რეფრიჟერატორული და თერმოს ვაგონებით შეფუთული ტვირთების ტრანსპორტირების შესახებ

რეფრიჟერატორული და თერმოს ვაგონებით შეფუთული ტვირთების ტრანსპორტირების შესახებ საქართველოს რკინიგზის დეპარტამენტის თავმჯდომარის ბრძანება № 152/ნ ქ. თბილისი 1996 წლის 26 მაისი რეფრიჟერატორული და თერმოს ვაგონებით შეფუთული ტვირთების ტრანსპორტირების შესახებ ბოლო პერიოდში ბათუმისა და ფოთის პორტებში მოიმატა შეფუთულ ტვირთის რაოდენობამ, რის შედეგადაც იგრძნობა დახურული  ვაგონების ნაკლებობა. ამასთან საქართველოს რკინიგზას გააჩნია 120 რეფრიჟერატორული (არვ) და 40 თერმოს ვაგონი, რომლებიც საქართველოს რკინიგზამ მიიღო ყოფილი საბჭოთა კავშირის დაშლის შემდგომ პერიოდში სავაგონო პარკის გადანაწილების შედეგად. აღნიშნული ვაგონების პირდაპირი დანიშნულებით გამოყენება შეუძლებელია შესაბამისი აღდგენითი სამუშაოების ჩატარების გარეშე. დღეისათვის მათი გამოყენება შეკეთების გარეშე შესაძლებელია დახურულ ვაგონებად. იმასთან დაკავშირებით, რომ რეფირიჟერატორული (არვ) და თერმოს ვაგონების ტვირთამწეობა არის 40 ტონა, ხოლო დახურული ვაგონისა 60 ტონა, აღნიშნული ვაგონებით ტვირთის ტრანსპორტირების ღირებულება მეტია, ვიდრე დახურული ვაგონებით, ამის გამო კლიენტურა წინააღმდეგია რეფირიჟერატორული (არვ) და თერმოს ვაგონებით გადატანისა. ზემოაღნიშნულიდან გამომდინარე, ვბრძანებ: 1. რეფირიჟერატორული (არვ) და თერმოს ვაგონები გამოყენებული იქნეს, როგორც დახურული ვაგონები და 1 (ერთი) ტონა ტვირთის ტრანსპორტირების ღირებულების ანაზღაურება მოხდეს დახურული 60 ტონიანი ვაგონის 1 (ერთი) ტონა ტვირთის ღირებულების შესაბამისად. საქართველოს რკინიგზის დეპარტამენტის უფროსი                                                                   ა. ჩხაიძე