„საქონლით ვაჭრობაში ფორმალობების გამარტივების შესახებ“ კონვენციასთან შეერთებისა და ძალაში შესვლის თაობაზე

„საქონლით ვაჭრობაში ფორმალობების გამარტივების შესახებ“ კონვენციასთან შეერთებისა და ძალაში შესვლის თაობაზე საქართველოს მთავრობის დადგენილება №420 2024 წლის 17 დეკემბერი ქ. თბილისი „საქონლით ვაჭრობაში ფორმალობების გამარტივების შესახებ“ კონვენციასთან შეერთებისა და ძალაში შესვლის თაობაზე მუხლი 1🔗 „საქართველოს საერთაშორისო ხელშეკრულებების შესახებ“ საქართველოს კანონის მე-18 მუხლის შესაბამისად, საქართველო შეურთდეს 1987 წლის 20 მაისის „საქონლით ვაჭრობაში ფორმალობების გამარტივების შესახებ“ კონვენციას. მუხლი 2🔗 საქართველოს საგარეო საქმეთა სამინისტრომ: ა) აცნობოს საქართველოს პრეზიდენტსა და საქართველოს პარლამენტს ამ დადგენილების პირველ მუხლში აღნიშნული კონვენციის დადების შესახებ; ბ) შეატყობინოს ევროკავშირის საბჭოს გენერალურ სამდივნოს ამ დადგენილების პირველ მუხლში აღნიშნული კონვენციის ძალაში შესვლისათვის აუცილებელი შიდასახელმწიფოებრივი პროცედურების საქართველოს მხრიდან დასრულების თაობაზე; გ) აცნობოს ევროკავშირის საბჭოს გენერალურ სამდივნოს, რომ კონვენციის 11ა მუხლის მე-5 პუნქტის შესაბამისად, საქართველო აცხადებს, რომ იგი ეთანხმება კონვენციის მე-11 მუხლის მე-2 და მე-3 პუნქტებში მითითებულ ერთობლივი კომიტეტის რეკომენდაციებსა და გადაწყვეტილებებს, რომლებიც მიღებული იქნება მოწვევის თარიღსა (2024 წლის 21 ოქტომბერი) და იმ თარიღს შორის, როდესაც შეერთება შევა ძალაში კონვენციის 11ა მუხლის მე-3 პუნქტის შესაბამისად. მუხლი 3🔗 დადგენილება ამოქმედდეს გამოქვეყნებისთანავე. პრემიერ-მინისტრიირაკლი კობახიძე