2020 − 2023 წლების ჯანმრთელობის დაცვის სახელმწიფო პროგრამების ფარგლებში დაკისრებული საჯარიმო სანქციებისგან სამედიცინო დაწესებულებების გათავისუფლების შესახებ

✨ ჰკითხე AI-ს ამ კანონის შესახებ

საქართველოს მთავრობის დადგენილება მოქმედი ჯანდაცვა ჯანმრთელობა

მიღების თარიღი

01.05.2025

გამომცემი ორგანო

საქართველოს მთავრობა

ნომერი

№136

სარეგისტრაციო კოდი

470000000.10.003.025027

გამოქვეყნების წყარო

matsne.gov.ge , 02/05/2025

🧬 მსგავსი 10

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს მთავრობის

დადგენილება №136

2025 წლის 1 მაისი

ქ. თბილისი

2020 − 2023 წლების ჯანმრთელობის დაცვის სახელმწიფო პროგრამების ფარგლებში დაკისრებული საჯარიმო სანქციებისგან სამედიცინო დაწესებულებების გათავისუფლების შესახებ

მუხლი 1

1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ვ“, „თ“, „ი“ და „ლ“ ქვეპუნქტების შესაბამისად, „2020 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2019 წლის 31 დეკემბრის №674 დადგენილებით დამტკიცებული პროგრამებით, „2021 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2020 წლის 31 დეკემბრის №828 დადგენილებით დამტკიცებული პროგრამებით, „2022 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2022 წლის 12 იანვრის №4 დადგენილებით დამტკიცებული პროგრამებითა და „2023 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2022 წლის 30 დეკემბრის №609 დადგენილებით დამტკიცებული პროგრამებით (შემდგომში − სახელმწიფო პროგრამები) განსაზღვრული ვალდებულებების შესრულებაზე ახალი კორონავირუსული დაავადების − COVID 19-ის მართვასთან დაკავშირებული სირთულეების შესაძლო გავლენის გათვალისწინებით, ამავე დადგენილებებით დამტკიცებული სახელმწიფო პროგრამების მიმწოდებელი სამედიცინო დაწესებულებები ერთჯერადად გათავისუფლდნენ რევიზიის ან/და კონტროლის შედეგად სახელმწიფო პროგრამების 22-ე მუხლის შესაბამისად საჯარიმო სანქციის სახით დაკისრებული უკვე ანაზღაურებული შემთხვევისას თანხის უკან დაბრუნების, აგრეთვე დამატებითი ფინანსური ჯარიმის იმ ნაწილის 75%-ის გადახდის ვალდებულებისგან, რომელიც ამ დადგენილების ამოქმედების დროისთვის არ არის აღსრულებული.

2. ამ მუხლის პირველი პუნქტი მოქმედებს, თუ პროგრამის მიმწოდებელი სამედიცინო დაწესებულება ამ დადგენილების ამოქმედებიდან არაუგვიანეს 60 კალენდარული დღისა:

ა) აანაზღაურებს უკვე ანაზღაურებული შემთხვევისას უკან დასაბრუნებელი თანხის, აგრეთვე დამატებითი ფინანსური ჯარიმის სახით დაკისრებული თანხის 25%-ს ან მიმწოდებელი და განმახორციელებელი შეთანხმდებიან აღნიშნული ვალდებულების არაუმეტეს 12 თვის ვადაში განაწილვადებით შესრულების პირობებზე;

ბ) შეწყვეტს სახელმწიფო პროგრამების 22-ე მუხლის შესაბამისად საჯარიმო სანქციის სახით დაკისრებული უკვე ანაზღაურებული შემთხვევისას თანხის უკან დაბრუნების, აგრეთვე დამატებითი ფინანსური ჯარიმის დაკისრების საფუძველზე ან/და მათთან დაკავშირებით განმახორციელებელთან ან პროგრამის ადმინისტრირების ორგანოსთან მიმდინარე ნებისმიერ ადმინისტრაციულ წარმოებას ან/და სასამართლო დავას.

3. ამ მუხლის მე-2 პუნქტით განსაზღვრულ ვადებში ამავე პუნქტით გათვალისწინებული პირობების შეუსრულებლობის შემთხვევაში, სამედიცინო დაწესებულებებისთვის სახელმწიფო პროგრამების 22-ე მუხლის შესაბამისად საჯარიმო სანქციის სახით დაკისრებული უკვე ანაზღაურებული შემთხვევისას თანხის უკან დაბრუნების, აგრეთვე დამატებითი ფინანსური ჯარიმის სრული ოდენობით გადახდის ადმინისტრირება გაგრძელდება კანონმდებლობით დადგენილი ზოგადი წესით.

