“საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალი სახელმწიფო საქვეუწყებო დაწესებულების წამლის სააგენტოს დებულების დამტკიცების შესახებ" საქართველოს შრომის, ჯანმრთEლობისა და სოციალური დაცვის მინისტრის 2004 წლის 12 ოქტომბრის №279/ნ ბრძანებაში ცვლილებებისა და დამატებების შეტანის თაობაზე"

სახელმწიფო სარეგისტრაციო კოდი 470.200.000.22.035.007.851

საქართველოს შრომის, ჯანმრთელობისა და სოციალური დაცვის მინისტრის    

ბრძანება №282/ნ

2005 წლის 9 ნოემბერი

ქ. თბილისი

,,საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალი სახელმწიფო საქვეუწყებო დაწესებულების – წამლის სააგენტოს დებულების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2004 წლის 12 ოქტომბრის  №279/ნ ბრძანებაში ცვლილებებისა და დამატებების შეტანის თაობაზე

,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის 25-ე მუხლის მე-5 პუნქტისა და ,,საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ” საქართველოს მთავრობის 2004 წლის 7 ივნისის № 47 დადგენილებით დამტკიცებული, საქართველოს შრომის, ჯანმრთელობისა და სოციალური დაცვის სამინისტროს დებულების მე-4 მუხლის მე-2 პუნქტის შესაბამისად, ვბრძანებ:

1. ,,საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალი სახელმწიფო საქვეუწყებო დაწესებულების – წამლის სააგენტოს დებულების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2004 წლის 12 ოქტომბრის № 279/ნ ბრძანებით (სსმ III, 2004 წ., №114, მუხლი 1012) დამტკიცებულ დებულებაში შეტანილ იქნეს შემდეგი ცვლილებები და დამატებები:

ა) პირველი მუხლის მე-2 პუნქტი ჩამოყალიბდეს შემდეგი რედაქციით:

,,2. სააგენტო თავის საქმიანობაში ხელმძღვანელობს საქართველოს კონსტიტუციით, საერთაშორისო ხელშეკრულებებითა და შეთანხმებებით, რომელთა მონაწილეც არის საქართველო, ,,წამლისა და ფარმაცევტული საქმიანობის შესახებ”, ,,ლიცენზიებისა და ნებართვების შესახებ”, ,,ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ”, ,,სამეწარმეო საქმიანობის კონტროლის შესახებ” საქართველოს კანონებითა და სხვა საკანონმდებლო აქტებით, საქართველოს პრეზიდენტისა და საქართველოს მთავრობის სამართლებრივი აქტებით, საქართველოს შრომის, ჯანმრთელობისა და სოციალური დაცვის მინისტრის (შემდგომში – მინისტრი) ბრძანებებით, სხვა ნორმატიული აქტებითა და წინამდებარე დებულებით.”;

ბ) მე-2 მუხლის პირველ პუნქტს დაემატოს შემდეგი შინაარსის ,,ე” და ,,ვ” ქვეპუნქტები:

,,ე) ნარკოტიკების ლეგალური ბრუნვის სფეროში დადებული საერთაშორისო ხელშეკრულებებით გათვალისწინებულ მოთხოვნათა შესრულება;

ვ) ნარკოტიკების ლეგალური ბრუნვის სფეროში სახელმწიფო პოლიტიკის შემუშავებაში მონაწილეობა.”;

გ) მე-2 მუხლის მე-2 პუნქტის ,,ა” ქვეპუნქტი ჩამოყალიბდეს შემდეგი რედაქციით:

,,ა) გასცეს სპეციალურ კონტროლს დაქვემდებარებული სამკურნალო საშუალებების იმპორტის ან ექსპორტის, ფარმაკოლოგიური საშუალებების კლინიკური კვლევის, ფარმაცევტული წარმოების, I ჯგუფის აფთიაქის, II ჯგუფის აფთიაქისა და სააფთიაქო პუნქტის მოწყობის ნებართვები;“;

დ) მე-2 მუხლის მე-2 პუნქტს დაემატოს შემდეგი შინაარსის ,,ნ” და ,,ო” ქვეპუნქტები:

,,ნ) კანონმდებლობით დადგენილი წესითა და ფარგლებში სპეციალურ კონტროლს დაქვემდებარებული სამკურნალო საშუალებების ლეგალურ ბრუნვაზე კონტროლი და ზედამხედველობა ქვეყნის მთელ ტერიტორიაზე;

