ხელით სამართავი ავტომობილებითა და მოტოეტლებით ინვალიდთა უზრუნველყოფის წესის ინსტრუქციის დამტკიცების შესახებ
მიღების თარიღი 30.04.1990
გამომცემი ორგანო საქართველოს სსრ მინისტრთა საბჭო
ნომერი №216
სარეგისტრაციო კოდი 000000080.02(0).000.000000 6
გამოქვეყნების წყარო საქართველოს სსრ მინისტრთა საბჭოს დადგენილებები, 4, 30/04/1990
📄 ტექსტზე გადასვლა ↓
30.04.1990 მიღება
დოკუმენტის ტექსტი
ხელით სამართავი ავტომობილებითა და მოტოეტლებით ინვალიდთა უზრუნველყოფის წესის ინსტრუქციის დამტკიცების შესახებ
საქართველოს სსრ მინისტრთა საბჭოს
დადგენილება №216
1990 წლის 30 აპრილი
ქ. თბილისი
ხელით სამართავი ავტომობილებითა და მოტოეტლებით ინვალიდთა უზრუნველყოფის წესის ინსტრუქციის დამტკიცების შესახებ
საქართველოს სსრ მინისტრთა საბჭო ადგენს:
1. დამტკიცდეს თანდართული ინსტრუქცია ხელით სამართავი ავტომობილებითა და მოტოეტლებით ინვალიდთა უზრუნველყოფის წესის შესახებ.
2. საქართველოს სსრ სოციალური უზრუნველყოფის სამინისტრომ:
ა) საქართველოს პროფსაბჭოსთან შეთანხმებით ერთი თვის ვადაში დაამტკიცოს სახალხო დეპუტატთა რაიონული (საქალაქო) საბჭოების აღმასკომებთან იმ საზოგადოებრივი კომისიების შექმნისა და მუშაობის წესი, რომლებიც განიხილავენ ინვალიდთა განცხადებებს მათთვის ხელით სამართავი „ზაპოროჟეცის“ მარკის ავტომობილებისა და მოტოეტლების მიცემის შესახებ და გასცემენ დასკვნებს მათ გამო;
ბ) გამოუყოს 1990 წლიდან თავისი ფონდიდან აფხაზეთს ასსრ სოციალური უზრუნველყოფის სამინისტროს, აჭარის ასსრ სოციალური უზრუნველყოფის სამინისტროს, სამხრეთ ოსეთის ავტონომიური ოლქის, რესპუბლიკის ქალაქებისა და რაიონების სახალხო დეპუტატთა საბჭოების აღმასკომების სოციალური უზრუნველყოფის განყოფილებებს ხელით სამართავი „ზაპოროჟეცის“ მარკის ავტომობილები და მოტოეტლები ინვალიდთათვის.
3. ძალადაკარგულად ჩაითვალოს საქართველოს სსრ მინისტრთა საბჭოს 1977 წლის 4 აპრილის № 220, 1979 წლის 27 სექტემბრის № 672 და 1988 წლის 13 იანვრის № 8 დადგენილებები „ხელით სამართავი ავტომობილებითა და მოტოეტლებით ინვალიდთა უზრუნველყოფის წესის ინსტრუქციის დამტკიცების შესახებ“.
საქართველოს სსრ მინისტრთა საბჭოს თავმჯდომარე ნ. ჭითანავა
საქართველოს სსრ მინისტრთა საბჭოს საქმეთა მმართველი ზ. მახარაძე
ინსტრუქცია
ხელით სამართავი ავტომობილებითა და მოტოეტლებით ინვალიდთა უზრუნველყოფის წესის შესახებ
I. ზოგადი დებულებანი
1. ხელით სამართავი ავტომობილებითა და მოტოეტლებით ინვალიდებს უზრუნველყოფენ სახალხო დეპუტატთა რაიონული (საქალაქო) საბჭოების აღმასკომების სოციალური უზრუნველყოფის განყოფილებანი მათი მუდმივი საცხოვრებელი ადგილის მიხედვით, ამ მიზნით გამოყოფილი ფონდების ფარგლებში.
2. ხელით სამართავი ავტომობილებისა და მოტოეტლების გაცემის საფუძველს წარმოადგენს საექიმო-შრომითი საექსპერტო კომისიის დასკვნა იმის შესახებ, რომ ინვალიდებს აქვთ სამედიცინო ჩვენებანი მათი მიღებისათვის.
დასკვნის გამოტანისას საექიმო-შრომითი საექსპერტო კომისია ხელმძღვანელებს აღნიშნულ სატრანსპორტო საშუალებათა მიღებისათვის სამედიცინო ჩვენებების ნუსხებით, რომლებიც დამტკიცებულია სსრ კავშირის ჯანმრთელობის დაცვის სამინისტროს მიერ სსრ კავშირის სახელწმიფო საგეგმო კომიტეტთან შეთანხმებით.
3. ინვალიდთა განცხადებებს და მათ დანართ დოკუმენტებს ხელით სამართავი ავტომობილებისა და მოტოეტლების მიცემის (გამოცვლის) შესახებ წინასწარ განიხილავენ სახალხო დეპუტატთა რაიონული (საქალაქო) საბჭოების აღმასკომებთან შექმნილი საზოგადოებრივი კომისიები, რომლებიც გამოიტანენ მათ გამო თავიანთ დასკვნებსა და რეკომენდაციებს ტრანსპორტის მიღების რიგითობის შესახებ, აგრეთვე შრომითი დასახიჩრების, საერთო დაავადების გამო ან ბავშვობიდან ინვალიდებისათვის შეღავათიან პირობებში ან უფასოდ მოტოეტლების მიცემის შესახებ.
საზოგადოებრივი კომისიების შექმნისა და მუშაობის წესს განსაზღვრავს სსრ სოციალური უზრუნველყოფის სამინისტრო.
4. ინვალიდებს, რომლებსაც აქვთ ხელით სამართავი ავტომობილების ან მოტოეტლების მიღების უფლება, შეუძლიათ, თავიანთ სარგებლობაში ჰქონდეთ მხოლოდ ერთი სახეობის აღნიშნული ტრანსპორტი.
ღრმად მოხუცებულთა და ინვალიდთა სახლ-ინტერნატებში (საქართველოს სსრ სოციალური უზრუნველყოფის სამინისტროს სისტემისა) სახელწმიფო უზრუნველყოფაზე მყოფ ინვალიდებს ხელით სამართავი ავტომობილები და მოტოეტლები უფასოდ ან შეღავათიან პირობებში არ მიეცემათ.
