“საქართველოს საგარეო საქმეთა სამინისტროს საკონსულო დეპარტამენტის დებულების დამტკიცების თაობაზე" საქართველოს საგარეო საქმეთა მინისტრის 2005 წლის 11 მაისის №70 ბრძანებაში ცვლილებებისა და დამატებების შეტანის შესახებ"

სახელმწიფო სარეგისტრაციო კოდი 480.060.000.22.030.007.762

საქართველოს საგარეო საქმეთა მინისტრის 

 ბრძანება №129

2005 წლის 3 ოქტომბერი

ქ. თბილისი

,,საქართველოს საგარეო საქმეთა სამინისტროს საკონსულო დეპარტამენტის დებულების დამტკიცების თაობაზე” საქართველოს საგარეო საქმეთა მინისტრის 2005 წლის 11 მაისის №70 ბრძანებაში ცვლილებებისა და დამატებების შეტანის შესახებ

,,საქართველოს მთავრობის სტრუქტურის, უფლება­მო­სილებისა და საქმიანობის წესის შესახებ” საქარ­თველოს კანონის მე-18 მუხლის მე-2 პუნქტის საფუძ­ველზე და ,,საქართველოს საგარეო საქმეთა სამინის­ტროს დებულების დამტკიცების შესახებ” საქართველოს მთავრობის 2004 წლის 25 ივნისის №53 დადგენილების მე-5 მუხლის პირველი პუნქტის ,,დ” ქვეპუნქტისა და 21-ე მუხლის მოთხოვნათა გათვალისწინებით, ვბრძა­ნებ:

1. ,,საქართველოს საგარეო საქმეთა სამინისტროს საკონსულო დეპარტამენტის დებულების დამტკიცების შესახებ” საქართველოს საგარეო საქმეთა სამინისტროს 2005 წლის 11 მაისის №70 ბრძანებაში (სსმ III, 19.05.2005 წ., №61, მუხ. 650) შევიდეს შემდეგი ცვლილებები და დამატებები:

ა) ამოღებულ იქნეს დებულების მე-11 მუხლის მე-3 პუნქტი;

ბ) დებულების მე-12, მე-13, მე-14, მე-15 და მე-16 მუხლები ჩამოყალიბდეს შემდეგი რედაქციით:

      ,,მუხლი 12

დეპარტამენტის სტრუქტურული ერთეულებია:

ა) საკონსულოსამართლებრივი სამმართველო;

ბ) საკონსულო ურთიერთობათა სამმართველო;

გ) საპასპორტო და მოქალაქეობის საკითხთა სამმართველო;

დ) სავიზო სამმართველო;

ე) სავიზო ინფორმაციის სამმართველო;

ვ) ზოგად საკონსულო საკითხთა სამმართველო.

    მუხლი 13

საკონსულო-სამართლებრივი სამმართველო ახორციელებს:

ა) საკონსულო სფეროში საქართველოს საერთა­შორისო ხელშეკრულებათა პროექტების მომზადებას;

ბ) საკონსულო სფეროში არსებული საკანონმდებლო და სხვა ნორმატიული აქტების პროექტების შემუშავებას, ამ სფეროში საქართველოს კანონმდებლობის საერთა­შორისო სამართლის ნორმებთან შესაბამისობაში მოყვა­ნის მიზნით წინადადებების შემუშავებას;

გ) საზღვარგარეთის სახელმწიფოებთან საქართველოს საკონსულო ურთიერთოებების სახელშეკრულებო, სამართლებრივი ბაზის განვითარებას და სრულყოფას საზღვარგარეთ საქართველოს ფიზიკური და იურიდიული პირების უფლებებისა და კანონიერი ინტერესების დაცვის მიზნით;

დ) საკონსულო სამართლის სფეროში შემავალ ნორმატიულ აქტებზე დასკვნების მომზადებას;

ე) საზღვარგარეთ საქართველოს საკონსულო დაწესებულებების გახსნისა და დახურვის სამართლებრივ უზრუნველყოფას;

ვ) საპატიო კონსულთა საქმიანობის სამართლებრივ უზრუნველყოფას;

ზ) საკონსულო პატენტის მომზადებას;

თ) საკონსულო ეგზეკვატურის მომზადებას;

ი) საზღვარგარეთ საქართველოს საკონსულო დაწესებულებებისათვის სამართლებრივი კონსულტაციის გაწევასა და მათი საქმიანობის მარეგულირებელი ნორმატიული აქტების მიწოდებას;

კ) საქართველოსა და უცხო ქვეყნის სასამართლო და სამართალდამცავი ორგანოებისათვის სამართლებრივი დახმარების აღმოჩენის პროცესში მონაწილეობის მიღებას;

ლ) ექსტრადაციისა და მსჯავრდებულების გადაცემასთან დაკავშირებული საკითხების განხილვა-გადაწყვეტაში მონაწილეობის მიღებას.

