„საქტექზედამხედველობის“ ინსპექციის მთავარი სამმართველოს დებულების დამტკიცების შესახებ

„საქტექზედამხედველობის“ ინსპექციის მთავარი სამმართველოს დებულების დამტკიცების შესახებ საქართველოს სოფლის მეურნეობისა და სურსათის მინისტრის ბრძანება №2-106 1998 წლის 2 მარტი ქ. თბილისი „საქტექზედამხედველობის“ ინსპექციის მთავარი სამმართველოს დებულების დამტკიცების შესახებ 1. დამტკიცდეს „საქტექზედამხედველობის“ ინსპექციის მთავარი სამმართველოს დებულება (დანართი №1) და ხარჯთნუსხა (დანართი №2). 2. იურიდიულ და პარლამენტთან ურთიერთობის სამმართველომ (ი. ლომთათიძე) და „საქტექზედამხედველობის“ ინსპექციის მთავარმა სამმართველომ (ჯ. ალფაიძე) უზრუნველყონ: ა) დადგენილი წესით აღნიშნული ბრძანების იუსტიციის სამინისტროში სახელმწიფო რეგისტრაცია და სარეგისტრაციო კოდის მინიჭება; ბ) ინსპექციის სახელმწიფო კანცელარიის სპეციალურ რეესტრში რეგისტრაცია; 3. ადმინისტრაციულმა დეპარტამენტმა უზრუნველყოს აღნიშნული ბრძანებისა და დებულების პრესაში გამოქვეყნება. 4. ძალადაკარგულად ჩაითვალოს საქართველოს სოფლის მეურნეობისა და სურსათის სამინისტროს 1996 წლის 23 მაისის №2-98 კლ ბრძანებით დამტკიცებული „საქსახტექზედამხედველობის“ ინსპექციის მთავარი სამმართველოს დებულება. 5. კონტროლი ბრძანების შესრულებაზე დაევალოს მინისტრის პირველ მოადგილეს ბატონ ვლ. გვარჯალაძეს. მინისტი                                                                                   ბ. გულუა საქართველოს სოფლის მეურნეობისა და სურსათის სამინისტროს სახელმწიფო საქვეუწყებო დაწესებულების ტექნიკური ზედამხედველობის ინსპექციის მთავარი სამმართველოს დებულება I. ზოგადი დებულებები 1. საქართველოს სოფლის მეურნეობისა და სურსათის სამინისტროს (შემდგომში „სამინისტრო“) ტექნიკური ზედამხედველობის ინსპექციის მთავარი სამმართველო (შემდგომში „საქტექზედამხედველობა“) არის სამინსიტროს გამგებლობაში არსებული სახელმწიფო საქვეუწყებო დაწესებულება და ფუნქციონირებას, როგორც მისი დამოუკიდებელი სტრუქტურული ქვედანაყოფი.  „საქტექზედამხედველობის“ იურიდიული მისამართია ქ. თბილისი, 380023, კოსტავას ქ. № 41. „საქტექზედამხედევლობა“ მასზე დაკისრებული მოვალეობების შესრულებისათვის ანგარიშვალდებულია სამინისტროს წინაშე. „საქტექზედამხედველობის“ დებულებას, საშტატო განრიგსა და ხარჯთანუსხას ამტკიცებს საქართველოს სოფლის მეურნეობისა და სურსათის მინისტრი. 2. „საქტექზედამხედველობა“ თავის საქმიანობაში ხელმძღვანელობს საქართველოს კონსტიტუციით, კანონებით, პრეზიდენტის ბრძანებულებებითა და განკარგულებებით, სამინისტროს ბრძანებებით, ამ დებულებით და სხვა ნორმატიული აქტებით. 3. საქართველოს კანონებისა და სხვა ნორმატიული აქტების შესაბამისად, „საქტექზედამხედველობის“ მიერ თავისი კომპეტენციის ფარგლებში მიღებული მითითებები და მოთხოვნები სავალდებულოა შესასრულებლად. 4. „საქტექზედამხედველობას“ აქვს დებულება, დამოუკიდებელი ბალანსი, ანგარიშსწორების ანგარიში და საქართველოს კანონის „საქართველოს სახელმწიფო ბიუჯეტის შესახებ“ შესაბამისად სპეცანგარიში ხაზინაში, ხარჯთნუსხა და მრგვალი ბეჭედი საქართველოს გერბის გამოსახულებით, ავტონომიური რესპუბლიკებისა და რიაონული (საქალაქო) ინსპექციების ჩათვლით. 