5. ხელით სამართავი ავტომობილებისა და მოტოეტლების ტარებას ინვალიდებს შეასწავლიან სოციალური უზრუნველყოფის ორგანოები.
ხელით სამართავი ავტომობილების ან მოტოეტლების უფასოდ ან შეღავათიან პირობებში მიღების უფლების მქონე ინვალიდებისათვის სატრანსპორტო საშუალებათა ტარების სწავლებასთან დაკავშირებული ხარჯები (მათ შორის უფასო მგზავრობა სწავლების ადგილამდე და უკან, კვება, აგრეთვე საერთო საცხოვრებლის საფასურის გადახდა სხვა ქალაქელთათვის) გაიღება სახალხო დეპუტატთა რაიონული (საქალაქო) საბჭოების აღმასკომების ბიუჯეტებში სოციალური უზრუნველყოფისათვის გათვალისწინებული სახსრებიდან.
6. იმ შემთხვევაში, თუ ინვალიდს მძღოლის მოწმობა ჩამოერთმევა საგზაო მოძრაობის უსაფრთხოების წესების დარღვევისათვის, ხელით სამართავი ავტომობილებისა და მოტოეტლის ექსპლუატაციის ვადა გაგრძელდება მძღოლის უფლების ჩამორთმევის პერიოდისათვის.
ინვალიდთათვის ავტომობილის ტარების უფლების ჩამორთმევის შესახებ სახელწმიფო ავტოინსპექცია აცნობებს სოციალური უზრუნველყოფის იმ ორგანოებს, რომელთა აღრიცხვაზე იმყოფებიან ისინი როგორც ტრანსპორტის მფლობელნი.
II. საექიმო-შრომითს საექსპერტო კომისიაში ინვალიდთა შემოწმების წესი
7. ხელით სამართავი ავტომობილებისა და მოტოეტლების მიღების უფლების სამედიცინო ჩვენებების განსაზღვრისა და მათი ტარების საწინააღმდეგო ჩვენების გამოვლინების მიზნით ინვალიდთა სამედიცინო შემოწმებას მოახდენენ სარაიონო, სარაიონთაშორისო, საქალაქო საექიმო-შრომითი საექსპორტო კომისიები ხელით სამართავი ავტომობილებისა და მოტოეტლების მიღების უფლების სამედიცინო ჩვენებებისა და მათი ტარების საწინააღმდეგო ჩვენებების ნუსხების შესაბამისად.
8. ინვალიდთა სამედიცინო შემოწმება მოეწყობა სამედიცინო დოკუმენტების შესწავლისა და პირადი გასინჯვის საფუძველზე. იმ შემთხვევაში, როცა ინვალიდების საექიმო-შრომითს საექსპორტო კომისიაში გაგზავნილი არიან დაუსაბუთებელი დიაგნოზით, რაც აძნელებს საექსპორტო გადაწყვეტილების გამოტანას, კომისია ინვალიდებს აგზავნის სამკურნალო-პროფილაქტიკურ დაწესებულებებში დამატებითი გამოკვლევისათვის.
9. საექიმო-შრომითს საექსპორტო კომისიაში ინვალიდთა შემოწმებისას შედგება შემოწმების აქტი, ხელით სამართავი ავტომობილის ან მოტოეტლის მიღების სამედიცინო ჩვენებების განსაზღვრის შესახებ (დანართი № 1).
აქტები ყველა სამედიცინო დოკუმენტითურთ ინახება იმ საექიმო-შრომით საექსპორტო კომისიაში, სადაც მოეწყო შემოწმება.
10. შემოწმების აქტის ამონაწერი (დანართი № 2) სახალხო დეპუტატთა რაიონული (საქალაქო) საბჭოს აღმასკომის სოციალური უზრუნველყოფის განყოფილებიდან მიღებულ დოკუმენტებთან ერთად (გარდა საექიმო შრომითს საექსპორტო კომისიაში გაგზავნისა – ფ. 88) გაეგზავნებათ სახალხო დეპუტატთა რაიონული (საქალაქო) საბჭოების აღმასკომების სოციალური უზრუნველყოფის განყოფილებებს.
სატრანსპორტო საშუალებათა მიღების უფლების სამედიცინო ჩვენებების დადგენისას და მათი ტარების საწინააღმდეგო ჩვენებების არარსებობისას ინვალიდებს სახელმწიფო ავტოინსპექციის ორგანოებში წარსადგენად მიეცემათ ცნობა (დანართი № 2) ხელით სამართავი ავტომობილის ან მოტოეტლის მიმართვის უფლების მოწმობის მისაღებად.
11. თუ შემოწმების პროცესში საექიმო-შრომითი საექსპორტო კომისია გამოიტანს დასკვნას ხელით სამართავი ავტომობილისა და მოტოეტლის მიღების უფლების სამედიცინო ჩვენებების არარსებობის ან მათი ტარების საწინააღმდეგო ჩვენებების არარსებობის ან მათი ტარების საწინააღმდეგო ჩვენებების არსებობის შესახებ, საექიმო-შრომითი საექსპორტო კომისიის თავმჯდომარე განუმარტავს ინვალიდს (წერილობით) მიღებულ გადაწყვეტილებას და ამის შესახებ ასლით აცნობებს სახალხო დეპუტატთა რაიონული (საქალაქო) საბჭოს აღმასკომის სოციალური უზრუნველყოფის განყოფილებას ინვალიდის საცხოვრებელი ადგილის მიხედვით.
12. ამ ინსტრუქციის მე-17 პუნქტის თანახმად ოჯახის წევრისათვის მართვის უფლების გადაცემით, ავტომობილების მისაღებად სამამულო ომის პირველი და მეორე ჯგუფის ინვალიდთა შემოწმებისას საექიმო-შრომითი საექსპერტო კომისია, მანქანის ტარების სამედიცინო ჩვენებისა და საწინააღმდეგო ჩვენებების გარდამ განსაზღვრავს იმასაც, შეუძლია თუ არა ინვალიდს ისარგებლოს ავტომობილით მისი ჯანმრთელობის მდგომარეობისათვის ზიანის მიუყენებლად.
დასკვნას იმის შესახებ, რომ ინვალიდის ოჯახის წევრს არა აქვს ავტომობილის ტარების საწინააღმდეგო ჩვენებები, გასცემენ სამკურნალო-პროფილაქტიკური დაწესებულებები.
