„ქალაქ თბილისის მუნიციპალიტეტის მერიის უსაფრთხოების საქალაქო სამსახურის დებულების დამტკიცების შესახებ“ ქალაქ თბილისის მუნიციპალიტეტის საკრებულოს 2022 წლის 18 მარტის N8-31 დადგენილებაში ცვლილების შეტანის თაობაზე

„მუხლი 5. სამსახურის სტრუქტურული ქვედანაყოფები

1. სამსახური შედგება შემდეგი სტრუქტურული ქვედანაყოფებისაგან:

ა) ორგანიზაციული უზრუნველყოფის განყოფილება;

ბ) ტექნიკური უზრუნველყოფის განყოფილება;

გ) კონტროლის განყოფილება;

დ) ვიდეომონიტორინგის განყოფილება;

ე) სწრაფი რეაგირების განყოფილება;

ვ) ობიექტების დაცვის განყოფილება;

ზ) მუნიციპალიტეტის შენობების და ტერიტორიების დაცვის განყოფილება;

თ) მუნიციპალიტეტის ადმინისტრაციული შენობების დაცვის განყოფილება;

ი) ბაღების, პარკების და სკვერების დაცვის განყოფილება;

კ) გამგეობების დაცვის განყოფილება.

2. ორგანიზაციული უზრუნველყოფის განყოფილება საკუთარი კომპეტენციის ფარგლებში:

ა) იხილავს სამსახურში შემოსულ კორესპონდენციას;

ბ) ორგანიზებას უწევს სამსახურის თანამშრომელთა მატერიალურ-ტექნიკური და სხვა საორგანიზაციო საშუალებებით უზრუნველყოფას;

გ) აგროვებს და აანალიზებს ინფორმაციას სამსახურის კომპეტენციაში შემავალ საკითხებზე, ადგენს შესაბამის საცნობარო მასალებს და წინადადებებს;

დ) ამზადებს სამსახურის საქმიანობის შესახებ ანგარიშს;

ე) სამსახურის თანამშრომელთა კვალიფიკაციის ამაღლების მიზნით მონაწილეობს ტრენინგების ორგანიზებაში;

ვ) მონაწილეობს თბილისის ტერიტორიაზე მუნიციპალიტეტის მიერ ორგანიზებულ ღონისძიებებში;

ზ) ურთიერთობას წარმართავს თბილისის მერიის სხვა სტრუქტურულ ერთეულებთან, ადმინისტრაციულ ორგანოებთან, დაწესებულებებთან და ორგანიზაციებთან.

3. ტექნიკური უზრუნველყოფის განყოფილება საკუთარი კომპეტენციის ფარგლებში:

ა) მონაწილეობს ქალაქ თბილისის თვითმმართველი ერთეულის საკუთრებაში არსებული ტერიტორიების და ობიექტების ვიდეოსამეთვალყურეო, სერვერული, აუდიო, უსაფრთხოების სისტემებით, საგანგებო სიტუაციების დროს გამოსაყენებელი მოწყობილობებით აღჭურვის და შესაბამისი ინფრასტრუქტურის მოწყობის დაგეგმვაში;

ბ) მონაწილეობს მონიტორინგის  განყოფილების ვიდეოსამეთვალყურეო ცენტრის ინფრასტრუქტურის განვითარების/მოწყობის დაგეგმვაში;

გ) ზედამხედველობას უწევს პროექტების განხორციელებას;

დ) ორგანიზებას უწევს ვიდეოსამეთვალყურეო სისტემების მოვლა-პატრონობას;

ე) ახორციელებს დაცვითი ელექტრონული საშუალებების ტექნიკური მხარდაჭერის ორგანიზებას და/ან უზრუნველყოფას;

ვ) არსებული სისტემების ოპტიმიზაციის მიზნით უზრუნველყოფს წინადადებების მომზადებას და ხელმძღვანელობისთვის წარდგენას;

ზ) მონაწილეობს თბილისის ტერიტორიაზე მუნიციპალიტეტის მიერ ორგანიზებულ ღონისძიებებში;

თ) ურთიერთობას წარმართავს თბილისის მერიის სხვა სტრუქტურულ ერთეულებთან, ადმინისტრაციულ ორგანოებთან, დაწესებულებებთან და ორგანიზაციებთან.

