“საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით მივლინებულ პირთა გრძელვადიანი სამუშაო მივლინების ანაზღაურების წესის შესახებ" საქართველოს საგარეო საქმეთა მინისტრს 18 იანვრის №19 ბრძანებაში ცვლილებებისა და დამატებების შეტანის თაობაზე"

სახელმწიფო სარეგისტრაციო კოდი 480.070.000.22.030.008.314

საქართველოს საგარეო საქმეთა მინისტრის

ბრძანება №111

2006 წლის 24 მარტი

ქ. თბილისი

 ,,საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ“ საქართველოს საგარეო საქმეთა მინისტრის 2006 წლის    18 იანვრის №19 ბრძანებაში ცვლილებებისა და დამატებების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის პირველი პუნქტის საფუძველზე, ვბრძანებ:

მუხლი 1. ,,საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ“ საქართველოს საგარეო საქმეთა მინისტრის 2006 წლის 18 იანვრის №19 ბრძანებაში (სსმ III, 26.01.2006 წ., №10, მუხლი 114) შეტანილ იქნეს შემდეგი შინაარსის ცვლილებები და დამატებები:

1. ბრძანების მე-4 პუნქტი ჩამოყალიბდეს შემდეგი რედაქციით:

,,4. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში სამუშაოდ მივლინებულ მოსამსახურესა და მისი ოჯახის წევრებს აუნაზღაურდებათ:

ა) მგზავრობის ღირებულება ,,ეკონომკლასის“ სამგზავრო ბილეთებზე დადგენილი ტარიფების მიხედვით;

ბ) ტვირთის გადაზიდვის ხარჯები – ერთ პირზე 80 კგ-ის ოდენობით, მაგრამ არა უმეტეს 240 კგ-ისა, ხოლო ტვირთის კონტეინერით გადაზიდვისას აუნაზღაურდებათ მხოლოდ ის ხარჯები, რაც ჯდება თვითმფრინავით პირისათვის განკუთვნილი ბარგის წონის გადმოტანის ღირებულება.“.

2. ბრძანების მე-5 პუნქტი ჩამოყალიბდეს შემდეგი რედაქციით:

,,5. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურესა და მისი ოჯახის წევრებს, ყოველწლიურად ანაზღაურებად შვებულებასთან დაკავშირებით, აუნაზღაურდებათ ამ ბრძანების საფუძველზე (დანართი №1) საბოლოო პერსონალური განაკვეთით კუთვნილი ერთი თვის თანხა და ,,ეკონომ კლასის“ სამგზავრო ბილეთების ღირებულება (ორივე მიმართულებით), როგორც სამშობლოში, ისე სხვა ნებისმიერ ქვეყანაში გასამგზავრებლად, მაგრამ მათი საერთო ღირებულება არ უნდა აღემატებოდეს სამშობლოში დაბრუნებისა და გამგზავრების სატრანსპორტო ხარჯებს.“.

3. ბრძანების მე-6 პუნქტი ჩამოყალიბდეს შემდეგი რედაქციით:

,,6. ძალადაკარგულად ჩაითვალოს ,,საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ“ საქართველოს საგარეო საქმეთა მინისტრის 2004 წლის 29 დეკემბრის №174 ბრძანება.“.

4.    ბრძანებას დაემატოს შემდეგი შინაარსის მე-7 და მე-8 პუნქტები:

,,7. ბრძანების შესრულებაზე კონტროლი და პასუხისმგებლობა დაევალოთ საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების ხელმძღვანელებს.

8. ბრძანება ძალაშია გამოქვეყნებისთანავე.“.

5. ბრძანებით დამტკიცებულ დანართ №1-ში ,,საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ხარჯების ანაზღაურების ნორმების გაანგარიშების წესის შესახებ“ ინსტრუქციის მე-3 მუხლი ჩამოყალიბდეს შემდეგი რედაქციით:

„მუხლი 3.

1. გაეროს რეგულირების კოეფიციენტების ადაპტირების მიზნით საზღვარგარეთ საქართველოს ცალკეული დიპლომატიური დაწესებულებების დაფინანსებისათვის გამოიყენება კორექტირების შემდეგი წესები:

ა) K=K1+0.22

ა.ა) საელჩო აშშ-ში;

ა.ბ) მუდმივი წარმომადგენლობა გაეროში;

ბ) K=K1-0.4

_ დსთ-ის ქვეყნები.

2. K=K1+0.15

_ საელჩო დიდ ბრიტანეთში.

3. K=K1-0.2

ა) საელჩო ბულგარეთში;

ბ) საელჩო ეგვიპტეში;

გ) საელჩო ირანში;

დ) საელჩო იორდანიის ჰაშიმიტურ სამეფოში.

4. K=K1-0.25

_ საელჩო რუსეთის ფედერაციაში

5. სადაც K1 არის გაეროს დაფინანსების სისტემის რეგულირების შესაბამისი კოეფიციენტი.“.

6. ბრძანებით დამტკიცებულ დანართ №3-ში ,,ადგილსამყოფელი ქვეყნის მაკორექტირებელი კოეფიციენტი“ შეტანილ იქნეს შემდეგი ცვლილებები და ჩამოყალიბდეს თანდართული დანართის შესაბამისად.

მუხლი 2. ბრძანება ძალაშია გამოქვეყნებისთანავე.

გ. ბეჟუაშვილი

დანართი №3

ადგილსამყოფელი ქვეყნის მაკორექტირებელი კოეფიციენტი