13. საექიმო-შრომითი საექსპერტო კომისიის დასკვნა ხელით სამართავი ავტომობილის ან მოტოეტლის ტარების, სამედიცინო ჩვენებების არსებობისა და საწინააღმდეგო ჩვენებების არარსებობის შესახებ ძალაშია 2 წლის მანძილზე მისი გამოტანის დღიდან. ინვალიდის ხელახლა შემოწმება ხელით სამართავი ავტომობილისა და მოტოეტლის გამოცვლის საკითხის გადასაწყვეტად ხდება მათი ექსპლუატაციის დაწესებული ვადის გასვლის შემდეგ.
სამამულო ომის ინვალიდს უფასოდ მიღებული ავტომანქანა „ზაპოროჟეცი“ ექსპლუატაციის დადგენილი ვადის გასვლის შემდეგ გამოეცვლება ხელახალი შემოწმების საექიმო-შრომითი საექსპორტო კომისიის მიერ ავტომობილის ან მოტოეტლის მიღების სამედიცინო ჩვენებების არსებობის შესახებ ადრე გამოტანილი დასკვნის საფუძველზე, ავტოტრანსპორტის მართვის ვარგისიანობის შესახებ მძღოლთა სამედიცინო კომისიის დასკვნის გათვალისწინებით. ასევე ხელახალი შემოწმების გარეშე მიეცემათ ან მიეყიდებათ სატრანსპორტო საშუალებანი ყველა კატეგორიის ინვალიდებს, რომელთაც აქვთ საყრდენ-მამოძრავებელი აპარატის შეუქცევადი ხასიათის გამოხატული დაზიანებანი (ქვემო კიდურების ამპუტაცია ან დამბლა).
ინვალიდთა პერიოდულ ხელახალ შემოწმებას იმის დასადგენად, რომ არა აქვთ ხელით სამართავი ავტომობილისა და მოტოეტლის ტარების საწინააღმდეგო ჩვენებები, მოახდენენ სამკურნალო-პროფილაქტიკური დაწესებულებების სსრ კავშირის ჯანმრთელობის დაცვის სამინისტროს მიერ განსაზღვრული წესის შესაბამისად.
III. ინვალიდთა უზრუნველყოფა ხელით სამართავი ავტომობილებით
14. ხელით სამართავი „ზაპოროჟეცის“ მარკის ავტომობილები მიეცემათ უფასოდ ხელით სამართავი ავტომობილის ან მოტოეტლის მიღების უფლების სამედიცინო ჩვენებების არსებობისას და ავტოტრანსპორტის ტარების საწინააღმდეგო ჩვენებების არარსებობისას სამამულო ომის ინვალიდებს, მათ შორის ინვალიდებს სამამულო ომის პარტიზანთა რიცხვიდან და შესაბამისი კატეგორიების მუშა-მოსამსახურეთა რიცხვიდან, რომლებიც დაინვალიდდნენ სამამულო ომის პერიოდში საომარი მოქმედების რაიონში, ფრონტისპირა რკინიგზათა უბნებზე, თავდაცვითი ზღუდეების, სამხედრო-საზღვაო ბაზებისა და აეროდრომების მშენებლობაზე მიღებული ჭრილობის, დასახიჩრების ან დაავადების გამო, და სსრ კავშირის მთავრობის სპეციალური დადგენილებებისა და განკარგულებების თანახმად საპენსიო უზრუნველყოფის მხრივ გათანაბრებული არიან სამხედრო მოსამსახურეებთან, აგრეთვე ინვალიდებს:
- სამხედრო მოსამსახურეთა რიცხვიდან, რომლებიც დაინვალიდდნენ სსრ კავშირის დაცვის დროს ან სამხედრო სამსახურის სხვა მოვალეობათა შესრულებისას მიღებული ჭრილობის, კონტუზიის ან დასახიჩრების შედეგად ანდა ფრონტზე ყოფნასთან დაკავშირებული დაავადების შედეგად და სამოქალაქო ომის პარტიზანთა რიცხვიდან;
- სსრ კავშირის შინაგან საქმეთა სამინისტროს ორგანოების უფროსთა და რიგითი შემადგენლობის იმ პირთა რიცხვიდან, რომლებიც დაინვალიდდნენ სამსახურებრივი მოვალეობის შესრულებისას მიღებული ჭრილობის, კონტუზიის ან დასახიჩრების შედეგად;
- 1944 წლის 1 იანვრიდან უკრაინის სსრ, ბელორუსიის სსრ, ლიტვის სსრ, ესტონეთის სსრ ტერიტორიაზე მოქმედი გამანადგურებელი ათასეულების, ოცეულებისა და ხალხის დამცველი რაზმების იმ მებრძოლთა და მეთაურთა რიცხვიდან, რომლებიც დაინვალიდდნენ ამ ათასეულებში, ოცეულებსა და რაზმებში სამხედრო მოვალეობათა შესრულების დროს მიღებული ჭრილობების, კონტუზიის ან დასახიჩრების შედეგად;
- იმ სამხედრო მოსამსახურეთა რიცხვიდან, რომლებიც დაინვალიდდნენ სამხედრო სამსახურის მოვალეობათა შესრულებასთან დაუკავშირებელი უბედური შემთხვევის ან ფრონტზე ყოფნასთან დაუკავშირებელი დაავადების შედეგად
შენიშვნა: პირებს იმ სამხედრო მოსამსახურეთა რიცხვიდან, რომლებიც დაინვალიდდნენ სამხედრო სამსახურის მოვალეობათა შესრულებასთან დაუკავშირებელი უბედური შემთხვევის ან ფრონტზე ყოფნასთან დაუკავშირებელი დაავადების შედეგად, „ზაპოროჟეცის“ მარკის ავტომობილები უფასოდ მიეცემათ იმ შემთხვევაში, თუ მათ აქვთ სამედიცინო ჩვენებები სსრ კავშირის ჯანმრთელობის დაცვის სამინისტროს მიერ სსრ კავშირის სახელწმიფო საგეგმო კომიტეტთან შეთანხმებით დამტკიცებული 1969 წლის 1-8 ივლისის ნუსხის თანახმად.
15. ხელით სამართავი „ზაპოროჟეცის“ მარკის ავტომობილს ინვალიდს უფასოდ აძლევს შესაბამისად სახალხო დეპუტატთა რაიონული (საქალაქო) საბჭოს აღმასკომის სოციალური უზრუნველყოფის განყოფილება ექსპლუატაციის შვიდი წლის ვადით, გაყიდვისა და სხვა პირთათვის გადაცემის უფლების გარეშე.
