საქართველოს სსრ სამოქალაქო სამართლის კოდექსში დამატებათა შეტანის შესახებ

შეტანილ იქნეს საქართველოს სსრ 1964 წლის 26 დეკემბრის კანონით დამტკიცებულ საქართველოს სსრ სამოქალაქო სამართლის კოდექსში (საქართველოს სსრ უმაღლესი საბჭოს უწყებები, 1964 წ., N36, მუხ. 662) შემდეგი დამატებანი:

1. 104-ე მუხლს დაემატოს შემდეგი შინაარსის შენიშვნა:

„შენიშვნა: ამ მუხლის მეოთხე ნაწილით გათვალისწინებული წესი საცხოვრებელი სახლისა ან მისი ნაწილის ზღვრული ოდენობის შესახებ არ გამოიყენება იმ შემთხვევებში, როდესაც მოქალაქე დადგენილი წესით შეიძენს პირად საკუთრებაში მის მიერ დაკავებულ სახელმწიფო ან საზოგადოებრივი საბინაო ფონდის სახლსა თუ ბინას“.

2. 119-ე მუხლს დაემატოს შემდეგი შინაარსის შენიშვნა:

„შენიშვნა: ამ მუხლის პირველი ნაწილით გათვალისწინებული წესი არ გამოიყენება იმ შემთხვევებში, როდესაც მოქალაქე დადგენილი წესით შეიძენს პირად საკუთრებაში მის მიერ დაკავებულ ბინას სახელმწიფო ან საზოგადოებრივი საბინაო ფონდის სახლში“.

საქართველოს სსრ უმაღლესი საბჭოს

პრეზიდიუმის თავმჯდომარე                                                 ო. ჩერქეზია

საქართველოს სსრ უმაღლესი საბჭოს

პრეზიდიუმის მდივანი                                                           ვ. კვარაცხელია

თბილისი, 1989 წლის 21 სექტემბერი.

N2312-XI