1. პროგრამის მე-3 მუხლის „ა“ ქვეპუნქტის „ა.ა“ ქვეპუნქტითა და „ბ“ ქვეპუნქტით გათვალისწინებული მომსახურების ზედამხედველობა განისაზღვრება გეგმურ ამბულატორიულ შემთხვევათა ზედამხედველობის წესის შესაბამისად. „ა.ბ“ ქვეპუნქტით გათვალისწინებული სამედიცინო მომსახურების ზედამხედველობა ხორციელდება გადაუდებელი სტაციონარული შემთხვევების ზედამხედველობის წესის შესაბამისად. პროგრამის მე-3 მუხლის „ბ“ ქვეპუნქტის შემთხვევაში პაციენტის პროგრამის მოსარგებლედ ცნობა ხორციელდება დადგენილებით დამტკიცებული პროგრამების მე-11 მუხლის პირველი პუნქტით განსაზღვრული დოკუმენტაციის განხილვის შემდეგ გაცემული თანხმობის წერილის საფუძველზე. ამასთან, მე-3 მუხლის „ბ.ა“ ქვეპუნქტით გათვალისწინებული მომსახურების დიაბეტით დაავადებული არაინსულინმომხმარებელი მოსარგებლეების პროგრამის მოსარგებლედ ცნობისთვის დამატებით წარმოდგენილ უნდა იქნეს იმ ოჯახის/უბნის/სოფლის ექიმის მიერ გაცემული სამედიცინო დოკუმენტაცია ფორმა №IV-100/ა, სადაც პაციენტია რეგისტრირებული შესაბამისი სახელმწიფო პროგრამის ფარგლებში (არ ვრცელდება კერძო/კორპორატიული დაზღვევის მქონე პაციენტებზე, რომლებიც არ სარგებლობენ შესაბამისი სახელმწიფო პროგრამებით), პაციენტის სპეციალიზებული ამბულატორიული დახმარების კომპონენტში ჩართვის საჭიროების თაობაზე.
2. პროგრამის მე-3 მუხლის „ა“ ქვეპუნქტის „ა.ა“ ქვეპუნქტის მიმწოდებელმა დაწესებულებებმა უნდა უზრუნველყონ პროგრამის ბენეფიციარების ინფორმირება კუთვნილი სერვისების შესახებ და წინასწარ შემუშავებული გეგმის შესაბამისად განახორციელონ პაციენტების მიერ სერვისების მიღებაზე დამყოლობისთვის საჭირო ღონისძიებები.
3. პროგრამის მე-3 მუხლის „ა“ ქვეპუნქტის „ა.ა.ა“ ქვეპუნქტით გათვალისწინებული მომსახურება შესაძლებელია, ნაწილობრივ მიწოდებულ იქნეს დისტანციურად (გარდა ქ. თბილისისა, ქ. ქუთაისისა, ქ. ბათუმისა). აღნიშნული მექანიზმით ვაუჩერის მიმწოდებლად რეგისტრაციისთვის აუცილებელია, დაწესებულებას გააჩნდეს შესაძლებლობა, უზრუნველყოს ვაუჩერის ფარგლებში წლიურად მისაწოდებელი ენდოკრინოლოგის კონსულტაციების ნაწილის:
ა) ადგილზე მომსახურებით მიწოდება, კალენდარული წლის მანძილზე ყოველთვიურად არანაკლებ ერთხელ;
ბ) დისტანციურად მიწოდება.
4. პროგრამის მე-3 მუხლის „ბ“ ქვეპუნქტის „ბ.ა“ და „ბ.ბ“ ქვეპუნქტებით გათვალისწინებული მომსახურება უნდა განხორციელდეს არაუმეტეს ერთი თვის ვადაში.
5. პროგრამით გათვალისწინებული მომსახურება უნდა განხორციელდეს ქვეყანაში დამტკიცებული გაიდლაინების და პროტოკოლების და/ან აღიარებული საერთაშორისო პრაქტიკის შესაბამისად.
6. პროგრამის მე-3 მუხლის „გ“ ქვეპუნქტის „გ.ბ.დ“ ქვეპუნქტით გათვალისწინებული სისტემებისა და სენსორების გაცემა ხორციელდება სააგენტოს დირექტორის ბრძანებით განსაზღვრული წესის შესაბამისად.
7. პროგრამის მე-3 მუხლის „გ“ ქვეპუნქტის „გ.ა“, „გ.ბ“ და „გ.გ“ ქვეპუნქტებით გათვალისწინებული სპეციფიკური მედიკამენტებისა და საანალიზო ტექნიკური საშუალებების ხარჯვის ზედამხედველობა მოიცავს მათ გაცემაზე პასუხისმგებელი მიმწოდებლის მიერ განმახორცილებლისათვის დადგენილი ფორმით მედიკამენტებისა და სახარჯი მასალების ბრუნვის შესახებ ინფორმაციის მიწოდებას.