5. „საქტექზედამხედველობის“ დაფინანსების წყაროა სახელმწიფო ბიუჯეტი. „საქტექზედამხედველობის“ მიერ კანონმდებლობით ან სხვა ნორმატიული აქტებით გათვალისწინებული და მიღებული არასაბიუჯეტო შემოსავალი შეიტანება საქართველოს ცენტრალურ ბიუჯეტში. 6. „საქტექზედამხედველობის“ ქონებას შეადგენს მასზე გადაცემული, აგრეთვე შეძენილი ძირითადი და საბრუნავი საშუალებები, საფინანსო რესურსები, რომლებიც ასახვას პოულობენ „საქტექზედამხედველობის“ დამოუკიდებელ ბალანსში. II. „საქტექზედამხედველობის“ ამოცანები და ფუნქციები 7. საქართველოს მინისტრთა კაბინეტის 1995 წლის 18 ოქტომბრის №669 დადგენილებისა და საქართველოს პრეზიდენტის 1997 წლის 17 ნოემბრის №670 ბრძანებულებით დამტკიცებული საქართველოს სოფლის მეურნეობისა და სურსათის სამინისტროს დებულების შესაბამისად „საქტექზედამხედველობის“ ძირითად ამოცანებსა და ფუნქციებს შეადგენს: ა) იურიდიულ და ფიზიკურ პირთა ტრაქტორების, კომბაინების, სატრაქტორო მისაბმელების, მიწის მთხრელი, სამელიორაციო და სხვა მანქანებისა და მოწყობილობების (შემდგომში მანქანა-მოწყობილობად წოდებული) ტექნიკური ექსპლუატაციის, შენახვის, რემონტისა და ტექნიკური მომსახურების სამუშაოების ჩატარების წესების დაცვა; ბ) საქართველოში ტრაქტორების, თვითმავალი შასების, სატრაქტორო მისაბმელებისა და სხვა სასოფლო-სამეურნეო ტექნიკის რეგისტრაცია (აღრიცხვაზე აყვანა-მოხსნა, გარდა ავტომობილებისა), ყოველწლიური ტექნიკური დათვალიერება, ტექნიკური ექსპლუატაციის წესების დაცვა, აგრეთვე ტრაქტორისტ-მემანქანეების ატესტაცია და მართვის მოწმობების გაცემა; გ) თავისი კომპეტენციის ფარგლებში ზედამხედველობის პროგრესული მეთოდების გამოყენება ყველა ფიზიკური და იურიდიული პირის მიმართ; დ) მომსახურების ხარისხთან დაკავშირებული სადავო საკითხების გადაწყვეტა თავისი კომპეტენციის ფარგლებში. III. „საქეტქზედამხედველობის“ უფლება-მოვალეობანი 8. „საქტექზედამხედველობა“ უფლება-მოვალეობის შესრულების მიზნით ახორციელებს სახელმწიფო ტექნიკურ ზედამხედველობას: ა) სოფლის მეურნეობისა და სურსათის სამინისტროს სისტემისა და სხვა სახელმწიფო საწარმო ორგანიზაციებში, მიუხედავად მათი უწყებრივი დაქვემდებარებისა, მანქანა-მოწყობილობების ტექნიკური ექსპლუატაციის, შენახვის, ტექნიკური დათვალიერების ჩატარებისა და ჩამოწერის წესების დაცვაზე; ბ) მანქანა-მოწყობილობების რემონტისა და ტექნიკური მომსახურების ხარისხზე, აგრეთვე ამ მანქანების რემონტისა და ტექნიკური მომსახურების სახელმწიფო საწარმო-ორგანიზაციებზე; გ) სახელმწიფო ორგანიზაციებსა და კერძო პირების ტრაქტორების, მათი მისაბმელების, კომბაინებისა და სხვა სასოფლო-სამეურნეო, სამელიორაციო და საგზაო-სამშენებლო მანქანების, თვითმავალი შასების საგარანტიო ვადის განმავლობაში გამოვლენილი ტექნიკური უწესივრობების აღმოფხვრის წესების დაცვაზე; დ) მანქანა-მოწყობილობების სარემონტო და ტექნიკური მომსახურების სახელოსნოებისა და მოძრავი ობიექტების მდგომარეობაზე, აგრეთვე მათ დაკომპლექტებაზე აუცილებელი ტექნიკური დანადგარებით, საზომი ხელსაწყოებით, იარაღებითა და სამარჯვეებით; ე) მანქანა-მოწყობილობების სათადარიგო ნაწილების შენახვის სტანდარტების დაცვის მდგომარეობაზე. 