ქ. სენაკის მუნიციპალიტეტის ადმინისტრაციულ საზღვრებში გასაშენებელი მწვანე ნარგავების სახეობებისა და გამწვანების პროექტის შეთანხმების პირობების დამტკიცების შესახებ

ქ. სენაკის მუნიციპალიტეტის ადმინისტრაციულ საზღვრებში გასაშენებელი მწვანე ნარგავების სახეობებისა და გამწვანების პროექტის შეთანხმების პირობების დამტკიცების შესახებ სენაკის მუნიციპალიტეტის საკრებულოს დადგენილება №26 2023 წლის 29 დეკემბერი ქ. სენაკი ქ. სენაკის მუნიციპალიტეტის ადმინისტრაციულ საზღვრებში გასაშენებელი მწვანე ნარგავების სახეობებისა და გამწვანების პროექტის შეთანხმების პირობების დამტკიცების შესახებ „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში ცვლილების შეტანის შესახებ“ საქართველოს კანონის პირველი მუხლის, მე-3 მუხლის მე-2 პუნქტის, საქართველოს ორგანული კანონის „ადგილობრივი თვითმმართველობის კოდექსის“ მე-16 მუხლის მე-2 პუნქტის „გ“ და „ე“ „ვ“ „ნ“ ქვეპუნქტების, 24-ე მუხლის მე-2 პუნქტის საფუძველზე, სენაკის მუნიციპალიტეტის საკრებულო ადგენს: მუხლი 1🔗 დამტკიცდეს „ქ. სენაკის მუნიციპალიტეტის ადმინისტრაციულ საზღვრებში გასაშენებელი მწვანე ნარგავების სახეობების სია“ ამ დადგენილების დანართი №1-ის შესაბამისად. მუხლი 2🔗 დამტკიცდეს „ქ. სენაკის მუნიციპალიტეტის ტერიტორიაზე გამწვანების პროექტის შეთანხმების პირობები“ წინამდებარე დადგენილების დანართი №2-ის შესაბამისად. მუხლი 3🔗 დადგენილების პირველი მუხლით გათვალისწინებული „ქ. სენაკის მუნიციპალიტეტის ადმინისტრაციულ საზღვრებში გასაშენებელი მწვანე ნარგავების სახეობების სია“ ქ. სენაკის მუნიციპალიტეტის მიერ გამოყენებულ იქნეს: ა) განაშენიანების დეტალური გეგმის განხილვა/დამტკიცებისას, წარმოსადგენი გამწვანების პროექტის შეთანხმების ფარგლებში. ბ) მშენებლობის ნებართვის გაცემისას, წარმოსადგენი გამწვანების პროექტის შეთანხმების ფარგლებში. გ) მუნიციპალიტეტის მიერ მწვანე ინფრასტრუქტურული პროექტების მოწყობის ფარგლებში.  მუხლი 4🔗 დადგენილება ამოქმედდეს 2024 წლის 1 იანვრიდან.სენაკის მუნიციპალიტეტის საკრებულოს თავმჯდომარესაბა ოდიშარია დანართი №1 ქ. სენაკის მუნიციპალიტეტის ტერიტორიაზე გამწვანების პროექტის შეთანხმების პირობები მუხლი 1🔗. ზოგადი დებულებები 1. ქ. სენაკის მუნიციპალიტეტის ტერიტორიაზე გამწვანების პროექტის შეთანხმების პირობების მიზანია მუნიციპალიტეტის ტერიტორიაზე, „საქართველოს სივრცის დაგეგმარების, არქიტექტორული და სამშენებლო საქმიანობის კოდექსით“ განსაზღვრული განაშენიანების დეტალური გემის ფარგლებში და მშენებლობის ნებართვის გაცემის ფარგლებში შესათანხმებელი გამწვანების პროექტთან დაკავშირებული მოთხოვნების განსაზღვრა. აგრეთვე მიწის ნაკვეთის სამშენებლოდ გამოყენების პირობებით გათვალისწინებული დაგეგმილი გამწვანების (რომელშიც აღწერილია სავარაუდო გამწვანების პროექტი) დაკავშირებული მოთხოვნების  განსაზღვრა. 