4. კონტროლის განყოფილება საკუთარი კომპეტენციის ფარგლებში:

ა) 24 საათის განმავლობაში ახორციელებს სამსახურის ქვედანაყოფების საქმიანობის მონიტორინგს და სამსახურის უფროსს წარუდგენს მოსამსახურეთა მხრიდან სამსახურებრივი მოვალეობის შესრულების შესახებ ინფორმაციას;

ბ) სამსახურის უფროსს აწვდის ინფორმაციას დასაცავ ობიექტებზე უსაფრთხოების კუთხით არსებული ვითარების შესახებ;

გ) მონაწილეობს თბილისის ტერიტორიაზე მუნიციპალიტეტის მიერ ორგანიზებულ ღონისძიებებში, უზრუნველყოფს უსაფრთხოებას და მუნიციპალური ქონების დაცვას;

დ) ურთიერთობას წარმართავს თბილისის მერიის სხვა სტრუქტურულ ერთეულებთან, ადმინისტრაციულ ორგანოებთან, დაწესებულებებთან და ორგანიზაციებთან.

5. ვიდეომონიტორინგის განყოფილება საკუთარი კომპეტენციის ფარგლებში:

ა) უზრუნველყოფს დასაცავი ობიექტების მონიტორინგს, ვიდეოსამეთვალყურეო და  ელექტრონული დაცვითი სისტემების საშუალებით მუდმივ დაკვირვებასა და  ობიექტზე არსებული ვითარების შესახებ 24-საათიან რეჟიმში ინფორმაციის აღრიცხვას;

ბ) უზრუნველყოფს მუდმივ რადიო და/ან სატელეფონო კავშირს დასაცავი ობიექტების უსაფრთხოებაზე პასუხისმგებელ თანამშრომლებთან;

გ) სამსახურის უფროსს აწვდის ინფორმაციას დასაცავ ობიექტებზე უსაფრთხოების კუთხით არსებული ვითარების შესახებ;

დ) ურთიერთობას წარმართავს თბილისის მერიის სხვა სტრუქტურულ ერთეულებთან, ადმინისტრაციულ ორგანოებთან, დაწესებულებებთან და ორგანიზაციებთან.

6. სწრაფი რეაგირების განყოფილება საკუთარი კომპეტენციის ფარგლებში:  

ა) სამსახურის სხვა ქვედანაყოფებს უწევს დახმარებას დასაცავ ობიექტებზე უსაფრთხოების უზრუნველყოფაში;

ბ) დასაცავ ობიექტებზე უსაფრთხოების და მუნიციპალური ქონების დაცვის მიზნით ახორციელებს პრევენციულ ღონისძიებებს;

გ) უზრუნველყოფს ვიდეოსამეთვალყურეო სისტემებით დაცული ობიექტების ადგილზე მონიტორინგს;

დ) მონაწილეობს თბილისის ტერიტორიაზე მუნიციპალიტეტის მიერ ორგანიზებულ ღონისძიებებში, უზრუნველყოფს უსაფრთხოებას და მუნიციპალური ქონების დაცვას;

ე) ურთიერთობას წარმართავს თბილისის მერიის სხვა სტრუქტურულ ერთეულებთან, ადმინისტრაციულ ორგანოებთან, დაწესებულებებთან და ორგანიზაციებთან.

7. ობიექტების დაცვის განყოფილება საკუთარი კომპეტენციის ფარგლებში:

ა) უზრუნველყოფს თბილისის მერიის მუნიციპალიტეტის ობიექტების უსაფრთხოებასა და დაცვას;

ბ) უზრუნველყოფს თბილისის მერიის მუნიციპალიტეტის ობიექტებში განთავსებული მუნიციპალური ქონების დაცვას;

გ) მონაწილეობს თბილისის ტერიტორიაზე მუნიციპალიტეტის მიერ ორგანიზებულ ღონისძიებებში, უზრუნველყოფს უსაფრთხოებას და მუნიციპალური ქონების დაცვას;

დ) ურთიერთობას წარმართავს თბილისის მერიის სხვა სტრუქტურულ ერთეულებთან, ადმინისტრაციულ ორგანოებთან, დაწესებულებებთან და ორგანიზაციებთან.