    მუხლი 14

საკონსულო ურთიერთობათა სამმართველო ახორციელებს:

ა) წინადადებების შემუშავებას საქართველოს საკონ­სულო ურთიერთობათა სრულყოფისათვის გან­სახორ­ციელებელ ღონისძიებათა შესახებ;

ბ) საქართველოს საკონსულო დაწესებულებათა და საქართველოს საპატიო კონსულთა საქმიანობის, მათ შორის საფინანსო-ეკონომიკური საქმიანობის შესწავლა-ანალიზსა და აღნიშნულის თაობაზე საინფორმაციო დასკვნის სისტემატურ მომზადებას;

გ) საქართველოს საპატიო კონსულის ინსტიტუტის განვითარების შესახებ წინადადებების შემუშავებას;

დ) საზღვარგარეთის კანონმდებლობის შესახებ ინ­ფორმაციის მოპოვებას;

ე) სავიზო საკითხების შესახებ საზღვარგარეთის ქვეყნების ანალიზს;

ვ) საქართველოს მოქალაქეთა საკონსულო დაცვის ხარისხის ასამაღლებლად საინ­ფორ­მაციო მასალისა და წინადადებების მომზადებას;

ზ) საკონსულო სფეროში არსებულ საერთაშორისო ხელშეკრულებებთან საქართველოს მიერთების შესახებ წინადადებების მომზადებას;

თ) საზღვარგარეთ საქართველოს მოქალაქეთა მიგრა­ციულ გადაადგილებასთან დაკავშირებულ საკითხთა შესწავლასა და კომპეტენციის ფარგლებში მიგრა­ციული პროცესების მართვაში მონაწილეობას;

ი) საზღვარგარეთ საქართველოს საკონსულო დაწესე­ბულებების გახსნასა და დახურვის მიზანშეწონი­ლობის შესახებ საკითხების შესწავლასა და რეკო­მენდაციების მომზადებას;

კ) საზღვარგარეთის სახელმწიფოებთან ეკონომიკური ურთიერთკავშირების განვითარება-გაღრმავების სფეროში საქართველოს საკონსულო დაწესებულებათა მუშაობის ანალიზსა და მათი სრულყოფისათვის წინადადებათა მომზადებას;

ლ) უცხო ქვეყანაში, სადაც არ არის დაარსებული საქართველოს დიპლომატიური წარმომადგენლობა ან საკონსულო დაწესებულება, საქართველოს მოქალაქეთა და იურიდიულ პირთა ინტერესების დაცვასთან დაკავშირებით წარმოქმნილ პრობლემათა ოპერატიულ და კვალიფიციურ მოგვარებას.

    მუხლი 15

საპასპორტო და მოქალაქეობის საკითხთა სამმართველო ახორციელებს:

ა) საქართველოს მოქალაქეობასთან დაკავშირებული საკითხების განხილვა-გადაწყვეტაში მონაწილეობის მიღებას;

ბ) საქართველოს მოქალაქის პასპორტების, სამგზავ­რო დოკუმენტებისა და პირადობის მოწმობების გაცემაში, პასპორტების მოქმედების ვადის გაგრძელე­ბაში, საქართველოს დიპლომატიური წარმომადგენლო­ბებისა და საკონსულო დაწესებულებებისათვის დახმა­რებას;

გ) საქართველოს დიპლომატიური, სამსახურებრივი პასპორტებისა და სამგზავრო დოკუმენტების გაცემას, ჩამორთმევას, შენახვას, მათში ცვლილებების შეტანასა და გაუქმებას.

    მუხლი 16

სავიზო სამმართველო ახორციელებს:

ა) საქართველოში მყოფ უცხოელთათვის ვიზების მოქმედების ვადის გაგრძელებას და კანონმდებლობით გათვალისწინებულ შემთხვევებში მათ გაუქმებას, ასევე საქართველოს საკონსულო-სავიზო პუნქტებში საქარ­თველოს ვიზების გაცემის კონტროლს;

ბ) კანონმდებლობით დადგენილ შემთხვევებსა და ფარგლებში საქართველოს ვიზების გაცემას, მოქმედების ვადის გაგრძელებასა და გაუქმებას;

გ) საზღვარგარეთ საქართველოს საკონსულო დაწესე­ბულებათა სავიზო საქმიანობის ზოგად კოორდინაციას;