9. „საქტექზედამხედველობის“ რაიონულ (საქალაქო) ინსპექციებს აგრეთვე ევალებათ: ა) დადგენილი წესის შესაბამისად საქართველოში როგორც იურიდიული, ისე ფიზიკური პირების ტრაქტორებზე, თვითმავალ შასებზე, სატრაქტორო მისაბმელებსა და სხვა ტექნიკაზე ერთიანი სანომრე ნიშნების გაცემა; ბ) საწარმო-ორგანიზაციებისა და ცალკეული მოქალაქეებისათვის მანქანა-მოწყობილობების ტექნიკური დათვალიერების, რეგისტრაციის, მექანიზატორთა ატესტაციის ჩატარება და საფასურის გადახდევინება დამტკიცებული ტარიფების შესაბამისად; გ) სახელმწიფო საწარმო-ორგანიზაციებისათვის მიყიდული ან არასათანადოდ შეკეთებული ტექნიკის თაობაზე პრეტენზიების განმხილველი კომისიის მუშაობაში მონაწილეობის მიღება; დ) სტიქიური უბედურების ან ავარიის შედეგად მწყობრიდან გამოსული ტექნიკის შემდგომი ექსპლუატაციის მიზანშეწონილობის შემსწავლელი კომისიის ხელმძღვანელობა. 10. „საქტექზედამხედველობის“ ორგანოს მუშაკებს უფლება აქვთ: ა) შევიდნენ საწარმო-ორგანიზაციების ობიექტებში, ახალი და შეკეთებული ტექნიკის, სარემონტო ფონდისა და სათადარიგო ნაწილების ბაზების და მოედნების ჩათვლით, მანქანა-მოწყობილობათა მდგომარეობის გამოსაკვლევად და ტექნიკური ექსპლუატაციის, შენახვის, ჩამოწერის, ტექნიკური მომსახურებისა და რემონტის წესების დაცვის შესამოწმებლად, აგრეთვე იმ საწარმოებსა და ორგანიზაციებში, რომლებიც აწარმოებენ მანქანა-მოწყობილობების რემონტს დადებული ხელშეკრულების საფუძველზე და მოითხოვონ მანქანა-მოწყობილობების წარმოდგენა დათვალიერებისათვის; ბ) საწარმო-ორგანიზაციების, აგრეთვე იმ ორგანიზაციებისა და საწარმოების თანამდებობის პირებს, რომლებიც დადებული ხელშეკრულების საფუძველზე აწარმოებენ მანქანა-მოწყობილობების რემონტსა და ტექნიკურ მომსახურებას, მოსთხოვონ „საქტექზედამხედველობის“ ორგანოების კომპეტენციაში შემავალი საკითხების გადასაწყვეტად საჭირო ცნობები და დოკუმენტები; გ) მისცენ მითითებები მანქანა-მოწყობილობების ტექნიკური მომსახურების, რემონტის, შენახვისა და ჩამოწერის, ნავთობპროდუქტების შენახვის საქმეში გამოვლენილი დარღვევების აღმოფხვრის შესახებ, რაც სავალდებულოა საწარმო-ორგანიზაციების, აგრეთვე იმ საწარმო-ორგანიზაციების ხელმძღვანელებისათვის, რომლებიც დადებული ხელშეკრულების მიხედვით აწარმოებენ მანქანების რემონტსა და ტექნიკურ მომსახურებას; დ) აკრძალონ ისეთი მანქანა-მოწყობილობების ექსპლუატაცია, რომლებიც საჭიროებენ ტექნიკურ მომსახურებას ან რემონტის ჩატარებას; ე) გადასცენ სამართალდამცავ ორგანოებს მასალები იმ პირთა შესახებ, რომლებმაც დაუშვეს ტრაქტორების, კომბაინებისა და სხვა სასოფლო-სამეურნეო მანქანების უდიერი გამოყენებისა და შენახვის ფაქტები; ვ) ტექნიკის ექსპლუატაციისა და უსაფრთხოების ტექნიკის წესების უხეში დარღვევისათვის ტრაქტორისტ-მემანქანეებს ჩამოართვან მართვის უფლება სამ თვემდე ვადით; ზ) სამინისტროებსა და უწყებებს მიაწოდონ იმ ხელმძღვანელი მუშაკებისა და ინჟინერ-ტექნიკური პერსონალის დაკავებული თანამდებობიდან გათავისუფლების წარდგინება, რომლებიც სისტემატურად არღვევენ მანქანა-მოწყობილობების გამოყენების, ტექნიკური მომსახურების, რემონტის, შენახვის, ჩამოწერისა და ნავთობპროდუქტების შენახვის