ო) ნარკოტიკულ საშუალებებზე და ფსიქოტროპულ ნივთიერებებზე საქართველოს ყოველწლიური მოთხოვნილების შემუშავება, გაეროს ნარკოტიკებზე კონტროლის საერთაშორისო კომიტეტისათვის (შემდგომში – კომიტეტი) დასამტკიცებლად წარდგენის მიზნით და დამტკიცებული კვოტის ფარგლებში ამ საშუალებათა იმპორტსა და ექსპორტზე კონტროლის დაწესება.“;

ე) მე-2 მუხლის მე-3 პუნქტს დაემატოს ,,კ” ქვეპუნქტი და ,,ი” და ,,კ” ქვეპუნქტები ჩამოყალიბდეს შემდეგი შინაარსით:

,,ი) საქართველოს კანონმდებლობით დადგენილი წესით, საქართველოს ტერიტორიაზე მოქმედი ყველა ფიზიკური და იურიდიული პირისაგან, განურჩევლად უწყებრივი დაქვემდებარებისა და ორგანიზაციულ-სამართლებრივი ფორმისა, აგრეთვე, სამინისტროს სისტემის შემადგენლობაში არსებული დაწესებულებებისაგან მოითხოვოს ნებისმიერი ინფორმაცია, რაც დაკავშირებული იქნება სპეციალურ კონტროლს დაქვემდებარებული ნივთიერებების ლეგალურ ბრუნვასთან;

კ) განახორციელოს კანონმდებლობით განსაზღვრული სხვა უფლებამოსილებანი.”;

ვ) მე-3 მუხლის:

ვ.ა) პირველი პუნქტის ,,გ” ქვეპუნქტი ჩამოყალიბდეს შემდეგი რედაქციით:

,,გ) ნებართვებისა და ფარმაცევტული ინფორმაციის ანალიზის სამმართველო;”;

ვ.ბ) პირველ პუნქტს დაემატოს შემდეგი შინაარსის ,,ზ” ქვეპუნქტი:

,,ზ) ნარკოტიკების ლეგალურ ბრუნვაზე კონტროლის სამმართველო.”;

ვ.გ.) მე-3 პუნქტს დაემატოს შემდეგი შინაარსის ,,ე” ქვეპუნქტი:

,,ე) რეგისტრირებული სამკურნალო საშუალებების რეესტრის წარმოება, მონაცემთა ელექტრონული ბაზის შექმნა და მისი რეგულარული განახლება.”;

ვ.გ) მე-4 პუნქტი ჩამოყალიბდეს შემდეგი რედაქციით:

,,4. ნებართვებისა და ფარმაცევტული ინფორმაციის ანალიზის სამმართველოს უფლება-მოვალეობაა:

ა) სანებართვოდ წარმოდგენილი მასალის განხილვა, დოკუმენტური ექსპერტიზა;

ბ) ფარმაცევტული წარმოების (სამკურნალო საშუალებებისა, გარდა ნარკოტიკული საშუალებებისა) ნებართვის გაცემის, მასში ცვლილებების და/ან დამატებების შეტანის, ან გაუქმების პროცესის ორგანიზაციული და ექსპერტული უზრუნველყოფა;

გ) სამკურნალო საშუალებების, მათ შორის სპეციალურ კონტროლს დაქვემდებარებული სამკურნალო საშუალებების იმპორტსა და ექსპორტზე ნებართვის გაცემის, ან გაუქმების პროცედურის ორგანიზაციული და ექსპერტული განხორციელება;

დ) სანებართვო პირობების ადგილზე შემოწმების უზრუნველყოფა;

ე) სანებართვო დოკუმენტაციის აღრიცხვა, შენახვა და უწყებრივი რეესტრის წარმოება;

ვ) ფარმაცევტული ბაზრის შესახებ ინფორმაციის მობილიზება, მისი სათანადო ანალიზი და მონიტორინგი.”;

ზ) მე-3 მუხლს დაემატოს შემდეგი შინაარსის მე-8 პუნქტი:

,,8. ნარკოტიკების ლეგალური ბრუნვის კონტროლის სამმართველოს უფლება-მოვალეობაა:

ა) საერთაშორისო ხელშეკრულებით გათვალისწინებულ ვადებში აწარმოოს გაანგარიშება სპეციალურ კონტროლს დაქვემდებარებულ სამკურნალო საშუალებებზე საქართველოს წლიური მოთხოვნილების შესახებ;

