“საქართველოს ეროვნული ბანკის პრეზიდენტის 1999 წლის 2 სექტემბრის №20 ბრძანებით დამტკიცებულ "საქართველოში უნაღდო ანგარიშსწორების წესებში" დამატების შეტანის შესახებ"

სახელმწიფო სარეგისტრაციო კოდი 220.010.080.18.011.007.617

საქართველოს ეროვნული ბანკის პრეზიდენტის

ბრძანება №187

2005 წლის 2 აგვისტო

ქ. თბილისი

საქართველოს ეროვნული ბანკის პრეზიდენტის 1999 წლის 2 სექტემბრის №220 ბრძანებით დამტკიცებულ „საქართველოში უნაღდო ანგარიშსწორების წესებში“ დამატების შეტანის შესახებ

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1

„საქართველოს ეროვნული ბანკის პრეზიდენტის 1999 წლის 2 სექტემბრის №220 ბრძანებით (სსმ lll, 1999 წ., №42 (50), მუხ. 784) დამტკიცებული „საქართველოში უნაღდო ანგარიშსწორების წესების“ მე-3 მუხლს დაემატოს შემდეგი შინაარსის მე-13 პუნქტი:

„13. დაუშვებელია კლიენტის მიერ საგადასახადო დავალების გამოთხოვა და მასში მითითებული თანხის კლიენტის (დავალების მიმცემის) ანგარიშზე დაბრუნება, მას შემდეგ, რაც ბანკი დაამოწმებს მას შ ტამპით „განაღდებულია“. აღნიშნული შტამპით დამოწმების შემდეგ საგადასახადო დავალებაში მითითებული თანხა ითვლება კლიენტის  (დავალების მიმცემის) ანგარიშიდან ჩამოწერილად და თანხის მიმღების ანგარიშზე გადარიცხულად. შემდგომში თანხის უკან დაბრუნება შეიძლება განხორციელდეს მხოლოდ სასამართლოს შესაბამისი აქტის საფუძველზე, კანონმდებლობით დადგენილი წესით.“.

    მუხლი 2

ეს ბრძანება ამოქმედდეს გამოქვეყნებისთანავე.

პრეზიდენტის მოვალეობის შემსრულებელი                                                         ე. გალდავა