8. ულტრახანმოკლე და ულტრახანგრძლივი ინსულინის ანალოგები გაიცემა იმ პაციენტებისთვის, რომელთაც აღნიშნული მედიკამენტით მკურნალობა დანიშნული ჰქონდათ 2023 წლის 31 დეკემბრამდე. პროგრამის მე-3 მუხლის „გ.ა“ ქვეპუნქტის ფარგლებში შესყიდული ულტრახანმოკლე და ულტრახანგრძლივი ინსულინის ანალოგებით უზრუნველსაყოფი ახლადგამოვლენილ მოსარგებლეთა დადგენა, ასევე 2023 წლის 31 დეკემბრის შემდეგ ულტრახანმოკლე და ულტრახანგრძლივი ინსულინის ანალოგებით უზრუნველყოფილი დადგენილი ბენეფიციარების გადახედვა ხორციელდება კომისიური წესით. აღნიშნული კომისიის შემადგენლობა განისაზღვრება სააგენტოს დირექტორის ინდივიდუალური ადმინისტრაციულ-სამართლებრივი აქტით.
9. პროგრამის მე-3 მუხლის „გ.ბ“ ქვეპუნქტით განსაზღვრული ბენეფიციარებისთვის ულტრახანმოკლე და ულტრახანგრძლივი ინსულინის ანალოგებით უზრუნველსაყოფი ახლადგამოვლენილ მოსარგებლეთა დადგენა, სამკურნალო საშუალებების გაცემა, ასევე ადამიანის ინსულინებიდან ინსულინის ანალოგებზე გადასვლა და დოზის კორექცია ხორციელდება ექიმ-სპეციალისტის მიერ გაცემული ჯანმრთელობის მდგომარეობის შესახებ ცნობის ფორმა №IV-100/ა-ის საფუძველზე.(გარდა ახალი თაობის ხანგრძლივი მოქმედების ბაზალური ინსულინისა (დეგლუდეკი), რომელიც გაიცემა კომისიური წესით).
10. პროგრამის მე-3 მუხლის „გ“ ქვეპუნქტის „გ.ბ“ ქვეპუნქტით გათვალისწინებული გლუკაგონი, შპრიც-კალმისტრები და ნემსები გაიცემა შემდეგი წესით:
ა) შპრიც-კალმისტრები ინსულინის სახეობების შესაბამისად გაიცემა ახლად გამოვლენილი პაციენტებისთვის. პროგრამის არსებული ბენეფიციარებისთვის შპრიც-კალმისტრები დამატებით გაიცემა მხოლოდ დაზიანების ან დაკარგვის შემთხვევაში, მოსარგებლის ან მისი კანონიერი წარმომადგენლის განცხადების საფუძველზე, წლის მანძილზე არაუმეტეს 1-ჯერ.
ბ) ინსულინის ნემსი (ზომით 4 მმ, 6 მმ და/ან 8 მმ) გაიცემა ერთ ჯერზე არაუმეტეს 3 კოლოფისა (300 ც), მაგრამ არაუმეტეს წელიწადში ჯამურად 12 კოლოფისა (1,200 ც), მათ შორის, ერთ ჯერზე არა უმეტეს 3 კოლოფისა (300 ც) გაიცემა ახლადგამოვლენილი ბენეფიციარებისთვის;
გ) ახლადგამოვლენილი ბენეფიციარებისთვის გაიცემა 1 ცალი გლუკაგონი. მოხმარებული გლუკაგონი, მიმწოდებელთან წარდგენის შემთხვევაში, ჩანაცვლდება ახლით, წლის მანძილზე არაუმეტეს 1 ფლაკონით. სარგებლობაში გადაცემული გლუკაგონი, მოქმედების ვადის გასვლის შემთხვევაში, მიმწოდებელთან წარდგენის შემდგომ, ჩანაცვლდება ახლით.
11. პროგრამის მე-3 მუხლის „დ“ ქვეპუნქტით გათვალისწინებული მომსახურებისთვის თანხმობის ფურცლის მისაღებად მოსარგებლემ/მისმა კანონიერმა წარმომადგენელმა განმახორციელებელს უნდა მიმართოს განცხადებით, რომელსაც თან უნდა ერთოდეს შემდეგი დოკუმენტაცია:
ა) მოსარგებლის/კანონიერი წარმომადგენლის პირადობის დამადასტურებელი დოკუმენტის ან პასპორტის ასლი;
ბ) არასრულწლოვნის შემთხვევაში, მშობლის/კანონიერი წარმომადგენლის პირადობის დამადასტურებელი დოკუმენტის ან პასპორტის ასლი, აგრეთვე არასრულწლოვნის დაბადების მოწმობის ასლი.
12. პროგრამის მე-3 მუხლის „დ“ ქვეპუნქტით განსაზღვრული კომპონენტის ადმინისტრირების დამატებითი პირობები განისაზღვრება განმახორციელებლის ინდივიდუალური ადმინისტრაციულ-სამართლებრივი აქტით, სამინისტროსთან შეთანხმებით.
დანართი №14
ორგანოთა ტრანსპლანტაცია
(ძვლის ტვინის და ღვიძლის ტრანსპლანტაცია)
(პროგრამული კოდი 27 03 03 0