“ავიასპეციალისტების სერტიფიცირების წესების დამტკიცების შესახებ" საას-ის თავმჯდომარის 2003 წლის 16 დეკემბრის №7 ბრძანებაში ცვლილებების შშეტანის თაობაზე"

სახელმწიფო სარეგისტრაციო კოდი 310.010.010.27.019.007.504

სამოქალაქო ავიაციის ადმინისტრაციის თავმჯდომარის

ბრძანება №3

2005 წლის 23 ივნისი

ქ. თბილისი

,,ავიასპეციალისტების სერტიფიცირების წესების დამტკიცების შესახებ” საა-ს თავმჯდომარის 2003 წლის 16 დეკემბრის№7 ბრძანებაში ცვლილებების შეტანის თაობაზე

საქართველოს სამოქალაქო ავიაციის ფრენის უსაფრთხოების უზრუნველყოფის ნორმატიული ბაზის შემდგომი სრულყოფის მიზნით, ჩიკაგოს 1944 წლის კონვენციის (,,საერთაშორისო სამოქალაქო ავიაციის შესახებ”), საქართველოს კანონების: ,,ტრანსპორტისა და კომუნიკაციების სფეროს სახელმწიფო მართვისა და რეგულირების წესის შესახებ” მე-13 მუხლის, ,,ნორმატიული აქტების შესახებ” 36-ე მუხლის მოთხოვნებიდან გამომდინარე, ვბრძანებ:

1. სამოქალაქო ავიაციის ადმინისტრაციის თავმჯდომარის 2003 წლის 16 დეკემბრის №7 ბრძანებით დამტკიცებული ,,ავიასპეციალისტების სერტიფიცირების წესებში” (სსმ III, 23.12.2003, №147, მუხლი 1203) შეტანილ იქნეს შემდეგი ცვლილებები:

ა)    გაუქმდეს ,,წესების” მე-3 მუხლის მე-19 პუნქტი;

ბ)    გაუქმდეს ,,წესების” 35-ე მუხლი.

2. ეს ბრძანება ამოქმედდეს გამოქვეყნებისთანავე.

გ. მჟავანაძე