წესებს. ამასთან, დროულად არ ასრულებენ სავალდებულო მითითებას ამ დარღვევათა აღმოფხვრის შესახებ. IV. „საქტექზედამხედველობის“ სტრუქტურა „საქტექზედამხედველობის“ ინსპექციის მთავარი სამმართველოს სისტემაში შედის: - აფხაზეთს ავტონომიური რესპუბლიკის ტექნიკური ზედამხედველობის ინსპექცია; - აჭარის ავტონომიური რესპუბლიკის ტექნიკური ზედამხედველობის ინსპექცია; - „საქტექზედამხედველობის“ რაიონული (საქალაქო) ინსპექციები. V. საქმიანობის ორგანიზაცია 1. „საქტექზედამხედველობის“ სამსახურებს ხელმძღვანელობენ: ა) საქართველოში - „საქტექზედამხედველობის“ ინსპექციის მთავარი სამმართველოს უფროსი - საქართველოს მთავარი სახელმწიფო ინჟინერ-ინსპექტორი, რომელიც უშუალოდ ექვემდებარება სოფლის მეურნეობისა და სურსათის მინისტრს; ბ) ავტონომიურ რესპუბლიკაში - ინსპექციის უფროსი, ავტონომიური რესპუბლიკის მთავარი სახელმწიფო ინჟინერ-ინსპექტორი, რომელიც უშუალოდ ექვემდებარე ა/რ სოფის მეურნეობისა და სურსათის მინისტრს; გ) რაიონში (ქალაქში) - რაიონული (საქალაქო) ინსპექციის უფროსი, რაიონის (ქალაქის) მთავარი სახელმწიფო ინჟინერ-ინსპექტორი, რომელიც უშუალოდ ექვემდებარე სოფლის მეურნეობისა და სურსათის სამმართველოს (განყოფილების) უფროსს. „საქტექზედამხედველობის“ სამსახურები მანქანა-მოწყობილობების ტექნიკურ მდგომარეობისადმი ზედამხედველობის ყველა საკითხთან დაკავშირებით ხელმძღვანელობენ ზემდგომი „საქტექზედამხედველობის“ ორგანოს მითითებით. 12. „საქტექზედამხედველობის“ ინსპექციის მთავარი სამმართველოს უფროსი და მისი მოადგილე თანამდებობაზე ინიშნებიან და თავისუფლდებიან სოფლის მეურნებისა და სურსათის მინისტრის მიერ, ავტონომიური რესპუბლიკისა და რაიონული (საქალაქო) ინსპექციების უფროსები - ავტონომიური რესპუბლიკის სოფლის მეურნეობისა და სურსათის მინისტრისა და სოფლის მეურნეობისა და სურსათის სამმართველოების (განყოფილების) უფროსების მიერ, ხოლო იქ, სადაც არ არის სოფლის მეურნეობისა და სურსათის სამმართველო (განყოფილება) რაიონის (ქალაქის) გამგებლის (მერის) მიერ, „საქტექზედამხედველობის“ ინსპექციის მთავარ სამმართველოსთან შეთანხმებით, არსებული წესის შესაბამისად. 13. „საქტექზედამხედველობის“ ორგანოების ინსპექციები სარგებლობენ ბლანკებით თავიანთი დასახელებით, პლომბირით, კვერთხით, ერთიანი ნიმუშის პირადობის მოწმობით, ტვიფრით და შესაძლებლობის ფარგლებში სამსახურებრივი ტრანსპორტით. 14. „საქტექზედამხედველობის“ ორგანოები შემოწმებისას, საჭიროების მიხედვით, იწვევენ შტატგარეშე ინსპექტორებს. 15. „საქტექზედამხედველობის“ შტატგარეშე ინსპექტორად შეიძლება მოწვეულ იქნეს პირი, რომელსაც გააჩნია სპეციალური ტექნიკური მომზადება და აქვს არანაკლებ ორი წლის პრაქტიკული მუშაობის სტაჟი. 16. შტატგარეშე ინსპექტორად ჩარიცხვის გადაწყვეტილებას ღებულობს „საქტექზედამხედველობის“ ინსპექციის მთავარი სამმართველო, რაიონული (საქალაქო) ინსპექციის წარდგინების საფუძველზე. „საქტექზედამხედველობის“ შტატგარეშე ინსპექტორებს ეძლევათ ერთიანი ნიმუშის პირადობის მოწმობა. 