2. ამ დადგენილების მოქმედება ვრცელდება „საქართველოს სივრცის დაგეგმარების, არქიტექტორული და სამშენებლო საქმიანობის კოდექსით“  გათვალისწინებულ გამწვანების პროექტზე, გარდა ინდივიდუალური საცხოვრებელი სახლებისა და იმ ფუნქციური ზონისა, რომელშიც გამწვანების მინიმალური კოეფიციენტი განსაზღვრული არ არის. 3. გამოყენებულ ტერმინებს აქვთ „საქართველოს სივრცის დაგეგმარების, არქიტექტორული და სამშენებლო საქმიანობის კოდექსის“ მე-3 მუხლით  განსაზღვრული მნიშვნელობა. მუხლი 2🔗. განაშენიანების დეტალური გეგმის კონცეფციის ეტაპზე დასამუშავებელი გამწვანების ზოგადი პროექტი 1. განაშენიანების დეტალური გეგმის კონცეფციის დამტკიცების ეტაპზე წარსადგენი გამწვანების ზოგადი პროექტი უნდა მოიცავდეს დაგეგმილი გამწვანების შესახებ ზოგად მონაცემებს. 2. გამწვანების ზოგადი პროექტის შეთანხმების პირობები ა) გამწვანების ზოგადი პროექტის ეტაპზე წარმოდგენილ უნდა იქნას მწვანე ნარგავების აღწერისა და მათი ხარისხობრივი შეფასების შესახებ გაცემული საექსპერტო დასკვნა, რომელიც  უნდა აკმაყოფილებდეს ამ დადგენილების მე-3 მუხლის მე-6 პუნქტით განსაზღვრულ პირობებს; ბ) გამწვანების ზოგადი პროექტი უნდა მოიცავდეს საპროექტო ტოპოგრაფიულ გეგმას, რომელზეც დატანილი უნდა იქნას გასამწვანებელი არეალები; გ) გამწვანების ზოგადი პროექტის ეტაპზე წარმოდგენილ უნდა იქნას პროექტის განხორციელებისთვის ხელისშემშლელი მოსაჭრელი/გადასარგავი მწვანე ნარგავების შესახებ ინფორმაცია ცხრილის სახით, საპროექტო არეალში შემავალი თითოეული მიწის ნაკვეთისთვის ცალ-ცალკე. დ) მოსაჭრელი/გადასარგავი მწვანე ნარგავები შესაბამისი ნუმერაციითა და პირობითი აღნიშვნებით დატანილ უნდა იქნას  საპროექტო ტოპოგრაფიულ გეგმაზე. ე) პროექტის განხორციელებისთვის ხელისშემშლელი მოსაჭრელი, ჯანსაღი, ღირებული მწვანე ნარგავების რაოდენობა არ უნდა აჭარბებდეს ტერიტორიაზე არსებული ჯანსაღი ღირებული მწვანე ნარგავების 25 %-ს. ვ) გამწვანების ზოგად პროექტში მითითებული უნდა იყოს დაგეგმილი ფუნქციური ზონის შესაბამისი გამწვანების მინიმალური კოეფიციენტი/ები შესაბამის საანგარიშო ფართობ(ებ)თან ერთად. მუხლი 3🔗. განაშენიანების დეტალური გეგმით გათვალისწინებული გამწვანების პროექტი 1. განაშენიანების დეტალური გეგმით გათვალისწინებული გამწვანების პროექტი შედგენილი უნდა იყოს მიწის ნაკვეთის ფუნქციური ზონირების შესაბამისად, გარდა ინდივიდუალური საცხოვრებელი სახლებისა და იმ ფუნქციური ზონისა, რომელშიც გამწვანების მინიმალური კოეფიციენტი განსაზღვრული არ არის. 2. გამწვანების პროექტით გათვალისწინებული უნდა იყოს: ა) გამწვანების მინიმალური კოეფიციენტი შესაბამის საანგარიშო ფართობთან ერთად, რომლის ათვისებაც ტერიტორიაზე უნდა განხორციელდეს მწვანე ნარგავებით; ბ) გასაშენებელი მწვანე ნარგავების სახეობა და დახასიათება (მათ შორის, ხნოვანება, გარშემოწერილობა, სიმაღლე); გ) არსებული, გადასარგავი და საპროექტოდ დასარგავი მწვანე ნარგავების გაშენების არეალი. დ) გამწვანების პროექტის დასრულების თარიღი; ე) გაშენებული მწვანე ნარგავების მოვლა-პატრონობაზე პასუხისმგებელი პირი; ვ) ფოტომონტაჟის სახით მოცემული გამწვანების პროექტის გამოსახულება; ზ) დამატებითი საინფორმაციო დაფის ამსახველი ფოტოსურათები, რომელზედაც მითითებულია ინფორმაცია სამშენებლო ობიექტზე გამწვანების მინიმალური კოეფიციენტით განსაზღვრული ფართობის ათვისების, გამწვანების პროექტის ძირითადი ასპექტებისა და პარამეტრების შესახებ. 