საქართველოს გარემოს დაცვისა და ბუნებრივი რესურსების მინისტრის 2005 წლის 29 აგვისტოს №277 ბრძანებით დამტკიცებულ საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულების – გარემოს დაცვის ინსპექციის დებულებაში ცვლილებების შეტანის თაობაზე

✨ ჰკითხე AI-ს ამ კანონის შესახებ
საქართველოს მინისტრის ბრძანება ძალადაკარგული ადგილობრივი მმართველობა
მიღების თარიღი
11.01.2006
გამომცემი ორგანო
საქართველოს გარემოს დაცვისა და ბუნებრივი რესურსების მინისტრი
ნომერი
№8
სარეგისტრაციო კოდი
010.240.070.22.023.008.015
გამოქვეყნების წყარო
matsne.gov.ge , სსმ, 5, 13/01/2006
📥 მინიშნება 1
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი

საქართველოს მინისტრის ბრძანება (1)

დოკუმენტის ტექსტი

სახელმწიფო სარეგისტრაციო კოდი 010.240.070.22.023.008.015

საქართველოს გარემოს დაცვისა და ბუნებრივი რესურსების მინისტრის

ბრძანება №8

2006 წლის 11 იანვარი

ქ. თბილისი

საქართველოს გარემოს დაცვისა და ბუნებრივი რესურსების მინისტრის 2005 წლის 29 აგვისტოს №277 ბრძანებით დამტკიცებულ საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულების – გარემოს დაცვის ინსპექციის დებულებაში ცვლილებების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

1. საქართველოს გარემოს დაცვისა და ბუნებრივი რესურსების მინისტრის 2005 წლის 29 აგვისტოს №277 ბრძანებით (სსმ III, 01.09.05წ. №103, მუხ.1153) დამტკიცებულ საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულების – გარემოს დაცვის ინსპექციის დებულებაში შეტანილ იქნეს შემდეგი სახის ცვლილებები:

ა) დებულების მე-7 მუხლი ჩამოყალიბდეს შემდეგი რედაქციით:

,,მუხლი 7. ინსპექციის სისტემა

1. ინსპექცია თავის საქმიანობას ახორციელებს მასში შემავალი სტრუქტურული ქვედანაყოფებისა და ტერიტორიული ორგანოების მეშვეობით.

2. ინსპექციის სტრუქტურული ქვედანაყოფებია:

ა) აპარატი;

ბ) ინსპექტირების სამსახური;

გ) სწრაფი რეაგირების სამსახური;

დ) ანალიტიკური სამსახური;

ე) ფინანსური უზრუნველყოფის სამსახური.

3. ინსპექციის ტერიტორიული ორგანოებია:

ა) კახეთის ბიურო;

ბ) ქვემო ქართლის ბიურო;

გ) აღმოსავლეთ ცენტრალური ბიურო;

დ) დასავლეთ ცენტრალური ბიურო;

ე) სამეგრელო-ზემო სვანეთის ბიურო;

ვ) აჭარის ბიურო;

ზ) სამცხე-ჯავახეთის ბიურო;

თ) შავი ზღვის დაცვის კონვენციური ინსპექცია.

4. ინსპექციის სტრუქტურული ქვედანაყოფებისა და ტერიტორიული ორგანოების კონკრეტული კომპეტენცია განისაზღვრება მათი დებულებებითა და მოქმედი კანონმდებლობით.”.

ბ) დებულების მე-8 მუხლის ,,ე” ქვეპუნქტი ჩამოყალიბდეს შემდეგი რედაქციით:

,,ე) ფინანსური უზრუნველყოფის სამსახურის კომპეტენციაა:

ე.ა) ინსპექციის საფინანსო-ეკონომიკური საქმიანობის ანალიზი;

ე.ბ) ინსპექციის მატერიალური, შრომითი, ფინანსური და საკრედიტო რესურსების გამოყენება;

ე.გ) ინსპექციის ბალანსზე არსებული ქონებისა და მისი მოძრაობის, მატერიალური და ფინანსური რესურსების გამოყენების კონტროლი;

ე.დ) ინსპექციის მატერიალურ-ტექნიკური უზრუნველყოფა;“.

 2. ეს ბრძანება ამოქმედდეს გამოქვეყნებისთანავე.

გ. პაპუაშვილი