პრივატიზაციიდან სამინისტროსა და ტერიტორიულ ორგანოების ანგარიშებზე შემოსული თანხების გადარიცხვის წესის შესახებ

საქართველოს სახელმწიფო ქონების მართვის მინისტრის

ბრძანება №1-3/604

1996 წლის 17 სექტემბერი

ქ. თბილისი

პრივატიზაციიდან სამინისტროსა და ტერიტორიულ ორგანოების ანგარიშებზე შემოსული თანხების გადარიცხვის წესის შესახებ

საქართველოს რესპუბლიკის კანონის ბიუჯეტის შესახებ და სამინისტროს 1996 წლის 22 აგვისტოს №1-3/511 ბრძანების“ სპეციალიზებული აუქციონის ჩატარების დებულების დამტკიცების შესახებ“ საფუძველზე ვბრძანებ:

1. სახელმწიფო ქონების პრივატიზებით მიღებული სახსრები, ამათგან სანოტარო და საშუამავლო ხარჯების, საქართველოს ტელე-რადიო კორპორაციაზე გათვალისწინებული 2 პროცენტის გამოკლების, აგრეთვე პრივატიზების განხორცილების ორგანიზაციული ხარჯების დასაფარავად საქართველოს სახელმწიფო ქონების მართვის სამინისტროსა და ადგილობრივი მმართველობის ორგანოებისათვის გადასარიცხი ამონაგები თანხის 5 პროცენტის გამოკლების შემდეგ გადანაწილდეს ერთი თვის განმავლობაში დადგენილი წესით განსაზღვრული პროცენტული განაკვეთების შესაბამისად.

2. დაევალოს იურიდიული და სამართლებრივი უზრუნველყოფის სამმართველოს / გ. ნიშნიანიძე/ უზრუნველყოს აღნიშნული ბრძანების დამტკიცებული წესის რეგისტრაციას იუსტიციის სამინისტროში.

3. აღნიშნული წესი ძალაში შევიდეს ბრძანების იუსტიციის სამინისტროში რეგისტრაციის შემდეგ.

4. დაევალოს საორგანიზაციო-საინფორმაციო სამმართველოს ბრძანების რეგისტრაციაში გატარების შემდეგ უზრუნველყოს მისი გამოქვეყნება გაზეთ“ პრივატიზების მაცნეში“.

5. კონტროლი ბრძანების შესრულებაზე დაევალოს მინისტრის მოადგილეს ბატონ გ. დიდბერიძეს.

მინისტრი       ა. სილაგაძე