ექსპლუატაციის ვადის გასვლის შემდეგ უფასოდ გაცემული „ზაპოროჟეცის“ მარკის ავტომობილი უნდა გასაღდეს დადგენილი წესით.
ხელით სამართავი ავტომობილი, მოტოეტლი ინვალიდს პირადი მართვის უფლებით მიეცემა იმ შემთხვევაში, თუ აქვს მართვის უფლების დამადასტურებელი მოწმობა.
16. თუ უფასოდ მიღებული ხელით სამართავი „ზაპოროჟეცის“ მარკის ავტომობილების ექსპლუატაციის პროცესში ინვალიდებს გამოუვლინდებათ მათი ტარების საწინააღმდეგო ჩვენებები, ავტომობილის მართვის უფლების გადაცემის საკითხს განიხილავენ სახალხო დეპუტატთა რაიონული (საქალაქო) საბჭოების აღმასკომების სოციალური უზრუნველყოფის განყოფილებები და ყოველ კონკრეტულ შემთხვევაში ნებას დართავენ გაფორმდეს სხვა პირზე ავტომობილის მართვის მინდობილობა.
17. ამ ინსტრუქციის მე-14 პუნქტით გათვალისწინებულ პირველი და მეორე ჯგუფის ინვალიდებს (შენიშვნაში აღნიშნულ პირთა გარდა), რომლებსაც აქვთ სამართავი ავტომობილის ან მოტოეტლის მიცემის უფლების სამედიცინო ჩვენება და ავტომობილის მართვის საწინააღმდეგო ჩვენება, „ზაპოროჟეცის“ მარკის ავტომობილებს უფასოდ მისცემენ სოციალური უზრუნველყოფის ორგანოები თუ ინვალიდის მომსახურებისათვის ავტომობილის მართვა შეუძლია და ამის დამადასტურებელი მართვის უფლების მოწმობა აქვს მასთან მუდმივად მცხოვრებ ოჯახის წევრს.
18. ხელით სამართავ ავტომობილებს ინვალიდებს (ინვალიდობის ჯგუფისა და მიზეზის მიუხედავად) მიჰყიდიან სავაჭრო ორგანიზაციები სახალხო დეპუტატთა რაიონული (საქალაქო) საბჭოების აღმასკომების სოციალური უზრუნველყოფის განყოფილებების ნებართვის იმ პირობით, თუ მათ აქვთ ხელით სამართავი ავტომობილების ან მოტოეტლების მიღების სამედიცინო ჩვენება და არა აქვთ ავტოტრანსპორტის მართვის საწინააღმდეგო ჩვენება.
ცალკეულ შემთხვევებში აღნიშნული ავტომობილები შეიძლება მიეყიდოთ ინვალიდებს, რომლებსაც საექიმო-შრომითი საექსპორტო კომისიის დასკვნით არა აქვთ ხელით სამართავი ავტომობილების ან მოტოეტლების მიღების სამედიცინო ჩვენებები, მაგრამ დაზიანებული ან დაავადებული აქვთ ქვედა კიდურები, რაც აბრკოლებს ჩვეულებრივ სამართავი ავტომობილების ტარებას.
ცერებრალური დამბლით დაავადებულ ინვალიდ ბავშვთა და ბავშვობიდან ინვალიდთა ნათესავებს, რომლებიც მათ უვლიან, მიეყიდებათ ხელით სამართავი ავტომობილი „ზაპოროჟეცი“ ნაღდ ანგარიშზე, თუ მათ არა აქვთ ავტოტრანსპორტის მართვის საწინააღმდეგო ჩვენება. ავტომობილები მიეყიდებათ საექიმო-შრომითი საექსპერტო კომისიის დასკვნის საფუძველზე, რომ ინვალიდს აქვს აღნიშნული დაავადებით ხელით სამართავი ავტომობილის მიღების სამედიცინო ჩვენება.
19. ხელით სამართავი ახალი ავტომობილების შეძენის ნებართვა ინვალიდებს მიეცემათ ადრე შეძენილი ავტომობილების ექსპლუატაციის შვიდი წლის ვადის გავლის შემდეგ, ხოლო ცალკეულ შემთხვევებში – მათი ტექნიკური მდგომარეობის გათვალისწინებით – აღნიშნული ვადის გასვლამდეც.
IV. ინვალიდთა უზრუნველყოფა მოტოეტლებით
20. ამ ინსტრუქციის მე-14 პუნქტში ჩამოთვლილ ინვალიდებს უფლება აქვთ უფასოდ მიიღონ მოტოეტლები იმ პირობით, თუ მათ აქვთ აღნიშნულ სატრანსპორტო საშუალებათა მიღების სამედიცინო ჩვენებები და არა აქვთ მათი ტარების საწინააღმდეგო ჩვენებები.
21. შეღავათიან პირობებში მოტოეტლები მიეცემათ შრომითი დასახიჩრების გამო ინვალიდებს (იმ პირთა გარდა, რომელთაც უფლება აქვთ აინაზღაურონ ზარალი საწარმოს, ორგანიზაციისა და დაწესებულებისაგან), საერთო დაავადების გამო ინვალიდებსა და ბავშვობიდან ინვალიდებს.
აღნიშნულ ინვალიდებს მოტოეტლებს უფასოდ მისცემენ სოციალური უზრუნველყოფის რაიონული (საქალაქო) განყოფილებები სახალხო დეპუტატთა რაიონული (საქალაქო) საბჭოების აღმასკომების გადაწყვეტილებით თავიანთი ბიუჯეტების სოციალური უზრუნველყოფის სახსრების ხარჯზე.
22. ინვალიდებს მოტოეტლები მიეცემათ ექსპლუატაციის ხუთი წლის ვადით გაყიდვისა და სხვა პირთათვის გადაცემის უფლების გარეშე.
ამ ინსტრუქციის მე-14 პუნქტში ჩამოთვლილ ინვალიდებს, რომლებმაც უფასოდ მიიღეს მოტოეტლები, შეუძლიათ მათ ნაცვლად მიიღონ „ზაპოროჟეცის“ მარკის ავტომობილები მხოლოდ მოტოეტლების ექსპლუატაციის დაწესებული ვადის გასვლის შემდეგ.
23. ამ ინსტრუქციის მე-14 პუნქტში ჩამოთვლილი ინვალიდებისათვის უფასოდ მიცემული მოტოეტლების კაპიტალური რემონტი ჩატარდება ერთხელ ხუთი წლის ვადის განმავლობაში მათი გაცემის დღიდან იმ სახსრების ხარჯზე, რომლებიც გათვალისწინებულია სახალხო დეპუტატთა რაიონული (საქალაქო) საბჭოების აღმასკომების ბიუჯეტებში სოციალური უზრუნველყოფისათვის.