3.   გამწვანების პროექტის ფარგლებში დასარგავი მწვანე ნარგავების  სახეობები უნდა შეირჩეს ამ დადგენილების დანართი №1-ის გათვალისწინებით, ქ. სენაკის მუნიციპალიტეტის ადმინისტრაციულ საზღვრებში გასაშენებელი პრიორიტეტული ხე-მცენარეების სიიდან. 4.   გამწვანების პროექტი უნდა მოიცავდეს საპროექტო ტერიტორიაზე არსებული მწვანე ნარგავების აღწერისა და მათი ხარისხობრივი შეფასების შესახებ გაცემულ საექსპერტო დასკვნას. 5.   მწვანე ნარგავების აღწერისა და მათი ხარისხობრივი შეფასების შესახებ გაცემული საექსპერტო დასკვნა უნდა აკმაყოფილებდეს შემდეგ პირობებს: ა) გაცემული უნდა იყოს შესაბამისი ექსპერტის მიერ. ექსპერტთა სიის განსაზღვრის უფლებამოსილება აქვს მუნიციპალიტეტს; ბ) შედგენილი უნდა იყოს „საქართველოს სივრცის დაგეგმარების, არქიტექტორული და სამშენებლო საქმიანობის კოდექსის“ მე-3 მუხლით გათვალისწინებული ტერმინების გამოყენებით; 6.   მწვანე ნარგავების ხარისხობრივ შეფასებაზე გაცემულ საექსპერტო დასკვნაში  მითითებული უნდა იქნეს შემდეგი ინფორმაცია: ა) მწვანე ნარგავების შესწავლისა და დასკვნის გაცემის თარიღი, ადგილი (მისამართი, საკადასტრო კოდი) და საფუძველი; ბ) ტერიტორიაზე არსებული მწვანე ნარგავების საერთო რაოდენობა და შეფასებული მწვანე ნარგავების რაოდენობა; გ) კვლევის ჩატარების მეთოდი; დ) ინფორმაცია მწვანე ნარგავების სახეობის, მდგომარეობის, დიამეტრის (მიწის ზედაპირიდან 10 სმ სიმაღლეზე) და საჭიროების შემთხვევაში ხნოვანების თაობაზე; ე) მწვანე ნარგავების ნუმერაციის მიხედვით კვლევის ამსახველი ფერადი ფოტო-მასალა, რომელზეც თვალსაჩინოდ უნდა ჩანდეს საპროექტო ტერიტორიაზე აღწერილი თითოეული მწვანე ნარგავის ხარისხობრივი მდგომარეობა (როგორც ღერო, ასევე ვარჯი) და საექსპერტო დასკვნის შესაბამისად მინიჭებული ნუმერაცია. ვ) დაავადებული/წვერხმელი მწვანე ნარგავების  შემთხვევაში დასკვნას უნდა ერთვოდეს ლაბორატორიული კვლევის ამსახველი დოკუმენტი, ასეთის საჭიროებისას და დასაბუთება იმის თაობაზე, ექვემდებარება თუ არა აღნიშნული ხე-მცენარე გამოჯანსაღებას; ზ) ჯანსაღი მწვანე ნარგავების შემთხვევაში ექსპერტის დასაბუთებული არგუმენტაცია ხე-მცენარის გადარგვისა და მისი გახარების შესაძლებლობის თაობაზე.  თ) წვერხმელი მწვანე ნარგავების შემთხვევაში - მწვანე ნარგავის რა ნაწილია ხმელი. ი) საექსპერტო დასკვნა უნდა მოიცავდეს ტოპოგრაფიულ გეგმას, რომელზეც დატანილი უნდა იყოს საპროექტო ობიექტების სქემა (შენობა-ნაგებობები, გზა, პარკინგი, და სხვა) და საექსპერტო დასკვნაში აღწერილი მწვანე ნარგავები შესაბამისი ნუმერაციით, ასევე, ტოპოგრაფიულ გეგმაზე აღნიშნული უნდა იყოს საპროექტო შენობასა და მწვანე ნარგავებს შორის არსებული მანძილები. მუხლი 4🔗. მშენებლობის