საგარეჯოს მუნიციპალიტეტის სოფელ პატარძეულში მდებარე მოედნის (სტადიონის) სახელდების შესახებ

საგარეჯოს მუნიციპალიტეტის სოფელ პატარძეულში მდებარე მოედნის (სტადიონის) სახელდების შესახებ საგარეჯოს მუნიციპალიტეტის საკრებულოს განკარგულება №გ-53. 53233614 2023 წლის 27 დეკემბერი ქ. საგარეჯო საგარეჯოს მუნიციპალიტეტის სოფელ პატარძეულში მდებარე მოედნის (სტადიონის) სახელდების შესახებ „ადგილობრივი თვითმმართველობის კოდექსი“ საქართველოს ორგანული კანონის მე-16 მუხლის მე-2 ნაწილის „პ“ ქვეპუნქტის, 24-ე მუხლის პირველი ნაწილის „ა.ე“ ქვეპუნქტის, საქართველოს მთავრობის 2015 წლის 1 ივნისის №239 დადგენილებით დამტკიცებული „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის“ მე-4, მე-5 მუხლის პირველი პუნქტის და  მე-7 მუხლის საფუძველზე და  გეოგრაფიული ობიექტების სახელწოდებათა დადგენის, ნორმალიზების, გამოყენების, რეგისტრაციის, აღრიცხვისა და დაცვის მიზნით გეოგრაფიული ობიექტების სახელწოდებათა სფეროში მოქმედი სამთავრობო კომისიის 2023 წლის 1 დეკემბრის №40 ოქმით გაცემული თანხმობის  შესაბამისად საგარეჯოს მუნიციპალიტეტის საკრებულომ გადაწყვიტა: 1.  საგარეჯოს მუნიციპალიტეტის ტერიტორიაზე, კერძოდ სოფელ პატარძეულში მდებარე მოედანს (სტადიონს) ეწოდოს „გიორგი ოდიკაძის სახელობის სტადიონი“ თანდართული ორთოფოტოს შესაბამისად. 2. განკარგულება საქართველოს მთავრობის 2015 წლის  1 ივნისის №239 დადგენილებით დამტკიცებული “მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის“ მე-7 მუხლის მე-15, მე-16 და მე-17 პუნქტების შესაბამისად, გადაეგზავნოს საგარეჯოს მუნიციპალიტეტის მერიას, გაეგზავნოს ასევე სსიპ- საჯარო რეესტრის ეროვნულ სააგენტოს და შინაგან საქმეთა სამინისტროს. 3. განკარგულება ძალაშია გამოქვეყნებისთანავე. 4. განკარგულების გასაჩივრება შეიძლება მისი ძალაში შესვლიდან ერთი თვის ვადაში სიღნაღის რაიონულ სასამართლოში. (მისამართი: ქ.სიღნაღი, ცოტნე დადიანის ქ. №15). საგარეჯოს მუნიციპალიტეტის საკრებულოს თავმჯდომარე  ალექსი გილაშვილი