8. მუნიციპალიტეტის შენობების და ტერიტორიების დაცვის განყოფილება საკუთარი კომპეტენციის ფარგლებში:

ა) უზრუნველყოფს თბილისის მუნიციპალიტეტის ტერიტორიების და შენობების (თბილისის მუნიციპალიტეტის სარგებლობაში ან/და საკუთრებაში არსებული საწყობები, სამრეცხაო, ასევე, ქალაქ თბილისის მუნიციპალიტეტის იურიდიული პირებისათვის გადაცემული უძრავი ქონება) უსაფრთხოებასა და დაცვას;

ბ) უზრუნველყოფს ამ პუნქტის „ა“ ქვეპუნქტით გათვალისწინებულ მუნიციპალიტეტის ტერიტორიებზე და შენობებში განთავსებული მუნიციპალური ქონების დაცვას;

გ) მონაწილეობს თბილისის ტერიტორიაზე მუნიციპალიტეტის მიერ ორგანიზებულ ღონისძიებებში, უზრუნველყოფს უსაფრთხოებას და მუნიციპალური ქონების დაცვას;

დ) ურთიერთობას წარმართავს თბილისის მერიის სხვა სტრუქტურულ ერთეულებთან, ადმინისტრაციულ ორგანოებთან, დაწესებულებებთან და ორგანიზაციებთან.

9. მუნიციპალიტეტის ადმინისტრაციული შენობების დაცვის განყოფილება საკუთარი კომპეტენციის ფარგლებში:

ა) უზრუნველყოფს თბილისის საკრებულოს და თბილისის მერიის ადმინისტრაციული შენობების უსაფრთხოებასა და დაცვას;

ბ) უზრუნველყოფს თბილისის საკრებულოს და თბილისის მერიის ადმინისტრაციულ შენობებში განთავსებული მუნიციპალური ქონების დაცვას;

გ) მონაწილეობს თბილისის ტერიტორიაზე მუნიციპალიტეტის მიერ ორგანიზებულ ღონისძიებებში, უზრუნველყოფს უსაფრთხოებას და მუნიციპალური ქონების დაცვას;

დ) ურთიერთობას წარმართავს თბილისის მერიის სხვა სტრუქტურულ ერთეულებთან, ადმინისტრაციულ ორგანოებთან, დაწესებულებებთან და ორგანიზაციებთან.

10. ბაღების, პარკების და სკვერების დაცვის განყოფილება კომპეტენციის ფარგლებში:

ა) უზრუნველყოფს თბილისის  ბაღების, პარკების, სკვერების უსაფრთხოებასა და დაცვას;

ბ) უზრუნველყოფს თბილისის ბაღებში, პარკებისა და  სკვერებში განთავსებული მუნიციპალური ქონების დაცვას;

გ) მონაწილეობს თბილისის ტერიტორიაზე მუნიციპალიტეტის მიერ ორგანიზებულ ღონისძიებებში, უზრუნველყოფს უსაფრთხოებას და მუნიციპალური ქონების დაცვას;

დ) ურთიერთობას წარმართავს თბილისის მერიის სხვა სტრუქტურულ ერთეულებთან, ადმინისტრაციულ ორგანოებთან, დაწესებულებებთან და ორგანიზაციებთან.

11. გამგეობების დაცვის განყოფილება კომპეტენციის ფარგლებში:

ა) უზრუნველყოფს თბილისის რაიონული გამგეობების შენობების უსაფრთხოებასა და დაცვას;

ბ) უზრუნველყოფს თბილისის რაიონული გამგეობების შენობებში განთავსებული მუნიციპალური ქონების დაცვას;

გ) მონაწილეობს თბილისის ტერიტორიაზე მუნიციპალიტეტის მიერ ორგანიზებულ ღონისძიებებში, უზრუნველყოფს უსაფრთხოებას და მუნიციპალური ქონების დაცვას;

დ) ურთიერთობას წარმართავს თბილისის მერიის სხვა სტრუქტურულ ერთეულებთან, ადმინისტრაციულ ორგანოებთან, დაწესებულებებთან და ორგანიზაციებთან.“.