4. ამ მუხლის პირველი პუნქტის პირობა ასევე გავრცელდება მასში მითითებულ სარევიზიო/საკონტროლო პერიოდებზე ამ დადგენილების ამოქმედების შემდეგ სახელმწიფო პროგრამების ფარგლებში დაკისრებულ, უკვე ანაზღაურებული შემთხვევისას უკან დასაბრუნებელ თანხებზე, აგრეთვე დამატებით ფინანსურ ჯარიმებზე, თუ მიმწოდებელი შესაბამისი ადმინისტრაციულ-სამართლებრივი აქტის გაცნობიდან 60 კალენდარული დღის ვადაში გადაიხდის ჯამური ვალდებულების 25%-ს ან მიმწოდებელი და განმახორციელებელი შეთანხმდებიან ამავე აქტით განსაზღვრული ვალდებულების 25%-ის არაუმეტეს 12 თვეში განაწილვადებით შესრულების პირობებზე.

5. ამ მუხლის მე-2 პუნქტის „ა“ ქვეპუნქტითა და მე-4 პუნქტით გათვალისწინებული განაწილვადების პირობები განისაზღვრება სახელმწიფო პროგრამების მიმწოდებელ სამედიცინო დაწესებულებასა და განმახორციელებელს შორის გაფორმებული წერილობითი შეთანხმების საფუძველზე.

6. სახელმწიფოს 100%-იანი წილობრივი მონაწილეობით დაფუძნებული/მართვაში მყოფი სახელმწიფო პროგრამების მიმწოდებელი სამედიცინო დაწესებულებები და მუნიციპალური საზოგადოებრივი ჯანდაცვის ცენტრები სრულად თავისუფლდებიან ამ მუხლის პირველი პუნქტით გათვალისწინებული რევიზიის ან/და კონტროლის შედეგად სახელმწიფო პროგრამების 22-ე მუხლის შესაბამისად საჯარიმო სანქციის სახით დაკისრებული უკვე ანაზღაურებული შემთხვევისას თანხის უკან დაბრუნების, აგრეთვე დამატებითი ფინანსური ჯარიმის იმ ნაწილის გადახდის ვალდებულებისგან, რომელიც ამ დადგენილების ამოქმედების დროისთვის არ არის აღსრულებული.

7. ამ დადგენილების აღსრულების მიზნით, სახელმწიფო პროგრამების ადმინისტრირებაში მონაწილე სახელმწიფო დაწესებულებებმა უზრუნველყონ შესაბამისი ღონისძიებების განხორციელება.

მუხლი 2

დადგენილება ამოქმედდეს 2025 წლის 1 ივნისიდან.

პრემიერ-მინისტრი		ირაკლი კობახიძე

ხშირად დასმული კითხვები

მოქმედებს თუ არა „2020 − 2023 წლების ჯანმრთელობის დაცვის სახელმწიფო პროგრამების ფარგლებში დაკისრებული საჯარიმო სანქციებისგან სამედიცინო დაწესებულებების გათავისუფლების შესახებ“?: დიახ, საქართველოს მთავრობის დადგენილება „2020 − 2023 წლების ჯანმრთელობის დაცვის სახელმწიფო პროგრამების ფარგლებში დაკისრებული საჯარიმო სანქციებისგან სამედიცინო დაწესებულებების გათავისუფლების შესახებ“ ამჟამად ძალაშია. ბოლო კონსოლიდირებული რედაქცია — 01.05.2025.
როდის იქნა მიღებული „2020 − 2023 წლების ჯანმრთელობის დაცვის სახელმწიფო პროგრამების ფარგლებში დაკისრებული საჯარიმო სანქციებისგან სამედიცინო დაწესებულებების გათავისუფლების შესახებ“?: „2020 − 2023 წლების ჯანმრთელობის დაცვის სახელმწიფო პროგრამების ფარგლებში დაკისრებული საჯარიმო სანქციებისგან სამედიცინო დაწესებულებების გათავისუფლების შესახებ“ მიღებულია 01.05.2025. მიმღები ორგანო — საქართველოს მთავრობა. დოკუმენტის ნომერი — №136. სარეგისტრაციო კოდი — 470000000.10.003.025027.
რამდენი მუხლისგან შედგება „2020 − 2023 წლების ჯანმრთელობის დაცვის სახელმწიფო პროგრამების ფარგლებში დაკისრებული საჯარიმო სანქციებისგან სამედიცინო დაწესებულებების გათავისუფლების შესახებ“?: დოკუმენტი შედგება 2 მუხლისგან. თითოეული მუხლი ხელმისაწვდომია ცალკე ბმულით.
სად არის „2020 − 2023 წლების ჯანმრთელობის დაცვის სახელმწიფო პროგრამების ფარგლებში დაკისრებული საჯარიმო სანქციებისგან სამედიცინო დაწესებულებების გათავისუფლების შესახებ“-ის ოფიციალური ტექსტი?: ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 01.05.2025 მდგომარეობით.

როგორ დავიმოწმოთ

საქართველოს მთავრობის დადგენილება „2020 − 2023 წლების ჯანმრთელობის დაცვის სახელმწიფო პროგრამების ფარგლებში დაკისრებული საჯარიმო სანქციებისგან სამედიცინო დაწესებულებების გათავისუფლების შესახებ“, №136, 01.05.2025, სარეგისტრაციო კოდი 470000000.10.003.025027 (კონსოლიდირებული რედაქცია 01.05.2025). ხელმისაწვდომია: https://legali.ge/law/6488425/