17. „საქტექზედამხედველობის“ შტატგარეშე ინსპექტორი: ა) მონაწილეობს სახელმწიფო ინჟინერ-ინსპექტორის მიერ ჩატარებულ შემოწმებებში; ბ) ასრულებს სახელმწიფო ინჟინერ-ინსპექტორის მითითებებს, რომლებიც გამომდინარეობენ მოქმედი კანონმდებლობიდან და ინსტრუქციებიდან; გ) წარუდგენს წინადადებებს „საქტექზედამხედველობის“ რაიონულ (საქალაქო) ინსპექციებს: მანქანა-მოწყობილობების გამოყენების, ტექნიკური მომსახურების, რემონტის, შენახვისა და ჩამოწერის, ნავთობპროდუქტების შენახვის წესების დარღვევის აღმოფხვრის თაობაზე; - ტრაქტორისტ-მემანქანეებისათვის მართვის უფლების ჩამორთმევის თაობაზე. 18. „საქტექზედამხედველობის“ ინსპექციის მთავარი სამმართველოს უფროსი: ა) წარმოადგენს „საქტექზედამხედველობის“ სხვა ორგანოებსა და ორგანიზაციებთან ურთიერთობაში; ბ) წარმართავს „საქტექზედამხედველობის“ საქმიანობას; გ) მოადგილისა და სპეციალისტების მეშვეობით წყვეტს „საქტექზედამხედველობის“ სამსახურის ამოცანებით, ფუნქციებითა და უფლებამოსილებებით განსაზღვრულ საკითხებს; დ) საჭიროების შემთხვევაში წარუდგენს წინადადებებს მინისტრს, სამსახურის დებულებაში, სტრუქტურასა და საშტატო განრიგში ცვლილებების შეტანის შესახებ; ე) განსაზღვრავს მოადგილისა და სხვა თანამშრომლების ფუნქციებსა და მათ პასუხისმგებლობას; ვ) უზრუნველყოფს პრეზიდენტის, პარლამენტის, სამინიტროსა და სხვა ორგანოების ნორმატიული აქტების დავალებებისა და მითითებების შესრულებას დადგენილ ვადებში; ზ) ამტკიცებს ავტონომიური რესპუბლიკებისა და რაიონული ინსპექციების სამუშაო გეგმას; თ) კანონმდებლობის შესაბამისად ნიშნავს და ათავისუფლებს სამუშაოდან „საქტექზედამხედველობის“ თანამშრომლებს; ი) კანონმდებლობის შესაბამისად წაახალისებს ან დისციპლინარულ ღონისძიებებს შეუფარდებს „საქტექზედამხედველობის“ თანამშრომლებს; კ) განსაზღვრავს „საქტექზედამხედველობის“ შემოსავლების ხარჯვის წესს მოქმედი კანონმდებლობის შესაბამისად; ლ) უშუალოდ წარმართავს მის გამგებლობაში არსებული სამსახურების საქმიანობას, სამინისტროსთან შეთანხმებით არსებული წესით ახდენს მათ რეორგანიზაციას და ლიკვიდაციას; 19. „საქტექზედამხედველობის“ უფროსის მოადგილე ცვლის უფროსს მისი არყოფნის დროს. VI. „საქტექზედამხედველობის“ ანგარიშგება და კონტროლი „საქტექზედამხედველობის“ კანონით დადგენილი წესით წარადგენს სამინისტროში სათანადო ანგარიშებს გაწეული მუშაობის შესახებ. VII. დასკვნითი დებულებები „საქტექზედამხედველობის“ დებულებაში ცვლილებებისა და დამატებების შეტანა ხდება მინისტრის ბრძანებით. „საქტექზედამხედველობის“ რეორგანიზაცია და ლიკვიდაცია ხდება სამინისტროს მიერ, კანონმდებლობის შესაბამისად. საქართველოს სოფლის მეურნეობისა და სურსათის სამინისტრო „საქტექზედამხედველობის“ ინსპექციის მთავარი სამმართველოს 1998 წლის ხარჯთა ნუსხა № ხარჯების დასახელება თანხა 1 2 3 1. მომსახურეთა შრომითი ანაზღაურება სულ 6700 მ. შ. ხელფასი 4710 პრემია 1570 დახმარება 420 2. დამქირავებლიდან ანარიცხები 2010 მათ შორის: - სოც. უზრუნველყოფისა და სამედიცინო დაზღვევის ერთიან სახელმწიფო ფონდში 1809 - ჯანმრთელობის დაცვის სახ. ფონდში 201 3. მივლინება მ. შ. მივლინებები ქვეყნის შიგნით 1200 4. სხვა საქონელი და მომსახურება 2400 მ. შ. ოფისის ხარჯები კომუნალური ხარჯები 1900 500 სულ ხარჯები: 12310 საფინანსო სამმართველოს უფროსი                                    ა. დანდურიძე