24. ექსპლუატაციის დაწესებული ვადის გასვლის შემეგ მოტოეტლები უნდა გასაღდეს დადგენილი წესით.
V. სატრანსპორტო საშუალებათა მიცემის გაფორმებისა და მათი აღრიცხვის წესი
25. განცხადებას სატრანსპორტო საშუალებათა მიცემის შესახებ (დანართი № 3) მიიღებს სახალხო დეპუტატთა რაიონული (საქალაქო) საბჭოს აღმასკომის სოციალური უზრუნველყოფის განყოფილება ინვალიდის მუდმივი საცხოვრებელი ადგილის მიხედვით და უნდა გატარდეს რეგისტრაციაში სააღრიცხვო ჟურნალში (დანართი № 4).
განყოფილება მისცემს ინვალიდს მიმართვას სამკურნალო-პროფილაქტიკურ დაწესებულებაში სამედიცინო გამოკვლევისათვის და საექიმო-შრომით საექსპერტო კომისიაზე გაგზავნის გასაფორმებლად (ფ. 88), სადაც აუცილებლად უნდა იქნეს შეტანილი ქირურგის, თერაპევტის, ნერვოპათოლოგის, ფსიქიატრის, ოკულისტის, ოტორინოლარინგოლოგის მიერ გამოკვლევის მონაცემები.
სახალხო დეპუტატთა რაიონული (საქალაქო) საბჭოს აღმასკომის სოციალური უზრუნველყოფის განყოფილებაში სამკურნალო-პროფილაქტიკური დაწესებულებიდან მიღებული მიმართვა საექიმო-შრომითს საექსპერტო კომისიაზე გასაფორმებლად (ფ. 88), ინვალიდის განცხადებასთან და განყოფილების გამგის მიერ დამოწმებული საექიმო-შრომითი საექსპერტო კომისიის ცნობის ასლთან ერთად ინვალიდობის ჯგუფისა და მიზეზის შესახებ (ხოლო შრომითი დასახიჩრების, საერთო დაავადების გამო ან ბავშვობიდან ინვალიდებისათვის, რომლებსაც სურთ უფასოდ ან შეღავათიან პირობებში მიიღონ მოტოეტლი, მატერიალურ-საყოფაცხოვრებო მდგომარეობის აქტთან ერთად) 5 დღემდე ვადაში გაეგზავნებათ სარაიონო, სარაიონთაშორისო, საქალაქო საექიმო-შრომითს საექსპერტო კომისიებს განსახილველად.
26. სახალხო დეპუტატთა რაიონული (საქალაქო) საბჭოების აღმასკომების სოციალური უზრუნველყოფის განყოფილებები არა უგვიანეს 2 კვირის ვადაში საექიმო-შრომითი საექსპორტო კომისიისა და საზოგადოებრივი კომისიის დასკვნების გათვალისწინებით გამოიტანენ თავიანთ გადაწყვეტილებას და ამის შესახებ წერილობით აცნობებ განმცხადებელს და შესაბამისად საქართველოს სსრ სოციალური უზრუნველყოფის სამინისტროს, აფხაზეთის ასსრ სოციალური უზრუნველყოფის სამინისტროს, აჭარის ასსრ სოციალური უზრუნველყოფის სამინისტროს, სამხრეთ ოსეთის ავტონომიური ოლქის სახალხო დეპუტატთა საბჭოს აღმასკომის სოციალური უზრუნველყოფის განყოფილებას, თბილისის დეპუტატთა საქალაქო საბჭოს აღმასკომის სოციალური უზრუნველყოფის განყოფილებას.
27. იმ ინვალიდებს, რომლებსაც ესაჭიროებათ ხელით სამართავი ყველა სახის სატრანსპორტო საშუალებებით უზრუნველყოფა, აღრიცხავენ სახალხო დეპუტატთა რაიონული (საქალაქო) საბჭოების აღმასკომების სოციალური უზრუნველყოფის განყოფილებები სპეციალურ სააღრიცხვო ჟურნალებში (დანართი № 5) ცალ-ცალკე სატრანსპორტო საშუალებათა სახეობების და მათი გაცემის პირობების მიხედვით.
28. აღრიცხვაზე აყვანილ თითოეულ ინვალიდზე შედგება სააღრიცხვო საქმე სატრანსპორტო საშუალებათა მისაღებად (დანართი № 6), რომელშიც შედის ინვალიდის განცხადება, საექიმო-შრომითი საექსპერტო კომისიის ცნობის ასლი ინვალიდობის ჯგუფისა და მიზეზის შესახებ, დამოწმებული სახალხო დეპუტატთა რაიონული (საქალაქო) საბჭოს აღმასკომს სოციალური უზრუნველყოფის განყოფილების გამგის მიერ, შესაბამისი საექიმო-შრომითი საექსპერტო კომისიის შემოწმების აქტის ამონაწერი, შრომითი დასახიჩრების, საერთო დაავადების გამო ან ბავშვობიდან ინვალიდების (რომლებსაც სურთ უფასოდ ან შეღავათიან პირობებში მიიღონ მოტოეტლი) მატერიალურ-საყოფაცხოვრებო მდგომარეობის აქტი, აგრეთვე საზოგადოებრივი კომისიის გადაწყვეტილების ამონაწერი ტრანსპორტის მიღების რიგითობის შესახებ (ხოლო შრომითი დასახიჩრების, საერთო დაავადების გამო ან ბავშვობიდან ინვალიდებისათვის – დასკვნა შეღავათიან პირობებში ან უფასოდ მოტოეტლის მიცემის შესახებ).
შრომითი დასახიჩრების, საერთო დაავადების გამო ან ბავშვობიდან ინვალიდის სააღრიცხვო საქმეში, რომელიც უფასოდ იღებს მოტოეტლის, ჩაიკერება სახალხო დეპუტატთა რაიონული (საქალაქო) საბჭოების აღმასკომების გადაწყვეტილების ამონაწერი მისთვის მოტოეტლის უფასოდ მიცემის შესახებ.