ბ) საჭიროების შემთხვევაში, კომიტეტისთვის წარსადგენად, მოამზადოს წინადადებები, კვოტაში შესაბამისი კორექტივების შეტანის თაობაზე;

გ) გაატაროს ღონისძიებები ნარკოტიკების ბრუნვის სფეროში შესაბამისი საერთაშორისო ორგანიზაციების მიერ შემუშავებული მოთხოვნებისა და რეკომენდაციების საქართველოს კანონმდებლობაში ასახვისა და პრაქტიკაში დანერგვისათვის, აგრეთვე, ადგილობრივი პირობების გათვალისწინებით წინადადებების შემუშავება სპეციალურ კონროლს დაქვემდებარებული ნივთიერებების სიებში სათანადო ცვლილებებისა და დამატებების შეტანის თაობაზე;

დ) კომიტეტის მიერ დადგენილ ვადებში და დადგენილი ფორმით მოამზადოს ინფორმაცია სპეციალურ კონტროლს დაქვემდებარებული ნივთიერებების ლეგალური ბრუნვის შესახებ;

ე) შეისწავლოს სააგენტოში შემოსული ყველა მასალა, რაც უკავშირდება სპეციალურ კონტროლს დაქვემდებარებული სამკურნალო საშუალებების საიმპორტო (საექსპორტო) ოპერაციების განხორცილებას და მოამზადოს შესაბამისი დოკუმენტაცია;

ვ) ექსპორტიორი ქვეყნის კომპეტენტური ეროვნული ორგანოების მოთხოვნის საფუძველზე მოამზადოს ინფორმაცია საქართველოში ფაქტობრივად იმპორტირებული, სპეციალურ კონტროლს დაქვემდებარებული სამკურნალო საშუალებების შესახებ;

ზ) თავისი კომპეტენციის ფარგლებში შეიმუშაოს საკანონმდებლო და კანონქვემდებარე ნორმატიული აქტების პროექტები;

თ) სტატისტიკურად დაამუშაოს მიღებული ინფორმაცია და შექმნას ელექტრონული საინფორმაციო ბანკი სპეციალურ კონტროლს დაქვემდებარებული სამკურნალო საშუალებების ლეგალური ბრუნვის შესახებ;

ი) შემოსული ინფორმაციის დამუშავების შედეგად გამოვლენილი დარღვევე ბ ის ან შეუსაბამობების აღმოჩენისას სათანადო რეაგირებისათვის მიმართოს სააგენტოს ხელმძღვანელობას;

კ) სააგენტოს სტრუქტურული ქვედანაყოფებიდან მოითხოვოს სპეციალურ კონტროლს დაქვემდებარებული სამკურნალო საშუალებებთან დაკავშირებული ნებისმიერი ინფორმაცია;

ლ) საჭიროების შემთხვევაში სააგენტოს სტრუქტურულ ქვედანაყოფებს მიაწოდოს ინფორმაცია, რაც დაკავშირებული იქნება სპეციალურ კონტროლს დაქვემდებარებული სამკურნალო საშუალებების ლეგალურ ბრუნვასთან;

მ) დაინტერესებული ორგანოების, იურიდიული და ფიზიკური პირების ოფიციალური მომართვების საფუძველზე განმარტოს ნარკოტიკული საშუალებების, ფსიქოტროპული ნივთიერებებისა და პრეკურსორების სიებთან, აგრეთვე, მათ ლეგალურ ბრუნვასთან დაკავშირებული საკითხები.”;

თ) მე-4 მუხლის მე-2 და მე-3 პუნქტები ჩამოყალიბდეს შემდეგი რედაქციით:

,,2. სააგენტოს უფროსს ჰ ყავს ორი მოადგილე, რომლებსაც სააგენტოს უფროსის წარდგინებით თანამდებობაზე ნიშნავს და თანამდებობიდან ათავისუფლებს მინისტრი.

3. სააგენტოს უფროსის მოადგილეების უფლებამოსილება და ფუნქციები განისაზღვრება სააგენტოს უფროსის ადმინისტრაციულ-სამართლებრივი აქტით.”;

ი) მე-7 მუხლის მე-2 პუნქტი ჩამოყალიბდეს შემდეგი რედაქციით:

,,2. სააგენტოს სამმართველოს უფროსი თავისი უფლებამოსილების ფარგლებში ხელმძღვანელობს სამმართველოს.”.

2. ბრძანება ამოქმედდეს გამოქვეყნებისთანავე.

ლ. ჭიპაშვილი