ნებართვის მისაღებად წარდგენილი სანებართვო განაცხადისთვის თანდართული გამწვანების პროექტი 1. მშენებლობის ნებართვის მისაღებად წარდგენილი გამწვანების პროექტი უნდა მოიცავდეს: ა. განაშენიანების დეტალური გეგმის არსებობის შემთხვევაში − ამ გეგმის ფარგლებში შეთანხმებულ გამწვანების პროექტს; ბ. გამწვანების მინიმალური კოეფიციენტით განსაზღვრულს ფართობს, გასაშენებელი მწვანე ნარგავების სახეობას და დახასიათებას (მათ შორის, ხნოვანება, გარშემოწერილობა, სიმაღლე), გამწვანების პროექტის დასრულების თარიღს, გაშენებული მწვანე ნარგავების მოვლა-პატრონობისთვის პასუხისმგებელ პირს, ფოტომონტაჟის სახით მოცემულ გამწვანების პროექტის გამოსახულებას; გ. დამატებითი საინფორმაციო დაფის ამსახველ ფოტოსურათებს, რომელზედაც მითითებულია ინფორმაცია სამშენებლო ობიექტზე გამწვანების მინიმალური კოეფიციენტით განსაზღვრული ფართობის ათვისების, გამწვანების პროექტის ძირითადი ასპექტებისა და პარამეტრების შესახებ. 2.   ეს მუხლი არ ვრცელდება ინდივიდუალურ საცხოვრებელ სახლებსა და იმ შენობა-ნაგებობების არქიტექტურულ პროექტებზე, რომელთა შეთანხმებაც მოთხოვნილია მიწის ნაკვეთის იმ ფუნქციურ ზონაში, რომელშიც გამწვანების მინიმალური კოეფიციენტი განსაზღვრული არ არის. 3.   სამშენებლო ნებართვის მფლობელმა, ნებართვის დადგენილი წესით გაცემიდან 10 დღის ვადაში არსებული საინფორმაციო დაფის გვერდით უნდა განათავსოს სხვა, დამატებითი საინფორმაციო დაფა, რომელზედაც უნდა მიეთითოს ინფორმაცია სამშენებლო ობიექტზე გამწვანების მინიმალური კოეფიციენტით განსაზღვრული ფართობის ათვისების, გამწვანების პროექტის ძირითადი ასპექტებისა და პარამეტრების შესახებ (გარდა ინდივიდუალური საცხოვრებელი სახლებისა და იმ შენობა-ნაგებობების არქიტექტურული პროექტებისა, რომელთა შეთანხმებაც მოთხოვნილია მიწის ნაკვეთის იმ ფუნქციურ ზონაში, რომელშიც გამწვანების მინიმალური კოეფიციენტი განსაზღვრული არ არის), კერძოდ: ა) გამწვანების მინიმალური კოეფიციენტით განსაზღვრული ფართობი; ბ) გამწვანების პროექტის შეთანხმების თარიღი; გ) გასაშენებელი მწვანე ნარგავების სახეობა და დახასიათება (მათ შორის, ხნოვანება, გარშემოწერილობა, სიმაღლე); დ) გამწვანების პროექტის დასრულების თარიღი; ე) ინფორმაცია გაშენებული მწვანე ნარგავების მოვლა-პატრონობისთვის პასუხისმგებელი პირის შესახებ; ვ) გაშენებული მწვანე ნარგავების მოვლის ხანგრძლივობა; ზ) შეთანხმებული გამწვანების პროექტის მაკეტი ან/და გამოსახულება ფოტომონტაჟის სახით. მუხლი 5🔗. მიწის ნაკვეთის სამშენებლოდ გამოყენების პირობებით გათვალისწინებული დაგეგმილი გამწვანების პროექტი 1. მიწის ნაკვეთის სამშენებლოდ გამოყენების პირობებით გათვალისწინებულია  დაგეგმილი გამწვანების პროექტის წარდგენა, მასში უნდა აღიწეროს სავარაუდო გამწვანების პროექტი. 