29. აფხაზეთი ასსრ სოციალური უზრუნველყოფის სამინისტრო, აჭარის ასსრ სოციალური უზრუნველყოფის სამინისტრო, სამხრეთ ოსეთის ავტონომიური ოლქის სახალხო დეპუტატთა საბჭოს აღმასკომის სოციალური უზრუნველყოფის განყოფილება, სახალხო დეპუტატთა რაიონული (საქალაქო) საბჭოს აღმასკომის სოციალური უზრუნველყოფის განყოფილება, სარაიონო, სარაიონთაშორისო საქალაქო საექიმო-შრომითი საექსპერტო კომისიების გადაწყვეტილებას ინვალიდისათვის ავტომობილის ან მოტოეტლის მიკუთვნების შესახებ შეტყობინების სახით (დანართი № 7) შესაბამისად უგზავნის საქართველოს სსრ სოციალური უზრუნველყოფის სამინისტროს, რომელიც აძლევს ავტომობილის ან მოტოეტლის საჭირო ფონდს (დანართი № 8).
სახალხო დეპუტატთა საქალაქო (რაიონული) საბჭოს აღმასკომის სოციალური უზრუნველყოფის განყოფილებას აღრიცხვაზე აჰყავს ინვალიდი, გამოიძახებს მას რიგის მიხედვით, მოატანინებს საჭირო საბუთებს და ჩააბარებს, სახალხო დეპუტატთა საქალაქო (რაიონული) საბჭოს აღმასკომის თავმჯდომარის ან მისი მოადგილის მიერ ხელმოწერილ განკარგულებას ავტობაზიდან ავტომობილის ან მოტოეტლის მისაღებად.
სახალხო დეპუტატთა (რაონული) საქალაქო საბჭოს აღმასკომის სოციალური უზრუნველყოფის განყოფილების გამგე ცნობას ავტობაზიდან ინვალიდის მიერ ავტომობილის ან მოტოეტლის მიღების შესახებ ურთავს საპენსიო საქმეს.
30. იმ ინვალიდთა გარდაცვალების შემთხვევაში, რომლებმაც ხელით სამართავი ავტომობილები ან მოტოეტლები უფასოდ მიიღეს, ეს ავტომობილები და მოტოეტლები დარჩება მათი ოჯახის საკუთრებად და მოიხსნება სოციალური უზრუნველყოფის ორგანოთა აღრიცხვიდან.
ოჯახის ერთ-ერთ წევრზე ავტომობილის ან მოტოეტლის ხელახალ რეგისტრაციას აწარმოებენ სახელწმიფო ავტოინსპექციის ორგანოები სოციალური უზრუნველყოფის იმ ორგანოების ნებართვით, რომელთა აღრიცხვაზეც იმყოფებოდნენ ინვალიდები როგორც ტრანსპორტის მფლობელნი.
დავას საერთო საკუთრებაში წილის შესახებ გადაწყვეტენ სასამართლო ორგანოები ოჯახის ნებისმიერი წევრის სარჩელის მიხედვით.
31. ინვალიდების მიერ უფასოდ მიღებული მათი გარდაცვალების შემდეგ ოჯახის საკუთრებაში დარჩენილი ავტომობილების ან მოტოეტლების გაყიდვა, ჩუქება, ანდერძით დატოვება და სხვა ხორცილდება კანონით დადგენილი წესის შესაბამისად.
ავტომობილების ან მოტოეტლების რეალიზაციისათვის სოციალური უზრუნველყოფის ორგანოების ნებართვა საჭირო არ არის.
32. თუ გარდაცვლილ ინვალიდებს, რომლებმაც უფასოდ მიიღეს ავტომობილები ან მოტოეტლები, ოჯახი არა ჰყავთ, ამ ავტომობილებს და მოტოეტლებს სოციალური უზრუნველყოფის ორგანოები ჩამოართმევენ სარეალიზაციოდ დადგენილი წესით.
33. ნაღდ ანგარიშზე შეძენილი ხელით სამართავი ავტომობილები და მოტოეტლები, ფასდაკლებით შეღავათიან პირობებში შეძენილი ავტომობილები და მოტოეტლები ინვალიდთა გარდაცვალების შემდეგ მემკვიდრეებს დარჩებათ კანონით დადგენილი წესით.
34. ხელით სამართავი ავტომობილის ან მოტოეტლის შემძენ ინვალიდთა სააღრიცხვო საქმეები მუდმივად უნდა ინახებოდეს სოციალური უზრუნველყოფის იმ ორგანოში, რომელმაც სატრანსპორტო საშუალება გასცა. ინვალიდთა გარდაცვალების შემთხვევაში სატრანსპორტო საშუალებათა მისაღებად ინვალიდთა სააღრიცხვო საქმეები ჩაბარდება არქივს და უნდა ინახებოდეს ხუთი წლის განმავლობაში.
35. დოკუმენტების განზრახ არასწორად გაფორმებისა და ხელით სამართავი ავტომობილის ან მოტოეტლის უკანონოდ მიცემისათვის დამნაშავეებს დაეკისრებათ პასუხისმგებლობა დადგენილი წესით.
