„აფხაზეთის მოსახლეობის სოციალური და ინფრასტრუქტურული მდგომარეობის გაუმჯობესების პროგრამების განხორციელების წესის დამტკიცების შესახებ“ აფხაზეთის ავტონომიური რესპუბლიკის იძულებით გადაადგილებულ პირთა მინისტრის 2023 წლის 7 თებერვლის №06-ძ/ს ბრძანებაში ცვლილების შეტანის შესახებ
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
აფხაზეთის ავტონომიური რესპუბლიკის იძულებით გადაადგილებულ პირთა მინისტრის ბრძანება (1)
დოკუმენტის ტექსტი
|
აფხაზეთის ავტონომიური რესპუბლიკის იძულებით გადაადგილებულ პირთა მინისტრის ბრძანება №22-ძ/ს |
|
2025 წლის 4 აპრილი ქ. თბილისი |
1. მე-3 მუხლის პირველი პუნქტის „ე“ ქვეპუნქტი ჩამოყალიბდეს შემდეგი რედაქციით:
„ე) 100 წელს გადაცილებული დევნილი (გარდა თბილისში რეგისტრირებული ბენეფიციარისა) – 300 ლარი;2“.
2. მე-4 მუხლის მე-5 პუნქტის „დ“ ქვეპუნქტი ჩამოყალიბდეს შემდეგი სახით:
„დ) ცნობა/წერილი სსიპ – „დევნილთა, ეკომიგრანტთა და საარსებო წყაროებით უზრუნველყოფის სააგენტოდან“ ქირის თანხის დაუფინანსებლობის თაობაზე;6“.
3. მე-8 მუხლის პირველ პუნქტს დაემატოს შემდეგი შინაარსის „ვ“ ქვეპუნქტი:
„ვ) ამ წესის მე-8 მუხლის პირველი პუნქტით გათვალისწინებული ქვეპროგრამის მიზნებისათვის ბენეფიციარსა და სააგენტოს შორის ფორმდება ხელშეკრულება. ქვეპროგრამის ფარგლებში თანხის მიზნობრივად გამოყენების მონიტორინგს ახორციელებს შესაბამისი უფლებამოსილი სტრუქტურული ერთეული/უფლებამოსილი სამუშაო ჯგუფი.“.
4. მე-8 მუხლის მე-2 პუნქტის „ბ“ ქვეპუნქტი ჩამოყალიბდეს შემდეგი სახით:
„ბ) დახმარების სახით გასაცემი თანხის ოდენობა ობიექტზე განსაზღვრულია არაუმეტეს 5000 ლარის ოდენობით;“.
5. მე-8 მუხლის მე-4 პუნქტის „გ“ ქვეპუნქტის „გ.დ“ ქვეპუნქტი ჩამოყალიბდეს შემდეგი სახით:
„გ.დ) მოთხოვნილი სარემონტო/სამშენებლო მასალების (კერამოგრანიტი (მეტლახი), თაბაშირ-მუყაოს ფილა, ლინოლიუმი, წებოცემენტი, სამშენებლო ბათქაში (ფითხი), შპალერი, ლამინირებული იატაკი (ლამინატი), პლინტუსი, ლამინატის ქვეშ დასაგები გუბკის ფილები, შპალერის წებო, საღებავი, ქვიშა/ღორღი, ცემენტი, სამშენებლო აგური/ბლოკი, გრუნტი კონცენტრატი, ტიხრის პროფილი (თაბაშირ-მუყაოს ფილის მისაკრავი), წყალკანალიზაციის მილები, ელსადენები, მეტალოპლასტმასის ფანჯრები და სხვა) ჩამონათვალი და მინიმუმ ორი კომპანიის მიერ გაცემული ინვოისი, ანალოგიური სამშენებლო მასალისა და მოცულობის მითითებით.“.
6. მე-8 მუხლის მე-4 პუნქტის „გ“ ქვეპუნქტს დაემატოს შემდეგი შინაარსის „გ.ე“ ქვეპუნქტი:
„გ.ე) დევნილი ბენეფიციარის პირადი საბანკო რეკვიზიტები/ბინათმესაკუთრეთა ამხანაგობის შემთხვევაში, ამხანაგობის საბანკო რეკვიზიტები.“.
7. მე-8 მუხლის მე-4 პუნქტს დაემატოს შემდეგი შინაარსის „დ“ ქვეპუნქტი:
„დ) ამ წესის მე-8 მუხლის მე-4 პუნქტით გათვალისწინებული ქვეპროგრამის მიზნებისათვის ბენეფიციარსა და სააგენტოს შორის ფორმდება ხელშეკრულება. ქვეპროგრამის ფარგლებში შეძენილი სამშენებლო მასალების მიზნობრივად გამოყენების მონიტორინგს ახორციელებს შესაბამისი უფლებამოსილი სტრუქტურული ერთეული/უფლებამოსილი სამუშაო ჯგუფი.“.
|