დ) საქართველოს სავიზო ეტიკეტების, ანკეტებისა და სხვა სავიზო დოკუმენტაციის ფორმების შემუშავებაში მონაწილეობის მიღებას;

ე) საქართველოში უკანონო მიგრანტთა გამოსავლენად შესაბამის უწყებებთან დადგენილი წესით თანამშრომ­ლობას;

ვ) საზღვარგარეთ საქართველოს დიპლომატიურ წარმომადგენლობათა და საკონსულო დაწესებულებათა ინფორმირებას იმ პირთა შესახებ, რომელთაც ეკრძალე­ბათ საქართველოში შემოსვლა.“;

გ) დებულებას დაემატოს შემდეგი შინაარსის 16¹ და 16² მუხლები:

     „მუხლი 16¹

სავიზო ინფორმაციის სამმართველო ახორციელებს:

ა) საზღვარგარეთის ქვეყნების სავიზო რეჟიმის ცვლილებების შესახებ ინფორმაციის მოპოვებასა და ანალიზს;

ბ) საზღვარგარეთ სამსახურებრივი მივლინებით მიმავალ დიპლომატიური და სამსახურებრივი პასპორტების მფლობელ პირთა სავიზო უზრუნველყოფას;

გ) შესაბამისი სახელმწიფო დაწესებულების შუამდგომლობის საფუძველზე, საზღვარგარეთ სამსახურებრივი მივლინებით მიმავალი ოფიციალური დელეგაციებისა და საჯარო მოხელეთა სავიზო უზრუნველყოფას;

დ) შესაბამისი სამედიცინო დაწესებულების შუამდგომლობის საფუძველზე, საზღვარგარეთ გადაუდებელი მკურნალობის მიზნით, ასევე მძიმე ავადმყოფი ახლო ნათესავის მოსანახულებლად ან გარდაცვლილი ახლო ნათესავის გადმოსასვენელად მიმავალ პირთა სავიზო უზრუნველყოფას;

ე) შესაბამისი სახელმწიფო დაწესებულების შუამდგომლობის საფუძველზე, საზღვარგარეთ საერთაშო-რისო სამეცნიერო კონფერენციებზე, სემინარებზე, კუტურულ და სპორტულ ღონისძიებებზე მიმავალ პირთა სავიზო უზრუნველყოფას;

ვ) საერთაშორისო ხელშეკრულებების საფუძველზე საზღვარგარეთ მიმავალ პირთა სავიზო უზრუნველყოფას;

ზ) სახელმწიფოებრივი ინტერესებიდან გამომდინარე, განსაკუთრებულ შემთხვევებში, საქართველოს საგარეო საქმეთა მინისტრის დავალებით საზღვარგარეთ მიმავალ პირთა სავიზო უზრუნველყოფას.

    მუხლი 16².

ზოგად საკონსულო საკითხთა სამმართველო ახორციელებს:

ა) საზღვარგარეთ გამოსაყენებლად განკუთვნილი საქარ­თველოს ოფიციალური დოკუმენტებისა და საქარ­თველოში აკრედიტებული უცხო სახელმწიფოთა საკონ­სუ­ლო დაწესებულებების ან სხვა დიპლომატიური წარმომადგენლობების მიერ გაცემული ოფიციალური დოკუმენტების ლეგალიზაციას;

ბ) საქართველოსა და უცხო ქვეყნის უწყებებიდან დოკუმენტების გამოთხოვას;

გ) საზღვარგარეთ საქართველოს მოქალაქეთა გარ­დაც­­ვალების შემთხვევაში, გადმოსვენების ორგანიზე­ბაში საქართველოს დიპლომატიური წარმომადგენ­ლობებისა და საკონსულო დაწესებულებებისათვის დახ­მარე­ბას;

დ) საქართველოს სახელმწიფო დაწესებულებისათვის უცხო ქვეყნის კომპეტენტური ორგანოებისათვის მიმართვისას დახმარების აღმოჩენას;

ე) საზღვარგარეთ დაპატიმრებულ, დაკავებულ ან სხვაგ­ვარად თავისუფლებაშეზღუდულ საქართველოს მოქალაქეთა შესახებ საკონსულო დაწესებულებებიდან შემოსული ინფორმაციის საქართველოს სამართალ­დამცავი ორგანოებისათვის მიწოდებას;

ვ) მოქალაქეთა იმ კერძო წერილებზე მუშაობას, რაც შეეხება საზღვარგარეთ მათი საკონსულო დაცვის უზრუნველყოფას”.

2. ეს ბრძანება ამოქმედდეს გამოქვეყნებიდან ერთი თვის შემდეგ.

ს. ზურაბიშვილი