სოციალური უზრუნველყოფის ინსტრუქციის დანართი № 1
განყოფილება აქტი შემოწმებისა
______________________________ ხელით სამართავი ავტომობილის ან
(რაიონის, ქალაქის დასახელება) მოტოეტლის მიღების სამედიცინო
საექიმო-შრომითი საექსპერტო ჩვენებებისა და მათი ტარების
კომისია ვარგისიანობის განსაზღვრისათვის
_____________________________ 19 ______ წლის „ “ _______________
(სარაიონო, სარაიონთაშორისო,
საქალაქო)
ფოტოსურათის
ადგილი
გვარი, სახელი, მამის სახელი ___________________________________________
საცხოვრებელი ადგილის მისამართი ____________________________________
დაბადების წელი ______________________________________________________
ინვალიდობის ჯგუფი _________________________________________________
ინვალიდობის მიზეზი _________________________________________________
დაავადების დიაგნოზი _________________________________________________
_______________________________________________________________________
მოწმდება პირველად, განმეორებით (ხაზი გაესვას)
კომისიის დასკვნა
სსრ კავშირის ჯანმრთელობის დაცვის სამინისტროს მიერ სსრ კავშირის სახელმწიფო საგეგმო კომიტეტთან შეთანხმებით 19 _____ წლის „ “ _______ დამტკიცებული სამედიცინო ჩვენებათა ნუსხის თანახმად უფლება აქვს მიიღოს _______________ აღნიშნული ნუსხის _________________________ პუნქტის მიხედვით
ვარგისია _____________________________________________________________________
(აღინიშნოს ხელით სამართავი ავტომობილის თუ მხოლოდ მოტოეტლისა)
მართვისათვის
საექიმო-შრომითი საექსპორტო
კომისიის თავმჯდომარე
_____________________________
(ხელმოწერა)
წევრები:
(ბეჭდის ადგილი)
თარიღი
დაწვრილებითი ობიექტური მონაცემები (შეივსება სპეციალისტების მიერ) რენტგენოლოგიური, ლაბორატორიული და სხვა გამოკვლევები თან დაერთვის აქტს
დასკვნა
ექიმის ხელმოწერა
ქირურგი
თერაპევტი
ნევროპათოლოგი
ფსიქიატრი
ოტორინოლარინგოლოგი
ოკულისტი
დიაგნოზი: __________________________________________________________
_______________________________________________________________________
_______________________________________________________________________
საექიმო-შრომითი საექსპორტო ინსტრუქციის დანართი № 2
კომისია მოქმედების ვადა – 2 წელი
__________________________ სოციალური უზრუნველყოფის განყოფილება
__________________________ __________________________________________
(სარაიონო, სარაიონთაშორისო საქალაქო) (რაიონის, ქალაქის დასახელება)
ცნობა
შემოწმების აქტისათვის
№ _____________________________________
გვარი, სახელი მამის სახელი __________________
_____________________________________________
საცხოვრებელი ადგილის მისამართი __________________________
_____________________________________________________________
დაბადების წელი _____________________________________________
ინვალიდობის ჯგუფი ________________________________________
______________________________________________
ინვალიდობის მიზეზი ______________________________
___________________________________________________
შემოწმდა საექიმო-შრომით საექსპორტო კომისიაში 19 ____ წლის „_____“ _____ შემოწმების შედეგად ცნობილ იქნა ვარგისად _______________________________________________________________________
(აღინიშნოს ხელით სამართავი ავტომობილის თუ მხოლოდ მოტოეტლისა)
მართვისათვის.
საექიმო-შრომითი საექსპერტო კომისიის თავმჯდომარე
______________________________________
(ხელმოწერა)
დანართი № 2
ამონაწერი საექიმო-შრომით საექსპორტო კომისიაში აქტიდან
__________________________________________________________
შემოწმების აქტისათვის № ________________
ეგზავნება სახალხო დეპუტატთა რაიონული (საქალაქო) საბჭოს აღმასკომის სოციალური უზრუნველყოფის განყოფილებას _______________________________
(რაიონის, ქალაქის დასახელება)
საექიმო-შრომითი საექსპერტო კომისიის მიერ
გვარი, სახელი, მამის სახელი ___________________________________________
დაბადების წელი ______________________________________________________
საცხოვრებელი ადგილის მისამართი _____________________________________
ინვალიდობის ჯგუფი __________________________________________________
(სიტყვებით)
ინვალიდობის მიზეზი _________________________________________________
(სიტყვებით)
გაიარა შემოწმება სატრანსპორტო საშუალებათა მისაღებად
19 ______ წლის „ “ _________________________________
ამონაწერის მოქმედების ვადა ________ 2 წელი
დანართი № 2
დიაგნოზი
__________________________________________________________________________
__________________________________________________________________________
__________________________________________________________________________
__________________________________________________________________________
საექიმი-შრომითი საექსპერტო კომისიის
დასკვნა
სსრ კავშირის ჯანმრთელობის დაცვის სამინისტროს მიერ სსრ კავშირის სახელწმიფო საგეგმო კომიტეტთან შეთანხმებით 19 ______ წლის „ “ ______ დამტკიცებული სამედიცინო ჩვენებების ნუსხის თანახმად უფლება აქვს მიიღოს ___________________ აღნიშნული ნუსხის _________________ პუნქტის მიხედვით
ვარგისია ____________________________________________________________მართვისათვის.
(აღინიშნოს ხელით სამართავი ავტომობილის თუ მხოლოდ მოტოეტლისა)
საექიმო – შრომითი საექსპერტო კომისიის თავმჯდომარე ________________________________
(ხელმოწერა)
წევრები:
(ბეჭდის ადგილი)
ინსტრუქციის დანართი № 3
___________________________________ რაიონის (ქალაქის) სოციალური უზრუნველყოფის განყოფილება __________________________________________________________________________
__________________________________________________________________________
(აღინიშნოს ინვალიდობის კატეგორია)
ინვალიდ ___________________________________________________________________________
(გვარი, სახელი, ინვალიდობის კატეგორია)
განცხადება
გთხოვთ უზრუნველმყოთ ____________________________________________
_____________________________________________________________________
_____________________________________________________________________
(აღინიშნოს ხელით სამართავი ავტომობილი თუ მოტოეტლი, აგრეთვე აღნიშნული ტრანსპორტით უზრუნველყოფის პირობები)
მე განმემარტა, რომ მოქმედი დებულების შესაბამისად შემიძლია მქონდეს მხოლოდ ერთი სახეობის სატრანსპორტო საშუალება – ხელით სამართავი ავტომობილი ან მოტოეტლი.
გაცნობებთ, რომ მე _______________________________________________________
___________________________________________________________________________
___________________________________________________________________________
(აღენიშნოს, აქვს თუ არა სარგებლობაში სოციალური უზრუნველყოფის ორგანოების მეშვეობით მიღებული
სატრანსპორტო საშუალება)
_____________________________________
(ხელმოწერა)
19 _____ წლის „ “ _______________________________
განცხადება რეგისტრირებულია 19______ წლის „ “ _______________________________
სააღრიცხვო ჟურნალში № ________________________
სოციალური უზრუნველყოფის რაიონული (საქალაქო)
განყოფილების ინსპექტორი
____________________________
(ხელმოწერა)
ინსტრუქციის დანართი № 3
_______________________ რაიონის (ქალაქის) სოციალური უზრუნველყოფის
განყოფილებას __________________________________________________
_________________________________________________________________
(აღინიშნოს ინვალიდობის კატეგორია)
ინვალიდ __________________________________________________________
(გვარი, სახელი, მამის სახელი)
განცხადება
გთხოვთ უზრუნველყოთ ________________________________________________
_________________________________________________________________________
________________________________________________________________________
(აღინიშნოს ხელით სამართავი ავტომობილი თუ მოტოეტლი, აგრეთვე აღნიშნული ტრანსპორტით უზრუნველყოფის პირობები)
მე განმემარტა, რომ მოქმედი დებულების შესაბამისად შემიძლია მქონდეს მხოლოდ ერთი სახეობის სატრანსპორტო საშუალება – ხელით სამართავი ავტომობილი ან მოტოეტლი.
