღვანელი პირებისათვის წარდგენას;

დ)  ღონისძიებების დაგეგმვასა და მათ განხორციელებაში მონაწილეობის მიღებას;

ე) სამართლებრივი აქტების პროექტების მომზადებას; რეზოლუციის შესაბამისად, კორესპონდენციების განხილვასა და კანონმდებლობით დადგენილ ვადაში საპასუხო წერილების მომზადებას.“