რეზერვისტის სპეციალური მომზადების პროგრამის დამტკიცების შესახებ

2. პროგრამა უზრუნველყოფს რეზერვისტის მომზადებას თავდაცვის ძალების გასაძლიერებლად და მხარდასაჭერად.

ა) თავდაცვის ძალებისთვის შესაბამისი სამხედრო-სააღრიცხვო სპეციალობების მიხედვით პირის მომზადება;

ბ) თავდაცვის ძალების რეზერვის (შემდგომ – რეზერვი) სამეთაურო რგოლის − ოფიცრების შემადგენლობისა და სერჟანტების შემადგენლობის დაკომპლექტება, აქტიური მომზადება და გადამზადება;

გ) რეზერვისტის ინდივიდუალურად, მაღალ დონეზე მომზადება.

2. რეზერვისტის მომზადებასთან დაკავშირებით:

ა) სამინისტროს სამოქალაქო ოფისი – ახორციელებს რეზერვისტის მომზადების პროცესის სამართლებრივ მხარდაჭერას და საჭირო რესურსებით უზრუნველყოფას;

ბ) თავდაცვის ძალების გენერალური შტაბი – ამზადებს საორგანიზაციო მითითებებს და ზედამხედველობას უწევს თავდაცვის ძალებში შემავალ ქვედანაყოფებს იმ პროგრამების შესრულებაში, რომლებიც ქმნიან და ინარჩუნებენ რეზერვის ძალთა საბრძოლო მზადყოფნას, საბრძოლო მზადყოფნის კომპონენტების შესაბამისად;

გ) სსიპ სამხედრო გაწვევისა და რეკრუტირების ეროვნული სააგენტო უფლებამოსილების ფარგლებში ახორციელებს:

გ.ა) სამობილიზაციო რეზერვისტის გამოძახებას;

გ.ბ) რეზერვში გამოძახებული პირის ჯანმრთელობის მდგომარეობის შემოწმებას/გადამოწმებას იმ მონაცემებზე დაყრდნობით, რომლებიც აქვს სამხედრო გაწვევისა და რეკრუტირების ეროვნულ სააგენტოს;

გ.გ) რეზერვისტის მიყვანას პროგრამის განმახორციელებელ შესაბამის სუბიექტებში;

დ) თავდაცვის ძალების სარდლობები/სამინისტროს სისტემაში მოქმედი საჯარო სამართლის იურიდიული პირები – თავდაცვის ძალების ოპერატიული მოთხოვნებიდან გამომდინარე ახორციელებენ რეზერვისტთა მომზადებისა და გადამზადების ღონისძიებებს რეზერვის კატეგორიების მიხედვით, აგრეთვე უზრუნველყოფენ, რეზერვის წვრთნების ინტეგრირებას თავდაცვის ძალების სარდლობების ქვედანაყოფების სწავლებებში;

ე) ეროვნული გვარდია – ორგანიზებას უწევს ტერიტორიულ და სამობილიზაციო რეზერვისტთა მომზადებისა და გადამზადების პროცესს უფლებამოსილების ფარგლებში.

3. რეზერვისტის მომზადება ხორციელდება შესაბამისი თემატიკის, საბრძოლო მომზადების პროგრამისა და გეგმების, ასევე მატერიალურ-ტექნიკური უზრუნველყოფის შესაბამისი საშუალებით, რომლებიც განისაზღვრება თავდაცვის ძალების მეთაურის ინდივიდუალური ადმინისტრაციულ-სამართლებრივი აქტით.

4. ამ მუხლის მე-3 პუნქტიდან გამომდინარე, რეზერვისტის მომზადებისას მეცადინეობის ცხრილის შედგენა ხორციელდება ხელმძღვანელის მიერ, სადაც მიმდინარეობს რეზერვისტთა მომზადება.

5. რეზერვისტის მომზადებისას პრიორიტეტულია საველე მეცადინეობები, რა დროსაც ხორციელდება თეორიული ცოდნის პრაქტიკული უნარ-ჩვევებით განმტკიცება, სასწავლო მეთოდური საშუალებების გამოყენებით.

ა) ინდივიდუალური მომზადება – რეზერვისტის მომზადება სამხედრო მოსამსახურისათვის ინდივიდუალურ უნარ-ჩვევებში;

ბ) პროფესიული მომზადება:

ბ.ა) სპეციალისტებად შერჩეული რეზერვისტების  სამხედრო-სააღრიცხვო სპეციალობის მიხედვით მომზადება – განსაზღვრულ საშტატო თანამდებობაზე დაკისრებული ფუნქციის ხარისხიანად შესრულების უზრუნველსაყოფად;

ბ.ბ) უმცროს სამეთაურო თანამდებობაზე შერჩეული რეზერვისტის სამეთაურო მომზადება – ოპერატიულ გარემოში ქვედანაყოფის მართვისთვის;

გ) კოლექტიური მომზადება – ქვედანაყოფის შემადგენლობაში საბრძოლო დავალებების დაგეგმვისა და განხორციელების კოლექტიური უნარ-ჩვევების განვითარება და ქვედანაყოფის საბრძოლო მზადყოფნის უზრუნველყოფა.

2. რეზერვისტი ამ მუხლით გათვალისწინებულ შესაბამის ეტაპს გაივლის ამ წესის მე-3 მუხლის მე-3 პუნქტით გათვალისწინებული პროგრამის/გეგმის შესაბამისად.

ა) ტერიტორიული რეზერვის მომზადება ითვალისწინებს რეზერვისტის მომზადებას ტერიტორიული თავდაცვის ორგანიზებისა და კრიზისებზე რეაგირების მიზნით;

ბ) სპეციალისტთა რეზერვის მომზადება ითვალისწინებს თავდაცვის ამოცანებისთვის აუცილებელი სპეციალობის მქონე რეზერვისტის მომზადებას თავდაცვის ძალების სპეციფიკური მოთხოვნებისა და ამოცანების შესასრულებლად.

2. სამობილიზაციო რეზერვის:

ა) მაღალი მზადყოფნის სამობილიზაციო რეზერვის მომზადება ითვალისწინებს  მაღალი მზადყოფნის სამობილიზაციო რეზერვისტის მომზადებას საბრძოლო ქვედანაყოფების შემადგენლობაში ან ინდივიდუალურად, თავდაცვის ძალების ქვედანაყოფების რეზერვისტებით დაკომპლექტების/შევსების, მათი საბრძოლო მზადყოფნის ამაღლების, აგრეთვე თავდაცვის ძალების საბრძოლო ძალთა სტრუქტურის, პირველ რიგში, გაძლიერებისა და მხარდაჭერის მიზნით;

ბ) ზოგადი სამობილიზაციო რეზერვის:

ბ.ა) მომზადებული სამობილიზაციო რეზერვის მომზადება ითვალისწინებს რეზერვისტის გადამზადებას მცირე დროში თავდაცვის ძალების გაძლიერებისა და დანაკარგების შევსების მიზნით;

ბ.ბ) მოუმზადებელი სამობილიზაციო რეზერვის მომზადება ითვალისწინებს რეზერვისტის, მათ შორის არასამხედრო სპეციალობების მქონე პირების, მომზადებას მიზნობრივი პროგრამების შესაბამისად.