2. დაგეგმილი გამწვანების პროექტი უნდა მოიცავდეს: ა) ინფორმაციას დაგეგმილი გამწვანების შესახებ, რომელშიც აღწერილია სავარაუდო გამწვანების პროექტი. გარდა ინდივიდუალური საცხოვრებელი სახლებისა; ბ) ექსპერტის დასკვნას მიწის ნაკვეთზე არსებული მწვანე ნარგავის/ნარგავების აღწერისა და ხარისხობრივი შეფასების შესახებ; გ) ტოპოგრაფიულ გეგმას, რომელზედაც აღნიშნულია მწვანე ნარგავები ექსპერტის დასკვნით მინიჭებული ნომრების მიხედვით. 3. ამ მუხლის მე-2 პუნქტის „ბ“ და „გ“ ქვეპუნქტით გათვალისწინებული დოკუმენტები არ მოითხოვება იმ ფუნქციურ ზონაზე, რომელშიც გამწვანების მინიმალური კოეფიციენტი განსაზღვრული არ არის. დანართი №2 ქ. სენაკის მუნიციპალიტეტის ადმინისტრაციულ საზღვრებში გასაშენებელი მწვანე ნარგავების სახეობების სია № სახელწოდება ქართულად სახელწოდება ლათინურად ზომა/სმ გარშემოწერილობა 1 ირმის რქა სწორ შტამზე, ხედ ფორმირებული Lagerstroemia indica სიმაღლე არანაკლებ 250 სმ 16-18 სმ 2 იფანი ჩვეულებრივი Fraxinus excelsior 3 იფანი გრძელფოთოლა Fraxinus coriariaefolia 4 ცაცხვი კავკასიური Tilia caucasica 5 ცაცხვი წვრილფოთოლა (გულფოთოლა) Tilia cordata 6 ცაცხვი უნგრული Tilia tomentosa 7 ნეკერჩხალი მინდვრის Acer campestre 8 ნეკერჩხალი „დიადი ბოყვი“ Acer velitinum 9 ნეკერჩხალი - ქორაფი Acer cappadocicum 10 ნეკერჩხალი - ლეკა Acer platanoides 11  შაქრის ნეკერჩხალი Acer saccharum 12 ვერცხლისფერი (ჭაობის) ნეკერჩხალი Acer saccharinum 13 ნეკერჩხალი მარაოსებური(პალმატუმი) Acer palmatum 14 კვიდო ხედ ფორმირებული შტამზე Ligustrum japonicum 15  სოფორა იაპონური „მტირალა“ Sophora japonica 16 სოფორა იაპონური სწორ შტამზე Sophorajaponica 17 მალუსი ( დეკორატიული ვაშლი) სხვადასხვა ფორმა Malus floribunda/malus cocinela 18 წითელი ტყემალი Prunus cerasifera Pisardii 19 პანტა დეკორატიული (შანტაკლერი) Pyrus calleryana “Chanticleer” 20 ამბრის ხე Liquidambar styraciflua 21 გინკო ბილობა Glinko biloba 22 მელია აზედარახის  Melia azedarach 23 ფშატი ფორმირებული შტამზე Elaeagnus sp. 24 კოლხური მუხა Quercus hartwizziana სიმაღლე არანაკლებ 250სმ 25 მარადმწვანე მუხა Quercus ilex 26 კორპის მუხა Quercus suber 27 პონტოს მუხა  Quercus Pontica 28 ზეთისხილის ხე Olea Europaea 29 საკურა (სხვადასხვა ფორმის) Prunus serrulata 30 ალბიცია (ლენქორანული „აკაცია“)  Albizzia julibrissin 31 ძელქვა Zelqova 32 მაგნოზია Magnoliasp./gradiflora/tulipifera/ 33 ხეტიტა Liriodendron tulipifera  18-20 სმ 34 ცხენისწაბლი Aesculus SP./ Aesculus hippocastanum 35 თუთა უნაყოფო/მტირალა ფორმა Morus alba “Pendula”/Morus alba “platanifolia” 36 მტირალა ტირიფი Salix babylonica 37 პალმა ფინიკის Phoenix dactylifera                               წიწვოვანი ხეები 1 არიზონული კვიპაროსი Cupressus arizonica 2 ლეილანდიის კვიპაროსი Cupressus leyland არანაკლებ 200-300 სმ 14-18 სმ 3 ჰიმალაის კედარი Cedrus deodara 4 ზღვისპირა ფიჭვი Pinus pinaster 5 იტალიური ფიჭვი Pinus pinea 6 ბიჭვინთის ფიჭვი Pinus brutia var.pityusa 7 უთხოვარი Taxus baccata 8 კრიპტომერია Cryptomeria japonica 9 ვერცხლისფერი ნაძვი Picea pungens Glauca /Hoopsi 10 ჭაობის კვიპაროზი Taxodium distichum ფოთლოვანი ბუჩქები და მრავალწლიანი ბალახები 1 ირმის რქა ბუჩქად ფორმირებული Lagerstroemia indica არანაკლებ 30 სმ 30 სმ 2 აბელია დიდფოთოლა Abelia grandiflora 3 კოლხური ბზა Buxus sempervirens 4 წვრილფოთოლა ბზა Buxus microphylla 6 იაპონური ფშატი Elaeagnus x  ebbingei Limelight 7  ფოტინია წითელი Photinia x fraseri Red Robin 8 ფოტინია მწვანე დიდი, ღობის Photinia serrulata 9 მარადმწვანე ძახველი პირამიდული მაღალი  Vibrunum licidium 10 სურნელოვანი ძახველი Vibrunum tinus 11 მარადმწვანე, პრიალა ფოთოლა ძახველი Vibrunum lucidium 12  ცხრატყავა Lonicera sp. 13 ცხრატყავა ქართული  Lonicera iberica 14 ცხრატყავა კავკასიური (წერწა) Lonicera caucasica 15 ჩიტავაშლა Cotoneaster melanocapra 16 ჭყორი კოლხური Ilex colchica 17 ჭყორი მწვანე  Ilex aquifolium 18 ჭყორი ჭრელფოთოლა  Ilex aquifolium Argentea Marginata 19 ფიტოსპორუმი წვრილფოთოლა Pittosporum tobira “Nana” 20 ფიტოსპორუმი საბორდიურე Pittosporum tobira 21 კვიდო ლუგუსტრუმი მარადმწვანე Ligustrum lucidium variegata 22 კვიდო ჭრელფოთოლა  Ligustrum lucidium 23 ჰიბისკუსი (სირიული ვარდი) ბუჩქი Hibiscus syriacus 24 ოლეანდრა სწორ შტამზე, ხედ ფორმირებული Nerium oleander 25 წყავი ფორმირებული სფეროსებურად Prunus laurocerasus baii-shaped 26 წყავი საბორდიურე  Prunus laurocerasus 27 ქონდარა პალმა Chamaerops humilis 28 ვარდი - ჯუჯა (ფერების ვარიაციით) Rosa Dwarf Fiary (Korzweenu) 29 ვარდი ხვიარა (ფერების ვარიაციით) Rosa Banksiae 30 ვარდი-ბუჩქი (ფერების ვარიაციით) Rosa Daftvolk 31 ნანდინა Nandina domestica/Nandina domestica Firepower 32 ჭანჭყატი მწვანე Euonymus Green 33 ჭანჭყატი ოქროსფერი Euonymus Gold 34 ჭანჭყატი ვერცხლისფერი Euonymus Silver 35 გრაკლა(სხვადსხვა ფორმა) Spiraea japonica/thunbergii 36 კამელია Camellia   ხვიარა ბუჩქები და მრავალწლინი ბალახები (მხვიარები) 1 გლიცინია Wisteria 15-20 სმ 20-25 სმ 2 ტეკომა tecoma 3 უსურვაზი Parthenocissus tricuspidata 4 ცხრატყავა Lonicera 5 მარადმწვანე ჟასმინი,მხვიარა Jasminum grandiflorum 6 კოლხური სურო Hedera colchica 7 წვრილფოთლა სურო Hedera 8 კატაბარდა Clematissp/armandii/clematis paniculata 9 ლავანდა Lavandula angustrifolia 10 როზმარინი Rosmarunus 11 წივანა Festuca sp. წიწვოვანი ბუჩქები 1 ტუია ნანა-ოქროსფერი Thuja orientalis Aurea Nana არანაკლებ 30 სმ 30 სმ 2 ტუია სმარაგდი Thuja occidentalis Smaragd 3 ტუია ბრაბანტის Thuja occidentalis Brabant 4 ტუია ოქროსფერი Thuja occidentalis Gold 5 ბიოტა (ტუია) საბორდიურე Thuja occidentalis Gold 6 ღვია „ოქროსფერი“ Juniperus x pfitzeriana Mordigan Gold 7 ღვია „ვერცხლისფერი“ Juniperus viginiana Silver Spreader/Globosa 8 ღვია გართხმული Juniperus horizontalis 9 ჯუჯა ფიჭვი Pinus mugo pumilio/ Pinus mugo mugus 10 ჯუჯა ნაძვი Picea glaucca conica/globosa 11 უთხოვარი ბუჩქი Taxus baccat