საქართველოს ტრანსპორტის მინისტრის 1998 წლის 10 ივლისის №42 ბრძანებით დამტკიცებულ „საქართველოში საავტომობილო ტრანსპორტით მგზავრთა გადაყვანის და ბარგის გადაზიდვის წესში“ ცვლილებებისა და დამატებების შეტანის შესახებ

1. წესის ტექსტში სიტყვები „მგზავრთა გადამყვანი“ და „გადამყვანი“ შეიცვალოს სიტყვით „გადამზიდავი“.

2. პირველ მუხლში:

ა) მე-4 პუნქტიდან ამოღებულ იქნეს სიტყვები „და ლიცენზირებას“;

ბ) მე-5 პუნქტში ტერმინები დაინომროს ანბანის რიგის მიხედვით და ჩამოყალიბდეს შემდეგი რედაქციით:

„ა). გადამზიდავი - ფიზიკური და იურიდიული პირი, რომელსაც უფლება აქვს განახორციელოს სამგზავრო გადაზიდვები ქვეყანაში მოქმედი კანონმდებლობის შესაბამისად“.

„კ). მარშრუტი - პუნქტებს შორის სამგზავრო ავტოსატრანსპორტო საშუალებათა მიმოსვლისათვის დადგენილი გზასავალი“.

„ნ). მოძრაობის განრიგი - მარშრუტზე სამგზავრო ავტოსატრანსპორტო საშუალებათა მიმოსვლის დროისა და პერიოდულობის განმსაზღვრელი ცხრილი“.

„ჟ).რეგულარული მარშრუტი - მარშრუტი, რომელზეც სამგზავრო ავტოსატრანსპორტო საშუალებათა მიმოსვლა წარმოებს მოძრაობის განრიგის შესაბამისად“.

3. მე-2 მუხლში:

ა) პირველი პუნქტის ქვეპუნქტები დაინომროს ანბანის რიგის მიხედვით;

ბ) ამოღებულ იქნეს მე-3 და მე-4 პუნქტები.

4. მე-3 მუხლის მე-2 პუნქტიდან ამოღებულ იქნეს სიტყვები „სარაიონო, სარაიონთაშორისო“.

5. მე-4 მუხლის მე-2 პუნქტი ჩამოყალიბდეს შემდეგი რედაქციით:

„2. კონკურში გამარჯვებულ გადამზიდავთან ფორმდება ხელშეკრულება მარშრუტის მომსახურებაზე აუცილებელი მოთხოვნების გათვალისწინებით“.

6. მე-5 მუხლში:

ა) მე-2 პუნქტი ჩამოყალიბდეს შემდეგი რედაქციით:

„2.გადამზიდავი ვალდებულია კონკურსში გამარჯვებისა და მარშრუტის მომსახურებაზე ხელშეკრულების გაფორმების შემდეგ“;

ბ) მე-2 პუნქტის „კ“ ქვეპუნქტიდან ამოღებულ იქნეს სიტყვა „სარაიონთაშორისო“, ასევე „ს“ ქვეპუნქტიდან სიტყვა „ლიცენზიის“ შეიცვალოს სიტყვით „ხელშეკრულების“.

7. მე-6 მუხლის მე-4 პუნქტიდან ამოღებულ იქნეს სიტყვები „და ლიცენზია“.

8. მე-7 მუხლის მე-3 პუნქტში სიტყვები „მომუშავე ავტობუსის“ შეიცვალოს სიტყვებით „ავტობუსით მგზავრობის დროს“.

9. მე-8 მუხლის პირველი პუნქტის „ბ“ და „გ“ ქვეპუნქტებიდან ამოღებულ იქნეს სიტყვები „სალიცენზიო ბარათი“.

10. მე-10 მუხლი ჩამოყალიბდეს შემდეგი რედაქციით:

„საავტომობილო ტრანსპორტით მგზავრთა გადაყვანის ტარიფები განისაზღვრება შესაბამისი ნორმატიული აქტებით“.

11. მე-11 მუხლის მე-7 პუნქტიდან ამოღებულ იქნეს სიტყვები „სარაიონო, სარაიონთაშორისო“.

12. მე-19 მუხლი ჩამოყალიბდეს შემდეგი რედაქციით:

„საერთაშორისო მიმოსვლის ავტობუსებით მგზავრთა გადაყვანა და ბარგის გადაზიდვა ხორციელდება „საქართველოში საერთაშორისო მიმოსვლის ავტობუსებით მგზავრთა გადაყვანისა და ბარგის გადატანის წესის“ შესაბამისად“

მინისტრი                                                                                                   მ.ადეიშვილი