გაცნობებთ, რომ მე _______________________________________________________
________________________________________________________________________
________________________________________________________________________
(აღენიშნოს, აქვს თუ არა სარგებლობაში სოციალური უზრუნველყოფის ორგანოების მეშვეობით მიღებული სატრანსპორტო საშუალება)
_________________________________
(ხელმოწერა)
19 _______ წლის „ “ _____________________
განცხადება რეგისტრირებულია 19 ______ წლის „ “ _____________________
სააღრიცხვო ჟურნალში № ________________________________
სოციალური უზრუნველყოფის რაიონული (საქალაქო) განყოფილების ინსპექტორი
________________________________
(ხელმოწერა)
ინსტრუქციის დანართი № 4
ჟურნალი
ხელით სამართავი ავტომობილის ან მოტოეტლის მისაღებად ინვალიდთა განცხადებების რეგისტრაციისა __________ სოციალური უზრუნველყოფის რაიონული (საქალაქო) განყოფილებაში
განცხადების შეტანის თარიღი
გვარი, სახელი, მამის სახელი
საცხოვრებელი ადგილის მისამართი
ინვალიდობის ჯგუფი და მიზეზი, საპენსიო საქმის №
სამკურნალო-პროფილაქტიკური დაწესებულებაში გაგზავნის თარიღი
აღნიშვნა ტრანსპორტის მიღების ან უარის შესახებ
ინსტრუქციის დანართი № 5
ჟურნალი
ხელით სამართავი ავტომობილის ან მოტოეტლის მისაღებად ინვალიდთა აღრიცხვისა
გვარი, სახელი მამის სახელი
საქმის №
აღრიცხვაზე აყვანის თარიღი
ბინის მისამართი
აღნიშვნა სატრანსპორტო საშუალების გაცემაზე ნებართვის შესახებ
სატრანსპორტო საშუალების გაცემის თარიღი
ინსტრუქციის დანართი № 6
______________________________________________________________________
_______________________________________________________________________
________________________________________________________________________
სახალხო დეპუტატთა საბჭოს აღმასკომის სოციალური უზრუნველყოფის განყოფილება
სატრანსპორტო საშუალების სახეობა
საქმე № ________________________
ინვალიდისა ხელით სამართავი ავტომობილის ან მოტოეტლის მისაღებად (საჭიროს ხაზის გეასვას)
_____________________________________________________________________________
გვარი, სახელი, მამის სახელი __________________________________________________
საცხოვრებელი ადგილის მისამართი ___________________________________________
_____________________________________________________________________________
19 _______ წ.
სოციალური უზრუნველყოფის ინსტრუქციის დანართი № 7
განყოფილების შტამპი საქართველოს სსრ სოციალური
უზრუნველყოფის სამინისტრო
შეტყობინება
ხელით სამართავი ავტომობილის ან მოტოეტლის მიცემის შესახებ
(საჭიროს ხაზი გაესვას)
1. გვარი, სახელი, მამის სახელი ___________________________________________________
2. დაბადების წელი ______________________________________________________________
3. საცხოვრებელი ადგილის მისამართი ____________________________________________
4. მიღებული პენსიის სახეობა ____________________________________________________
________________________________________________________________________________
5. სატრანსპორტო საშუალების მიცემის თარიღი და მისი სახეობა ____________________
________________________________________________________________________________
6. სატრანსპორტო საშუალების მიცემის პირობები __________________________________
ბეჭდის ადგილი
სოციალური უზრუნველყოფის განყოფილების გამგის ხელმოწერა:
ეს შეტყობინება ჩაიკერება საპენსიო საქმეში და აღინიშნება პირად ანგარიშში
საქართველოს სსრ ინსტრუქციის დანართი № 8
სოცუზრუნველყოფის სამინისტრო სოცუზრუნველყოფის რაიონული
„_____“ _______________________ 199 წ. (საქალაქო) განყოფილების გამგეს
ქ. თბილისი, აკ. წერეთლის გამზ., 144 ასლი: რუსთავის საგარანტიო სადგურის
ტელეფონი: 34-88-87 უფროსს
სოციალური უზრუნველყოფის სამინისტრომ თქვენს მიერ წარმოდგენილი შეტყობინების მიხედვით გამოგიყოთ სამამულო ომის (შრომის, ბავშვობიდან) ინვალიდებზე გასაცემად უფასო (ნაღდ ანგარიშზე შეღავათიან ფასში) მსუბუქი ავტომობილის ფონდი:
№ მანქანის მოდელი
შასის №
სატრანსპორტო საშუალების ღირებულება
ომის ინვალიდი ვალდებულია სოციალური უზრუნველყოფის განყოფილებაში წარმოადგინოს ინვალიდზე რიცხული ავტომობილის „ვტორჩერმეტში“ ჩაბარების აქტი, ფ. № 9, ან ცნობა სავაჭრო ორგანიზაციიდან, რომ ინვალიდდისაგან სარეალიზაციოდ მიღებულია ავტომობილი.
ამის შემდეგ ინვალიდს მიეცემა აღმასკომის თავმჯდომარის, ან მისი მოადგილის მიერ ხელმოწერილი და ბეჭდით დამოწმებული განკარგულება ავტომობილ „ზაპოროჟეცის“ საგარანტიო სადგურის ხელმძღვანელობისადმი.
თუ ინვალიდს ჯანმრთელობის მდგომარეობის გამო არ შეუძლია გამოცხადდეს ავტომობილის მისაღებად, იგი 3 ეგზემპლარი მინდობილობით გააგზავნის ბაზაში სხვა პირს, რომელსაც აქვს მართვის უფლება. თუ ინვალიდმა რაიმე მიზეზის გამო ვერ შეძლო ავტომობილის გაყვანა 30 დღეში, სოცუზრუნველყოფის განყოფილება ვალდებულია ამის შესახებ შეატყობინოს სამინისტროს შესაბამისი რეაგირებისა და მანქანების ფონდის სხვა რაიონის სოცუზრუნველყოფის განყოფილებისათვის გადასაცემად.
ამასთან ერთად ავტომობილ „ზაპოროჟეცის“ საგარანტიო სადგურის ხელძღვანელობას ვთხოვთ ავტომობილი გასცეს მხოლოდ აღმასკომის თავმჯდომარის ან მისი მოადგილის განკარგულების საფუძველზე და ავტომობილის მიღება-ჩაბარების აქტის ერთი ეგზემპლარი 5 დღის ვადაში გამოუგზავნოს სოციალური უზრუნველყოფის განყოფილებას.
სოციალური უზრუნველყოფის
განყოფილების უფროსი